Marco's Oyster Bar & Grill (港灣豪庭廣場) (Closed)

朋友搬了新居去港灣豪廷，於是探訪新居之前先吃個晚餐。我們選了Marco's Oyster bar and grill餐廳，因為環境夠寬敞雅致。餐廳職員很主動，向我們介紹好吃的，餐廳賣點是生蠔，當然是我們必點的食物，先點了日本和法國生蠔各三隻做頭盤，日本蠔肉質爽滑，海水味濃郁，法國蠔肉質厚嫩夠大隻，入口很creamy，一口咬下去有爆漿感覺，個人更喜歡法國生蠔。再來一份煙三文魚沙拉和牛肝菌蘑菇湯，沙拉菜用普通羅馬生菜，沒有什麼特別，反而牛肝菌湯味道濃郁，非常好喝，入口後仍齒頰留香，難忘。朋友吃了一份美國牛柳配蔬菜，因為我不吃牛，所以沒有吃，我自己吃了一盤卡邦尼意粉，店員即叫即煮，意粉上桌時仍熱騰騰的，醬汁濃厚又creamy，意粉煮得彈牙有咬口,配上煙肉味道無得彈，我一口氣吃完了！最後來個甜品作結，芝士餅和tiramisu，甜品不過不失，芝士餅更適合我的重口味。

喜歡飲飲食食都會四圍去行行搵食，朋友話這裡唔錯咁當然要試試，雖然這裡未必算太方便，但如果在附近住的確實都集中！餐廳主打食蠔，款式選擇多，價錢合理，今晚就點了半打美國Pacific Rock 石蠔，入口味道海水味較淡，但勝在肉質肥美，味道清甜，價錢相對抵吃！還有Fine De Claire 法國紛迪加蠔是法國蠔，蠔肉有透明感，肉色帶淺，肥度適中，帶點榛果香味與甜味。Four season嘅蠔肉甜美，陣陣甘甜黏在口腔，質感綿滑！由淡味到濃味確實唔錯！配埋個牛肝菌忌廉湯，香滑濃郁嘅忌廉湯配埋牛肝菌入口順滑, 帶有香濃菇味, 真係非常正！加埋個脆口餐包入口亦非常配合！主菜加埋個美國牛柳跟薯菜，個牛柳超軟熟，五成熟廚師煎得剛好，外面熟切開時裏面仍然充滿肉汁，入口夠哂嫩滑軟熟，牛肉味道濃厚，非常美味！跟配的薯菜亦十分足分量！朋友嘅推介都十分滿意！埋單後店員還送了張優惠卷，下次再來可以用到，更抵食！

今晚去了一間以傳統意大利菜及生蠔等菜式為主打的餐廳，這裡佈置簡約整潔，座位舒適，感覺輕鬆。侍應員殷勤招呼，坐下先點了一杯白酒Bianco Classic, Taste of Italy，再與朋友分享法式焗田螺作前菜，熱騰騰的田螺，既香口又軟嫩，令你食慾大增。朋友點了法國龍蝦濃湯和鵝肝牛柳餐。而我選了營養豐富的牛肝菌蘑菇湯入口嫩滑，味道濃郁。再吃五成熟的寶雲酥烤紐西蘭羊架，肉質比較嫩滑， 而且不羶反覺味道香口， 最重要的是一點也不硬，一點筋也沒有。朋友選的鵝肝牛柳餐，侍應員在她面前把一大舊正在溶化著的卡邦尼芝士放在薯條上，看見也不禁取來吃，wow, 芝士香口薯條又煙靭， 很特別的配搭，令人耿耿於懷，只想下次再來選這道菜罷。最後的甜品是來了自家製的意大利芝士餅 ， 香濃而帶有咖啡酒香味，特別軟滑好味，甜道適中。結賬時與侍應員聊天才知道這間Marco's 早前是在羅便臣道移遷在這裡大角咀商場繼續營業，心感又多了一個好選擇。

公司同事生日，話說佢最鍾意食生蠔，放工一於去搵一間有質素的生蠔專門店，最後落腳點係 MARCO'S OYSTER BAR & GRILL。稱得上生蠔專門店，絕不能錯過OYSTER，餐廳推介自選生蠔一打即送意大利餐酒一枝。Pacfic Rock (USA) 美國 $18細細隻一口size，肉質鮮甜美味，淡淡的海水味，新鮮冇腥味。Fine De Claire (France) 法國 $28 Fine De Claire 法國蠔有修長的薄殼，蠔肉富有透明感，肉色帶淺，肥度適中帶點甜味，質地有彈性。Four Season (France) 法國 $38 店長推介必試法國 🇫🇷Four Season，蠔肉甜美入口陣陣甘甜，黏在口腔質感綿滑，肥美豐盈。Porcini Mushroom Cream Soup牛肝菌忌廉湯熱騰騰可以品嚐到牛肝菌的香氣，濃郁口感，忌廉增加幼滑口感，整個湯層次更豐富。 芝士火鍋多款瑞士芝士🇨🇭混和成火鍋，有熔岩爆漿的感覺，廚師細心把多款瑞士芝士煮溶，我們以麵包蘸來吃。瑞士盛產芝士，所以當地傳統火鍋可以用到多達五至六種的芝士來做，種類繁多，冬天寒冷吃起來特別滋味，圍著吃熱騰騰

這間Marco's Oyster Bar & Grill在佐敦很有名，我和家人在幾年前已光顧過這間餐廳的蛋糕，更多次回購芝士蛋糕，皆因十分美味而且性價比高。來到大角咀看到竟然有分店，又未曾進去吃過正餐，所以便在此吃午餐。既然是生蠔專門店，餐單上少不了生蠔，有來自世界各地不同品種的生蠔，價錢不一任君選擇，光看生蠔吸引的圖片就已經令我和朋友食指大動。當然，除了生蠔外，還有其他西式套餐。我和朋友點了夏威夷薄餅，看到有優惠，所以加配了半打Pacific Rock美國生蠔和一個黑松露朱古力雪糕，還點了是日套餐精選，有黑松露牛肝菌忌廉湯、BBQ醬燒肋骨和紐約芝士蛋糕。生蠔作為前菜率先送上來，雖然價錢實惠，但質素仍然很出色，六隻生蠔每一隻都很新鮮很飽滿，入口鮮甜滑溜，沒有腥的味道，再擠上少少檸檬汁，可謂是十分完美。接下來有黑松露牛肝菌忌廉湯，光是香味就已經知道這碗湯十分足料，香草和黑松露令這碗忌廉湯十分香，每一口湯都能喝到打碎了的牛肝菌，口感豐富，我的朋友都對這碗湯大讚不絕。套餐有飲品配送，我和朋友都選了熱檸檬水，檸檬很新鮮，桌上也有水壺，喝完杯中的水還可以再自行加水。餐廳也很細心，不停為我們加水和

晚上在區內和太座探訪完朋友，見到這家在别區有幾所分店及以生蠔做主打的西餐館，便趁機品嘗一下😁😁位處屋苑商場地下，路過店外即見大大招牌，侍應殷勤招待座位後，决定捨生蠔而取其他菜式，我倆在餐牌中選了幾款:🤔🤔分亨頭盤:三文魚撻撻, 底餅脆饀料香法式焗田螺，香草欖油味濃，螺肉鮮甜😋😋配以意大利白酒(Bianco Classico, taste of Italy)，清香滑口，伴海鮮之選👏太座點了:牛肝菌蘑菇湯寶雲酥烤紐西蘭羊架 外型賣相不錯我選了:法國龍蝦濃湯，湯味香濃，佈局討好，配以溫暖軟熟的麵包，極相襯 😋😋法國鵝肝牛柳，鹅肝面上的 濃醋汁淡化油脂外更提升鵝肝味道, 五成熟牛柳绝無欺場，色香味皆存，嫩滑多汁😋😋分碟上的薯條，侍應在桌前灑上溶化熱芝士，十分別緻，香氣散溢，入口甘香，侍應推介一定要趁熱吃😋😋甜品:紐約芝士餅，芝士味濃郁自家製意大利芝士餅(tiramisu)， 軟硬度適中，甜味到位😋😋一頓完滿的西餐在甜品後記在腦海中👏👏

朋友知我鍾意食生蠔，就介紹我去 Marco’s Oyster Bar & Grill 食，佢話依間性價比極高。今晚就去咗大角咀港灣豪庭間分店食，果然冇令我失望。生蠔叫咗半打做緊特價$10隻嘅Pacific Rocks ，兩隻法國嘅 Four Season 和兩隻 St. James，目測每隻生蠔都脹卜卜，食落有海水味，鮮味濃郁。啲特價生蠔值得一讚，味道一啲都唔會輸蝕，最後唯有叫多半打。牛肝菌忌廉湯湯嘅質感好creamy ，而且味道濃郁，還食到一粒粒嘅牛肝菌，口感一流。威靈頓牛柳第一次食威靈頓牛柳，服務員殷勤地幫我哋分切開，一切開就見到鮮嫩粉紅嘅牛柳，金黃色嘅酥皮很鬆脆，而牛柳肉質夠腍，牛肉味濃郁，不知不覺食完一舊又一舊。自家製意大利芝士餅有我至愛嘅Tiramisu，味道帶有香濃嘅咖啡酒香味，食落有入口即溶嘅感覺，食完感覺十分滿足。

喜愛吃芝士的我就最開心，店員先拎出一嚿圓圓的芝士，然後捲成一朶花的型狀，薄薄的芝士味道濃烈帶點creamy來這裏當然要品嘗一下生蠔，點了一打生蠔種類，6只特價時令Pacific Rock, 唔好睇佢細細隻，入口清淡得來餘韻留於口腔，另外分別各款二只的Arousa, Nelias, Gillardeau, 比較肥美飽滿，食落各有特色，加錢可叫一杯或一支白酒，生蠔配合白酒，更能提升蠔的味道薯條控的我，必食這個芝士薯條，將半邊大芝士表面溶化再用刀批落薯條上，當看見溶了的芝士慢慢傾瀉而製造拉絲的效果，不禁吞了一下口水，溶了的芝士香滑度大增，微暖帶點咸香掛在酥脆的粗薯條上，美味得不能形容主菜來了， 鵝肝拼牛柳，鵝肝入口鬆化，吃一口整個口腔充滿鵝脂香味，牛柳厚度十足，但咬落一點也不韌，點上旁邊的燒汁，更惹味，伴碟的沙律菜正好清清口腔內的油脂另一招牌菜，卡邦尼意粉，製作過程頗有趣，平獲內放著意粉，旁邊一大個圓圓的芝士，師傅先將意粉炒熱，然後用火槍燒溶芝士表面，再將意粉放在芝士上，溶了的芝士就和意粉混在一起，最後再用火槍燒一燒，上碟！用芝士代替大量的卡邦尼醬汁，淡淡的芝士味，感覺比較清新最後甜品心太軟

朋友請吃晚飯，帶我來到大角咀，這個地區除了奧海城外還是第一次來，幸好有朋友帶路。這晚我們的主角是生蠔，我們先點了十隻，分別是Pacific Rock (USA) 半打、Four Season (France) & St Vaash (France)，職員也有細心介紹蠔的味道，由淡至濃，應由Pacific Rock開始吃，然後是St Vaash，最後是Four Season。餐湯是牛肝菌忌廉湯，牛肝菌味道很香，很想再來多一個湯😋傳統卡邦尼意粉，職員介紹是選用了24個月的芝士，味道會比一般的芝士香濃。芝士火鍋內的芝士感覺比較重味，配上車厘茄後可以中和，味道很特別。最後吃了一個久違的Tiramisu，咖啡味香濃又不會太甜，好吃。

每次途經這間西餐廳都想入去試一試，今日老公放假，一於拉住佢陪我撐下枱腳，享受二人世界，餐廳位置唔難搵，位於屋苑商場內店員態度親切，介紹我們生蠔種類，Arousa, Nelias, Gillardeau, Pacific Rock ，每款也各有特色，pacific rock海水味比較重，餘韻留在口腔久久不散，南非蠔食落口飽滿肥美，法國蠔鐵味海水味比較濃郁，生蠔配白酒就正是好的配搭尼個芝士薯條必食之品，先將一大嚿芝士熔了表層然後灑上薯條上，暖暖的芝士充滿咸香味，薯條炸得脆口再加上芝士就更加美味，值得一試主菜點了招牌卡邦尼意粉，這個卡邦尼製法比較特別，先將炒熟啲意粉放在一大嚿表層溶了的芝士上，意粉和溶了的芝士掛在一起，入口不似一般的卡邦尼充滿creamy的感覺反而有微微芝士味，加上煙肉，簡單清新

之前食過Marco’s Oyster Bar & Grill其他分店，今次去大角咀餐廳，相約朋友一齊去食生蠔有14款，種類多，價錢優惠😆😆其他食物款式多，也有Dinner Set揀，整體都好吸引😝美國生蠔🦪個人生蠔喜好偏向爽口為主，店員抵食推介Pacific Rock，唔係好大隻，但蠔味好重😍肉質好爽又甜，加左少少檸檬，蠔味的鮮味更突出更清甜，呢個價錢抵食，之後再加多半打🤣🤣牛肝菌忌廉湯🍄牛肝菌味道好濃郁，好香，食到牛肝菌碎粒，提升左湯的口感，而且湯夠細滑😋😋👍🏻卡邦尼意粉🍝店員即時為你表演撈芝士環節🤣🤣多忌廉，再加埋邪惡的芝士，係勁濃郁的卡邦尼意粉， 好creamy，正😋👍🏻朱古力心太軟配朱古力碎雪糕🍫🍫自家制作，心太軟仲有餘溫，同雪糕係最夾，口感甜味岩岩好👍🏻😋

幫阿媽送嘢去大同新村姨媽屋企，剛剛見到表哥，大家冇見好耐，表哥提議去餐廳坐下聚下舊，附近有間Marco's Oyster Bar & Grill ，主打傳統意大利菜及扒類。環境和食物唔錯，不防試吓！奉送餐包，餐包是暖的，而且好軟熟，塗上牛油食特別香。脆炸德國鹹豬手，表皮炸成金黃色，口感焦脆，，肉質柔韌不柴，有口感，肥而不膩，伴碟的薯條香脆，只需加$30就可以加芝士，店員將芝慶熱，之後刮些落薯條上，芝士還可以拉絲，十分惹味，但要注意即刻趁熱食，凍咗就冇咁好味！卡邦尼意粉，廚師煮的時候，店員將大舊的芝士表面用火槍燒溶，待意粉煮好就將意粉放上芝士面上撈均勻，待每條意粉都沾上芝士就可以上碟，並散發出濃郁芝士味，意粉彈牙，火腿咸香，醬汁creamy惹味非常！

朋友請我睇Mirror六子演唱會，喺一票難求嘅情況之下竟然有人請，所以都諗住請佢食返幾餐飯先。第一炮就揀咗喺佢屋企附近嘅Marco’s Oyster Bar & Grill，幾年前都有試過喺佐敦食過Lunch，都覺得幾好味。所以知道大角咀有就嚟試吓。一嚟就即刻叫咗D生蠔食吓先。揀咗三款口味，包括：- 美國Pacific Rock 半打- 法國St. Vaash 兩隻- 法國Four Season兩隻味道我就比較鍾情Four Season海水味較濃。然後就叫咗個湯，湯係牛肝菌忌廉湯，超濃郁嘅牛肝菌味道，啱哂我口味。隨後上個意粉之前，可以睇到佢哋煮意粉嘅過程，有得睇有得食，意粉係卡邦尼，用咗原個大嘅芝士煮溶加落意粉到一齊煮，食落嘅味道同平時食嘅卡邦尼意粉真係好大分別，芝士味好濃，值得一試！怕朋友唔飽，就另外點多個芝士火鍋，配料包括麵包、薯仔同埋車厘茄。第一次食芝士火鍋配車厘茄，估唔到兩個味道配合埋又幾夾。最後上埋個心太軟甜品，呢餐超滿足。

早前去過Marco Oyster喺佐敦店後一直念念不忘，今日喺旺角和朋友買完嘢後，我提議去試一試大角咀的分店。餐廳位於港灣豪庭廣場地下, 西式的裝修, 有一點聖誕佈置, 有氣氛.女店員非常之誠懇有禮 ,推薦我們一些菜式.生蠔有很多款，來自不同地方，點了美國 Pacific rock 和 法國 Four Seasons.生蠔menu有很多選擇我們喜歡吃生蠔，最後點了美國 Pacific Rock 和 法國 Four SeasonsPacific Rock 細細隻，海水味較淡、肉質肥美、味道清甜。Four Seasons 前者蠔肉厚身甜美，陣質感綿滑。 牛肝菌忌廉湯一上檯已經好香喇！濃郁可口，加入蘑菇，啖啖有咬感，濃湯又芳香美味，真係一試難忘。有一種菜式是不會在家整的威靈頓牛柳 功序繁複，又考耐性，技巧。脆皮香脆鬆化， 五成熟的牛柳顏色微紅，肉汁嫩口，無筋，食落非常軟熟，腍滑。食到呢度雖然已經好飽, 但還是想食埋甜品先夠滿足. 心太軟/Tiramisu兩款都是自家製甜品， 甜度和幼滑都 拿捏得非常好. 心太軟配上同味朱古力雪糕, 原以為會甜爆， 但呢款雪糕唔算超甜， 搭配起來又出奇地啱味。

今天特意去果欄買水果，接着就去咗花墟買花，聽朋友說大角咀有間食生蠔不錯，於是就喺呢間午餐。生蠔我們叫了三款生蠔，其中叫了半打$10生蠔，估唔到$10嘅質素都可以喎！另外兩款比較貴，肉比較厚，全部都好新鮮👍🏻海水味濃，加埋檸檬和茄汁食，真係好濃郁creamy。是日精選呢度嘅午餐真係好抵食，有一款叫做是日精選，包餐湯甜品飲品。今日的主菜是燒春雞，燒春雞皮又薄又脆，調味一流。牛肝菌忌廉湯最最最最想講嘅就係牛肝菌忌廉湯🙀呢款忌廉湯是我吃過最好味嘅👍🏻好濃郁好正！比黑松露更正。估唔到$90有咁樣嘅出產。一流！夏威夷薄餅只需要$68的薄餅，有新鮮的菠蘿🍍芝士味濃。意大利芝士餅是餐廳自己整，我最喜歡呢種質感，裏面嘅酒好味，如果再濃一啲就啱晒我呢啲重口味嘅人啦。