Video
Telephone
34848289
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
今日入西貢，行到橫街窄巷，見到寫住老字號文記，貼晒圖話牛什牛腩，望落D圖靚仔份量足，諗住試下。叫左個淨牛什外賣，佢話要91蚊，我覺得可能牛什份量大和水準高就即時比錢。結果比錢時兩個阿姐就係度因為落唔落單而互相吵鬧幾句，搞到臉濃濃對住我，都算。找完錢，等佢比餸我，結果間野無乜食客都等左好一陣。到終於見到整我既野，離遠見到廚房阿姐只係一個湯勺撈起D牛什（真係得一勺），就倒入個膠盒度，樓面阿姐就即時合蓋攞比我。我一睇個膠盒份量呆一呆。好野，出面牛什話50蚊60蚊碗都叫貴，但都肯定無佢呢度賣得咁Q貴。成盒野，牛什+湯汁，夾埋都唔知有無1/3個膠盒。我真係唔知比咩反應好。我攞完就返去，返到去都比人問：（佢賣幾錢斤？咁少？）佢無寫幾錢斤喎！淨寫淨餸90蚊啊！唔可以話佢呃人，但真是份量超出晒所有預期。半盒都無，超痴線，真係好意思出手賣90蚊？至於味道，超咸，可能係要煮比鍾意食咸口既人士，而且好鞋，又唔淋，想食既睇路。我就絕對絕對唔會再有下次。也絕對唔會推介。鍾意既就去啦！無人阻止你。
continue reading
💫粟米餃+韮菜餃+黑豆漿 $72紅日7:00左右黎到唔使等位，豆漿應該係啱啱煲好喺度處理緊包裝，即刻叫返杯先！所以係暖笠笠！比較純同埋濃郁嘅豆漿，唔會太甜👍🏻呢到既水餃皮薄餡料多，幾岀色，坊間有啲餃子舖頭皮太厚又好少餡料。不過份量唔算好多，女仔食嘅話都係啱啱好夠飽。粟米餃有紅蘿蔔豬肉西芹粟米，粟米好鮮甜整體好有咬口，感覺幾健康嘅食材。韭菜餃幾香韭菜味。多人嘅時候需要搭枱！一坐低服務員都冇特別招呼，餐牌都冇，自己叫佢哋幾次去落單。價錢都冇咁清楚列晒出嚟。肚餓嚟食嘅話唔會太失望，但整體感受同食物唔系一定要黎。始終西貢仲有好多岀色服務好既餐廳。
continue reading
喺西貢住咗一段時間都係第一次嚟呢間食✨▫️星期六下午出左西貢市中心，穿過小巷見呢間麵店唔錯，一於試下佢😊▫️坐低叫咗兩個雙拼麵、炸魚皮同一杯黑豆漿✨炸魚皮 $25首先上枱，炸得酥脆，份量唔少，正正常常，下次可能試吓其他小食😛▫️✨黑豆漿 $15細細杯但好好味，豆味濃得嚟唔算甜，好健康嘅感覺▫️✨韭菜餃+粟米餃幼麵 （<$50)水餃真係一流！皮夠薄同大塊，因為我好鍾意食水餃皮，覺得大大塊皮好正！韭菜好香，粟米餃就有西芹紅蘿蔔豬肉，口感好好，好有營養咁，幼麵都好彈牙😊▫️✨雲吞牛腩粗麵雲吞大大粒蝦，牛腩都幾入味，配埋自家製辣椒醬無得頂～佢個辣椒醬係食完個口都仲有少少辣味留喺度，好過癮😆▫️見呢度都有得買水餃，做緊$70/打，遲啲打吓邊爐都唔錯，下次再encore!
continue reading
位於西貢舊街的文仔記開左三十年有多，老闆娘日日新鮮包餃子，粒粒餃子新鮮又足料今日想食餃子🥟就想起文仔記，叫左兩碗餃子🥟加2杯黑豆漿，共$138招牌餃+粟米餃🌽一碗每款4顆，招牌餃（豬肉，西芹，木耳），粟米餃（粟米，豬肉，紅蘿蔔🥕）韮菜餃+粟米餃+河粉每款4顆，韮菜餃（韮菜，豬肉）我好喜歡文仔記d餃子，因為蔬菜比例較多，而且d鮮味都來自食物本質，就如西芹，韮菜，粟米的香甜味，加上新鮮豬肉，互相配合，令成粒餃又香又juice ，食完唔會好口喝，證明好味唔係靠味精，確係新鮮真材實料👍🏻黑豆漿正常香甜推薦度4.5/5文仔記麵食店 (西貢)西貢德隆前街17號舖
continue reading
在西貢市中心的村屋巷仔裡面開左好多cafe, 想搵d地道d既野食，見到一間舊式d既麵鋪，平日唔係午餐時間都有2枱客食緊就試下佢啦店鋪有十零個位，唔會坐得太迫，鐵櫈唔算坐得好舒服我地叫左一碗韭菜餃麵$42同埋一碗牛肚米粉$42（雙併要$54）牛肚米粉黎左先，試啖湯淡到冇味咁制，米粉好唔好食好睇個湯，所以老婆要加醋先食到，牛肚正常韭菜餃麵後到，佢個湯清甜d但都算偏淡，麵質爽滑彈牙，韭菜餃有4隻，塊餃皮淨左出黎顯得餃肉偏少，韭菜味都幾香食到中途有隻烏蠅飛黎飛去真係有d減分
continue reading
You may be interested in