文記車仔麵 (福榮街)

Open Now

Now Closed

第一次食呢間深水埗馳名車仔麵，雖然大排長龍，但安排得幾有系統，先排隊再落單，然後再入座，坐低之後就好快會有職員送碗車仔麵過嚟啦！枱面仲有好多調味料可以自行選擇～✨豬紅滷水雞翼溏心蛋牛腩公仔麵✨香辣雞軟骨瑞士雞翼蘿蔔牛孖筋油麵文仔嘅麵底同埋餸都比較多選擇，另外湯底好鮮甜，而且每款餸都味道出色，好入味！推薦必食嘅餸就係比較經典嘅瑞士雞翼、蘿蔔、牛腩等等！好難得有一間車仔麵餐廳無一款餸係伏嘅，難怪生意咁好，每次經過都係大排長龍～

文記的車仔麵可謂平衡美味。玻璃魷魚和豬大腸雖然不算太出色,但也算入味可口。但最令人驚喜的,莫過於那道滷水雞翼。滷水汁浸透入雞皮中,味道香濃,卻又不會過鹹。雞肉本身也恰到好處,不會太老,仍然保持鮮嫩多汁的口感。這款雞翼可說是這道車仔麵的明星菜色。整體而言,文記的車仔麵雖然不會令人驚艷,但也算一道平衡美味的小巷美食。尤其是那道出色的滷水雞翼,更是讓人難忘。

25蚊買咗個面底，諗住食兩粒丸就算，結果連餸都無，面仲要勁少。人哋買嘅時候就要俾人吹吹吹話人慢吞吞，然後你出菜嘅時候餸都無齊你咁快做嘢？？？？原身10蚊得個兩粒芝心丸就唔合理都算，仲要俾錯😅😅😅😅做咩啊粒丸去咗後室啊真係冇食到，啱啱打開俾咗少少湯之後搵嚟搵去都搵唔到

每一次去深水埗都有一種選擇困難症，因為真係太多嘢食都唔知食邊樣先，不過唯獨係文記車仔麵都真係食咗兩次或以上，每一次叫餸都一定要叫兩個餸或以上再加埋油麵先至滿足我自己就最鍾意食油麵加水魷魚，呢度嘅魷魚本身已經係有醃製，所以好入味好出色另外就係車仔麵，一定要食陳皮魚蛋一出世喺香港食到而家，都係一種情意結同埋佢嘅調味料真係香港獨有，完全可以按制自己個人喜好落放題咁樣，未食過真係一定要試

文記車仔麵@深水埗🌟車仔麵叫咗五個餸，包括有魷魚東風螺豬大腸甜酸齋同埋煎釀三寶，魷魚真係非常爽口，而且味道好好食，東風螺辣辣地，而且非常有咬口，喺出邊車仔麵好少有呢一個餸，甜酸齋唔使講，簡直係招牌菜，酸酸甜甜令我非常開胃，豬大腸佢比嘅份量都好多，而且洗得好乾淨完全冇臭味，煎釀三寶就中規中矩，因為可能係本身炸好咗，個人嚟講推介紅腸，本身個人嚟講鍾意食辣，加咗少少辣，令到成個車仔麵更加好食 好食程度（5粒🌟）🌟🌟🌟🌟🌟抵食程度（5粒🌟）🌟🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

鐘意食車仔麵嘅一定聽過文記🥢咁多年黎人氣不減，喺同一條街開成四間鋪但繁忙時段門口依然常見長龍！小編超鐘意食車仔麵，而呢間一直係我心目中嘅no.1🤤如果有其他好食車仔麵推介，歡迎話俾我地知🥳ꞋꞌꞋꞌꞋꞌଘ 油麵 / 瑞士雞中翼 / 鹵水豬大腸 / 自製韮菜餃 $57 ▸ 8/10文記最正就係佢偏甜口嘅湯底小編食車仔麵必揀or加腩汁加埋真係好香濃 ˶⁍̴̛ᴗ⁍̴̛˵每一啖麵都絕對要連湯食！鐘意食再甜啲可以揀瑞士汁餸方面 今次黎想試下佢嘅招牌叫左好多人大讚嘅瑞士雞翼大大隻 皮爽肉嫩超入味 果然好正下次絕對會encore🙌🏻豬大腸係我嘅必點 煮到稔身 同樣入味另外佢嘅自家韮菜餃估唔到又餡料滿滿味道正正常常 不過下次應該會叫其他🤣𝘙𝘦𝘷𝘪𝘴𝘪𝘵: 𝘳𝘦𝘷𝘪𝘴𝘪𝘵𝘦𝘥👅𝘙𝘦𝘴𝘦𝘳𝘷𝘢𝘵𝘪𝘰𝘯: 𝘸𝘢𝘭𝘬-𝘪𝘯 𝘰𝘯𝘭𝘺🏘: 深水埗福榮街121號地舖🕘: 星期一至日 11:00-1:00☎️: 90595104🚶🏻‍♀️: 深水埗站D2出口步行3分鐘💵: 不設加一服務費

由佢第一間分店開始食到第二三間分店食極都唔厭👍🏼必嗌滷水雞翼米粉豬大腸生根佢既蘿蔔都係好入味😋湯底秘製辣醬好食過麻辣次次都好多人排隊深水埗必去的車仔麵😋

其實平時我都真係麻麻地車仔麵，覺得自己係屋企整嘅仲好食，但係上次經過見到咁多人排隊我又試下，雖然後期發現原來呢一間係for遊客，原來隔離仲有勁多分店係可以好優雅咁樣點餐慢慢食，但係就無啦啦排咗隊叫點餐用現金俾錢，難怪啲阿姐咁心急，真係叫遲1秒都搞唔掂🫠其實都好耐無食車仔麵，但印象中都真係麻麻地吸引，但估唔到Lee間車仔麵係超出色，個腩汁湯底超級香甜，而且d麵好爽，每注麵加一匙羹湯底真係人間美味🤤其實叫乜餸都真係無所謂😆

這是一家有四間分店的車仔麵，但是四間都是在同一條街，而且幾乎是並肩的存在着！生意實在太好了，即便明明有好幾間分店在一起，有時還是需要在門外排隊等候。文記車仔麵可算是數一數二好吃的車仔麵，雖然價錢也不便宜，還好份量也是給得足夠。 我點了牛肚、酸齋、豬油渣、韭菜餃生麵，另一半點了午餐肉、豬油渣、牛筋粗麵。還加了小食韭菜豬紅大腸和炸韭菜餃。其實兩個人吃這些，已經會非常非常飽。我特別大推豬油渣，每次來都一定要點，豬油渣剛上桌時十分香脆，吃到後面浸到湯裏時，會有一點點變軟，配着麵吃，非常甘香。他給的份量非常多，每次都吃不完。另外午餐肉也很驚人，很大一塊不說，而且還切得超厚，名副其實的厚切午餐肉，完全沒有騙人。當然不能忘記提他的湯底，我們選的是腩汁，沒有再加其他醬料，湯底鹹鹹甜甜的，配著麵十分好吃。他們的小食也很不錯，韭菜沒有渣，豬紅也好吃，豬腸則是彎彎曲曲剪成一段一段的那種，不是一圈一圈的大腸頭，雖然我比較喜歡吃大腸頭，但這個還是入味彈牙不錯吃。本身喜歡吃水餃雲吞類的東西，所以對炸韭菜餃也是無法抗拒，餃子皮略厚，但還是炸得酥脆，一點也不硬，即使很飽我們還是把它吃完了。 很喜歡這裏的車仔麵，總是過

本人於2024年2月21日晚上2050 ordered 咗一碗麵連飲品 90 幾蚊，但一直等到 2130 仲未有食物。其間只收到飲品，亦已兩次詢問職員還需要等多久，但職員均未能回覆。但趕著上班，本人無奈只可在沒有享受過食物的情況下離開，我比成百蚊食你個車仔麵，攪到一肚氣，完全無諗過你比啲咁服務我。最差的飲食體驗，一碗車仔麵都唔知點解 40 mins 都未整好，仲要問你職員大約仲要等幾耐，都答唔到我，你個麵連飲品差唔多成舊水，但你比個 service 完全唔值

𝚂𝚑𝚊𝚗 𝚂𝚑𝚞𝚒 𝙿𝚘 | 𝙲𝚊𝚛𝚝 𝙽𝚘𝚘𝚍𝚕𝚎𝚜🍜💛最高5分👇🏻味道：👅👅👅👅.5環境：👅👅價錢：👅👅👅👅回頭率：👅👅👅👅.夜繽紛咗咁耐條街都係得小貓三四隻，但呢間車仔麵店去到凌晨時分都仲人龍不絕😳⁉️時至凌晨1點幾，身處旺角但想食宵夜嘅Level達到💯，上網Search嘅時候咁啱碌到文記，覺得好掛住佢嘅味道，就把心一橫決定搭的士去食！相信喺香港住咗咁多年嘅大家對文記車仔麵一啲都唔陌生，因為單單喺福榮街佢就有四間舖頭，而佢亦第一間米芝蓮推介嘅車仔麵店🌟呢度叫車仔麵同一般餐廳唔同，要排隊直接向廚房點餸，買完先有得搵位，別有一番風味👅🍜五淨餸🌶️（$67）叫嘅時候唔知點解姐姐冇問我係咩湯底，淨係問辣唔辣😂但食得出個湯好香甜，有瑞士汁嘅香味，另外加咗麻辣，簡直係昇華咗個湯底😍不過壞處係食完會好口渴，大家記住唔好慳嘢飲錢🤣👉🏻👉🏻🍗瑞士雞翼（$15）大大隻、色澤靚又夠香👍🏻十分入味，肉質都好嫩滑，明白點解瑞士雞翼可以成為十大招牌😋😋😋👉🏻👉🏻🦑自製墨魚角（$14）本身以為係就咁一嚿墨魚，點知原來係類似魚皮餃嘅皮包住墨魚~覺得個食感好特別，而且又好食！👉🏻👉🏻🥟自製韭菜餃（$13）唔需要好多字

今日和友人終於食到這間車仔面。在食飯時間，太多人等位。今次我們是中午4點左右去食，不用等位！我點了瑞士汁微辣沙嗲湯底，魚皮、陳皮魚蛋和紫菜！個湯底甜甜地、很濃，是傳統車仔面湯底，好好味！餐廳還提供辣菜舖，不算很辣，亦都好好味！雖然我點微辣，但都算辣！我和友人最後發現個湯底本來是不辣，令到個湯辣是因為辣醬！只要落少一點辣醬，就會冇咁辣，可以自己控制辣度！整體來說，是從拾傳統車仔面的體驗，很好味！喜歡食車仔面的，一定要試下！

今時今日香港，想做好飲食業，一啲都唔易。文記其實喺深水埗唔算好耐，之前嘅舖位係街邊檔車仔麵。附近咁多食肆相信舖租一定唔平，但係車仔麵想做好其實唔係好難。文記最好食嘅嗰幾樣好多人都試過我就比較喜歡酸齋，但係今次嚟已經失色不少，係咪師傅換咗定係嗰幾日心情唔好賭輸咗馬？蘿蔔OK嘅，其餘都不過不失，不過最大方都係啲辣菜餔任你食，咁呢樣嘢OK嘅。不過附近已經變咗做遊客區，坐我隔離最多嘅係強國人，不過亦有韓國遊客。而家咁興返大陸，希望唔好要食一碗好食嘅車仔麵都要返大陸 la

終於人生第一次食文記，日日見排隊排成咁，諗緊有咩咁好食。入到鋪，地方算乾淨，原來間間都係座位（無廚房）咁多間都係食同一間鋪嘅野。我問姐姐做乜得果間排晒隊？佢話原來其他三間都係食果啲麵，不過只有正鋪收現金，其他鋪頭係收電子支付工具（PayMe,轉數快，八達通，支付寶…），即係你唔識用QRcode 落單，就要排隊比現金🤣🤣我覺得成件事都好X🤣食物質素：我就試佢啲花膠，魚蛋，牛膀，豬紅。朋友就試大腸，牛腩，個人覺得質素無乜問題，一般水準，你話有乜特別？我就覺得特別「貴」 $10陳皮魚蛋得5粒，$15花膠得兩小塊…..都係等中六合彩先去幫襯佢。一碗野連野飲成$7-8x ? 我去飛鷹据個扒好過….證明我之前笑果班排隊嘅係「X頭」無錯，今次我都X左🤣🤣如果真係想食「車仔麵」，我會去太子「華記」👌🏻

文記車仔麵不嬲都好出名今次就一於過泥朝下勝啦已經接近開舖時間到訪 但都係滿滿既人龍! 哭呀! 不過好彩佢都多位 都算快入到座~入座前就要買左野食先車仔餸有勁多款  好想樣樣都食哂佢最後揀左花膠、豬紅、南乳豬手另外朋友就叫左瑞士雞翼、玻璃魷魚、龍蝦丸落完單之後會有職員安排你去隔離舖位坐低等上菜座位上面仲有好多唔同款既調味料食到中途想轉下口味都可以加 會係另一番風味!上菜既時侯有驚喜!~花膠勁大塊估唔到呢個價錢比咁多料花膠大塊得泥又好軟滑 而且都好入味豬紅都好滑! 浸住個湯好好味南乳豬手都炆到好淋 有入口即融既感覺!瑞士雞翼好濃味同熟度啱啱好玻璃魷魚都好爽脆龍蝦丸就係一般平時打邊爐食開個D咁既價錢咁足料真係好抵食~另外佢D菜脯都好香好惹味今餐真係非常滿足!~就算要排我都會再泥食過