Manecy's Studio Restaurant (Closed)

返工返到攰就想同朋友gathering下，久唔久都要相約吐下苦水life-balance下。想食下歐美風既菜式，於是就google下。於是就決定食德國🇩🇪咸豬手。有免費Wifi需要詢問店員拎。呢度都有酒飲下。但第二日要返工就忍住不了。德國咸豬手🇩🇪其實都好大碟豬手，而且我覺得呢間豬手既外皮都卜卜脆，好似燒肉個款荔皮皮咁香口。而肉質都係咸，但幾有風味，配埋德國酸菜+洋蔥仔一齊食好配合同解咗豬手既油膩感。意大利海鮮燴飯🦐裡面有青口、扇貝、大蝦、蜆肉等等。擠咗檸檬汁你上面多咗份清香，個飯底本身已經有番茄既酸味，加咗檸檬酸多咗層次感，而個飯吸咗海鮮既精華，好有鮮味。而且好彩海鮮唔臭肉質都係有彈性，唔怕霉霉地。好味道。但如果個量可以多少少就好。最後仲叫咗個石板街，原來個木箱裝既係朱古力棉花糖布朗尼。一共有三件，份量都叫岩岩好。旁邊個伴碟有無花果、藍梅、草莓，賣相好精品可以打個卡。想特別讚下呢度既店員，佢地都好留心客人既需要，跌咗叉佢地好快手回應。

成日喺銅鑼灣食嘢都已經去到唔知食咩好，今次就嚟咗呢度試吓佢嘅德國 x 西班牙菜啦。一入餐廳就覺得好德國feel, 用哂紅磚，又見到好多唔同口味嘅啤酒揀，所以一坐低就check 吓有咩啤酒想叫😌😌識我都知我鍾意食「洋腸」，所以見到menu 有就二話不說叫咗。嚟到個擺盤好靚喎，即刻相機先食，味道都唔錯，最鍾意梗係嗰隻豬肉腸啦，好juicy.龍蝦湯又係我最愛之一，所以都order 埋。入面有帶子同蝦，龍蝦湯好好飲喎，好過麥記嗰啲好多呀！問埋朋友想食咩就叫多咗個辣肉腸Pasta. 我就唔太食得辣，所以只係試咗少少，都唔錯㗎！呢間最啱一班朋友嚟，叫多幾樣一齊share 就最正喇！

今日去左試下呢間樓上鋪, 本來想試下啲前菜但唔係幾啱心水,而且前菜接近$100一客對我黎講有啲貴, 所以叫咗湯+主菜+甜品+餐飲就算。餐湯叫咗特濃龍蝦湯伴海鮮, 個湯有好濃嘅龍蝦味,入口好滑, 跟湯嘅麵包條亦都好好味, 值得一讚但湯入面嘅帶子同蝦就比較淡口, 就咁食會冇咁好食主菜係呢到嘅招牌菜德國咸豬手。豬手炸到皮脆肉滑, 完全唔韌啲配菜到好好食奈何食得多會覺得少少鹹, 而且芥辣醬似燒味嗰隻醬甜品叫咗佢哋自家制嘅石板街朱古力蛋糕, 其實即係Brownie上面加棉花糖同白朱古力醬(應該係) 食落有口感, 唔算太甜餐飲叫咗單眼佬(Grape+Yogurt+Soda), 呢杯野比較淡口, 冇咩特別之處總括而言, 野食方面可接受, 店員都好Nice好有禮貌, 室內裝修都好有格調, 但室間有些少逼嘅感覺, 尚有進步空間

銅鑼灣食肆多，菜式最五花八門，而呢間Manecy’s studio Restaurant 我地就係為左佢最出名既豬手而來大約7:00上到黎，人客唔算太多，燈光較暗，窗邊用左古式既紅磚拱門建築，幾有格調！而店內提供大銀幕，睇波就認真一流😆兩個人就點左出名既德國脆爆咸豬手：餐廳招牌菜，分量比想像中更大更多，豬手外皮炸得夠香口，脆到爆，件件豬手都有咁上下重量，好多肉，配有兩個醬汁，不過豬手本身既咸味都好足夠，亦配有酸菜小蕎頭呢d開開胃同方便解膩感！Manecy’s招牌自家製Pizza: 薄底Pizza，一個批有6件，芝士超多，切開可以做到拉絲效果，鍾認芝士既一定好滿足，批面有風亁火腿，食落有陣陣鹹香，令Pizza添加左更濃郁味道！另外亦加配粗薯條🍟超飽肚同滿足既晚餐

想食德國菜,但又唔知邊到有,去OPENRICE搵,見佢評價幾好,就黎左啦!入到黎,有如進入時光TUNNEL一般,有好多黑膠唱片做陳設,又有留聲機。紅磚WALL又令我以為置身係火車站咁,好有特色既主題餐廳。平日去德國餐廳,食物主要係PORK KNUCKLE,食都食到厭,但佢有西班牙BABY豬,烤完好惹味,再點D MUSTARD一流呀!SIDE DISH有酸椰菜,兩者好夾,食BABY豬食到有D膩時食D好開胃既酸椰菜又會好想食晒食碟豬。另外叫左個素PIZZA,係MUSHROOM同CHEESE,拎起個PIZZA時D CHEESE都被拉到好長,正!呢度既WAITRESS好細心,我成日都飲晒D水,但佢每次都自動自覺好快就幫我FILL左D水!D水有LEMON同LIME味。FRESH!!!

又係睇左網上既推介，所以約埋家人一齊去試！真心覺得Lee間餐聽食物質素很高!值得一試或重返！同家人叫左3份set lunch。個頭盤湯真係好一般!似罐頭湯！但係主菜真心正👍🏻帶子意粉：帶子有兩粒，不過算大粒！意粉芝士味重及creamy! 超級好食！係我個人最愛。澳洲牛扒及薯條：相比意粉，牛扒無很大既驚喜。不過薯條每條味粉都好足！招牌豬手：大讚！豬手份量大份。豬手皮極脆，又香！ 肉也不太咸，不過豬手偏肥及等既時間需長。總結：好好食既餐廳，會再去！😋😋

之前上網睇有介紹呢間星期日至二會有90分鐘德國放題任食嘅餐廳同朋友都好懷念德國嘅味道！見佢啲食物款式都唔錯下所以BOOK咗黎試下～我同朋友都早咗到可以坐，等到8點鐘岩岩好就可以開始放題啦！一開始會送上德國脆皮豬手先～ 豬手淋淋地唔錯，不過有啲咸，重點可以任食。同埋呢個放題都會送一杯野飲，或者可以加錢任飲啤酒不過因為之後小妹要返工嘅關係所以就唔飲得酒試唔到啦！所以只係叫咗蘋果汁同橙汁各一杯，唔會太細杯ＯＫ既！出面太多人排隊拎其他野食，所以影到相果陣已經得返唔係好多野會有意粉﹑德國腸﹑三文魚﹑沙津等等，雖然唔算話好多但係唔錯不過不失既！基本上都可以食到飽！特別一提STAFF都好NICE好好SERVICE!

早排睇到介紹話銅鑼灣有豬手放題，每位$220，食個半鐘，除左豬手之外仲可以任食沙律、德國肉腸、卡邦尼意粉；每位加80蚊仲可以任食法國生蠔。個半鐘對放題黎講真係唔算多，但我都可以食到提早走⋯-前菜沙律正正常常，但唔知係唔係我唔好彩，黑松露溫泉蛋食正有蛋殼個隻。-豬手唔差，皮脆，鹹度啱啱好豬手肉味都濃，但無其他食評咁講有好多肉汁，同略嫌全部都係瘦肉，無乜根位同脂肪位，唔夠咬口。-卡邦尼意粉幾Creamy但無蛋香味，意粉一時硬一時淋，質素有啲飄忽。-南瓜湯同南瓜水冇乜分別，睇相都睇到個湯無乜南瓜蓉，好稀。-最伏係生蠔，又腥又多蠔殼碎，嗌左兩轉試下係咪真係咁差，得三四隻係食到甜甜地，其餘唔係有蠔殼碎就係有啲腥味。-呢道好多野都係自助，餐具、碟要自己攞，連食完嘅碟都要舉手同侍應示意先會過嚟幫你收。-加上感覺侍應訓練不足，生蠔送到上嚟嗰陣，我哋諗住問下有冇食生蠔既叉，佢用好理所當然嘅語氣講我地冇呢啲架喎🤷🏻‍♀️。無其實唔緊要，我地攞多隻叉就得，但侍應既態度好似係我地煩親佢咁。（因為佢地都行得好匆忙，成日撞到客人張櫈🙃）-食之前有睇下其他食評，見到環境都Ok，啲枱都好似坐得幾舒服咁。但今日就轉晒啲膠

五湖四海皆兄弟,多朋友既好處就係可以知道邊到有好野食,尤其是身邊都係吃貨,你想唔食都唔得呀!今次係銅鑼灣樓上英倫風格調既Bistro主要食德國/西班牙菜,環境相當別緻,好好彩staff offer左個大梳化卡位比我地!真係坐到想訓埋落去呀,不過果陣已經夜晚9點幾,唔敢食太多,嗌左少少野食👇📌 Small Sausage Platter - $168👉食得德國菜無理由唔嗌德國腸既,試左呢個拼盤有唔同質感同size既腸,其中我最鍾意既係中間果條好長既芝士腸,一切落去已經爆哂好多芝士汁出黎,口感豐富,味道都好濃,本身德國香腸既特色就係呢點,另外三隻味道都唔錯,不相佰仲,不過白肉腸既質地再有咬口d!📌 Black Truffle Mix Mushroom Pizza - $138👉我本身好鍾意食果d薄身餅皮既pizza,因為相對有脆口,索索聲幾有滿足感,佢呢隻pizza就非常合我心水啦!咬落去你完全感受到到佢個餅皮又脆又薄,而且黑松露同埋雜菌既味道非常濃味,係一種令人覺得有溫暖滿足既感覺,當然d芝士,黑松露,雜菌所有配料當之無愧!缺一不可啦!絕對要試!📌 Beck's Premium Lage

朋友就嚟生日，又點可以唔去食飯慶祝！於是選了幾間餐廳俾佢，佢第一時間就選了這間，見到openrice的訂位服務，仲有哩數送贈，即時就去訂位！一入到去餐廳，就俾佢用紅磚砌的圓樍型牆吸引了，幾有古堡feel的地方⋯⋯因為早訂位的源故，侍應安排了靠窗的卡位，望住窗景食飯又幾好！點了傳統的德國東西，就是香腸拼盤和豬手，味道不錯！最特別的係兩款的前菜，一個蟹肉的，味道和賣相都不錯！但炸魷魚圈就有點失色了⋯⋯下次應該都唔會再點！不過，兩杯紅酒就幾好飲！成晚掛住傾都忘了影相！

🐷德國脆爆咸豬手$248同其名一樣脆卜卜的外皮，肉質鮮嫩配菜有酸菜/小青瓜和酸蕎頭這樣配搭就令到手係咁油膩🍕黑松露野菌Pizza $128黑松露一如既往香自家制pizza是薄批*5月優惠星期日至四晚市經OpenRice 訂座全單享有9折優惠（不包含放題優惠）

男朋友book左呢間餐廳慶祝2週年紀念，一放工就準時黎到餐廳～ 因為book位的時候有表明係慶祝週年紀念，所以餐廳都安排左一個靜d的窗邊位比我地，服務貼心～我地點左招牌德國咸豬手，西班牙海鮮飯～先講德國咸豬手，外皮係脆的，入面肉質鮮嫩多汁，再配上醒胃的酸菜同酸瓜中和左個油膩感，完全滿足到我的要求！份量就一般啦.. 2個人勉強岩岩好，如果大份d就更加好啦！之後到西班牙海鮮飯，相比起豬手就遜色一點，海鮮份量足，不過就略嫌唔夠新鮮，勝在調味唔錯，所以都可以接受～總括而言，都值得一試！有機會會再黎試下其他食品！

都幾抵食既豬手任食！有個friend突然問， 有豬手任食包埋加1， 220一位。食唔食。去到門口， 原來我前正價食過， 唔記我寫食評， 遲d寫返。 可能我地早左， 開始食係5:30， 我地早左15分鐘， 所以冇乜人。 但最後都係坐滿爆場。有位待應20分已經問我地飲咩同埋話已經可以出去拎野食。 認真， 叫得豬手任食， 都唔太expect仲食乜野。 不過， 原來仲有德國腸同卡邦尼意粉任食。 （老老實實， 意粉邊食倒咁食倒咁多意粉）不過豬手夠熱夠脆， 好快清左兩碟，最後食左3碟。 仲有南瓜忌廉湯， 沙律， 煙三文魚， Parma ham, 鴨胸等等， 都幾有heart. 其實主要食豬手， 點都夠晒飽。 樣樣都幾好味。 大食既人既天堂！其實好多人食左一個鐘就走左， 因為真係好快飽晒。 可以encore 既餐廳， 不過， 任食豬手就要遲d喇， 怕會食厭。 雖然， 都有無限既清水供應，但要自己動手， 因為都會口喝， 所以記得成jar水擺自己台面會方便d.

網上ulifehk見到呢間放題 諗住同fd去試下點知中伏！！！仲要$200 款式少 排隊耐 人手少 排到隊已經無哂野攞 又無人fill野 豬手又咸又凍又唔熱 仲衰過酒吧食 意粉第一round其實都OK 第2轉就硬又乾 好似唔熟咁 整體來說 唔好食得杯蘋果汁幾好飲！第一次寫食評就俾左呢間野 cp值勁低👎🏻👎🏻 話呢間野好食 都唔知係咪味覺有問題🤨btw員工會問我地洗唔洗加豬手 未完全放置play既 200$有好多選擇 不可一不可再 又食唔飽 食完第一round已經放棄

黑松露雜菌披薩 💰138 8⃣分必吃！打緊食評既小編望住張相，仲好回味佢個pizza！其實小編都幾仲意食d薄身餅皮既pizza，因為冇咁容易覺得口感，而且心入面覺得好似冇多澱粉質落度（自我催眠）。佢依款pizza就犀利啦！食落去你會feel到佢個餅皮脆又薄，而且有濃濃既黑松露同雜菌既味道。依仲濃郁既感覺就好似冬天你匿埋係被竇到既感覺，溫暖舒適，而d芝士呀，黑松露呀，雜菌呀，所有配料形成左一張包住你全身既被。想取悅你自己味覺既朋友仔，可以嘗試這個！/西班牙辣肉腸香蒜意大利麵 💰68 7⃣點5⃣分依個菜式味道濃郁，而且辣肉腸香味十足，加埋小小辣味，令你更有胃口同埋食慾。意大利麵爽口彈牙，配辣汁香蒜等配料，本身個味道已經好出色。然後因為辣肉香腸既陪襯，當你一啖麵一啖香腸咁一齊食，個口感又會被昇華，覺得算係唔錯既一款菜式。/杏仁牛油西蘭花 💰68 6⃣點5⃣分西蘭花色澤新鮮，而且散發住淡淡牛油既香味，仲有埋杏仁作陪襯添。食落去既時候，會食得出好似烚左咁，味道略嫌有d淡，都食得出牛油味，但小編確實有點點失望。