紅樹林 (Closed)

Set Lunch 要六十多元係平定貴因人而異，但論質素尚算可以，有足料餐湯－羅宋湯夠熱，味道正宗，蔬菜料ok，不是加水之作。要了一份意大利寬條麵，麵條煙韌，白汁忌廉汁好味，連餐飲，ok喎^^ 另一份是龍利魚柳配薯菜，脆口魚柳大大份，薯條香脆，也是不錯，而且不用排長龍即時有位有得食 👌👌👌

lunch set 有湯， 牛油餐包及主食一份。作為打工仔， 勞勞碌碌， 但辛苦搵來志在食，我也想在人生做到為食而生存， 而非為生存而食。 但能否在有限資源時間下吃了合水準的食物，除了靠資料搜集，也是要靠運氣。識我都知我飲開羅宋湯，微辣又飲到陣茄膏味，西芹生菜都煮到腍曬。牛油餐包翻熱好隨意， 拿上手不是冷，但那溫度牛油又融唔到，唔食都唔會有損失。主食點了葡汁雞扒飯，好油的雞蛋飯， 注意不是葡汁害，而是沉了油似的  ，份量算是偏小，食了牛油餐悅打底，食完還未有飽足感覺。個葡汁椰汁味濃厚， 灑了很多椰絲，聞落都幾香，偷偷話你知雞是雪雞，我食到未解好雪的雪味。賣相是官仔骨骨，怎知道會是金玉其外呢。加點咖啡提神，因前一天2時才進睡， 早上睡意仍濃。 苦味重不甘香，咖啡煮得馬虎， 喝半杯在掙扎回去打蓋睡還是硬頭皮喝下毒藥，那杯所謂咖啡我只喝了2，3口已頂唔順了。整體說不上難食，但一定與好吃兩字沾不上邊。

放工後太攰，唔想返屋企煮飯，於是同老公求其揾間bar 食晚飯，誤打誤撞入左去紅樹林。一坐低，叫左個拼盤，尚算ok 最好食係 ribs, 燒汁好味，有肉汁！之後再叫個安格斯牛柳，唔錯，自己反而欣賞佢既薯角，good 埋單大概180元，簡簡單單，不太驚喜。

幾年前我來過這家餐廳用膳。今次來是因為姑姑為媽媽和我慶祝生日，連妹妹妹夫和姨甥都有來，因此我們就佔據餐廳的中央位置。　　這裏跟幾年前差不多，環境比較安靜，適合聊天約會。而且餐的選擇很多。　　我點的是鐵板黑椒汁龍脷柳薯菜，餐廳比較稀，而且很多油，很明顯看到湯面上覆上了一層油，也因為油的緣故湯比較熱。　　龍脷柳很大塊，但可惜汁太稠，好像漿糊一樣，黑椒漿，但魚柳很滑，因為汁的濃稠，就顯得過鹹了。不過整體不俗，薯角也夠熱。　　熱奶茶夠熱，但因為我太飽，都沒喝完，給了妹妹了。

一直光顧這餐廳晚膳已3年了, 每個月最少去一至兩次! 因為這餐廳有個特價menu, 叫一份餐+$10, 可以多一份。我們兩人每份扒餐都不用$90. 最初去食, 試過兩人共$130, 不過現在加了價, 不同的扒有不相同的價錢。一開始有餐湯, 白湯比較普通, 紅湯就辣了一點, 但味道不差, 還有一個暖暖的餐飽。不用$90 一份的牛扒, 種類有(我試過的):牛肩扒: 我們試過食3~4成, 但發覺太生, 有點"un", 再叫廚房幫忙再煎, 最後都是太熟, 所以我們點牛肩扒就由廚師自由發揮。西冷扒: 3~7成都很美味。牛肋條:最初只看名時, 以為像金沙骨一樣。但來的時候則發現全都是肉, 是一條條的牛肉。這個都是3~7成都ok! 我印象中這是扒類中價錢較低。以上全部不是淹扒, 正呀。不過件扒淋不淋, 就要看是否好彩。不過我去10次都有8次是淋的。其他兩次就要咬柴。至於伴菜, 一點也不隨便, 會有翠肉瓜﹑栗米﹑小紅蘿蔔和蕃茄。我還試過龍俐柳配忌廉汁, 都好好味, 個汁比較特別。整體來說全部人都好有禮貌, 特別是經理。我日後都會繼續幫襯!

尋日喺上環睇完一個音樂會show~心情靚靚，當然第一時間去醫吓我個五臟廟啦！入到餐廳，餐牌上嘅食物同傳統食品有少許分別，例如有意大利芝餅、牛油果煙熏三文魚沙津...等。但由於我太肚餓嘅關係，我匆匆地叫左個最原始又最快嘅<沙嗲牛肉麵>諗住極速醫肚~正當我期待之際~果然! 唔駛13分鐘，熱燙燙送到~~而且賣相一流！非常之吸引~淨係望到煎得好靚嘅太陽蛋同我喜愛嘅甘荀，當唐口水差點流出~主角"牛肉"軔適中，色素是有的，可惜沙嗲味道欠缺，不夠香，令整個湯底都欠缺味道。鹹度是滿意的，不會好鹹，亦有小甘荀襯托，中意健康嘅朋友一定喜歡。至於麵質....很粗'鞋"，我曾經食過某些餐即使不是用上出前一丁，也是可以口感很滑、彈牙的，所以絕對有理由相信是麵的選材質素上出了問題，令整個"作品"嚴重扣分。但慶幸的是，"服務員"服務態度好，有禮貌，令整個過程不會太'難過。

反完一個通宵，起屋企訓左大半個下午，臨近黃昏的時候先完全清醒，好彩有朋友打一打電話俾我吵醒我，如果唔係我就會同周公繼續秉足夜談了。。呢個時間，人地個個要準備食晚飯，我卻要為我的第一餐而苦惱。原本想去有朋友介紹上環的《ABC》餐廳，可惜原來我地去錯地方，甘ABC我地唯有下次再見啦。。起無咩選擇情況之下，我同朋友就經過紅樹林，見到餐牌寫住+＄10可多一客晚食，甘抵，唸都無唸就入左去食了！一入到去，沿著酒吧位直入，面積寬敞，可以隔開坐在吧枱和只想進餐的客人；客人不多，我地兩個人坐著四人位的黑色格子sofa，舒服而不焗束；餐廳內環境陰暗，更不時播時英文舒情慢歌，頗為有情調的！當起點餐的時候，女員工還細心問：飲品需要後上嗎？我話不用了！還以為女員工這樣問會慢慢地逐步逐步把餐物遞上，點知佢一開始，擺下了餐湯和麵包之後不夠兩分鐘，（我還未影完相），主菜就已經放上來了！忌廉湯--一看就知忌廉湯溝水，未試已經忍唔住要加胡椒粉來調味，點知都係淡而無味！附上的餐包，暖暖的，夾著已溶的牛油十分好吃！但看見碗湯已令我對這店大打截扣！我叫了一客牛肋骨薯菜配燒烤汁！我本身很喜歡食bbq rib，牛肋肉事前先去骨，想

上環食lunch時間，4圍都係人~ 但都無法~ 好在紅樹林夠大，台多~ menu 多選擇! 例牌 set lunch有soup, main, coffee/tea點左個pork chop with pasta湯 - 入口夠熱~ 麵飽粒夠脆Pork chop 個汗，濃左少少，肉夠滑.pasta 入口適中~ overall 係好食同會好飽~

成日都經過呢間西餐廳, 都未有機會入去試下, 星期六個日剛好有時間去食左個晚餐~ 入去個時都7點幾, 坐左8成滿人, 我地都不用等位~叫左幾個牛扒餐, 羊扒餐同焗飯, 豬排~~~ 一行4大1細去食~上菜都快, 因為系餐所以有湯同餐包, 味道都好普通~ 到上主菜, 發現配菜跟扒都只能夠說是暖暖地, 吾夠熱~ 呢樣系最不滿~ 其他服務都尚算可以~只能講食左一次都未必會再去~~

突然有重要事情令我們到上環去，所以事前未有計劃在那兒吃晚餐。路過紅樹林，看到晚市套餐有優惠，加$10即可多選一份晚餐，價錢合理，便進去試試。我們吃了～餐湯、麵包：麵包和牛油只是普通貨色，沒甚麼特別；羅宋湯不會太稀，亦不會很辣，味道尚可；香腸忌廉湯很滑，香腸算多，味道不錯。炭燒美國安格斯肉眼扒($175)：可配意粉、薯角或飯。先讚讚那塊肉眼扒，很有份量，七成熟剛剛好，不會很韌，肉質嫩滑，好！伴碟的蔬菜都很新鮮、爽口，有質素。再說意粉軟硬適中，薯角熱騰騰，肯定是剛炸好，味道佳。餐飲：凍飲不用加錢，好。不過糖漿、奶等早已加進咖啡、檸茶內，如要少甜，要在落單時交代。結帳時，每人只是$102，很「抵食」！

　今天和媽媽、姑姐來這裏吃飯。這樣的組合和配搭一直是很少的。　　　我們都很喜歡這個環境，燈光柔柔的，可能是因為時間還很早的關係，食客不太多。而餐廳裏播放的都是英文的經典歌曲，很有懷舊氣息。卡位很寬敞闊落，讓我們坐得很舒服。　　　媽媽和姑姐都要了咖喱，分別是咖喱牛肉意粉和咖喱雜菜意粉，我則要了芝士焗肉醬意粉。　　　餐湯全部要羅宋湯，湯則稍嫌太鹹，有點油膩吧，但是勝在足料；而餐包方面則不夠熱。　　　咖喱意粉味道香濃，我很喜歡他們的餐具，全是白瓷，餸和意粉分別用不同的器皿盛載著，看起來比較有條理。但很可惜我要的芝士焗肉醬意粉則太乾了，也吃不出甚麼芝士味。　　　至於餐飲，我和媽媽都要了熱咖啡，咖啡味道恰到好處。姑姐則要了檸檬水。　　　這樣的環境輕鬆地聊天，真的很不錯。

It isn't my first choice. My desired restaurants were fully booked during lunchtime. So, I went there because many people said it had decent food.My colleagues and I came there and were shown to our seats promptly. Ordinary and executive set lunches were available. I ordered the executive one.For starters, the cream soup was just okay. The main course I had the steak (70/30 mix) with pasta. The steak was properly cooked with the potatoes and caesar salad on the side. Not much choice for addition

越o黎越多朋友o向上環返工，其實都係o黎自同一間公司，所以就成日去上環食飯...自己話想試食紅樹林，但其實又唔識去，友人話我激死佢o地...我叫o左個紅湯、焗雞扒飯同咖啡紅湯冇味，唔濃，加埋個凍冰冰硬硬o地o既包... not good...焗雞扒飯... 個sauce係bbq sauce，可惜太咸，雞扒好硬... d飯炒完仲一舊舊... 唔好食~反而最好味係杯咖啡...http://hk.myblog.yahoo.com/ultrabearhk/article?new=1&mid=237

　　　上環很多家餐我都去過了，路經紅樹林很多遍了，只是一直沒有機會在裏面吃飯。　　我建議在這裏吃，兩位同伴都說好。首先是餐廳的氣氛環境寧靜優雅，寬敞舒適，適合安靜地聊天。　　我要了茄汁魚柳意粉，同伴則要了野菌汁豬柳飯。　　餐湯夠濃材料也夠多，但是意粉的醬汁實在太鹹了。可取的是奶茶，十分香滑，不太苦澀。

成日同friends o黎食, 真係抵, 最平A餐加10蚊兩份, 加一後每人38蚊, 重平過快大X樂!貴小小68, 78 就有牛肋骨, 羊胺之類, 而且質素OK, 真係燒烤出O黎, 好大塊好香口, 質素有酒店水準!我朋友話仲好食過自稱扒王O既貴價扒, 我未食過唔敢比較!呢度環境都OK, 入面有梳化卡位但較迫, 亦可以坐外面較靜較黑O既大堂, 只係D 椅太霖, 坐得唔係咁舒服!今晚12月23號, 無食聖誕大餐, 都係食番平時食開 A B C D 餐加10蛟多一份,想試下叫個最貴128 肉眼扒起(加10蚊有2份), 轉埋龍蝦湯(加15蚊), 魚翅湯(加10蚊),不過就有D失望, D 湯多O左D 爽口O既蝦肉, 都OK,個肉眼扒就麻麻, 同平價O既西冷同肋骨分別唔大,只係有得選擇幾成熟, 肉質唔見得特別好, 肉味都係一般,今晚埋單2位要179, 比平時貴O左3份1, 不過食過佢咁多平野,食番次貴比佢賺下啦, 下次唔好啦!