媽咪雞蛋仔 (Closed)

是期待已久的伯爵茶味雞蛋仔等了差不多廿分鐘...不過等待是值得的雞蛋仔外脆內軟份量十足又不會過份地空心而且茶味也夠濃好味.雞蛋仔還是這間好吃啊期待下一次再有新口味推出

媽咪雞蛋仔真是由細吃到大，由當日的原味、朱古力同白芝麻，食到媽咪您桃李滿門，味道五花八門般的，真是「我的驕傲」。老老實實，俾著以前的我，早就不再燒顧那紅透的媽，因為覺得越連鎖，越不濟，但今次真要讚媽咪「管教得宜」。話說是次試下新野，食下「黃金雞蛋仔」，實際即是鹹蛋黃雞蛋仔。我好少食呢個味，一食都係筲箕灣高手度吃，冇乜食其他店，是次真是有股突如其來的念頭想吃！但是真的不差唷。首次粒粒都「唔多蛋黃」，但粒粒都有，真心唔係多就大哂，它呢份份量適中，有蛋黃味又有返雞蛋仔應有的質感，外脆內軟，半有蛋糕的密度，那就是最好的比例，加上雞蛋仔本身的牛油蛋香都同以前相差不同，雙重蛋香四溢！所以話「世上只有」媽咪好希望你們繼續Keep住啦

雞蛋仔稱得上係港式小食三甲之內，要做出一底好食嘅雞蛋仔，絕對唔係人人曉，能夠連續三年係米之蓮上磅，功力絕對唔需要質疑👍🏽由排隊落單到拎雞蛋仔大概等左20分鐘，期間人流絡繹不絕（自由行🤡），把窄窄的加拿分道完全堵塞😂 ✅ 抹茶雞蛋仔：新鮮出爐嘅雞蛋仔脹卜卜脆扑扑，滅出嚟每一舊結結實實，仲有港女最愛嘅抹茶香味🥺 但係個人認為假如吹風嘅時間長多少少，應該會更加香脆！—————————— 食物質素：7.5/10 環境衛生：N/A舒適度：N/A 服務：N/A 性價比：7/10 總評分：7.3/10 —————————— #foodblogger #foodlover #foodie #hkfoodie #相機食先 #尖沙咀

今日去旺角行街，當然唔小得掃街呢個環節，見到呢間賣雞蛋仔有好多人排隊又有少米芝連推介就心動要試下門口已經放晒圖話你知有咩味道揀，果然多到唔知點揀好最特別係佢有好多味出面都食唔到，仲可以加雪糕，變化夠多最後我揀左抹茶紅豆味一試，買完見到仲要等19個號碼，大約等左差不多二十分鐘先拎到，人咁多20分鐘都唔算太耐，拎上手都係熱辣辣可能對佢期望有點大，以為會有好特別既味道，覺得都係普雞蛋仔加左抹茶味，外層唔算好脆，裏面食落軟而且有紅豆味配合，可能烘既時間不足，未能夠完全發揮到雞蛋仔既香味，$29呢個價錢相比唔算平，但勝在味道選擇夠多，但如果要等咁耐未必會有下次

好耐無食過雞蛋仔 今日黎開tst又未到晚飯時間 決定同朋友share 1個雞蛋仔 解下對雞蛋仔相思之苦本身想食原味 但可能星期日太旺場的關係 原味售罄了 但又想不吃太甜的朱古力口味 店員就介紹了新出的伯爵茶口味茶控的我 當然要試下 Twinings 伯爵茶雞蛋仔 聞落有淡淡的茶味 🍵食落外脆內軟 有伯爵茶口味 有點驚為天人的感覺 但可能因為茶味較濃 遮蓋左雞蛋的味道 但不喜甜的朋友可以一試 相信我下次都會encore再試下加上朱古力味 睇下層次係咪更豐富

今日係尖沙咀交收完有少少肚餓，所以見到咁多人排隊就黎趁下熱鬧先，哦，原來係媽咪雞蛋仔！佢連續3年拎左米芝蓮推介街頭小食，唔怪之得特別多人（特別是內地人）黎朝聖！我就買左一底原味雞蛋仔$20，之後比完$就會有張飛仔，等叫號碼！所有雞蛋仔都即叫即整，所以我等左15分鐘左右終於叫到我個number 啦！熱辣辣脆卜卜，特別係個邊邊超級脆口，而每粒雞蛋仔都好多蛋肉，好鬆軟既口感！食完一粒又一粒，真係食唔停口，果然係原味比較好味道！唔怪之得咁多人排隊都要食一下香港🇭🇰特色既雞蛋仔！👍😋✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

尖沙咀店超多人 第一次連原味都賣完 好誇張！ 見到新口味就試下 Twining伯爵茶 等咗40分鐘 終於到我啦！今日連朱古力和黃金鹹蛋雞蛋仔都無 唔知係因為無貨定太好賣！伯爵茶另一個配撘係伯爵茶朱古力！ 聞落好香茶味 由表面睇到有茶葉碎！依舊外脆內軟 後勁有Twining伯爵茶 特有嘅淡淡薄荷香！一啲都不甜膩 好似飲緊茶咁！都值得一試 香濃 係愛茶之人會中意🔶$28———————————————————📍尖沙咀加拿分道 8-12號

媽咪雞蛋仔一向都係香港頭3位我最鐘意食既雞蛋仔店之一，一向都叫原味食。😬.今次就試下其他，叫左紫菜粟米。未食都覺得幾吸引，一令上手...好油...😨味道就咸左少少...🙄不過真係油🤭，破壞左最優勝之處既外脆內軟...有少少失望..😕入面被油浸到淋左....終於明白咩叫simple is the best,下次都係叫番原味好了🙂 原味係好食架👍🏻.foodiebuddy18 .環境🎖🎖衛生🎖🎖🎖人手🎖🎖🎖食物質素🎖🎖禮貌🎖🎖🎖選擇🎖🎖🎖送菜速度🎖🎖座位數量 0攝影環境🎖.5🎖為滿分.～$33

以前買開雞蛋仔。。一係買街邊檔、一係就會買北角雞蛋仔。。但係試過媽咪雞蛋仔之後！就成為咗佢嘅忠實粉絲！好難做到皮脆內軟的雞蛋仔！凍左依然唔會硬！雖然長期都好多人排隊！但真係值得一試。。再試！！😋😋😋😋

呢日食完飯經過尖沙咀講開話想食雞蛋仔，朋友話附近有間叫媽咪雞蛋仔好好食好出名所以走咗嚟試吓，媽咪雞蛋仔呢個名好親切，我揀咗伯爵茶朱古力味 見呢個味幾受歡迎幾特別，我哋去嗰陣時九點幾都唔係好多人等左一陣就已經整好，等嘅時候已經聞到好香雞蛋仔味，雞蛋仔整到外面好脆卜卜裏面又熱食落又有口感，都食到有伯爵茶同朱古力味，食咗第一粒就停唔到口係咁食哈哈😋，我食過好多間雞蛋仔呢間算係數一數二好食，因為唔係咁多間店可以整到雞蛋仔咁脆，甜味又啱啱好，真係值得一試！

心血來潮好想食雞蛋仔!!!! 平時最憎要排隊，但為左雞蛋仔，我今次ok. 去到已經見到好多人等緊。勁多遊客。好多味道選擇，心大心細，最後叫左個原味($22) 同Double Cheese ($35) . 究竟幾時開始雞蛋仔要成廿幾三十蚊一底，真心唔平。落單後等左15分鐘到。原味偏甜，個Double Cheese 要食多幾粒先dap到個芝士味。新鮮熱辣整出黎唔會差得去邊，都外脆內軟。可以一試！

媽咪雞蛋仔其實從紅磡開始已經幾鍾意食， 當時鋪頭細細，仲記得門外有一個好大嘅雞蛋仔公仔，好得意而且都好多人排隊。之後已經越開越多分店，今日嚟到尖沙咀見到就想食返個雞蛋仔。呢度d雞蛋仔越出越多味道，但係我都係鍾情於朱古力粒粒雞蛋仔唔知係咪尖沙咀比較多遊客，大概等咗成十五分鐘以上先至有得食 。講返雞蛋仔整得好香脆，粒粒都脆好犀利。每一粒都有朱古力餡，而且朱古力嘅味道非常香濃，唔係牛奶朱古力，似係黑朱古力，真係好食。雖然要二十幾蚊，但係真係好味

有日係尖沙咀食完飯之後朋友提議食呢間既雞蛋仔，因為秋冬出左隻限定款—栗子雞蛋仔。下午大既2點幾，估吾到都幾多人，已經有條人龍。栗子雞蛋仔一底32蚊，都算幾貴，但見限定同朋友話好食就試下啦。我地落左單之後，係附近行左一陣先番黎攞，總共等大概15分鐘度。個熱蛋仔熱辣辣又超香，我地即刻趁熱食，點知第一粒雞蛋仔係無栗子、第二粒都無、第三粒都無....外圍既頭一層基本都無栗子，第二層開始有，最後其實差吾多得一半既雞蛋仔係有栗子。但有栗子既雞蛋仔真係超好食，同個雞蛋仔既餅皮好襯。雖然好食，但都幾滯，兩個人食都覺得幾飽。朋友係銅鑼灣既分店食過，話係粒粒都有栗子，所以覺得尖沙咀呢間吾係咁足料。我下次都會幫襯其他分店。

今次已經係第二次嚟到尖沙咀呢一間媽咪雞蛋仔，上次嚟嘅時候，因為太多人排隊要等45分鐘，所以就走左冇食到，今次平日下晝，冇咁多人（但其實都好多人排隊同要等十幾分鐘😂），就買咗個有機栗子雞蛋仔（$32）。其實今次係第二次試呢隻味嘅雞蛋仔，第一次係喺銅鑼灣嘅媽咪雞蛋仔嗰度食，銅鑼灣個間嘅栗子味雞蛋仔，用料十足，粒粒雞蛋仔都有成粒栗子包喺裏面，令人食過返尋味，所以今次都叫咗栗子味在回味一下。有對比果然有傷害，尖沙咀呢間嘅栗子味雞蛋仔，並唔係全部雞蛋仔裏面都有栗子，最少有三份一份雞蛋仔係冇栗子餡料，令我有少少失望。撇除呢樣，因為係連鎖式經營，所以間間媽咪雞蛋仔嘅味道都係差唔多，都係好好食，外脆內軟！（但個人比較推薦銅鑼灣嗰間，用料十足之餘又唔需要排好耐。）

開到港九新界都有分店嘅「媽咪雞蛋仔」， 榮獲多年嘅米芝蓮街頭小食推介，至今仍人氣十足！ 今次小編order之後等左60mins先食到， 雖然真係等好耐， 但食物水準仲得以保持喔！😳 媽咪雞蛋仔有超過十多種口味的雞蛋仔， 除了原味外， 還有粒粒朱古力、抹茶、咖啡、白芝麻、芝士🧀等口味，可謂花樣百出， 秋冬新品還推出了紫薯和栗子口味呢！🍂 不過我對秋冬系列都無特別喜好， 未食正餐嘅我想食下咸味， 就買了一底肉鬆白芝麻雞蛋仔（$30） 即叫即整嘅雞蛋仔，拎上手仲係微暖， 外皮烤得香脆，裡面又保持鬆軟豐厚嘅口感， 咸香嘅肉鬆配上香口嘅白芝麻， 微微地滲透出蛋香，層次感十足！👍🏾