文華冰廳餅店 (Closed)

時代的洪流不斷向前，老舊的事物不斷被掩沒，無論這些擁有一定歷史的事物是否上一代或我們這一代的集體回憶，當它們即將消失，或多或少都會給令人對它們唏噓、感慨、懷緬一番。那邊廂，在深水埗扎根八十年的「信興酒樓」才剛光榮結業，這邊廂，在旺角開業多年的「文華冰廳餅店」也將在今日之後，成為歷史，實在教人感到時代轉變的殘酷。 我對這歷史悠久的茶餐廳雖然感情並不深厚，平日在附近幫襯的也多是其他茶餐廳，好像康年、民華等，但偶然幫襯，仍然對這茶餐廳牆上寫著的張貼的早餐、午餐、快餐、常餐以至特餐，留下深刻的印象，特別是每當想起麥兜電影中黃秋生數白欖式的配音，喃喃說出早餐即是常餐、常餐即是午餐、午餐即是特餐、特餐即是快餐，更是不禁發出會心微笑。 也許，這兒的食物，就好像這天我吃的「牛油餐包 + 西煎雙蛋 + 火腿通粉 」 + 餐飲「熱奶茶」 那樣無甚特別，不好不壞，不特別好吃，也不特別難吃。但坐在這樣一間擁有多年歷史，陳設裝修都有著一份港式情味的茶餐廳中吃東西，就份外讓人感到一股親切的氣息。 慶幸，今日在旺角、太子一帶，我們還有比「文華冰廳餅店」更歷史悠久的「中國冰室」、更有名氣的「金華冰廳」和更有時

幾十年老字號-文華冰室，裝修係傳統既冰室茶餐廳，一排排既卡位，加上舊式熱水爐，熱辣辣既新鮮麵包, 仲有香港式既伙計, 小篇平常都愛去冰室，食物雖然簡單，但越簡單食物越見功夫同經驗, 文華冰室有沙爹牛肉煎蛋飯, 唔好以為沙爹牛肉一定係配公仔麵，依個沙爹汁夠厚身野味，還有牛肉大大片，一啖牛肉一啖飯, 仲有煎蛋係半生熟，蛋黃流出加上甜豉油，整碟白飯都可以吞晒至於奶茶......真係無令我失望, 雖然冰比較大粒，但係冰室既奶茶一向重視茶膽, 所以沖出唻既奶茶有重重既茶香 

此文華非彼文華, 但同樣傳統, 走過一年又一年. 飲食, 有時也講機緣巧合. 曾在旺角打滾多年, 三過其門而不入. 今天, 早餐時, 心血來潮走進時光隊道. 充當導遊介紹遊行一嚐老店的菠蘿包. 而我只是叫了常餐中的ABC一項, 豬扒麵和茶走. 茶走比一般茶記有水準, 但茶膽有點澀, 但香味猶在. 而豬扒本身腍熟, 但有點油, 或許是剛煎起的緣故. 老店, 沒有一家就一家. 多少店還有香瘀賣? 裝潢, 椅桌......道盡多少個故事. 

"前言" 話說，有間在太子的冰室十二月三十一日榮休了。 有時候只看看標題的我，仲以為係金華，一日經過金華的我就講:喂，佢就執，不如今晚食啦。 她說:唔係呀，唔係呢間。 我唔信，然後說：賭一千蚊呀。 我在朋友的Fb找關於那冰室結業的消息，之後我看到： WTF..... 咁就一千蚊。 "序完" 染野講完，就係關門前的十三天，我來到了文華冰室，填補我輸左一千蚊的空虛。 下午十二點，人已經很多，川流不息，從來都是老冰室的特點。 這裡的侍應也喜歡待客人如俄羅斯方塊，不過這的確是茶餐廳文化，四人座位一定要四人。 早餐午餐快餐特餐，應有的名字也出現了，典型的茶記風。 我們來到當然要叫最有名的，你睇開知我幾愛沙爹牛，當然不錯過常餐。 沙爹牛肉麵是最令人安慰的，那種港式的沙爹味，是老牌冰室風格，翠華上市又點，同我行開，根本吃不出老香港味。 那是大光麵的回憶，配沙爹是最好的小時候所吃的食物。 火腿奄烈就普通左少少，薄薄的，還有特點係成塊火腿落去煎，只此一家。 牛油多士，牛油的慷慨，你看相片就知道。 熱奶茶，相對較失色，我覺得如果杯係燙熱的，熱奶茶更會好一點。 女友點的熱咖啡，不過不失吧，我還是喜歡欣賞

太子雖然成日去，但食飯的機會唔多，最近在附近工作，偶然發現這家有當年回憶的冰室雖然街上五光十色，盡是有名氣、星味的食店，但還是不及文華門面那樣實在推門進去，是當年熟悉的感覺，甚麼是熟悉?　就是望上去就會記得你中學同同學來過 (隔左十幾年，但有一見如故的感覺)當日的回憶一下子湧出來再看餐牌，主打早餐、午餐、常餐的粉麵餐，甚有當年正牌　金記冰室(筲箕灣)的風格，既然係早上，就叫早餐，伙計都廚房快手，早餐轉眼就送到講到食物，唔係絕世美食，但有一種熟悉感，火腿通粉看似平平無奇，但只要加上胡椒就可以帶出味道，凍檸茶普普通通，而麵包雖然同個餐格格不入，但咬落又唔錯話咁快就食飽如果新式冰式叫創新，咁文華就有如工匠般的藝術相隔幾日，甚至十年都會有不變的感覺才剛找回以前金記冰室的感覺，轉頭又要面對分離．．．因為這店將在月尾光榮結業，多少令人感嘆，要在餘下日子多去幾次．．．

新聞講這冰室快要結業，一於來懷緬一番。店鋪裝修古舊，富有老香江歷史痕跡。店面擺放麵包櫃，盛載每日新鮮出爐麵包和蛋撻。早餐只有一款， 火腿通粉，煎雙蛋和餐包。$29在旺角區來講算是便宜。鮮油餐包質訴唔錯，新鮮出爐餐包配以鹹牛油，味道恰到好處。煎雙蛋是新鮮煎，兩面煎縮，熱辣辣， 蛋黃仍保持流心， 比起大部份連鎖快餐店和茶餐廳的全熟凍冰冰煎蛋有心得多。不過火腿通粉比較普通，湯沒有味道，通粉比較"孩口". 至於凍咖啡都星普通茶餐廳貨式，沒有驚喜。 有機會會再來試試午餐和晚餐吧。

今日過魚街睇魚，順便再次光顧呢間老牌冰室，我們依舊叫沙嗲牛肉麵配奶茶，奶茶夠滑又香，沙嗲牛肉有限很濃的沙嗲味，入口都幾滑，水準依然保持得好好，看得出好用心去做，值得再次推薦！

［五香肉丁蛋飯］近排對茶餐廳、冰室有種情意結，所以經常出沒其中透過網絡知道文華即將在年底結束，一直是她顧客的我，於是黎食多幾轉五香肉丁蛋飯系我最愛，簡單但實在，很貼地的味道友人叫左碗叉燒意同菠蘿油加埋杯阿華田脆尼餐lunch 無得彈

聽說年底前要結業⋯今日在旺角附近逛街～ 晚餐就慕名來朝聖一下～ 未到八時來到⋯只見冰廰內已座無虛席～ 剛好有人結帳⋯二人獨佔四人座 😁😁甫坐下⋯貌似老闆的男人便說已經沒有牛🐮沒有豬扒🐷沒有叉燒⚡️⚡️⚡️我本來對沙爹牛肉充滿期待⋯現在超失望的😞😞😞 餐牌本來選擇就不多⋯只是以牛 豬扒 叉燒 餐肉 火腿 榨菜肉絲 五香肉丁配飯麵～ 現在只剩下醃製類食品⋯完全想離開擇日再來☹️☹️ 可惜友人已經下單了⋯我勉強選了特餐⋯沙嗲牛肉麵轉做五香肉丁通粉😔😔 友人的五香肉丁煎蛋飯 ($37)外貌很頹的一碟飯⋯我嚐了一口⋯沒有特別 😑😑😑我的特餐 ($29)～ 特餐本來有一個粉麵 + 火腿奄列 + 牛油餐包～ 本以為餐包後上⋯等了一會⋯當一位伙記拿來餐飲⋯我問是不是還有餐包⋯他板起臉孔說 "我頭先已經講左⋯冇牛冇豬扒冇叉燒冇包丫嘛！冇晒所有包架喇！十二點已經冇晒！" 然後就走 😨😨😨 我很肯定老闆剛才沒有說沒有包😒😒 伙記更加沒有說 😤😤😤 這位伙記態度很差 😡😡😡 這些餐廳我沒有期望有甚麼太好的服務⋯但也不用這樣吧⋯澳牛也不會這樣食到一肚子氣！回到食物～ 五香肉丁這些現成貨⋯也不會難食的⋯之前有人說火腿奄列其

呢日約咗人,見時間尚早就去咗文華冰廳食少少嘢.門口設有餅櫃,入去之後就係濃濃嘅真懷舊港式冰室風格,當日仲有啲外藉旅客.呢度啲位都幾迫幾窄,卡位亦被佔據,於是就同其他食客搭檯.我叫咗份特餐,牛油餐包,火腿奄列,沙爹牛肉麵同熱奶茶三十蚊唔洗,以旺角嚟講都幾平.牛油餐包食落鬆軟而富彈性,有牛油香同甜香.火腿奄列嘅蛋煎得唔鞋,夾晌中間嘅火腿絲唔死鹹.沙爹牛肉麵嘅沙爹牛肉份量唔少,調味濃度適中,冇被鬆肉粉醃得過頭,仍食到一啲肉香,麵量亦非常多.熱奶茶茶味唔算濃郁,但口感順滑.食完之後就聽到呢度快將結業嘅消息,只能夠講世事變幻莫測,真係有啲可惜.

係新聞睇到文華冰廳會係12月結業，所以肥Dee趁今日得閒梗係去試下!!其實九龍城有好多間類似冰室，文華、金華 都係食波羅油同埋常餐為主，我就中意食蛋撻（曲奇皮）同埋墨西哥包！唔講咁多。。講番冰廳。。點解叫冰室去到後尾既茶餐廳。。五六十年代唔係家家戶戶有電視，咁有Ｄ人去涼茶舖飲番杯２４味，有Ｄ人就去冰室飲下冰睇下電視，個時既冰室就賣野飲，食下蛋糕（即係文華門口蛋糕店），後黎西餐廳引入，有錢就去正式西餐廳食下扒，冇錢就去冰室（咁個時開始賣既野就唔再局限飲野），開始慢慢愈來愈多，好似炒飯、瑞士汁雞翼。　茶餐廳其實就好似香港地咁，係一個中西文化交融地方，融融下自然有佢既韻味：）　好似干炒叉燒意粉咁，又中（叉燒）又西（意粉），只要岩自己口味就得。我地下午茶時間去到，已經有好多人，但係咁好彩有位（雖然都要搭枱）。嗌左個特餐（牛油包、火腿奄列、沙爹牛面同野飲）；同一份茶餐（牛油包、火腿奄列、叉燒意粉同野飲）。其實野食就都係一般一般，沙爹牛略嫌有Ｄ淡，奄列有驚喜，外面就火腿絲，呢到真係成半大塊火腿！叉燒係幾好味，又真係幾足料飲左杯熱奶茶，梗係傳統個種口味，正正正！！其實廿九蚊真係抵食，係太子去其他茶餐

早餐食一個餐，就叫左以下嘅食物，一張相影晒。熱奶茶，公仔麵，炒蛋午餐肉＋雞扒熱奶茶都幾香滑，熱力十足，沖得唔錯唔錯。公仔麵同埋午餐肉就係普通貨色，午餐肉就比較咸。炒蛋都炒得幾好，口感亦都比較滑，鹹鹹地好味，用左奶來炒！價錢來講就貴少少，味道都可以過得去，個雞扒就冇乜雞味，亦都唔係太滑啦，比較油。

文華冰室細細個食到大，相差五餐特餐。基本上我全部都食過。今次返嚟教我地當然要試吓呢個超值常餐，有沙嗲牛公仔麵，火腿蛋同埋牛油方包。先講講沙嗲牛同以前一模一樣路德好好味，我想上等沙嗲醬，撈上新鮮的牛肉，一貫水準好好味囉個蛋7成熟好滑溜,最正就係杯奶茶茶味同奶比例恰當好處非同凡響

一朝早梗係要嘆番個靚早餐啦今日整返個啊火腿炒蛋菠蘿包套餐唔好睇小呢一個菠蘿包佢嘅皮好趣，麵包都好鬆軟材料就有火腿炒蛋，好豐富又有營養一啖咬落去啲蛋溜晒出嚟個口太細，要分開兩邊食仲叫咗個杏仁霜美容一下先豐富嘅早餐成為＄30抵食

做完瑜珈同朋友想坐低傾下計.. 但周圍人生人海.... 見文華有位就坐底 飲啖茶食個西多士西多士茶餐 $28哩間西多士唔算太特別 上檯時唔係好熱，花生醬也一般 ， 脆口感也屬一般。正常不過的西多士相反凍奶茶 夠滑又夠茶香 雖然唔屬於大驚喜 。係哩間舊式茶餐廳飲奶茶特別有佢既風味。