Video
Opening Hours
Today
11:30 - 16:00
17:00 - 21:00
Mon - Sun
11:30 - 16:00
17:00 - 21:00
*截單時間為2045
Above information is for reference only. Please check details with the restaurant.
你諗過係25樓食車仔麵未？我真係未諗過。佢哋嘅餐牌好有中式風格，例如銅錢、吉祥、八寶。呢度嘅湯底都有特別嘅選擇。好似生椰蕃茄湯，真係好特別，椰香同蕃茄味完美融合，飲落去超濃郁，好有層次。而重慶麻辣湯就真係夠麻夠辣，仲可以選擇辣度，嗜辣嘅朋友一定唔會失望。我哋兩個人各自叫咗一碗麵，每碗都揀咗6個配料。佢哋嘅配料都幾多選擇，而且有啲幾特別，例如牛黃喉、毛肚、手搥牛肉丸同埋蒜香墨魚丸。牛黃喉同毛肚食落去好爽脆，完全冇腥味；手搥牛肉丸啖啖肉，好Juicy；蒜香墨魚丸有濃郁嘅蒜香，配埋墨魚嘅彈牙口感，真係好滿足。而佢地既麵都有幾款唔同選擇，我哋試咗土豆粉同番薯粉。土豆粉比較特別，好似粗粗嘅米線，但又帶有煙韌嘅口感，食落去有啲Q彈；番薯粉則係比較滑溜，每一口都吸晒湯汁嘅精華，食落去好滿足。除咗麵之外，我哋仲叫咗藤椒魚皮小食嚟試下。魚皮好爽脆，藤椒微微嘅麻香，唔錯唔錯。佢哋嘅特飲都幾有創意：洛神花山楂蘋果同埋酸梅青檸烏龍茶。洛神花山楂蘋果酸酸甜甜，飲落去好解渴；酸梅青檸烏龍茶就係清新中帶有一點酸梅嘅鹹味，幾特別。食完辣野，要食啲甜野，桂花蜜烏梅冰粉，呢個甜品清涼解膩。總括嚟講，喺25樓食車仔麵真係幾特別，食物都有特色，如果你鍾意試新嘢，呢度絕對值得一試！
continue reading
今日同朋友去上環柏廷坊四川冒喜食午餐，搭地鐵係上環站A 2出口好快就來到。這間冒喜餐廳係冒着香氣喜迎風味，我同朋友來食吉祥套餐，套餐可以任選湯底、主食及六款食材，我就揀咗養生白胡椒湯、土豆粉、漁腐、潮汕蒜香墨魚丸、美國肥牛、五花腩片、豬大腸、蓮藕片，朋友就揀咗生椰蕃茄湯、番薯粉、滑牛肉、毛肚、鴨血、牛黃喉、貴州丁家脆哨、油麥菜，仲有特別要求去選加味道，這間冒喜真係可以食到好辣、辣、微辣、不辣，尤其小食，樣樣都夠辣，所以叫咗紅油涼拌豬肚來食先，食落令口感脆嫩彈牙，辣味香濃，而飲品嘅洛神花山楂蘋果及酸梅青檸烏龍茶就好夾食四川嘅食物，酸甜可口，生津解渴，仲係令人開胃嘅飲品。🍜養生白胡椒湯來的時候好熱辣辣，有濃濃的白胡椒香氣，入口滑順不嗆辣，只有微微辣感，是天氣涼可暖身嘅養生湯，加上有不少蒜蓉、芝麻、芫荽，令到個湯個味道更香更好飲。土豆粉真係份量不少，煮得都好透明，食落爽滑可口，土豆粉配上養生白胡椒湯，使土豆粉的味道更加美味可口，真係好好食。魚腐味道鮮味，質地細膩且彈性良好，亦有淡淡的魚香味，食落嫰滑爽口。潮汕蒜香墨魚丸嘅墨魚丸外層爽滑，內部柔軟，亦帶有蒜香味，更令口感豐富。美國肥牛咬落肉汁香甜四溢，肉味香濃，油花令牛香味濃，口感柔嫩。五花腩片吃起来肥而不腻，一点都不柴好味道。豬大腸不腥，乾淨又入味，口感彈牙，不錯好食。蓮藕片爽滑可口，好配合連埋湯粉肉一齊食。🍜生椰蕃茄湯有好香嘅椰子味，加上蕃茄鮮甜酸味，令口感清爽酸甜，更令人酸甜開胃，又係加上芝麻及芫荽，非常好飲。番薯粉有淡淡的番薯香味，有Q韌有彈性的口感，亦好配合同生椰蕃茄湯一齊食。滑牛肉夠新鮮，肉質嫩滑，牛味香濃，食落爽滑可口。毛肚看起來像毛巾，其實就係牛柏葉，口感爽口又彈牙，係食湯麵最好嘅材料。鴨血質地細嫩，富有彈性，暗紅色的色澤，吃起來有鴨香味，口感軟嫩如豆花。牛黃喉又薄又脆， 柔韌而有彈性，令口感細膩脆爽，亦能夠吸收湯底的味道。貴州丁家脆哨是拌麵小吃，是炸得香脆可口嘅小粒粒猪肉，真係好適合用來食粉麵。油麥菜新鮮清甜爽脆，除咗有鮮嫩嘅口感，仲係好有營養嘅蔬菜，真係令人吃得開心。
continue reading
冒喜地址: 上環文咸東街22-26號柏廷坊25樓===================== 出了糧實現湯麵多餸自由，吉祥套餐6餸。貴州脆哨是 脆豬油渣粒、滑雞片、五花腩，豬肚，油麥菜同蒿筍湯底要了生椰蕃茄湯，不同辣度迎合不同人，酸甜清新主食有麵或白飯，湯好飲餸多選擇。自家製鳥梅冰粉，烏梅味冰粉本身就自帶味道jelly 般 $15 試了特飲洛神花山渣蘋果酸酸甜甜紅磡總店║紅磡蕪湖街83號Y83地下G04及G05A號舖灣仔分店║灣仔謝斐道250-274號杜智臺地下6號舖北角分店║北角和富道和富薈B50號美食廣場A1號舖
continue reading
今天我和朋友去了上環這間餐廳吃午餐。秘製藤椒魚皮（$48）：藤椒魚皮口感獨特。吃起來彈牙且不會過於油膩，令人回味。吉祥套餐：秘製香辣湯潮汕牛肉丸，潮汕蒜香墨魚丸，滑雞片，美國肥牛，滑牛肉，豬大腸麵：這碗秘製香辣湯麵的搭配非常豐富，讓人一口氣就想吃各種配料。首先，湯底醇厚，辛辣的味道恰到好處，濃郁卻不會過於刺激，讓人感到一種舒暢火熱感。潮汕牛肉丸口感彈牙，肉質鮮嫩，鮮美湯汁在咬下去時炸開，讓人回味無窮。搭配上蒜香墨魚丸，墨魚丸的香氣和獨特口感，增添海鮮風味，讓整碗麵味道層次更豐富。滑雞片略帶肉汁，口感滑嫩，與湯麵的辣味形成良好的平衡。美國肥牛脂肪分布均勻，煮到適中的火候後，肉質變得柔嫩，與湯底相互融合，讓每一口都充滿肉香。滑牛肉的口感也不錯，咬下去時感受到細膩肉質，讓人一再想回味。豬大腸則是這碗麵的另一個亮點，嚼勁十足，吸附湯汁後風味更讓人驚喜，增添了整體豐滿感。生椰番茄湯潮汕牛肉丸，潮汕蒜香墨魚丸，美國肥牛，五花腩片，娃娃菜，油墨菜米線：椰汁的濃郁與番茄的酸甜完美融合，讓湯底糅合熱帶的甜美與酸香。椰子的香氣為湯增添獨特風味，使整道菜更清新可口。米線有很好的吸湯能力，搭配這樣的鮮美湯底，口感滑潤，十分入味。潮汕牛肉丸的彈性讓人愛不釋手，每一口都感受到肉質的鮮嫩。而蒜香墨魚丸則釋放出濃郁蒜香味，墨魚鮮香更為湯增添海味，使整體口感更加豐富。美國肥牛的嫩滑搭配五花腩片的油脂，帶來了肉類的雙重享受。兩者在湯底的浸泡下，肉質變得更為鮮嫩，油脂的融化讓湯更香郁。娃娃菜和油墨菜使菜品的色彩更豐富，還為整道菜增添清新的口感，平衡了豐富肉類帶來的油膩感，增加營養價值。
continue reading
⭐️紅油涼拌豬肚，首先嚟到嘅係呢一個小食我同朋友本身我非常鍾意食豬肚，所以就揀咗呢一個涼拌豬肚，辣辣地非常開胃，而且份量都幾多，餐廳用自家調製嘅辣醬，整體味道都非常高質！⭐️洛神花山楂蘋果，絕對冇防腐劑同埋味精所以整體上都唔會好甜，啱晒我飲！食辣嘢點少得呢一啲養生嘅飲品。⭐️梅青檸烏龍茶，呢個都比較清淡，而且味道都幾特別喺出邊都未飲過呢一隻味道！朋友都話幾好.⭐️吉祥套餐養生白胡椒湯蕃薯粉配搭美國肥牛，油麥菜，蓮藕片，牛丸！ 佢都白胡椒湯底味道非常濃郁，冬天呢一個時間就係暖笠笠我哋都忍唔住飲咗幾啖，真係唔錯，而且唔會話好鹹，加咗番薯粉，煙煙韌韌非常好食，味道同個湯頭都非常match! 鍾意食胡椒湯嘅朋友絕對不能夠錯過！ 牛丸都幾好食，充滿牛肉嘅香味！⭐️另一個吉祥套餐生椰番茄湯配番薯粉加鵪孰蛋，滑牛肉，牛黃候，鴨血 ，豆腐串！餐廳嘢食份量真係非常多，六個餸呢一個價錢嚟講真係唔算太貴，呢一區嘅價錢嚟講，CP值算係非常高！佢牛肉非常好食，食得出係新鮮嘅牛肉，豆腐寸就吸收晒蕃茄湯底嘅精華，非常吸汁同埋好食，墨魚丸亦都爽口彈牙係餐廳嘅招牌餸菜！都加咗鴨血，總共俾咗六件，份量都真係多同埋味道都唔錯！餐廳位置到非常方便，喺上環地鐵站行過去都非常近我哋午飯時間去都有好多上班一族，非常多人，有機會會再返嚟試吓！餐廳原來總共有四間分店！📍紅磡總店║紅磡蕪湖街83號Y83地下G04及G05A號舖📍上環分店║上環文咸東街22-26號柏廷坊25樓 📍灣仔分店║灣仔謝斐道250-274號杜智臺地下6號舖📍北角分店║北角和富道和富薈B50號美食廣場A1號舖下次經過附近都可以再去試吓⭐️
continue reading