緣味小聚 (金百利廣場) (Closed)

好耐無食蒸氣火鍋，最近食得多濃味野，想食返d清清地既野，經過金百利樓下，見到傳單，就去呢間試下！IMG:1]由於佢地新開張，所以做緊優惠每人都係$218-$288！我地簡左其中一款海鮮套餐！畢竟食蒸氣火鍋一定要食海鮮啦！先食海鮮！海蝦已經開哂邊，所以食得好快便，蝦身大隻，蝦肉爽口彈牙！韓鮑魚我第一次食，估唔到唔錯wo!質感厚實又爽口！仲有蘇格蘭聖子、北海道大刀貝等等新鮮海鮮！最後當然最期待佢地既八寶蒸飯！可以30款配料入面簡8款！我地點左雞軟骨肉餅、排骨、栗米、雞翼同臘腸等等！大約20分鐘就可以食得啦！我最推薦係雞軟骨肉餅，成個飯根本唔洗加調味，已經超夠味，肉質好嫩滑，唔洗一陣成個飯已經清哂！呢度食物質素高又抵食，下次會再黎呢！

訂左18:30 50% off入到去已經一陣up味/怪味坐低好快落左單，等左陣有侍應上湯同擺低個煲飲完湯都未有野上，到十分鐘後有兩款海鮮到左，但放低又唔幫你開爐又行開左🤷🏽‍♀️一路等到唔耐煩，全場4個人有一個超新手只會放但野食但唔會幫你蒸就咁就行開其他侍應一樣手忙腳亂，然後行埋黎咩都話冇🤯大刀貝冇，比多粒唔係好大既大蜆就算大扇貝冇，就比多隻蟶子落單冇講，有啲枱直頭上菜都冇講，有人問起先話咪補多左隻蜆/蟶子比你食6樣野有2樣冇都算，到最後8寶飯，啲料少到遮唔晒啲飯又細粒⋯ 比起係太子食既鍋心爭好遠佢原價3xx, 依加$200優惠價都食到成肚氣相都費事影絕對唔建議！

今日同女朋友去咗銅鑼灣食飯，見到有人派傳單，見到價錢吸引，每位$218，所以上咗嚟食蒸氣鍋。每位只是 $218，真的很掋食。首先來的是六小時燉原盅無味精湯韓國大鮑魚蘇格蘭聖子皇紐西蘭大帶子深海龍躉件生猛大海蝦北海道大刀貝、青島大花蛤、鮮甜貝殼類蒸手切星級牛排食完蒸嘢就食豐盛八寶蒸飯。佢有24樣餸俾你揀八款。我揀了秋葵、雞軟骨肉餅、冬菇粒、雞翼、豉汁排骨、茄子、豬腩肉笑，真係好飽因為份量都唔少。整體好掋食又好食，一定會再嚟。

今晩和寶寶來了銅鑼灣吃蒸氣鍋，每位只是 $218，真的很掋食。可能因為是星期日的關係，客人很多，所以記著要訂位。首先來的是六小時燉原盅無味精湯，湯底清甜，可能因為沒下味精，所以喝完也不渴。然後便是蒸海鮮了，全部也是店員負責的，所以不用擔心煮得太熟。韓國大鮑魚蘇格蘭聖子皇紐西蘭大帶子深海龍躉件生猛大海蝦北海道大刀貝、青島大花蛤和鮮甜貝殼類還包括蒸手切星級牛排，真的嫩滑好味。最後還豐盛八寶蒸飯，可在24樣餸裡任選八款。我們選了秋葵、雞軟骨肉餅、冬菇粒、雞翼、豉汁排骨、茄子、豬腩肉。吃完飯真的超飽。

最近食野食得太重口味又熱氣，想搵d清淡d既野食食下，朋友同我搵到呢間食海鮮蒸鍋既餐廳🥰🥰🥰真係岩曬我呢一刻既需要！我地點左個海鮮套餐🤘🏻首先先飲左盅6小時燉原盅無味精燉湯！入面好足料，無味精真係唔同d！開始蒸海鮮啦！先蒸鮑魚，又大隻又鮮甜！跟住仲有帶子、蟶子、蝦、魚、蜆、花甲等！呢到既職員會過黎幫手蒸同計時，甘就唔驚自己蒸到過曬時！服務一流，辛苦曬佢地😂😂😂最後仲有個8寶蒸飯！真係好好好好食！仲要好大份😂

睇嚟呢間餐廳都係主打海鮮蒸鍋，order左豪華龍蝦海鮮蒸鍋套餐。龍蝦肉質爽口，蟹鉗大而且多肉！不過真係唔夠喉囉...鮑魚好新鮮，上枱時仲郁緊，蒸得啱啱好，一d都唔韌呀！雖然無汽水任飲，不過就有燉左6個鐘嘅雞湯，天然無味精，既然佢咁講我就信嫁啦，飲完感覺好滋補～通常食海鮮正鍋都係用粥底，不過呢度特別啲，最後上嘅係八寶飯。八寶飯可以喺24款配料中揀八款，揀左蟲草花、臘腸、豬肉等，肉汁完全浸透曬落d飯道！要將所有材料撈埋一齊食就最正啦！自認大食嘅我都真係食唔晒。結論想食高質小小嘅海鮮都係唔好揀任食啦！好鍾意呢度嘅調味盤，有好多唔同口味任我揀，真係可以一個食材一個味道呀！

今日我們“四姐妹“難得聚在一齊出動外出覓食！我們覓食嘅三大標準就係：抵食，飽肚兼好味！並堅決杜絕打卡呃LIKE好睇唔好食嘅嘢。於是自稱係飲食界嘅實際派！今次我地嘅目標鎖定了：緣味小聚。打算一嘗佢嘅蒸鍋！入到去，地方唔大，細細間，環境普通。不過我地唔係食裝修，我自己本身更喜好一些平實抵食嘅街坊小店。蒸鍋有兩個SET揀，我地就揀咗龍蝦果個，其實價錢都唔係相差太遠。我地四枝花一起出動，唔知係咪我樣貌姣好，有如出水芙蓉，佢仲送個避風塘炒蟹比我地食。我還偷偷竊喜了好一會兒……然後朋友就話我唸多咗，提我睇鋪頭張宣傳海報，我先發現係佢地新張優惠：四人同行會有避風塘炒蟹。”（哎呀，樣衰咗添。）避風塘炒蟹炒得幾惹味，蟹大大隻，好多肉，我都好耐無食蟹啦，今次一食勾起了我對蟹嘅思戀。海鮮上台，睇落個個都大大隻，幾FRESH。肉嫩鮮甜，蒸嘅方式可以食到海鮮嘅原味，每人每款海鮮都有一隻到，服務都幾好，蒸嘅過程服務員都會幫手，幫你記時同加醬料，食得都幾舒服。一開始幾驚唔夠飽，不過食到最後仲有八寶飯，加埋飯食都夠飽嘅。不過睇其他人嘅食評就話食唔曬啲飯要打包走，我心唸我地有咁大食咩？我地係全部食曬無剩到。今餐我地都食

同班中學同學好耐無見，見到呢間新開張的，就試下，之前去親金百利都係食築地d日本嘢多因為新開張的關係，鮑魚海鮮煲做緊優惠，$218 就有鮑魚、帶子、龍躉、蝦、蟶子、牛肉同八寶飯食。（假期要加$20）算係幾化算的set先來碗足料的湯入面有雞腳、雞同蟲草花，都算入味，好少係街飲到咁入味嘅湯然後到戲肉，食海鮮！先來的是鮑魚，因為今晚無帶子的關係 我們每人多了隻鮑魚，職員會幫你蒸+上碟，好好服務鮑魚都算鮮甜，不過唔係我最like的（可能因為食過更甜的鮑魚），好味指數：😋😋😋然後係蟶子，不過太好味 無影到 好味指數：😋😋😋😋😋龍躉就一般，不過唔太期望蝦係其中一樣好好食的，雖然比較細隻，但幫你開了邊同味道鮮甜，好好食，好味指數：😋😋😋😋😋貝殼類一向係我favourite，當然係大隻d的好食d最後係幫朋友整牛肉（因為我自己唔食）但朋友都話texture不錯，只係如果我們個盤無咁濕會好食d個八寶飯原來我無影相，係比你揀八款配料去蒸，都好入味整體食材+價錢都算合理，只係可能新開張，人手不太熟手，相信之後會好d的

銅鑼灣竟然有間超值蒸海洋餐，仲有原盅燉湯、八寶蒸飯&手切牛食，咁多樣加埋都只係$200頭，新開張，免茶芥免醬料免加一，真係抵到爛？！原盅燉湯-用左6小時燉老火湯，如餐牌所示，真係絕無味精。湯燉好清甜，內有雞腳，但湯並唔會油。蒸海鮮方面，共有八款上盛海鮮:-韓國大鮑魚聖子皇大刀背龍躉件大海蝦大花蛤貝殼類款款分量十足，唔洗配醬料都好鮮美。最後有手切牛排，爽口。八寶蒸飯-用竹籠蒸，入座時已經選好8款材料，上枱時已蒸好，店員會問要唔要花生&蔥配料，入有配料倒入混和一起，飯吸哂香油味，好惹味。

聽聞銅鑼灣有新開海鮮店非常抵食，海鮮又非常新鮮！趁住新有優惠，走去試下。去到鋪內，大概有八成滿，不算非常擠迫！餐牌內最主要有兩個餐，一個鮑魚餐一個龍蝦餐有優惠的話當然叫個貴個果龍蝦餐，有八款海鮮加牛肉，另有八寶飯因為今日比較晚去到，很多海鮮都賣晒！有兩款海鮮沒有就換了一隻肉蟹價錢上係有著數，但款式就少左，抵唔抵食就見人見智啦！食物質素：因為係清蒸，新鮮就無大問題環境方面：可能係新開，營運上有點混亂價錢方面：有優惠當然抵食！如果無就不會再考慮後記：埋單嘅時候，張單有問題！但係系統嘅問題職員無法解決，最後人手計好收現金。希望盡快解決！

一直都好鍾意食蒸氣火鍋，今日路過，見到呢間餐廳新開張，而且仲有$218開心架優惠，於是同男朋友去試一試！套餐包括八款海鮮、八寶飯同埋原盅絕無味精燉湯，非常吸引！而且侍應會親自為每台客調校時間同埋夾海鮮，招呼周到！鮑魚要整得好食其實好難，時間要掌握得啱啱好，餐廳果然經驗豐富，掌握到蒸鮑魚嘅時間，所以鮑魚新鮮彈牙，而且size夠大隻，抵食！聖子夠大隻，而且肉質彈牙！大刀貝果然夠大隻，非常厚肉，而且新鮮！蒸完之後貝殼仲保留着滿滿嘅肉汁，飲落口非常鮮甜！大蝦同埋貝殼類味道都唔錯！手切肥牛片好好食！牛肉唔單止夠厚度，而且肉質嫩滑，超重牛肉味！勁想encore！原盅冇味精燉湯就更加唔使講，材料豐富：雞腳、蟲草花、豬肉等等，湯汁鮮甜！八寶飯材料豐富，你仲可以自選材料添！

朋友同自己都喜歡食海鮮,心血來潮想去食蒸汽海鮮,見到呢間地點方便在銅鑼灣地鐵站過去很快,所以大家就決定到上面用餐.餐廳是在樓上店,鋪面雖然不算很到大,不過坐位幾闊落,所以都坐得舒服的。我們坐下沒多久，我地叫左個兩人海鮮套餐，包括有6小時燉原盅無味精燉湯，6款海鮮包括3種蜆，蝦，鮑魚，魚肉，加上手切牛同八寶蒸飯，可以在菜單上自選8樣材料，有菜，肉等，然後就會去蒸。。餐廳員工就端上一盅熱呼呼的無味精蟲草雞腳燉湯。味道好清甜。係我地飲湯嘅時候店員就幫我地蒸海鮮，第一樣是鮑魚，應該有手掌心大的鮑魚，很鮮甜也很有肉感。鮮蜆和蝦也很鮮，喜歡蒸的，保持原味道的鮮甜，也可以個人喜好自己加調料。這裡的每一樣海鮮或肉都會聽少少蔬菜一齊去蒸，例如金針菇，茄子🍆等，同蔬菜一齊食很清新，不會有油膩感。所以即使我們食完飯都感覺剛剛好，不會太飽。

最近返工日日做到無停手，晚晚OT到失哂暈好唔容易捱到出糧嘅大日子，一於同班同事食返餐好嘢去慰勞下自己！大家都不約而同想食海鮮，但又唔想夜媽媽收工走入去西貢或者三聖村個邊食。好彩俾我搵到公司附近既金百利商場入面呢間緣味小聚有其他同事話午市黎食過飯，質素都唔錯，一於去試試！叫左4個龍蝦海鮮蒸氣鍋套餐，仲免茶芥同醬油費，當然另外再收加一啦。呢個價錢都算抵～其他餐廳大部份都會收返茶芥醬油費，加加埋埋都四五十蚊，雖然出左糧啫都要睇住荷包做人既套餐入面有燉湯、8種海鮮、牛頸脊同一份八寶蒸飯海鮮八款包括有龍蝦半隻、一隻鮑魚、一隻聖子皇、元貝皇一隻、帶子一隻、龍躉件一件、海蝦兩隻、大花蛤兩隻而八寶蒸飯就可以24款入面揀8款我咃就揀左蝦醬豬肉、馬蹄肉餅、排骨、蓮藕、豆醬豆卜、粟米粒、冬菇粒同埋南瓜餐廳環境四正, 冷氣又足, 如果唔係既話食到大汗疊細汗都幾辛苦侍應介紹是日燉湯係花旗參煲雞，侍應話師傅燉足6個鐘仲話唔會加味精。飲一啖果然有明顯既花旗參味，真係拍得住我母親大人既靚湯喎! 仲要飲完唔覺得頸渴, 證明堅真係無落味精!GOOD!碗湯都未飲完, 啲海鮮就送到黎啦! 龍蝦唔止食落啖啖肉仲有膏添！龍蝦肉好

成日係銅鑼灣都係食西餐同日本野，今次友人話去試新開既蒸海鮮。去到時門面都正常，店內都光猛同枱同枱之開間都唔迫。佢有兩個餐，一個係普通餐，一個係星級餐有龍蝦食，所以我地豪一次choose 左龍蝦餐，每位288, 包括龍蝦，牛肉同8款海鮮，最尾會有八寶飯可以自己choose 8款餸。佢有齊調味料，葱蒜辣椒，真係配蒸海鮮一流！老火雞腳湯都足料同唔太油，起碼用雞腳都無成碗面都油。龍蝦一人半邊，都新鮮，如果再有埋膏就最好啦 haha..聖子都大隻，一人有兩隻，加埋蒜蓉同辣椒好正好fresh.貝類有三款，全部都生勾勾，無死左唔開，如果有得加粉絲底就好啦。。。牛肉都有油花，不過我都係愛海鮮多d..鮑魚同海蝦都新鮮，份量就一般，多d 就好啦。最後個八寶飯份量好大，兩個女仔有d 難食哂，個度起碼有4碗大飯，d 配料好夾！

今晚同朋友放工去銅鑼灣睇戲，大家約定先一起食晚餐。 早前見金百利廣場新開左間蒸氣鍋，咁岩朋友心血來潮又話想食。新開張有推廣，而且套餐價錢實惠夠吸引，訂左台今晚試下。-安排座位之後，奉上芒果茶，很清香特別！ 套餐主要包括燉湯、蒸海鮮及八寶飯。先來「6小時燉原盅無味精燉湯」。是我最愛的蟲草花燉雞湯😍 養生又健康！ 熱騰騰的細喝一口，好清甜！ 每碗還有一些湯料呢。-飲完湯之後，職員就陸續奉上每款海鮮。海鮮有8款，每款大約蒸3-5 分鐘就可以品嚐，而且職員熟手地協助，坐定定等食！超爽又舒服。-打頭陣的是韓國鮑魚，質感彈牙有咬口！ 再黎是有份量的蘇格蘭聖子皇，同樣爽脆。 還有鮮甜北海道大刀貝、嫩滑龍躉件、開邊大海蝦等，同樣食得滋味。吃完一輪海鮮，最後是蒸手切牛。 牛肉薄切得來有嚼勁！-最後登場是八寶蒸飯！ 正如餐廳標榜「不一樣的潮食蒸氣鍋」第一次吃蒸氣鍋是有飯的😂。 我們點了一些人氣之選的配料，例如蝦醬豬腩肉、秘製雞軟骨肉餅、豉汁排骨、臘腸 ，還有香滑雞件、蒜香茄子、鮮淮山、豆醬豆腐卜，大火蒸20 分鐘就有得食！材料豐盛、 再灑上芫茜、花生及醬油，味道豐富，食得飽足。