萬發海鮮菜館

Open Now

Now Closed

呢間餐廳一直都好出名，難得約到一班朋友一聚，就揀咗呢間，貪佢可以坐到多啲人😆薯仔牛柳粒餐廳招牌菜，薯仔炸得香脆唔駛講，牛柳粒入味，份量好足，超級好味，不愧為招牌菜魚香茄子煲上枱時熱辣辣，仲有滋滋聲，有咸魚香味，同樣份量好多，不錯咕嚕肉酸酸甜甜，好味煎蠔餅超香脆！蠔嘅數量好多，唔會成份都係粉，但係芫茜勁多，對於唔食芫茜嘅我，要逐條揀返出嚟，食得有啲辛苦😂 如果菜單上講明有芫茜會好啲🥲魷魚鬚香脆，避風塘料頭俾好多，好岩送飯😆總括而言係好食的，好岩一大班人聚餐👍🏻 下次會再嚟！

叫一碟薯仔牛柳粒得四粒牛柳粒 問店員平時一碟有幾多粒 佢都話平時唔至咁少 不過因為我地掂過又唔係肯換又唔肯加 俾足$108 只吃薯仔咁諗住叫多碟牛仔骨 叫佢可以俾多兩塊 侍應又推俾經理 經理又推返落侍應度 其實我諗唔點樣可以再幫襯 🤷🏾‍♀️ 服務態度好重要 已經食唔倒想食既野 但更加令到客人火上加油 連本身叫左既野都無心機食 服務去到依個level 真係難 俾啲野難食更難令人接受

呢間野出名薯仔牛柳粒，真係傳到街知巷聞，未食過一定要黎試下。薯仔首先炸左先，然後再炒，面頭仲有啲蜜糖，啲薯仔炸到外脆內軟，屋企真係煮唔到，煮到都好花功夫。另外佢既牛柳粒好淋，都有牛肉味，落埋黑椒吊下味仲正，唔怪得呢碟野知個知都話好味。.除左薯仔牛柳粒，第二樣比教好味既係粉絲蒸吊桶，不過都要睇下好唔好彩，水準唔係發揮得咁好。上次食知吊桶蒸得唔算好熟，粉絲都未淋哂。建議大家可以叫佢蒸熟啲，吊桶熟啲都冇問題，起碼唔會食到肚痛先。

約左朋友出黎食飯傾計，於是搵間可以坐耐啲既餐廳食飯，所以搵左呢間有大排擋感覺既餐廳😂2個人食飯，於是只叫3個餸，但呢3個餸絕唔簡單，鑊氣十足，份量多，又快上菜。1. 薯仔牛柳粒必點，必點，必點，因為重要，所以要講3次，我覺得薯仔整得好好食，外脆內暖，色香味俱全，好似有種食薯條🍟既感覺，但呢個係同牛柳粒一齊炒，牛柳粒都好大粒，外面好脆，又唔會好辣，唔會太咸，生熟度剛剛好，大家黎到一定要點😋😋2. 炸大腸香脆可口，脂肪較多，但唔油膩，整得唔錯，唯一缺點真係太多脂肪，唔食咁多脂肪既朋友要留意呢點😊3. 八珍豆腐煲呢個上菜時勁熱，好有鑊氣，炒得好好食，底下仲有波菜，好入味，豆腐大件，大家鍾意食豬什既可以一試👍🏻👍🏻

好多酒樓大排檔都有呢味菜但呢間係我最最最鍾意嗰間😍✨啲牛唔單止好入味索盡啲黑椒汁🐄但呢味菜嘅精髓係薯仔🥔！-每一粒薯仔都外層香脆食到扑扑脆😋帶有蜜糖黑椒嘅香味甜同鹹嘅味道啱啱好外脆內軟japjapjap👅會忍唔住食完一個又一個😛但一碟嘅比例就會薯仔好多牛肉比較少🤣但真係好好味！值得一試🤪-評分：9/10價錢：$108📍深水埗 萬發海鮮飯店📍

萬發海鮮菜館位於深水埗九江街，位置非常方便。無論是乘搭巴士小巴或地鐵都非常方便。我是次光臨是自行駕車的，晚上七時後會比較困難找到泊車位，建議駕車人士提早先泊車。我們一行3人， 給我們安排了六至八人枱，座位非常闊落。每次來到這裡一定一定會點薯仔炒牛柳粒。不知道怎樣形容的好味。就是別的地方叫同一樣的菜但卻沒有這個味道！ 大愛！燒味店當然都要叫燒味拼盤，這是我們叫最貴的菜但半肥瘦的叉燒，簡直在外面找不到了。

又係老朋友聚會嘅晚餐，今次揀咗萬發做落腳點，因為有其中一個朋友話好鬼鍾意食萬發既牛仔粒，就聽佢支笛，去咗萬發食晚飯。呢個係海蜇手撕雞，手撕鷄配爽口海蜇絲，鷄肉有彈性同埋好入味，唔似某啲手撕鷄店既鷄肉梅既，而且麻油香加芝麻粒，唔香就假啦。呢碟鵝腸係好好好好食，最鍾意食爽口鵝腸，但係炆得夠入味係好難，呢隻入晒味，配埋下面啲芽菜絲一齊食簡直係另一個層次！好夠味，第一次食咁夠味既鵝腸。豆豉鯪魚油麥菜，因為本人唔鍾意食油麥菜，感覺有啲苦苦地 ，可能我食唔慣啦，覺得豆豉鯪魚好腥，油麥菜又好苦，不喜歡。呢啲就係其中一條友話好好食一定要試唔可以錯過嘅一味餸 ，黑椒牛仔粒炒薯仔？嘩真係好好食喎！可能係我食過最好食嘅牛仔粒，牛仔粒又多淋又重牛味！黑椒味帶點甜，薯仔外脆內粉，有啲似脆薯皇既口味，不過濕身啲好食過脆薯皇。真係一定要試吓，推薦👍🏻👍🏻👍🏻👍🏻👍🏻炸蠔仔餅！蛋漿多左d，同埋如果唔係炸得咁脆會更加好食，好少蠔仔又細粒，味道偏鹹，要送飯先食到。滷水拼盤唔使講啦，食打冷必點，其他冇乜特別嘅唔多講，最好食係滷水燻蹄同豬耳仔，又爽又彈牙！正黃金蝦有啲失望，佢似係yam左麵粉去炸，先再落鑊同鹹蛋黃兜亂，所以見

一大班人想搵間野食大夥兒開心下我地做完運動好攰，就不如一個人叫一樣野SHARE食叫左10個小菜左右啦~黎到既時候都好開心..見到好大碟~心諗真係抵啦~點知原來好多碟都比較大呀!我地就問店員可唔可以cancel未黎既野食點知佢話唔得..我地又問點解D野咁大既~先知道原來店家自行改左每個菜X3即係收我地3倍錢同埋俾3倍份量~當中有朋友立即不滿，其實我店家係擔心我地唔夠食？其實都可以問下我地先再加底,咁樣自己加左底又唔同我地商量,真係有少少唔開心

路過深水埗，有車位啦！ 先泊好車來 「萬發海鮮菜館」星期六晚上, 兩個人入去，有張小枱就坐下職員推介，要吃魚、聖子嗎？稍等，讓我倆先睇睇餐牌及牆壁上 貼上的小菜資料蜜椒牛仔粒，$118 , 奇怪？椒在那裏，見到硬而無味西蘭花🥦包圍住 牛肉粒，香脆腰果好吃😋豉椒炒聖子 $138有d 貴，味道可以，但太多豆豉、太濃 太咸雪裡紅石頭介蘭 $78原來主角係石頭鍋？雪裡紅炸脆，個人不喜歡芥蘭 「太淋」整體來說： 一般的晚飯呀

一大班朋友去得深水埗食飯，一問話去邊度食，萬發都總係入選三甲之內，究竟係真係好好味啊？定係因為無得簡所以先食佢呢？而我同我啲朋友當日又跌入依個深水埗食乜嘢嘅死亡輪迴。而今次就係萬發當選了。舖面都係一般大排檔咁嘅樣，當然佢係大排檔黎，所以啲服務都唔會有咩特別大的期望，可能佢地有幾個舖位但人手都較少，我地等落單都要10幾分鍾先有人黎到。而比其他大排檔優勝嘅，我覺得就係冷氣好足，就算場內好多人都唔覺得熱。當日都係叫返啲大路嘅，尚算不錯，起碼唔會難食。對我而言，如果約食人多，又想坐耐啲傾下計，萬發的確不錯，但對食物質素有要求，就搵過另一間吧。

難得女友過海黎九龍 就帶左佢去食好想食好耐嘅萬發 食最想食嘅薯仔牛柳粒雖然夜晚九點幾到 但附近嘅車位都唔易搵 搭地鐵人士可以係深水埗站行過黎 大概15分鐘左右裝修幾好 除左小菜 都有類似茶餐廳晚餐牌一坐低先點左個牛柳粒 先再睇餐牌好多小菜都想食 奈何兩個人食量有限 最後點多個砵酒桶蠔再加碗白飯同一支生力清啤兩碟嘅份量係非常足夠先講牛柳粒 薯皮炒得啱啱好 皮微脆 牛柳粒夠林 擺左陣都冇硬 醬汁鹹度恰到好處桶蠔6隻 好大好肥好creamy 有啲驚喜 調味微甜 食完三隻已經四五成飽Overall 幾滿意 係價錢上略嫌貴盛惠33x 計埋茶錢推薦俾中意食大排檔小菜嘅人黎食 最好愈人多愈好 食多幾味餸

事隔一個月 又係一個週末晚上, 兩個人的晚餐, 由於時間已經過了九點又來了呢度, 今晚只叫兩個餸一碗飯, 金沙九肚魚$98 用上大量咸蛋黃沾滿每一條九肚魚, 充滿邪惡嘅念頭, 而九肚魚本身並沒有什麼魚味, 外面嘅炸衣什麼味佢就係什麼味, 而這魚似乎係南中國海特有, 好似在外地或者內陸都唔覺有, 肉質滑但完全唔覺有纖維, 好奇怪的海中生物, 另一個菜係翠塘滑豆腐 $98這菜內有相當多嘅蝦仁, 豆腐加上獻汁那有不滑的道理? 兩個菜都同樣是大份量, 每碟都足夠4人份量, 所以又係相當滿足的一頓晚餐,

朋友等位所以唔知等佐幾耐, 大約有30分鐘,入到去勁迫, 地下好多水, 叫佐6碟餸5個男人食,份量可以, 味道唔算難食反正都係味精, 最差就係上湯油墨菜, 佢做法竟然係炒完碟菜再掉落的味精湯度, 世人仔第一次見咁做上湯浸菜,服務方面都算正常, 上菜時間都唔算慢, 人均消費$150, 總共食佐750蚊, 5個白飯, 一支啤酒,如果有心食小菜冇乜必要來呢間食, 因為以佢質素係非常之唔抵食, 行過2條街有間茶記平佢2倍都好食過佢

萬發海鮮菜館 - 好耐無黎喇！上星期五同同事有機會再黎試下係咪保持水準～ 😏地點黎講又真係唔太近地鐵站嘅。。。🙈😅 我地3位亦無訂位，所以要等一陣啦，等左10-15分鐘倒啦😄 安排左坐樓上位置。。。雖然位置麻麻，但總算有位吖😆 而且好有地道大排檔feel~😏我地叫左4個餸 + 3支啤酒 + 1罐可樂😍😌 都好豐富架！😃石頭啫啫生菜👍🏻👍🏻 - 又熱又香，啲香氣遠遠咁飄過黎，搞到更加肚餓呀！🙈🤣 薯仔牛柳粒👍🏻👍🏻👍🏻👍🏻👍🏻 - 薯仔表層煎香加些黑椒粒，仲好似有層蜜糖處理過咁甜甜地黏黏地辣辣地，好獨特！😋我覺得薯仔仲好食過牛柳粒呀！😍😍😍腰果珍肝👍🏻👍🏻👍🏻 - 睇圖以為係乾身，原來濕濕地🙄，但腰果又唔會整到「林」晒，而係脆口架喎😲，啲內臟亦爽口，唔錯！唔錯！😃椒鹽鮮魷👌🏻 - 呢個比較一般，我覺得有進步嘅空間，而價錢都唔平架。。。 所以下次等多啲空間俾自己試多啲新菜式🙈🤣我地每人平均一百六十蚊左右👏🏻👏🏻👏🏻

一向都好鍾意大排檔風味嘅野食。突然癮起就去試下呢一間都幾出名嘅店。見呢間即日訂到位就黎左呢間分店。呢間分店環境都算鬆動。可能因為坐咗係卡位。胡椒豬肚粉腸湯。叫嘅時候侍應有講明係滾湯。不過湯口比想像中濃。當然豬肚粉腸就不太入味。但黑椒成功辟咗內臟嘅怪味。薯仔牛柳粒。老實講薯仔比牛柳出色。薯仔炸完之後外脆內軟。再俾蜜糖重重包圍。加埋黑椒。又辣又甜又香口。想唔好食都好難。不過牛柳粒淋到冇咩咬口。牛味亦久奉。大隻避風塘賴尿蝦。二百幾蚊隻。講真一隻唔平。次次食賴尿蝦都要好睇彩數。因為質素可以好參差。可惜今次就真係比較失望。炸到有啲過咗龍。有膏但係唔多。當中有一隻仲要偏少。肉質本身偏淋。味道冇乜鮮甜味。想同朋有飲下啤酒吹下水都可以再黎。不過就食物味道睇就性價比就一般啦。