民益

Open Now

Now Closed

朋友如果想去泗益（赤柱），記住認清楚「民益」並不是「泗益」。「民益」起「泗益」隔離，佢地既店員會搶泗益D客，並以「有冷氣」向遊客招徠（因為民益有一間很細又簡陋的冷氣房）。如果你特登去赤柱想食泗益，就要睇清楚先好坐低. 民益D食物很難吃，普通茶記都比佢好多多聲。

在赤柱區這間大排檔粉麵已屹立多年, 以前的魚旦魚片確是出色, 用鮮魚自制, 現場即炸, 但近年已是攞貨回來, 好在還有它的鹵水牛肚和豉油撈麵, 牛肚麵: 牛肚入味, 夠淋身, 那個汁有懷舊味道(八十年代沙爹), 算是ok,  , 豉油皇撈粗 : 麵夠乾身, 不太油, 爽口, 亦夠味, 不錯

曾經在赤柱做過part time，亦在此地留下好多回憶。有美好的，當然也有不愉快的，但是我最大的收獲是認識了肥膏。現在又再一次重遊舊地，竟然不是去回憶舊時，而是去試了這間「民益」。說真的，在赤柱做左兩年part time, 都沒有試過這間麵店。因為這次是假日來到，周圍都多人，只好到仍然有好多位的這間麵店午餐。「民益」好像寮屋區的店，窄窄的走道走入去，見到的是十分古舊的麵店，好古老及有特色。個感覺似是大排檔多一點，不過也是舊香港的一個特色。從坐下到睇餐牌，店員姐姐都望到實一實，哈哈，想揀耐D都好似吾得甘。但我偏是不妥協的人，你望到實就由你望吧，我還是想了大約五分鐘想吃甚麼。先來一樽可樂吧。我點的是奶茶，說真的，我甚是欣賞。濃。滑。香。好飲，是那種好多奶的奶茶，而且夠甜。但是喜歡茶澀味的人可能就會不太喜歡了。魷魚大腸麵（雙拼）HKD 28.00魷魚是用咖喱汁煮的，好味，而且個份量好多，這個值得一讚。平時在其他好多車麵店食魷魚都會比較貴或只是清水烚。大腸滷得也入味，無異味，而且又易咬得開。麵就一般，湯底味精用量有點多，食完麵會好口渴。我點的是 雞翼蘿白米 HKD 28.00在我還未有決定食咩

今天是只有2015年才有的公聚假期，我今日都要返工，突然派到這個地方，我就當然要食好一點啦，一個人的下午茶，當然唔會選擇一些貴+享受時間多過食的食店，所以我選擇了這間，我十年前幫襯過一次，朋友話好出名的面店，我在大街轉了幾個圈都找不到，我見到佢的宣傳牌，但就是找不到，我印象應該在附近，當我以為佢已經「接」左時，終於比我找到，那個入口肥點都過唔到，我今次真係唔該唒。這就是今次的選擇，雙料面，價錢合理，這些地方唔會平，我還加了一支大可樂，服務員態度都可以，佢介紹我食八寶面，我當然拒絕，咩都有的車仔面我最唔鐘意，又唔平呢，講返味道都可以，有加腩汁比我，所以湯底變濃了，魚皮餃唔算出色，但都算合格，豬腸都幾有口感，唔太肥。總結今次都算合格。

民益面家環境0分，真係好dirty，遇到落雨，真係無胃口。但係入面好多明星食飯相，d面味道都真係唔錯既。八寶面＄36 牛腩撈麵 ＄36 牛腩面＄32 可以一試八寶面即係墨魚丸 ，貢丸，魚腐，冬菇etc每樣一舊。牛腩撈麵抵食d。 首先d牛腩分量足，又入味，d醬汁淋上去更加惹味，jeng。d麵下面都有醬汁，撈均勻之後連麵都有牛腩味，真係都幾ok唔係講笑。牛腩麵都有牛腩，但因為係湯麵既關係，d牛腩味醬汁會沖淡左，可能食得淡d既人會岩口味。

1. 落6碗麵落左好耐先寫啱，但黎錯3碗，ok再落單，都係錯，又再落單先啱，但再三叮囑嘅走青，最後都係冇走到！同個丫姐講，佢又黑面！  2. 叫個菜，明明睇住個丫姐冇落到，我都問左3次有冇寫，佢話有，ok信佢！但吹左2次，野都食哂，最後都係冇黎！  3. 咖哩魚蛋，真心難食，勁淋，成嚿粉團咁，又細粒，仲要16蚊，7仔果啲好過佢好多好多好多！4. 咖哩魷魚，係咁多樣野之中叫做最好食5. 丫姐堅持推介撈油麵，見佢盛意拳拳，好，我叫左個牛腩撈油麵走青。出到黎，變左8寶撈麵，我怕食左人地嘅，當然係俾返佢啦！但佢面黑 ，再落單先啱，但冇走到青（我已經再三吩咐）。評價係：麵質幾好，但個汁冇味，牛腩好靭同冇味。6. 隔離枱啱啱坐低，丫姐就問人地食乜，個班客話要睇下先，之後個丫姐返黎，班客話想落單，佢竟然話「等陣！頭先叫你地落你地又唔落，依家我忙到死喇又叫人落單！」，態度需唔需要咁惡劣呢？7. 由我地食完起身到出到門口，我見到3隻曱甴我打死都唔會再黎呢間野度食！

年初四一坐底 己經係咁催人落單跟住話得米線  所有麵 河粉全部唔煮 仲好串咁話係爐煮唔起麵會跳制 係咪想攬炒 全間舖D人都冇得食但落左單之後又聽到隔離枱有麵成三十蚊碗雙併 勁細碗 丸得個2粒食完一D都唔飽仲有燶底既味 好難食 都未食完就叫人埋單 永無下次 

其實我係街坊嚟,見到啲食評咁差,想同佢平反吓。講真民益最好食就係撈粗面,啲面質無得頂!!好彈牙!!只要吾好叫魚旦丸類(因之前食過魚旦,勁林,好似食緊pat粉咁)就無問題。本人食咗14年都只係食佢嘅撈粗面,當然吾係餐餐食喇,但去到就吾會想食其他野。我得高人指点(我老公由細食到大)所以次次都係叫蘿蔔豬皮尤魚呢啲,包穩陣,今次去再試牛腩,夠林夠入味,連個撈面醬油都有進步!!聽聞換咗㕑師,啲野全部正常返晒。真係要試吓吖!!

難得天氣好，友好們相約今天到蒲台島行山影相，這個在香港最南端的小島，沒有電力及自來水，島上的幾戶居民只得依靠自家發電機，亦只能坐街渡進出。一早到達赤柱卜公碼頭，已經有很多人在排隊等待，街渡準時十點到達，約30分鐘船程到達蒲台島, 島上風景優美，我們直走到山頂去，吹吹風，拍拍照，很寫意。大家不自覺地幾乎忘記了回航時間，原本是打算在碼頭附近的小檔吃個午餐肉紫菜一丁的，紫菜是當地居民自家曬製的，怎知沒有足夠時間，就要趕回程的航班，唯有寄望下次了。回到赤柱，有些朋友要趕到別的event,亦有人不想在赤柱吃東西，就各自離開，我肚子實在太餓，就拉著一友好陪我去吃民益。檔子不算太大，看到牆上貼著很多食物相片，八寳麵的賣相吸引，就貪心的點了個八寶麵，34元，加10元可要大支玻璃瓶裝可樂，友好則叫了個魚旦河。他們也有提供小食如燒賣、咖喱魚旦及魷魚等，原本打算多叫一份咖喱魷魚的，怎知已經賣完。可能就只有一個師傅負責煮麵，等了約十五分鐘，我的八寶麵才送來，看看麵的配料，跟牆上相片不同，沒有了牛丸，魚旦亦只有一粒，其他配料有魚片一塊，幾片豬皮，幾片牛肚，2塊蘿蔔及、2小塊冬菇及一片紅腸。即時向店員查問，回復説

夏天最好是陽光與海灘，難得的一天假期，一家人到海邊呼吸一下新鮮空氣，總好過整天對著電腦打遊戲。入到赤柱都已經近中午，先去醫肚緊要，而民益就在大街附近，加上以前跟太太拍拖時經常光顧，就帶囝囝來緬懷一下好了。其實看似地方淺窄，但再深入一點就會發覺另有天地，而且更是冷氣房，正。囝囝最喜歡魷魚一類食品，就來一份咖喱魷魚，辣味不重，食落清脆，份量不多，小朋友食少少算，因為難消化，就由老爸，即是在下代勞吃光。自己反而要了碗魚蛋粉，河粉尚算滑溜，但魚蛋及魚片的魚味很淡，就連湯底亦如是，可能回憶總是美好的。

想試泗益，但原來星期二放假。唯有試吓隔離呢間。叫咗牛腩河、雲吞河、咖喱魚旦、咖啡同奶茶。除左魚旦，其他都等左非常耐。魚旦唔夠熱，只係暖。又唔彈牙。河粉無乜特別，但貴。成三十蚊一碗。奶茶唔掂。咖啡普通。埋單要83蚊。好唔抵。一定無下次。

本來是沖著泗益的西多士來著。。。結果誤入民益了還誤以為是泗益來著 還傻傻的問店家有沒有西多士~~~知道返屋企才恍然大悟╮(╯▽╰)╭Anyway 點了個秘制咖喱魚蛋稍作嘗試14文一疊數量不少 秘制應該也談不上吧 比起平常吃的咖喱魚蛋唯一的小區別就是甜了少少 咖喱味沒有那麼大 算是甜咖喱吧把味道和環境因素到考慮進去的話 14文一疊稍稍顯貴了！店家倒是極力推薦八寶面 說是非常抵 看牆上的照片應該是挺抵的 有魚蛋有牛什牛腩等等下次有機會再嘗試吧~環境只能用“大排檔”三個字來形容了 就是坐在一個內搭的大棚里的感覺 店也不太容易找 因為店面很小 還要做過一個狹長通道 通道上就是泗益 = = （╮(╯▽╰)╭那天沒有開門營業的泗益 我錯過了~~ ）

今日太熱la,沒有胃口食太heavy既dinner,所以黎咗呢度食魚蛋粉,我和男友先黎一碟咖哩魚蛋,嘩!! d咖哩雖然唔係好正,但d魚蛋好正ar!! 好香既魚味,而且又彈牙,正ar!! 之後我要咗碗八寶麵,當然預咗唔會款款餸都好味,但勝在樣樣都可以試下,原來呢度既牛肚都好好食ga!! 男友就要咗碗牛雜麵,但呢度既牛雜原來係冇腸和肺ga!! 有點失望,不過牛肚真係好好味!! 算la!!

同囡囡遊赤柱,佢好肚餓,要搵野食,就入去,我叫左什錦麵,雲吞麵,咖哩魚旦鱿魚,食品水準都OK,都好快有得食,服務水準 一流,兩個姐姐好有`禮貌佢有一間冷氣房,夏天如果堂食一定可以考大家忍耐力,

三月六日 (星期日)今日約會老公仔的同學仔去遠足已有好一段時間沒有行山,所以今次選的路線也較容易-大潭有講有笑,好不容易,用了約三個小時便完成旅程見還有時間,搭巴士到赤柱逛逛(其實有氣力的,可以用多約三小時行進去的)來到赤柱,有人覺得肚餓,於是要覓食原想吃泗益的多士的,但人龍太長了退而求其次,知道民益也不錯,於是便衝了進去看到很多相片,原來這裡的咖喱魚蛋頗有名氣二話不說,友人便點了我和老公仔原想吃牛腩河的,豈料侍應說既沒有牛腩,又沒有河粉真失望呢...無可奈何,唯有要豬腸魚片米粉了事整個米粉不過不失出名的魚片都不是太特別,米粉很碎的唯獨豬腸很爽口彈牙,算是個安慰最後,連友人點的咖喱魚蛋也沒有來掃興而回