文記火鍋

Open Now

Now Closed

今次食飯人數就唔多，因為臨時決定想食火鍋，只有3個人有空閒可以馬上去。坐了一張4人枱，有extra空位放配料，鬆動D仲會舒適一點。我地3個都唔食得太辣，當然唔會點麻辣啦，要咗沙嗲拼番茄薯仔鴛鴦鍋。打邊爐就一定係以海鮮或者牛肉做主角啦，今次主力食牛肉，點咗牛魔王三拼，有齊3款牛肉，新鮮唔韌又唔太肥，牛肉質素唔錯。其他配料中較有印象嘅包括新鮮海蝦、雲吞併水餃、酥炸魚皮。整體都還可以，下次可以再去過，希望冷氣可以再開大D就舒服啦。

My family haven’t had hotpot for quite a long while. After discussing with my sister, we decided to go out for dinner and would dine at a nearby hot pot restaurant. We've been to this restaurant and before. Their prices are not too expensive and the quality is quite good.The soup base we ordered was the coconut chicken pot. It’s good as you can drink the soup, eat the chicken and cook the other ingredients with the hot soup. Coconut chicken is one of the soups that I like to drink a lot. I enjoy

呢排啲朋友終於開始約食飯，而且好多都約打邊爐。我地就決定去其中一個朋友屋企打邊爐加打麻雀，正。朋友住大圍，話之前有mark低一間餐廳，有外賣優惠。我地見幾抵食，都揀咗幾多嘢下。湯底嘅分量幾多，有剩低啲後尾加湯。我地點咗好多款嘢，包括美國大桶蠔爽脆珊瑚蚌文記三寶丸魚皮餃鵝腸田雞北海道蟹柳牛肉……樣樣新鮮，分量足！同埋真係有好多配料揀，有啲平時少見嘅配料，珊瑚蚌，田雞都有。幾正。打邊爐必備嘅炸魚皮和響鈴都好味，香脆可口。

好差差差差差差差，想中伏自己黎試。。。。。。。。。。298蚊象拔蚌 得個8塊 吹脹太差啦。。。。。。。。。。D海鲜臭到無朋友。。。。。。。埋單1800蚊。。。。。。。。。。。。。

老友生日去左呢間打邊爐忍左咁耐終於忍唔住要解放啦!!打邊爐簡直係我地約出黎食飯既指定動作真係一年四季打極都唔會厭黎呢度食既原因貪佢唔係啲連鎖集團, 多人排隊之餘仲好厭無特色呢度近我老友屋企, 離我屋企又唔係遠我地叫左鴛鴦湯底, 分別係叫左冬陰公花甲湯同埋清清地既瑤柱什菌鍋話明生日飯梗係食豪啲啦我地仲叫左龍蝦、番薯蜆、元貝、牛魔王三拼同丸類龍蝦$198有一隻, 龍蝦肉質爽甜彈牙, 幾正番薯蜆原來幾大隻, 爽甜JUICY牛魔王就真係不二之選, 有三款唔同部位既牛肉當中既手切牛真係正到喊心大心細想試幾個部位既牛肉推介叫呢個牛魔王三拼, 幾抵食

本來話要去「一田百貨」血併嘅我哋，最終因為 #小秘書 頂唔住室內嗰股人氣，敗走而回🤪 既然出到嚟，梗係要搵啲嘢做吓🤔 #地膽朋友 提議落 #大圍 #打邊爐，反正未食飯，我當然舉腳贊成😝#大圍積信街 附近一向多好嘢食，不過 文記火鍋海鮮刺身專門店 我反而一直未有留意😉 嚟到 #文記 時間尚早，我哋被安排到二樓開餐。途中經過一個有味嘅洗手間，同一條行到我心驚膽跳嘅樓梯。當時未有其他客人，我哋二個人安排喺四人座。朋友提議食 #麻辣煱，我就怕太辣。結果要咗一半 #瑤柱冬瓜煱🤤 出得嚟打邊爐，當然要有靚牛肉，患有選擇障礙嘅我，一於坐享其成，由朋友仔發板😆 呢晚我哋有 #手切肥牛、#珊瑚蚌、#桶蠔、#鯇魚腩... 質素都唔錯，不過廿其中一個 #炸魚皮，大家真係要試試，即叫即炸，咬落去仲索索聲，唔知仲以為自己食緊薯片🤪 仲有 #冬瓜湯底 認真足料，不時會食到啲 #瑤柱BB，好鮮味呀🤤整體食物、服務都唔錯，係有 #食客 無啦啦要求熄細個 #冷氣 騎呢咗啲、熱咗啲咁啦🥵

自從OpenRice 有book位服務之後真的方便左好多，今日反反下工突然間想打邊爐，即刻搵即刻book，大圍呢間文記仲有75折添！2個人火鍋可以食既野唔多，只好精選最中意既幾樣。隔離枱既椰子雞湯極度香，細細既店面充滿椰味，甘就決定左湯底啦。上枱既時候煲湯係好幼滑既奶白色，碟雞有椰汁浸住，侍應哥哥好細心，提醒我地要中小火，慢慢煮啲雞係最滑。桶蠔3隻$158，稱不上抵食，勝左手掌甘大隻，煮左好耐（放落鍋後遺忘左）一咬落去都仲係爆汁，有鮮味，冇縮水，貴小小都包容佢啦。要數最好食既一定係牛！我地叫左大份頸肉$298，好有牛肉味，好軟熟，一口接一口，完全停唔到！折後埋單$744，唔算係好平，不過材料高質，服務態度好，值得俾個好評！

依家好多火鍋店都有外賣火鍋選擇以前邊諗到有得咁樣玩架咪以為外賣火鍋料就一定好醜樣又唔新鮮呢間文記火鍋既外賣火鍋料同堂食一樣咁高質!!叫左好幾款火鍋料, 當中既大桶蠔同手打丸真係好睇又好食桶蠔超級大隻!!雪白又肥美, 食落勁新鮮, 每一啖都勁滿足個手打墨丸都好彈牙, 仲食到墨魚粒添另外仲叫左手切肥牛、花甲個啲手切肥牛入口即溶, 完全無筋, 真係好食過啲日本和牛花甲同桶蠔一樣都係好新鮮, 每一隻都肥大肉厚, 完全無沙, 勁鮮味總括黎講都幾抵食

同兩位兄弟出黎吹水搵食，佢地話想食火鍋，於是訂左大圍文記，個醉雞鍋雞肉爽口，果盤牛肉先不得了，新鮮嫩滑有口感，蝦丸墨丸都爽口彈牙，鍾意食新鮮食材既朋友就最適合不過，唯一係價錢比一般貴少少啦，但食材新鮮亦係好重要一環！下次有機會都會再黎既！

呢排多間餐廳都因應疫情而推出好多外賣優惠，其中最抵我覺得都係呢間文記火鍋。上個月我都有叫到外賣，發覺質素都好穩定。我就揀咗自取，反正屋企樓下順路，可以買埋甜品返去食。我地係預約時候去到，唔洗等，好快手。攞返屋企，每樣配料包括湯底都係完好無缺。擺到整齊又靚，食落新鮮。叫外賣打邊爐真係節省好多時間，趁呢個時候有優惠都可以食多幾轉。推介食佢地嘅自家製響鈴和炸魚皮，打邊爐必備啦。牛魔王三拼都好正，手打三寶丸都好爽彈好味。

是日即興想Hotpot..唸起文記🥰,話說上之walkin無位...死心不息要試試，估唔到係安在家中享用😂，講講外賣包網精緻，湯底送到屋企唔會漏，我落單時仲好強調包好啲個湯底😂🤣，咁解咁強調!??，叫得網上外賣平台 就明😂🤣...咪哂時間，睇下今日叫左咩😍食物全部都好好!!下次會再叫... whatsapp落order好方便...送貨送到屋企...1. 象拔蚌刺身 (好甜，讚)2. 椰子雞煱 (靈魂當然無得輸，好香)3.牛魔王三拼（🥰評泥評去都係個幾句，廢話事講，總之下之再叫...）4.海蝦 （我囡食哂咁濟😍）5.文記三寶丸 (啲丸好彈牙)6. 即炸響鈴 （勁脆配埋芝麻醬有驚喜😍）7. 鵝腸（肥鵝腸，不得了😂🤣😂🤣）8.桂花蚌 （滾一滾，好爽口）9. 韭菜餃10.脆肉鯇11. 雜菜

疫情期間，近排大家都唔想出街食，我地睇到佢地外賣有六折，真係好吸引，咁啱又住大圍，就一於叫嚟試下。畢竟去街市買餸，又要洗啲材料，整嚟整去都要幾個鐘，都幾麻煩下。依加有人洗好，仲有埋湯底，唔洗自己準備咁多嘢。加上六折，計返條數分分鐘平過係街市買，加上好多配料街市都未必有得賣。湯底點咗瑤柱什菌鍋，清清地，有又好多菇。本地手切肥牛，頸位同脊位各一份。仲點咗波士頓龍蝦，海蝦，蝦滑，雙拼手打丸……全部都幾新鮮。我地揀咗外賣自取，就係屋企附近，樣樣嘢都包得幾好。值得推介。

今年同學團年飯去食火鍋，而選擇咗去嘅火鍋店，地點對某D同學會係比較遠，不過其實附近都有火車站，加上有食過嘅同學推介，所以就去食啦。湯底有10多款可以選擇，我地揀咗個比較大路嘅鴛鴦鍋，沙嗲拼番茄薯仔。今次主要係想食牛肉，所以點咗2款牛肉，牛柳粒+手切牛小排。大碟牛小排質素都唔錯，好夠牛肉味，而且唔會太肥，搞到個湯底變得油淋淋，有浸油喺面。 牛柳粒口感十足，大粒得嚟又唔會韌，呢個唔可以淥得太熟，過熟就會唔夠juicy。

打邊爐就唔一定要狂食牛肉查實打邊爐食海鮮都好正好過癮呢度既海鮮價錢合理, 又多款式揀例如蕃薯蜆、刀貝、油貝、北寄貝呢啲都唔係常見既打邊爐食材鐘意食刺身既話呢度都有象拔蚌、活章紅魚、海膽、帶子同三文魚刺身樣樣都有齊哂首推湯底係胡椒花甲鍋個湯底好濃好香胡椒味, 仲有好多隻花甲, 可以慳返唔洗叫花甲花甲食落新鮮, 正!我地叫左鮑魚、象拔蚌刺身~刺身超級爽脆鮮甜, 證明係堅新鮮鮑魚大大隻, 每隻都幫你界左花, 咁就容易啲熟其他火鍋料都好唔錯, 叫左份手切肥牛, 個種滋味都係好正好難忘

行過大圍，兜咗一圈睇有咩食。天氣咁凍，所以都係揀咗打邊爐。湯底揀咗冬陰公花甲湯底，酸酸辣辣，開胃又暖身。我地都鐘意食海鮮，呢度主打配料新鮮。所以都點咗幾多海鮮，海蝦，新鮮大魚頭，波士頓龍蝦，青口。因為唔想食肉，所以都無點到肉。加咗好多海鮮入去，湯底更加鮮甜。我地仲見到有特別嘢，黑松露墨魚滑，無鉛松花皮蛋。都叫嚟試下。海鮮方面都幾新鮮大隻，抵食嘅。黑松露墨魚滑味道唔錯，彈牙香滑。皮蛋同湯底都幾夾。我地都食得幾滿意。