文成記

Open Now

Now Closed

疫情三年我都好少出街食飯，上個月幾個朋友出嚟食飯諗住打邊爐，突然間諗到文成記我已經好耐冇去過仲保持水準，佢啲員工好有人情味，又好記性我咁耐冇黎都仲認得我（西利）E+佢哋做緊個夏日推廣平日黎打邊爐青島免費任飲等我下次再約一大班朋友黎打邊爐飲返佢20-30枝啤酒先……………………………………………………………………….加拿大象拔（半條），象拔蚌鮮甜爽口牛邊位，牛肉味重佢嘅手打蝦滑/墨魚滑都好正，仲有仲有….必食即炸響鈴（唔記得影相）

今次係第二次幫襯，上次試過並唔係想像中咁貴。海鮮剌身非常新鮮個人喜好，手切牛邊位正過脊位。脆鯇爽脆九轉大腸👍🏼👍🏼👍🏼👍🏼👍🏼Bonus 每位免費贈送大閘蟹

話說原本諗住去醫局街出名嘅大排檔食飯，但架車無呔氣嘅感應燈突然著咗，於是就兜咗落大角嘴打打氣，去緊角祥街途經文成記，Honey就話呢到牛肉好出名，咁一向食咩都無所謂嘅我就決定改地點，入完氣泊好車就入去搵位。正值晚飯時間竟然唔使等位，一入就即刻有枱比我哋，見到有豬骨煲又好似好耐無食，所以就先落咗個豬骨煲，再慢慢揀埋其他嘢食。既然Honry話呢到出名食牛，當然我哋都唔執輸緊係點咗碟手切牛啦，牛肉確係好滑好有牛味；另外點咗個桶蠔，Size唔會太巨型，估唔到加埋都有成10隻，都幾鮮味。而響令就即炸好鬆脆；司蚶都算新鮮。但其他食物就好一般，鴨血無味；水魷切到好細好碎；黑柏葉都無咩味。差啲唔記得個豬骨煲，呢個豬骨煲內嘅豬骨不是我杯茶，原以為會喺一半筒骨一半其他骨，但成煲都係筒骨，不過我知其實好多人都鍾意筒骨，如果鍾意食嘅人就啱哂。埋單時記得Check單，計多咗支啤酒埋單$836@2人

疫情害我都差不多成半年冇打過邊爐，咁啱知道佢6月1嘅重新開店，馬上約埋老友去幫襯。依間店係依度都好多年，我幫襯都好多年，亦都推介個吾少朋友去試，佢地亦都以熟客為主。佢地拿手好戲當然要嚐，今日湊夠人數，當然試個條 深海池魚王，貪佢油脂夠，口感又好，又係海魚，剌身會非常正！今日難得人強馬壯，難得見有咁靚嘅大蟹，見到佢已經食指大動，凍食啲肉夠甜，出色！食完未夠喉，再叫埋份中型象拔蚌，今天食三款吾同嘅海鮮，全部係水準之上，當然價錢吾算便宜，但吾係日日食，一次半次值得付出嘅。食飽剌身當然要番碟 手切本地牛肉，不嬲我鍾意 肥位多啲，但今日都食左好多剌身，就改食 肉味夠重嘅脊位啦，肉嘅質素冇食咁耐仍保持在水準之上

文成記唔係第一次食，次次食完之後都會好想再encore ，皆因食物質數高而且有水準。除左有邊爐食之外，仲有刺身食。諗住d刺身既質素唔會太高，點知又唔係，叫左象拔中蚌同三文魚刺身。兩者都非常新鮮，而且象拔蚌非常爽口。鮮蝦非常之大隻。 雖然用竹籖吉住了，但黎到既時候，仲見到佢郁下郁下，非常之生猛。將蝦放落去鍋既時候，都覺得自己好殘忍。d蝦真係好新鮮爽口，而且佢既size成枝筷子咁長。而手切牛脊一樣都係好正。牛肉好新鮮，而且好有牛味，放入鍋內碌，碌到岩岩變色食果一下就最正，而且肉質非常之嫰滑。

山長水遠出嚟食只因掛住文成記既🐂筋腩🤤之前朋友介紹已經食過一次，至今念念不忘再嚟encore🤣🤣今次三個女人都可以食咁多野，可想而知呢度有D嘢係幾咁好食👍🏻👍🏻雖然服務想講唔上有啲乜嘢咁特別，但係去到呢度唔食牛筋腩，真係對唔住自己。😌#蟹子蝦滑🦀🦐 我自己好鍾意嘅，因為呢度做得好彈牙，所以大家嚟到不妨一試。#牛筋腩🐂 如果你本身已經好鍾意食嘅話，建議你喺呢度都試吓，因為炆得好入味🤤#鮮蝦🦐 我覺得佢都好有良心嘅全部都係仲跳緊嘅，唔係俾啲死嘅你😌👍🏻#酥炸鮮魷 個人認為佢係翻炸既，啲粉已經係（霖）晒所以我唔鍾意個口感，所以呢個餸冇下次😅

雖然一年四季都可以打邊爐， 不過打邊爐最好嘅時間始終都係秋季同埋冬季打邊爐好味嘅地方有好多，不過要我揀嘅話文成嘅一定係三甲之中打邊爐最緊要就係湯底， 我同朋友就變咗一個滋補鍋， 個湯好清又香又好味又有啲中藥味去一打邊爐有樣嘢一定會叫嘅就係牛肉， 我哋對牛肉冇乜嘢嚟要求，因為好嘅牛肉一定貴， 我哋就係咁以叫咗一碟手切牛肉就算數， 睇起上嚟應該係手切， 牛肉好有牛肉味好好食叫完牛肉之後我哋又有叫一啲雞雜嚟食， 呢啲雞雜係正嘢嚟， 因為唔係度度都有， 以前我哋幾十歲呢啲老香港叫呢一種雞雜做 係下欄嘢， 不過而家就有錢都唔一定食得到， 淥一淥就可以食真係好好味，真係好好味打得邊爐唔會話唔飲啤酒嘅， 尤其係男人好似我哋咁，一定要啤一啤

I was here with my jotmates in University to have a re-union.We had made a reservation in advance so we did not have to wait.The shop was big and the tables and seats were both acceptable for a hotpot shop.We ordered so many dishes that I didn't snap all, I only recorded some of them.Mushrooms/ Dry Fish Skin/ Fish Balls were great.  The dry fish skin was exceptionally good with good taste and large portion.  The fish balls were also great and fresh.Squid Balls were excellent! We ordered twice as

大角咀個頭有好多火鍋鋪雖然唔係話好出名環境都唔係舒服但D野食真係有返咁上下無自助火鍋 只有散叫大部分都係上乘既野食牛肉都有成3,4款個日仲做緊優惠免費做會員就即送象拔蚌仲有佢既湯底真係好濃愈食愈好味呀!!中意打邊爐既人可以去試下啦

我同朋友1 行10人由PM7:30 至PM9:45 用歺,我覺得 值得 介紹 是" 牛背脊",有 大,中,小 3 款,最貴就 big sz= $188 1 碟, 略嫌 份量不太夠10 人食用!但就 真係 超滑！另外必食: 本地生蠔(超甜),$68 ,1 碟,份量 ok la,環 境 ok 乾凈,不 過....有 d 煙民就在房內吸 煙....整 体我覺得 ok !

星期五同老公經過大角咀見到而家做緊抗海嘯價什麼1 2 3, 一是一元豬骨煲 , 二是兩元例蚌(不過要四人同行) 三是三元大藍妹, 於是就走入去咩環境.我哋叫咗例牌象拔蚌 - 剌身 !頂級手切午脊- 細size, 正, 好”林”冇根!鵝腸 墨魚滑, 牛骨髓 , 帶子左魚咀, 鱔片, 花枝片,脆魚皮2枝藍妹全部材料都好新鮮, 而家好少地方可以食到咁新鮮, 雖說係有少少貴但仲好過嗰D任食火鍋比百幾二百蚊食埋D垃圾...正 正 正

食左佢好幾年, 不過好耐冇食, 冇他只因為太貴了!但友人話佢終於有雙糧請我食 我唔客氣啦 我地點左例牌象拔蚌 - 剌身 (想當年係88蚊,而家好似係$168) 好鮮!頂級手切午脊- 細size, 正, 好”林”冇根!鵝腸 墨魚滑(少到爆) 牛骨髓 草菇 唐生菜, 芋絲, 帶子,豬皮- 全部半份3枝藍妹2個女仔, 食完埋單700幾. 真係嚇親自己 佢請我食, 我都唔好意思.走果時友人仲問佢點解d野食貴左咁多ga,佢只係笑笑口不過如果你地有人請食飯都可以黎試下!

昨晚同班老友食左一餐超正 剌身+火碢晚餐.章紅 - 剌身 + 椒鹽頭腩龍蝦 - 剌身 + 椒鹽蝦頭,蝦腳花足蝦 - 剌身 + 椒鹽蝦頭珍珠蠔 - 剌身象拔蚌 - 剌身手切牛肉 (脊) - 火碢料蟹子墨魚滑 - 火碢料魚咀 - 火碢料花膠- 火碢料湯底 : 清湯牛腩 + 節瓜章魚其他火碢料 : 西洋菜, 雞子, 烏冬, 生麵, (一般食材)八個人食. 個個都飽飽, 價錢可以接受.

星期六一行五人定位約了七點,準時到,都無五成客,有人話文成記比較乾淨企理,食物較新鮮,點了一個豆腐魚頭窩,手切本地牛肉,貴花蚌,魚鰾,黃喉,爽喉,鴕系肉,西洋菜,唐萵菜,大鮮魚頭,羊肉片,水餃,魚皮餃,豬肝,魚腩,一支可樂都算新鮮掛,但份量少得可憐,本來想叫麵類食物,但要$22,食人隻車,放棄,食唔飽都算喇!完全無人招呼,無人出菜,最好是無人會成日想要你埋單,坐好耐都得,可能地方大掛,食得唔飽都埋單,承惠$924,都打左個突,都無乜食過乜野,一定無下次囉!!

朋友生日去打邊邊~一入去侍應倒左豉油比我地~有d蔥蒜個d可以加~不過一睇價錢~一人一碗仔豉油夠膽死收 $15 一碗!!~ 搶錢!~痴線~自己去超市買一支都唔洗咁貴!好啦~朋友生日算數照叫野食~湯底到~算係唔錯!~ 湯底我覺得質素ok!但係食物一到..............o my god!d珊湖蚌 d色唔鮮!~ 細舊! 少!d牛肉, 幾蚊一塊~ 普通的牛肉!其他d野食都係普通, 但好貴得少少!!!~我覺得去稻香個d9點前入去食都一定平d同埋值好多lor!~最後一人 (8個人) 200左右~ 但食唔飽咁走~之後仲要食多餐先飽~大家可以諗下你要用幾多錢先可以食飽!!!!!~