文記火鍋

Open Now

Now Closed

朋友再次約去呢間小店👍keep到水準同時食物保留到新鮮美味😋有要求既朋感覺可以去試吓呀👍去得打邊爐最重要一班人無限時咁吹水。暢所欲言。🥢值得去推去試呀👍

浪費時間／而且難食／師傅5洗手去完廁所／而且等勁耐／仲有好串／等左20分中先入去／環境污糟／而且又貴而且慢慢服務／叫職員冇人應／垃圾一間／晒時間／而且大圍偏遠地方

一行6人搵左間大圍都老字號既火鍋🍲店👍一黎就叫左個川芎白芷魚頭鍋😍成個魚頭落去煲都痴痴地😂（心諗：而家有幾多間火鍋咁真材實料！？）勁鮮味😋各人叫左自己鐘意食既野😎咁就重點講幾樣食物啦🍲牛胸爽🐮（店主話：拾十秒就食得）時間真係岩岩好💯入口爽口即炸響鈴🥢熱辣辣🔥超鬆化手打丸🦷好彈牙🦷原來啲餃都係店主自家製🥟牛魔皇三併朋友介紹一定要叫😋 竟然仲有生啤飲，大圍火鍋店係得哩間先有真心推介多人聚會聚餐訂呢間🍲又唔限時，啲野食又新鮮💯店主又好好客👍👍👍👍👍👍👍👍👍👍

一向都係唔鍾意寫食評，但今次真係忍唔住。伏。好伏。我朋友係社交平台見訂座有八折，就訂黎試試，我一行到門口見到烏燈黑火，地鋪店面得四張台，都心知不妙。座位狹窄，一啲都唔好坐。又開唔夠冷氣，連風扇都冇一把，又焗又熱。真係好難想像一間火鍋店可以有咁嘅環境。醬油收成$60，倒完一碟仔就即刻收走，想再添都麻煩。醬油不是很貴的吧，小家到我真心佩服。環境太差，唔想坐太耐，所以求其點了幾款食物快快食完，找下場算。食物中規中矩，不值一提。埋單既時候係有折但不是全單八折，只係單點食物有折，捉字虱。4人埋單700內，連坐都坐得唔舒服，真心唔想幫襯更多，真心不值。只此一次，永遠不會再幫襯，Bad list!!

久唔久都會黎食一餐，一如既往咁好食，今次同同事食飯，同事決定打邊爐，近大家所以選擇左大圍返屋企都方便D。喜歡文記火鍋因爲夠港式同湯底正。唔會令我失望，收工打邊爐飲番杯人生一大享受，最重要無限時。

第一次黎大圍試呢間火鍋店🍲估唔到咁正😋Order左：新鮮手切牛🐄真係好正一班人最好叫牛魔皇🐮一次過可以試哂咁多款牛🤪但無叫牛胸爽🙊（下次先試吓先）象拔蚌刺身🥢超鮮甜😍見佢有海膽刺身添（都係要下次試）即炸響鈴🔔真係即刻炸🤩魚皮又係即刻炸。好脆口同時又好熱氣😅但又好很正囉😋蠔🦪打邊爐無得輸😆墨魚滑好彈牙🤓仲有好多野可以下次試😂（但見到隔離枱叫左田雞🙊一上枱隻田雞仲跳動緊，見到我都心離一離，要咁新鮮咩🙊）最後總結：正正正😂

朋友揀左呢間大圍文記火鍋🍲雖然地方係好就腳，但勝在啲野食好新鮮👍🏼叫左個鴛鴦鍋可以食到2個湯底（因為有人要食2個味既鍋😆）叫左佢哋主打既手切牛（一係唔叫一叫就叫左個牛魔皇，咁又可以試哂3款牛）再+多個牛胸油（拾一拾就食得）🐮有人話要食刺身咁就叫埋海膽+象拔蚌（心諗：食唔食得哂架😑）但黎到超新鮮😍好好味😋勁正👍🏼再叫埋其他丸呀，魚皮呀，菜呀…..等等。飽到癲左🤰🏻有身紀咁😆總結：好美味又豐富又性價俾好既一餐🫶🏼♥️多謝你。我愛你♥️

一家5口人經過大圍文記火鍋見到一個$2XX既海鮮火鍋套餐🍲咁見到個價錢又幾抵食咼，又包左湯底又有刺身又有6款配料（肉，丸，餃，菜）咁就入去試下啦。一人一份海鮮🦞。份量好誇張囉。個湯底想試麻油雞就加錢食埋🍲😂之後又見到有人介紹食象拔蚌又介紹鮮牛肉😋咁就試埋佢啦😂食到褲頭鈕都扣唔埋🤣真係好新鮮👍👍👍👍👍👍👍👍👍👍要俾10隻手指😂呢間文記真係隱藏係大圍既火鍋店👍🍲👍🍲👍

叫個蟹逅套餐 ：豬肉有每人一片 牛有3片 ，但3片加埋都冇一片肥牛甘大. 丸餃類都係人頭一粒，餃皮厚冇乜餡.蟹係霉曬既 有2隻迷你基圍蝦，其餘有啲貝殼類 沙白 有沙 .湯底 ，只包$68-78補差價叫左胡椒花甲湯底 .只係一個清到冇味既湯 加咗啲沙白落咗啲無味嘅胡椒 （沙白扮花甲？）完全冇味，海鮮唔新鮮 2個人埋單$700蚊 一定無下次，未試過45分鐘食完個打邊爐 ，完全唔想逗留，難食過酒樓任食邊爐. 冇影食物相係見到都覺得唔吸引，唔想影 本身冇唸住要評價. 但越唸越覺伏

店舖麻雀俱少只有五張枱左右，用 open rice 訂位去試，其實係有驚喜，驚喜食材新鮮，環境無一般火鍋店嘈吵，份量亦足夠，兩個人食左十碟連酒水 $1000 埋單，食飽飲醉回家，稍嫌食材價錢偏貴少少，附近原來都有幾間火鍋店，我只敢試食呢間，值得推介大家去試下

咁凍既天氣最岩就係打邊爐上網見好多人都話好食咁做冬就黎試下啦係openrice book枱有83折湯底叫左清酒卜卜蜆湯底冇味 蜆都冇味 食完都唔知食緊咩蜆肉一d味都冇 又冇鮮味但個湯底已經138定148 唔記得強烈建議唔好叫呢個湯底 牛頸脊（大）細份同大份都係差廿蚊 所以就叫左大份黎食肉質好冧 有牛味 牛三味有牛小排 牛頸 牛脊肉係冧既 但4百幾蚊 就見仁見智啦之後叫左桶蠔蠔就好好食👍👍 好鮮一份有5隻最後仲叫左帶子刺身中等size 一份5-6粒但質素有d普通整體黎講食物係好食 份量正常但價錢就偏貴湯底就不了

呢間火鍋店係喺大圍比較近屋村嘅地方~ 唔係好近地鐵站所以比較似係街坊火鍋店~ 另外佢哋又做外賣火鍋食材~ 設計左一個個package方面街坊直接order😆 住喺附近嘅街坊可以好方便咁order~ 食物方面, 佢哋主打高質嘅食材☺️ 種類都好多~ 湯底都有10幾個選擇, 亦都有比較特別嘅湯底, 清酒蜆鍋, 白芷魚湯鍋等等🐠 不過嗰日試嘅湯底就唔算太突出🥲 主要都係胡椒味比較重~ 的確係有兩大舊筒骨~ 但就食得唔係好方便之餘, 湯底亦都唔夠鮮味~ 佢都有好多手打手工本地食材~ 佢嘅牛肉都係用本地手切牛肉~ 牛魔王絕對可以試吓佢哋嘅牛魔王三拼拼盤🤣 總共有三個部位~ 不過今次食唔到咁多就冇試到~ 另外雲吞丸類都係手工自製嘅😍 手打丸食落口感真係唔錯~ 另外佢嘅即炸響鈴魚皮都好出色☺️整體來講食材都好新鮮🥰 不過定價都幾高, 而且每款菜式都唔算特別多份量~ 所以性價比唔係好高~ 以下係嗰日嗌嘅湯底同食材~ 有星星係比較推薦嘅! 🤍金牌筒骨湯底🤍即炸響鈴🤍即炸魚皮🌟🤍本地手切頂級牛肉🤍西班牙黑毛豚肉🤍鮮鵝腸🌟🤍黑松露墨魚滑🌟🤍雙拼雲吞🤍豬肚

一時興至到，又見到社交媒體網站廣告，萬幾個like, 又話預訂有折，搞到我好有期望。點知…..係門口已覺有少少伏伏地，因為入邊一個人都冇，嗌咗套餐，但原來好多嘢都唔包，套餐嘅款式唔可以揀，湯底好多都要再加錢，前菜要收錢，但只係一碟見到都唔想食嘅前菜，已經收你30元，之後再見到上到嚟嘅食物，都唔係我想食的東西，全部開晒口，蟹肉係梅的，肉是咬唔開的。所有的丸每人每款一粒，時令生菜是娃娃菜。食得好辛苦。埋單的時候，原來社交媒體網站講的預訂有折，是不包括套餐。well, 社交媒體網站好似冇講呢樣嘢喎。2個女仔，埋單$601。出門之後，唯有再揾附近的「屋子」醫肚無論係社交媒體網站, or OpenRice ，對呢間嘢都有好多好評，真令人懷疑。總之，我以後都不會再去。

今年生日屋企人揀左去文記🍲簡簡單單食個生日飯🎂一黎揀左個好鮮甜既魚湯湯底😋好好味呀之後就點左新鮮海膽🥢鮮味十足既象拔蚌🍽不同火鍋料😋😋等我介紹下啦呢個就係好大粒又好食既新鮮海膽😋呢個就係鮮到爆既加拿大象拔蚌呢個係手切新鮮牛摩王🐄呢個係每枱都有叫既即炸響鈴🔔脆卜卜呢個唔係人人都識叫識食食既牛胸爽（牛胸油）呢個係脆脆脆脆肉鯇送酒小食點小得😆鬼馬炸物最重點要講既就係屋企人叫文記留左條魚😋幫我慶祝生日（等我年年有餘😆）文記仲幫我哋蒸埋👍🏼服務一流👍🏼掂掂掂最最最後我想講既係文記除左可以散叫，原來有套餐食🤓（因為見隔離個啲枱都係叫套餐先知😆）下次可以試吓😋（因為都好大份又靚仔咁）（*純分享：如果食質素同服務又唔限時就揀我推介既生日餐廳）

佢係真係有好多款海鮮嘅，今日經開，時間充足，天氣又涼涼地，就入去打個邊爐。要左個套餐，258一個人，未計加一。個餐話有前菜，係一個用豉油碟裝嘅中華沙律，記住係比兩個人嘅，一個豉油碟。😦勁小家，佢所有嘢食上晒，我一睇就知應該唔飽…丸佢得三款，預每人一粒，雲吞又係，每人一粒，刺身得4片三文魚，食落質素仲差過爭鮮👎🏻。時令蔬菜，竟然係娃娃菜😀我明白娃娃菜可能因為平，但係佢一年四季都有，點樣叫時令… 同埋，佢成份蔬菜就係得娃娃菜，仲要唔知有冇兩棵，勁小。 我地要左蕃茄薯仔湯底，係普通上湯加蕃茄同薯仔，個湯完全無蕃茄味😢而且個套餐唔包嘢飲，想問佢拎杯水，佢都要收我錢🥲雖然個餐牌寫到好多嘢食，好多款，不過樣樣都係得一兩舊，而且貝殼類嗰啲都係得個殼大，其實本身都唔係好多食到的部分。其他食物質素正常一般，不過食完之後，要返屋企補飛，完全唔夠飽。我好少食火鍋係食唔飽，仲要呢個價，其實食放題都夠。加埋一，2個人600蚊，無下次。