萬里緣盆菜專門店

Open Now

Now Closed

今年中秋媽媽話想食盆菜，昨天同媽特登入元朗拎，即日訂即日拎，好方便。一家五口叫了細盆($480)，雖說細盆，但分量足夠七至八人食用，我地食極都食唔完，不過發覺原來仲有迷你盆，相信迷你盆已足夠我地食了。盆菜剛剛新鮮整好，拎到番屋企都仲係熱熱地的，只要稍加熱就可以食了，而且仲有埋碗筷，雖則是即棄欠環保，不過就好方便。一打開盆菜，大陣香味就出來了，材料有好多款，除了基本的材料外，仲有鮑片、魷魚、特製魚蛋。個汁底當然很香濃但不咸，有少許南乳味。款款材料都炆得好入味呢。其中最愛是雞，雞是新鮮豉油雞，肉質鮮嫩有雞味。魚蛋是欖球形的，彈牙冇腥味。鮑片有二十多塊，雖說不是貴價貨，但咬口十足。肥豬肉肥膏與肉弟分佈平均，炆得入味。總括樣樣都好好味，不過只嫌芋頭較硬，不夠粉同淋。總括來說，盆菜雖然比較不健康，不過都是很耐先食一次，加上中秋最緊要一家可以開開心心食飯賞月，什麼怕肥的藉口也不理了。最後真辛苦媽媽從生長水遠拎盤盆菜番來啊!

新年我叫了一個盆菜，好好味。但叫一盆是不設送貨的，要另加收費。雖然我住得遠，但我都自己撘車去取，因為實在太好吃。盆菜的材料有腩肉、鮑片、蝦、雞、燒鵝、蘿蔔、魚蛋、芋頭片等...全部食物都煮得很林和很入味。相比起其他有賣盆菜的連鎖店整得更好味更有心機。

係稻香飲完早茶, 就直接返咗鎗會,原來有人已一早係元朗「萬里緣」頂定一個十二人用既大盆菜,有鮑片、海蝦、豬手、蠔豉、油雞、燒鴨、芋頭炆豬肉、炆冬菰、魚蛋、支竹、豬皮、蘿白等, 都真係幾大盆喎~~ 我哋成廿個人食都夠食, 不過可能有啲人已經食咗啲嘢啦,例如我同老公都係飲完茶先返嚟, 所以只係食咗少少咋~ 可能太大盆, 面頭既餸未煲得熱已經比人食晒啦!不過啲料真係幾足, 但係個人覺得因為乜餸都攪埋一齊,結果好似全部食物既味道都係一樣既... 但都有啲特別好食, 例如芋頭, 入晒味, 正!

一年一度做冬,今年多翻波折後決定又食盤,可能我們的下午茶食到5:00p.m.先完,7:00p.m.開始的盤菜實在吃不消吧!我係咁咦夾了幾粒魚蛋,豬皮,豆卜,腐皮,蝦度,就停手兼停口了.所以最味的腩肉,雞鴨鵝,魷魚,蘿蔔等等等等,全部都吃不下了!好不好食都分不出了!!!

十二人用盆菜, 嘩! 好大盆呀! 食多到好似山咁高, 斤十足, 要兩個壯男一齊拎先拎到返.食前要先十分鐘, 之後繼續係gas爐度一邊熱住食, 幾好feel呀. 面層係貴價, 鮑魚片, 雞, 鴨, 大蝦, 因為呢d通通係面層, 翻熱力度有限, 所以都唔係好夠熱, 又無咩汁, 食時候要放一放落底熱一熱佢, 浸一浸汁, 咁會好食d. 鮑片好大塊, 雞鴨都好靚, 好夠味, 蝦都ok啦.再下面層就係肉, 魷魚鬚, 魚旦, 芋頭. 好辛苦係上面層開窿, 先食到下面呢層, 肉質好淋, 魚旦大粒彈牙, 芋頭炸過, 香口d.最底層有冬菇枝竹, 豬皮蘿蔔. 全部都吸晒d汁味道, 好有味. 不過d汁都幾油幾肥膩, 唔敢食太多.雖然係十二人用, 但相信, 廿人分量都有, 因為今次十四人食, 仲要男多女少, 都食剩一半呀!

舊同學的聚會, 係S哥的家. 多得主人家周到的安排, 我只需等食.人日, 仍係吃盆菜的好日子, 主人家就係萬里緣訂了一個家鄉盆菜. 把盆菜放係邊爐上, 筆油加熱一陣就食得.家鄉盆菜: 9分, 材料沒有大家樂這樣大堆頭, 只有12樣食物, 包括富貴鮑片, 家鄉海蝦, 油雞半隻, 燒鴨半隻, 芋頭炆豬肉, 香炸芋片, 炒土魷魚, 炆冬菇, 特製魚蛋, 蠔油支竹, 醬油豬皮, 同清甜蘿蔔.鮑片沒機會吃, 亦無食蝦. 其他材料方面, 最好係芋頭, 好粉, 好入味. 蘿蔔亦真係相當清甜, 吸盡肉汁. 支竹係另一個強項, 淋而入味, 係食完又食的一樣. 淋上肉汁的魚蛋都相當精彩.肉類方面, 豬肉係炆得好入味, 淋淋的, 雖然係好肥, 都食了兩舊. 油雞燒鴨都比較老, 麻麻.而個盆菜的精華在於個肉汁, 令到成煲盆菜都好入味. 不理它的來頭有幾勁, 只知道這個盆菜係相當對味.大盆的收$750, 雖係10-12位用, 但我們23位吃都有剩. 係相當抵食.再一次多謝主人家請我們吃這餐. 相識差不多20年了, 能夠跟好兄弟見見面已經係福氣.

年初二，又係一年一度食盆菜ge日子。12個人，叫jor個大盆菜。好多料，不過在講食物之前先講講油ge份量！一打開個盆菜就見到D油浮har浮har, 好恐怖！立刻"buc"走佢啦，"buc"極都有，最後裝起了一大碗油，o個碗油多都係足以煮10餐飯！雞、鵝好嫩好淋，唔鞋，係難得的，好少可以炆咁耐都唔鞋！魚旦超正，十分彈牙，咁多樣最鍾意呢樣！豬皮，薄到飛，又吸晒D油，oily 到不得了！蝦新鮮。蠔豉同冬菇份量幾多，味道過得去啦！蘿蔔同腐竹都入味，不過腐竹已經炆到爛爛地！芋頭直頭唔見埋！鮑魚片真係片，薄到飛，又無味，不過好在唔"un"。家人話豬手好好味，淋又入味！食過好多間盆菜，始終都係呢間D味調得最好！亦最入味！

山長水遠由元朗捧過海為o既都係報紙雜誌不斷報導o既傳統風味不過細盆都真係好重$450 細o既, 大o既好似$888 (包支唔知咩紅酒)翻熱比較麻煩一熱少少d 汁就周圍彈講番個盆菜油雞燒鴨都係咁上下無特別蝦都幾大隻同okay 多(好似有8-10隻)仲有d 鮑魚片咁, 當然係好細塊果d 啦, 但都好味冬菇厚肉到不得了, 不過就無乜冬菇o既香味, 但都算係咁芋頭扣肉好"稔"好入味枝竹好似無炸過咁硬係覺得差少少魷魚豬皮... 豬皮唔同食車仔面果d 一陣風咁, 但一路食覺得好滯下魚蛋唔係成粒粉果d , 真係覺得係魚肉, good南乳汁好香好正不過唔知係咪因為d 枝竹堆埋晒d 南乳汁流唔到落d 蘿蔔度咁搞到蘿蔔索唔到d 味細盆其實都唔細4 個人餓到咩咁都食唔到一半係翻熱難搞左d唔係o既話, 多人開餐都不失為一個好選擇

放心, 十幾人食完幾日都無事, 我先出呢個report既.又到新年, 又係盤菜. 十幾人聚餐, 無論事前定善後工夫都好金, 主人家提議盤菜搞掂, 我地都明白同贊成.之不過初一開餐, 到年廿九下晝先話想訂/買, 真係考起. 咁岩得咁橋, 果日岩岩有人同我講起呢間盤菜, 主人家又偏偏住得幾近元朗, 打去問又有「現貨」, 咁就唔駛再諗啦.不過咁大盤野, 翻熱真係幾麻煩, 我地最後都係要分兩、三次, 都係難逃一.材料都係果d, 蠔豉同冬菇份量幾多, 食極都有, 質素仲唔錯. 蘿蔔同腐竹都好腍好入味, 芋頭就唔夠腍了. 唔少得既仲有雞、鴨、魚蛋、豬皮、蝦、扣肉等. 講真我對盆菜無乜研究, 唔知正唔正宗, 但明顯贏連鎖店果d成條街. 價錢雖然相對貴d ($888 for 12, 仲送紅酒一枝, 長城牌......), 但都值既.由於有蝗蟲在陣, 本身味道亦唔差, 我地十二個人竟然食晒成盆, 我都係第一次見証到「盆菜一鋪清」, 真係難得! 新年快樂!

大盤到我地O 晒咀... 同家人一致認同味道OK + 抵食過鴻X / 大X 樂之流既盤菜... 加上仲o係第D 地方加左料所以根本係食唔晒既... 但好似搵勻都唔見有蠔豉...

一大盆，真係乜都有！雞、鴨、魚旦、豬皮蘿白、魷魚、蝦、蠔豉冬菇、仲有南乳燜豬肉等低價食物，八佰幾蚊一大盆，十個人食都可能食唔晒！價錢稍貴，但風味一流，成盆菜最重要係個南乳汁，因為其他配料都係靠依個汁吊味，此店只算係不過不失，汁底不大香，但勝在多配料，若未食過盆菜，可以一試。