Marco's Oyster Bar & Grill (港灣豪庭廣場) (Closed)

早幾日咁岩去大角咀於是黎左呢間想試好耐既生蠔專門店黎得生蠔專門店 梗係一定要叫生蠔啦D生蠔真係勁肥美 重點係價錢唔貴我哋幾個朋友都食到係咁encore😂😂主菜方面 本人係一個pizza 控所以食親西餐都要叫pizza呢個pizza有驚喜😍個餅底又脆又香 仲有好濃既芝士 👍🏻👍🏻👍🏻👍🏻豬肋骨都一樣有驚喜呢肉鬆軟到好似入口即化咁平時好驚食呢d 就係好驚黏牙但呢個完全冇呢個問題 讚👍🏻甜品聽講係佢哋自家製食落真係同出面既有d唔同 幾好食唔錯！總括而言雖然今次係我第一次嚟，但整體係比我預期中有質素，而且價錢亦都唔算貴所以會再encore❤️❤️❤️❤️

三十多元的下午茶也有兩隻焗蠔吸引了我入去。叫了焗蠔和意粉兩個茶餐，跟奶茶。奶茶最先來到。瘀啡色的奶茶，真係少見（可惜張相影唔到），味道嘛，三合一即沖嘅都好味過佢。焗蠔（$38）來到，size細已預咗，但真係細得可憐。最大問題是表面的芝士和內裏的蠔是水火不容，我好像食緊一隻十蚊的新鮮生蠔然後咬塊焗芝士。好彩，黑松露雜菌意粉（$45）則幾好味。意粉彈牙，雜菌也足夠，蘑菇醬調味得不錯，係黑松露的味道較淡和整體份量偏少。不是住附近，仲要加一！相信不會有下次了。

印象中早餐Menu已經比當初開張前稍為有少少改過，今次係第三次食佢嘅早餐，不過非常失望😞對比起之前差咗鮮奶麥皮，無味（因為無糖）都唔緊要，因為食麥皮嘅都係想健康，但我覺得應該比客人選擇有糖定無糖，餐牌又冇註明無糖麥皮，最大問題個麥皮係杰撻撻，好似漿糊咁！我估計應該係用開水即沖麥皮整，因為我覺得唔好食😒奶茶唔好飲，冇茶味，唔夠奶B餐配嘅魚柳同炒蛋，一上枱眼都凸😳咁細碟，魚柳好油，炒蛋又少，麵包就好食嘅！剛剛開鋪時食佢個早餐，份量冇咁少，而且仲有少量沙律菜半點。

去咗午市@11.30am。 原來 以為係bar & grill... 點知原來係茶餐廳。 佢有 2個menu(一個係bar&grill, 一個茶餐廳). 當我見到 隔離 枱 的$38 沙爹牛肉麵， 我就完全沒有mood 去order 五六百蚊 的 bar&grill...。 最終我order 了lunch set 的$188 西冷牛扒，家人order 了 意大利粉。。。 西冷牛扒 好似橡筋... 好似 人哋 茶餐廳 牛扒 不過 double人哋價錢... 意大利粉 非常之 難 食。。。 中伏了。。。

很久沒有食過那麼好味的生蠔再加埋個咖喱飯 咖喱啲汁超好味應該用過好多香料制成住喺大角咀所以落嚟食飯後方便有時會叫朋友嚟食呢間好似新開張推介推介個咖喱汁嘅時候唔係度度食倒好似港式有啲似馬拉組合咁樣好耐冇食過咁正嘅咖喱

前菜點咗炸雞翼同cold cut。雞翼即叫即炸溫度十足亦好juicy，醃得都好入味，有少少辣十分香口，餸酒一流。Parma ham肉泛油光，新鮮度十足，廚房亦毫不吝嗇切到有幾大塊得幾大塊，連同大大嚿哈密瓜一齊食簡直係一大滿足。之後就係呢度主打之一嘅生蠔啦。我哋order咗一打Gillardeau，全部望落發育健全有波有蘿，新鮮肥美一啲都唔腥。開蠔師傅好細心保留咗蠔殼入面嘅海水，食落原汁原味。 食完第二朝啲aftertaste礦物味仲喺度。做得呢度嘅主打，水準果然有返咁上下，絕對物超所值👍話明係oyster＆grill，食完生蠔當然要試埋呢度嘅扒啦。主食嗌咗斧頭扒，驚住唔夠食再加多咗個鱈魚意粉，不過個扒嚟到就知錯了。遠處嚟緊嘅時候已經心諗咁大盤嘢唔會係我哋掛？隔離檯都望住。上到檯比過吓真係大過我塊面（雖然我個人塊面偏細，仲有鼻高高、眼大大...）。不過大份還大份，最重要都係好唔好食。斧頭扒當日叫咗五成熟但略嫌都係熟咗少少偏向七成，建議order時可以再叫生少少就perfect池。不過肉質都保持到鬆軟多汁，油脂分佈均勻，口感豐富。另有薯角做配菜，亦做得一啲都唔馬虎，食得出係熱辣辣新鮮炸起，

約咗朋友嚟新開嘅呢間餐廳食飯，一入去感覺好寬敞，一坐低冇耐職員已經走過來落單以及介紹Menu， Menu選擇很多以及很抵食！結果點左我最鍾意嘅咖喱，咖喱雞扒飯，個咖喱汁竟然喜出望外，我成個飯汁都撈埋清晒因為見佢仲有生蠔order，同朋友結果嗌咗半打生蠔試吓，好鮮味啊！(lunch食生蠔感覺零舍豪氣) 輕輕鬆鬆坐咗個半鐘先走，服務到位，而環境都真係舒服冇趕頭趕命，呢間可以encore再來 ！ 期待下次食第二樣試吓

見間野試業一排屋企附近就Try Try，點知奶野喇...1. 有飛蟲衛生差，其實大角咀Grp前排有人講過，但餐廳似乎不以為然，經理仲要抵賴外面飛入黎，一味推卸責任，不願承認錯誤，冇誠意。2. 食品平平，但價錢極貴。食幾隻生蠔+Pizza+沙律 接近$500，同樣價可以去中環Soho食好西，點解要喺度罰自己？3. 廚房員工及經理質素差。疫情下 廚房依唔戴口罩，餐廳管理不善，經理都有問題，要客人提醒踢一踢先踢一踢先郁一郁，隨時連茶記都好過佢。公道d，其他員工服務正常，不過見有人身上有彩繪，返工時間摺返落黎觀感會好d，大排檔就冇所謂，但呢間假假地叫做西餐廳。4. 生蠔質素參差。同款生蠔，一隻正常有肉地，一隻訓覺冇水份瘦底完全冇味未食果時望外表唔掂，你(經理)又話新鮮唔換，食左有問題又賴客人食左落肚喎，咁你玩哂啦！一向食開其他生蠔店做法都係比過另一隻，食到背脊骨落。做OysterBar做到你咁縮骨都係第一間，完全唔明憑咩自信呢種態度可以做到街坊生意。

從來未食過咁難食嘅肉醬意粉 罷明呃錢 午餐無飲品跟 如果想加飲品 要加$18 加甜品和飲品無得只係加飲品 午餐無飲品跟都算 一定要同甜品一齊加 老屈唔會再去 成間野格格不入 都知中伏啦