媽咪雞蛋仔

Open Now

Now Closed

香港獨有的街頭小食有好多，市面上亦都有唔少同類型食店，能夠突圍而出真係一啲都唔簡單～呢間媽咪雞蛋仔係香港都好多間分店，證明深受香港人歡迎，當然我都唔例外～早前經過聞到香就忍唔住同老公一人一底加食飲品，超級飽肚！佢哋主力都係賣各式口味雞蛋仔，口味都幾創新，宜家佢哋仲提供埋各款特飯，套餐咁買仲化算！原味雞蛋仔 HK$20雞蛋仔我地都比較喜歡原味，買左之後等五分鐘左右就有，即叫即製，保證新鮮熱辣，雞蛋仔外脆內軟，用料十足，蛋香味十足！粒粒朱古力雞蛋仔 HK$25因為我本人比較喜歡食朱古力，於是就選擇左呢個口味，其實同原味無咩大分別，在製作時加入不少朱古力🍫粒～同樣外脆內軟，入面有不少朱古力粒，朱古力味不會搶走蛋味，隻味又幾Balance幾夾！不錯！ 蜜桃🍑梳打 HK$23蜜桃🍑梳打 個蜜桃🍑味唔會太假太甜，梳打氣十足，幾解渴！宇治抹茶牛乳豆花 HK$30老公點呢杯宇治抹茶牛乳豆花好有驚喜，本身無太大期望，但飲落好濃郁嘅抹茶🍵奶味，好香滑～而底下加入啖啖豆花，帶點甜味，同無太多甜味的抹茶奶好夾，齒頰留香！個有好多特別口味，行過會再encore 呀！

估唔到雞蛋仔我都會讚不絕口！我地叫原味，個皮非常之脆而內裡唔係乾㗎！內裡係軟林林㗎！之後我地又叫左杯鮮檸檬沙冰，呢杯冰簡直係人間極品，啲水係沙狀，而唔係咬到細小冰塊果種，我太愛了！

雞蛋仔係香港歷史悠久嘅懷舊小食，陪伴每個香港人長大，係口痕痕嘅時候食番底雞蛋仔，係不二之選☺️我平時食開嘅都係傳統雞蛋仔，直至有一日朋友買左呢間雞蛋仔拎黎俾我食，我先發覺原來入面加入唔同材料都十分好食，簡直係百搭😂落完單由於係即叫叫整，等大約十分鐘～.✨肉鬆白芝麻雞蛋仔 $29呢款係屬於安全口味，芝麻同肉鬆呢個組合應該擺去邊都唔會輸😂😂由於係即整拎上手熱到出煙，冬天食會好暖心🤩每粒雞蛋仔入面都有適量嘅芝麻同肉鬆，芝麻好香，加上肉鬆係鹹鹹地，將雞蛋仔帶到另一個層次，而且入面係有口感，唔係得個殼，蛋香味亦適中，外層有少少脆～不愧係入咗米芝蓮😋😋唯一缺點係價錢唔算平～但都無損我之後會試更多款口味！

肉鬆白芝麻雞蛋仔🥚經常從不同人的口中聽到要一試媽咪雞蛋仔，之前亦買過原味雞蛋仔，一吃的確没令我失望，除了繼承傳統雞蛋仔的那份外脆內軟、淡淡蛋香，她們的雞蛋仔內層更增添一份綿密口感。今次再遇一於再試其他口味。• 外層仍然保持外脆內軟，肉鬆為內層添加了口感；• 除了蛋香外，還有肉鬆獨有的味道，配合白芝麻的香味，三者份量的比例配合得恰到好處，互相影響；整體來說是個不錯的小吃，可以過下口癮，值得推薦予旅客，更值得期待她們其他創意口味！

今日同朋友在尖東逛逛行街，朋友遠遠見到媽咪雞蛋仔。 佢即時行去説很好吃的，叫我一定要買來試試。 我們選擇了芝麻肉鬆雞蛋仔，付錢後他說要等分鐘才可以。 在等製作期間見到也有看到人購買，而且很多人也是買過的回頭客。 佢哋是即叫即烘，見到落饀料時也夠真材實料，放了很多肉鬆及芝麻在裏面，烘好提取時感覺雞蛋仔也很完整，搣出時薄邊位都是香脆，中間沒有空位。 雖然沒有了雞蛋仔中間那種軟質感，但真材實料也有令人食得好有滿足感。

坊間賣雞蛋仔的食店好多，有如天河繁星朋友帶我來試呢間米芝蓮雞蛋仔。。。來親都要等的試過幾次，分叮食過原粒朱古力雞蛋仔﹑雙皇芝士雞蛋仔﹑原味雞蛋仔和綠茶紅豆雞蛋仔但我最愛的係原粒朱古力雞蛋仔，完成品還有粒粒朱古力在，有濃郁的朱古力味不像其他的朱古力味雞蛋仔只是在粉漿溝了朱古力粉而雙重芝士雞蛋仔則較油，食半底已覺得好飽，如多人share會比較好店還有售金沙醬格仔餅，但要平日先有，下次再去會試下睇下有咩特別

媽咪雞蛋仔分店有很多間，我普遍覺得都ok.可惜前星期係尖東呢間店就真係令我 O晒咀，係離譜到O 咀😤😤基本上食開雞蛋仔既本地人都知好食既雞蛋仔煮得好是外邊脆卜卜，內裡軟熟，金黃色。基本上呢間媽咪雞蛋仔都算合格之上！但尖東，尖東，尖東 呢間超唔ok, 我等了起碼15-20 分鐘，等都唔緊要因為不嬲都知好食等下都ok. 我買原味，店員交給我時，我都心沉一沉，點解是未熟既樣淡白色？？？黑人問號😦😱 我問店員是否未熟，( 心諗好明顯係) 店員說係咁架播。嘩！果一刻真心覺得佢極度不專業，咁都夠膽俾客食，我不是遊客大lulu ,任你吹水😡 我繼續同佢講: 小姐 我未見過你其他分店會有這個質素，竟然淋既雞蛋仔都可以俾客食！！店員再有新藉口，話: 係咁，我們落左油整 所以係咁。我理得你有冇落油，總之就是過份到一個點！我超嬲咁話佢唔好講啦，整成咁仲有藉口！！佢見我咁嬲，就話: 如果我都係不滿意，重新再整個一份給我，但要重新排過，果一刻完全想講粗口lor, 你間野冇水準，俾我發現到就話重新整，又要再排15-30 分鐘，我咪即走，仲等咩😡 點知佢下一底會唔會又落油又有藉口！！總結: 不專業，敗壞連鎖店，雖然

一直都食開原味嘅雞蛋仔，今日試咗宇治抹茶味，食落去又覺得唔錯喎。佢係有少少苦澀味，應該來自抹茶嘅澀味，但咁樣反而中和返雞蛋仔平時嘅甜味，食完之後冇咁濟。宇治抹茶味嘅雞蛋仔真係幾少見，鍾意食新奇味道可以來試下，依度仲有好多得意嘅味道，例如鳳凰卷雞蛋仔、鹹蛋味等等

粒粒朱古力雞蛋仔 $25外脆內軟😋雞蛋仔外皮超級脆，脆到好似食緊餅乾咁但唔會刮口💯內餡質地帶少煙韌，口感層次豐富。就算攤凍左都唔會變淋、變毛巾👏🏻口感唔受影響，唔洗急住食🤣🍫朱古力醬味道唔錯！唔會過甜或好假👍🏻中意食朱古力既我表示收貨朱古力餡分佈平均⚓️每一粒都有朱古力，唔洗擔心一粒有一粒冇！正😋扣分位：欠缺蛋香🥚如果蛋味可以更為突出，哩個雞蛋仔我會比好高分店舖衛生情況良好，打理得井井有條，不錯

男朋友行左去買唐記，我唔岩食靜靜雞走向前睇下有乜好食一直都未試過媽咪雞蛋仔就暗暗決定試下到我比錢個一刻男朋友發現左我 咁係佢唔好彩啦 有人找數嚕我： 一個伯爵茶朱古力味雞蛋仔佢：WHAT其實好多味道我struggle 左好耐好無食原味見到呢個好似幾過癮咪試下囉登登登登果然係出到伯爵茶味，亦都有朱古力味！都ok wor 比左粒個男人食，佢一啲都唔buy雖然個味係ok, 但一個人食晒一底有d 掛下次都係叫反原味

最近發現好多小食都值得寫下食評~所以試下分做一個系列黎寫先~💪首先出場既係媽咪雞蛋仔!呢間店暫時係我心目中既NO.1雞蛋仔店~因為佢顛覆左我對雞蛋仔既感覺，以前我會比較鍾意食格仔餅多D，但媽咪雞蛋仔既創新口味真係令我百吃不厭!😋而家愈開愈多分店，我覺得科學館後面呢間分店算係等候時間最少既分店，上次係K11對面既分店等左成半個鐘都未有得食~今次等左15分鐘度就有新鮮出爐熱辣辣既雞蛋仔食喇!👏最鍾意雞蛋仔即叫即整呢點! 雞蛋仔嘛~當然係新鮮的最好食!出爐後店員會擺係風扇前吹一陣，咁先做到表面脆口既效果。✨今次朋友話想食甜既所以就揀左抹茶朱古力味~食落抹茶味唔算重但勝在粒粒飽滿，朱古力溶化左係每一粒雞蛋仔中間，未去到流心既效果但都食到有朱古力，咬落去見到入面好實心，之後仲食到有一粒成粒都充滿朱古力~唔係街邊買既空氣雞蛋仔咁得個殼。雞蛋仔本身帶有既蛋香+抹茶味+朱古力既甜味，無論作為一個小食定甜品黎食都好滿足!下次再寫下我既最愛口味鳳凰雞蛋仔~😋😋😋

雞蛋仔要整得好食唔易架，要外脆內軟，又要夠蛋香，加上周街都有小食店，要突圍而出確實不易不過媽咪雞蛋仔係唔錯，個個地方都有分店但都keep到水準今次嘅朱古力雞蛋仔除左有以上優點之外，佢嘅朱古力味仲好重，熱辣辣，好好味！大家經過都去食下啦！！

佢地係一間長期排晒隊既明星鋪 -》媽咪雞蛋仔，又拎過米芝蓮小食推介，@@ 到底係咩味道嫁呢😂😂😂.今日叫左個抹茶朱古力雞蛋仔。成29蚊一底😬🙉😬🙉.新鮮熱辣雞蛋仔就多數好食既，佢做到外脆內軟，每粒雞蛋仔都有朱古力之餘仲帶有綠茶香，唔錯👍最怕啲雞蛋仔得個殼一陣風咁😓食完好似無食..#廢青日常 #下午茶佳品

有一晚食唔飽，好唔滿足，突然好想食格仔餅，就決定去加拿分道嘅媽咪雞蛋仔。去到見到大排長龍(估計有二十人等緊)，心情非常低落。喺唔想排咁耐嘅情緒下，本來諗住放棄。好彩朋友好好咁幫我揾，竟然揾到科學館道都有一間。行到去，排隊嘅人比起加拿分道少好多。到我落單時，見到雞蛋仔同格仔餅，仲喺度揀緊食邊樣好，諗住睇邊樣快就叫邊樣。我先問格仔餅，再問雞蛋仔。落單姐姐非常友善，仲話格仔餅同雞蛋仔都係等五分鐘左右，你想食格仔餅就食格仔餅啦。大約等左五分鐘就到手了。格仔餅拎上手，微暖。打開格仔餅，佢地一d都唔吝嗇醬料，超多花生醬，砂糖同煉奶。夾餅唔算熱(可能吹得耐左)，表皮香脆，內裡鬆軟，加埋砂糖，口感very good！

今次係我第一次食媽咪雞蛋仔，咁我就點左一個香蕉味嘅雞蛋仔再加朱古力味嘅雪糕，咁我覺得香蕉味嘅雞蛋仔，香蕉味夠濃，嗰啲雞蛋仔係唔錯㗎，值得推介嘅。但係呢因為我加咗雪糕落去，咁嗰個雞蛋仔會好快畀啲雪糕整凍咗呀，所以我係唔推介加雪糕嘅，咁我下次去食呢都係淨係會食唔同味道嘅雞蛋仔，不加雪糕。