萬里緣盆菜專門店

Open Now

Now Closed

其實已經食呢間盆菜已幾年，一路覺得佢質素好先至一直有訂。老遠都去拎。但最近中秋訂果個認真唔掂。以前一向都有雞、鴨、蝦、冬孤、芋頭、魷魚、魚旦、蠔豉、螺片、炆豬肉、枝竹、豬皮同蘿蔔。 但今日果盆就無左雞、鴨、魷魚。但就有大量芋頭墊底。魚旦細左一半。豬肉得肥膏或硬到似柴皮。全家都超失望，個個都話無下次。想加價咪出聲囉 咁就趕走左一個舊客 

年年做節都要呀媽一個人煮咁多人飯咁辛苦，今年決定order盤菜，方便又好味！之前同朋友已經order過呢間，覺得幾好，今次再試。8個人order左個細嘅，唔包送貨，所以我地叫左架貨van搭去拎。盤菜幾足料，有正路嘅雞，鴨，蝦，冬孤，芋頭，魷魚，螺片，炆豬肉，枝竹豬皮同蘿蔔。最好味係d魚蛋同魷魚！魚蛋好彈，魷魚好入味，不過好快就俾人搶晒，搞到我唔夠食！好彩仲有枝竹同蘿蔔呢D比較入味既野食，因為我本身好鍾意D好入味既野食，所以呢D就岩哂我啦。而且D雞既肉都好滑，唔會太過老。其實，盤菜不嬲都會lon個架係底防止會痴，不過今次呢間果個架就唔算高，無呃人，見到咁大盤，就真係咁大盤野食！8個人叫個細嘅其實都好夠架啦！下次多d人食先再挑戰個大嘅！

My friend invited me to join his family's Chinese New Year celebration this year at their village in Yuen Long. Poon Choi, otherwise known as Big Bowl Feast, is traditionally eaten on this occasion. Even though his village still practices many traditions, the villagers nowadays no longer go through the painstaking process of preparing their own Poon Choi and will order from caterers instead. My friend's family ordered their Poon Choi from a long-standing caterer in Yuen Long, called Man Lee Yuen

feb 17, 13........1大棚人(有大有細)去食友家.........外賣咗 :1) 大家鄉盆菜 - 訂 (hk$920)-咁多人,又新年流流,最易諗到食盆菜,方便又應節-預12人份量,實際唔止12人先可以食得晒-連埋個盆,重足足有20磅 (我哋特登磅吓佢)-材料有12樣-富貴鮑螺片,游水生蝦,豉油雞1/2隻,燒鴨1/2隻,秘制炆豬肉,甘香芋頭,土魷魚,炆靚冬菇,特制魚蛋,蠔油枝竹,醬油豬皮,清甜蘿白-材料都入晒味,最喜歡有炆豬肉,芋頭,魚蛋-佢嘅豬肉連埋層皮+埋d膏甘香鬆化,無皮無膏味道就會差好遠-而芋頭粉腍又勁芋味-魚蛋嘅size似棗丸,長身同大粒d,又彈-不過因為之前嘅大堆頭小食太強,清盆菜嘅重任就交比d壯男了~~~~~

新春期間, 約了好朋友們團拜, 除了吃甜品, 也在萬里緣訂了客盆菜. 過年的時候吃盆菜, 實是特別應節的安排, 謝謝亞茵幫忙去預訂, 更要謝謝相當大力的大衛及T兄去取貨, 我們拿去磅一磅, 原來有20磅, 真是份量十足. 是日來到萬里緣取貨時, 發現店子是相當的旺場, 有不少取貨的客人. 看來這家歷史悠久的店子, 還繼續是人氣熱店.家鄉盆菜 $920: 8分, 這裡的盆菜仍然是那12樣食物, 包括富貴鮑螺片, 游水生蝦, 豉油雞半隻, 燒鴨半隻, 秘製炆豬肉, 甘香芋頭, 土魷魚, 炆靚冬菇, 特製魚蛋, 蠔油枝竹, 醬油豬皮, 以及清甜蘿蔔. 當中以芋頭最為吸引, 相當入味, 忍不住連吃兩件. 另外蘿蔔也是幾清甜的, 跟枝竹一樣, 吸收了南乳汁之後是相當惹味的. 不過吃盆菜其中一個問題還是肉類會比較老, 豉油雞跟燒鴨的肉質也是實實的. 當然, 那個南乳汁還是精華所在, 用來送飯實在是一流的. 在亞茵大力推銷下, 大家也吃了不少白飯, 難得.還記得五年前曾經吃過這裡的盆菜, 那時候大盆的收費還是$750, 五年過後, 加覆也不少, 不過$920讓大家吃得飽飽, 也是幾抵食的. 味道方面

今日我們下午食盆菜，預先打電話去訂，之後當天自取，我們因為有 16 個人，於是叫咗大盤，$920。嘩！個盆真係好大個，擺咗上爐滾下滾下時，連啲汁都滿瀉，要裝走啲汁先得。盆菜有好多料，有魚蛋、蝦、 油雞、燒鴨、芋頭、蘿蔔、炆豬肉、豬皮、枝竹、魷魚、冬菇等最受歡迎嘅係彈牙魚蛋，又大粒又好食，好早已經搶晒。之後蘿蔔，豬皮，枝竹，魷魚同埋冬菇都係大家搶食嘅食物。蘿蔔冬菇係勁入味，豬皮又吸收晒汁嘅精華，真係幾好食。而我自己就好鍾意食芋頭，又腍又粉，大大件，好好味。呢個盆有好多炆豬肉，厚厚肥膏，食落好軟滑。反而其他肉和蝦就無食，只係不停食芋頭，蘿蔔，冬菇同枝竹。幾經努力，個半小時內，我哋將成個盤都食得七七八八，真係好勁！

Traditional Village Poon Choi is served in large metal bowls with a perforated metal plate at the bottom to keep food from burning, as it is kept warm on a portable stove as it is being served.Poon Choi or Big Bowl Feast, is a traditional type of dish originating from Hong Kong village Hakka cuisine.Usually the residents of this village will produce their own Poon Choi's and Hakka style dishes but this year they decided to order it from Man Lee Yuen Poon Choi.Frankly the village made Poon Choi's

爸爸生日，所以一早訂好，吾使訂金，非常方便。不過細既無得送，住九龍既就要山長水遠自己拎喇一向有食開萬里緣，今次都無令我失望！！$580既細盆菜，４個人食，食得一半已投降....... 推介:芋頭,魚蛋,腐竹,同面頭既"鮑片"!!其他都不錯,例如五花腩總知就係咩都有,好滿足啦!!!!

萬里緣盆菜-不知所謂。諸君看看，上圖便是我年卄九團年飯的盆菜。從元朗萬里緣訂了年廿九送外賣送去屋企的的,收到貨時我沒有打開檢查,因為盆菜要拿去外母在柴灣家中食團年飯,晚上打開錫紙時,一望，簡直便似是隔夜餸攪埋一起。但因為是早上收的貨已經付了錢晚上才發現有這樣的問題, 已經是一肚子的氣吃的團年飯了,我之前訂年九團年飯時已經同時訂了年初三的開年飯盆菜;所以今天年衫三一早便致電萬里緣去投訴當天的盆菜外貌問題。該名女職員竟然回答：我們是賣味道不是賣外貌，痴九線，乜嘢態度呀，出問題不自己檢討，反而用那些不知所謂的理由去推塘。之後仲離譜, 居然話可能係運送過程中震盪了引致的,呃細路呀,運費連附加費要額外收200元 的12人$1200的大盆菜居然就是上圖那種樣子而職業竟然用呢種低能的解釋去推塘責任,不知所謂,之後我問該名女職員姓名，佢死都唔講，推咗比個姓李嘅女人，我叫佢絕對唔可以再重覆上圖個盆菜嘅衰樣，佢竟然回答要一視同仁，唔可以特別對待我。我真係香蕉佢個菩提子。乜x態度，到底佢係咪做生意。咁嘅做法同說話居然都得,結果我原訂4點到7點要送到嘅盆菜，送貨嘅打電話話5點到。結果5點影都無，5點半我打電話

(轉自友人)萬裡緣盆菜，不知所謂。諸君看看，上圖便是我年卄九團年飯的餸。一打䦕錫紙時的樣貌，簡直便似是隔夜餸攪埋一起。我之前有訂埋今天的開年飯，今早便致電投訴當天的盆菜外貌問題。該名女職員竟然回答：我們是賣味道不是賣外貌，痴九線，乜嘢態度呀，出問題不自己檢討，反而用那些不知所謂的理由去推塘。之後我問該名女職員姓名，佢死都唔講，推咗比個姓李嘅男人，我叫佢唔可以再重覆上個盆菜嘅衰樣，佢竟然回答要一視同仁，唔可以特別對待我。我真係香蕉佢個菩提子。乜x態度，到底佢係咪做生意㗎。咁嘅做法同說話居然都得結果我原訂4點到7點嘅盆菜，送貨嘅打電話話5點到。結果5點影都無，5點半我打電話比送貨嘅，佢話係龍鼓灘出梗嚟，我都算，結果等到6點半又係影都無，我已經好唔高興了，打電話比個送貨嘅，佢居然話㗎車喺龍鼓灘跌落坑等人救，唔知幾時到咁嘅說話諸君有無人信。6點50分再致電送貨嘅，回答話仲係龍鼓灘唔知幾時到，我即刻火上加油，叫佢唔駛嚟，到7點10分我就揸車落街買餸，結果差不多7點25分盆菜才送到，我拒不收貨，因為我已經喺樓下買咗好多海鮮，我屋企人已經餓到前心貼後心啦，我點可能等一個過咗時限又唔知幾時送到嘅盆菜呀

尋日初三同家人黎呢到訂左個大盤菜，去到行埋櫃位比錢拿號碼牌出門口拿盤菜，拿上手好重，仲有少少暖，返到屋企再用火爐滾返熱，家人個個都話好食，特別係芋頭、蘿蔔、豬皮呢類吸味食物，雖然傳統盤菜無山珍海味，但風味都唔錯。不過我地12個人有男有女，最後都食晒，份量無樓下講到咁誇剩好多。

農曆新年很多食肆也暫停營業, 最好就一家人留在家中食盆菜啦, 買盆菜, 咁就緊係元朗最正宗, 此店更年中無休. 去到付款$698後便叫你出門口等攞, 一等就等了20分鐘, 這時門口個亞姐才說細盆無雞鴨, 用魚蛋代替, 但訂購時傳單寫明雞鴨各半隻, 今次真係好失望, 由於家人已在家中等開餐, 最後我們只有無奈接受.

今天做冬, 早一個星期打電話去訂盆菜,盆菜例牌大, 八大三小, 訂了個細盆, $588, 不用訂金.準時到取, 俾錢, 攞個號碼牌, 俾門口阿姐, 運作十分流暢, 每個盆菜都會預熱, 拎上手仲暖粒粒.盆菜例牌巨型, 呢個都唔例外, 而且裏頭啲雞, 鴨都非常大舊, 最勁係炆豬肉, 塊塊都大舊過個飯碗, 結果要出動較剪好味的是: 彈牙魚蛋、大大隻蝦、 燒鴨、芋頭、蘿蔔、炆豬肉、豬皮、枝竹唔多好味的是: 魷魚、冬菇個盆太大了, 大部份人都唔敢食飯, 好努力咁, 都要食剩一半

買大盤菜，可加$100送貨，唔洗我一條友搭小巴拎得咁辛苦好彩今次叫左三位猛男一齊食，總共12人，如果全女班一定食唔晒各種食物都好好味，最好味係蘿蔔，好大夠，好入味，個個食完都搵第二究不過盤菜通常都好油，媽咪係開飯前，都係咁易有隔一隔d油，感覺好d.....

陳真兄兒子滿月之喜,有幸被邀出席其滿月宴,地點在他居住的村,於屋外空地擺下五圍,與眾親朋戚友一同分享喜悅.盤菜由元朗萬里緣提供,上年在母校春茗已吃過一次.不花巧,忠於傳統,總覺得盤菜加上鮑魚等食材,已不是那回事.也是肥豬肉,蘿蔔,豬皮,蝦肉,支竹,冬菇等等,因盤菜一直在火爐上,所以一直保持熱辣辣,南乳汁非常之入味,一口肥豬肉,甘香味美.支竹索盡南乳精華,很美味.好些食物如火鍋,是屬於群體,盤菜也是一樣,假若連盤菜也有"一人前"的話,又不是那回事了.祝陳真添丁之外,同時又發財.