孖寶去骨海南雞 (Go Go Mall)

Open Now

Now Closed

今次又係新墟附近搵食，係街市對面搵到呢間餐廳。睇左餐牌，呢到除左海南雞仲有涼拌野，台灣野同泰國野食，好多元化。 落單無耐侍應先送上一碗南瓜湯，一入口係覺得驚艷! 因為真係好甜，而聽到侍應講係一早開始煲又無加味精，推薦！👍🏻另外叫左個海南雞套餐（$62），雞無骨勁滑，仲附上三個汁比你點，個人最鍾意係中間個甜鼓油。雞油飯都好出色，飯係粒粒分明，好香雞油味。仲叫左兩個小食，青瓜（$20）勁大碟，仲辣辣地，好野味，有口水雞既感覺。仲叫左去飲最愛既炸蝦餅，但上台變左炸蝦球，店員仲好貼心咁叫師傅剪開。皮炸得夠脆，蝦膠彈牙，仲大大粒，好抵食！野飲叫左檸蜜同檸樂，不過不失。

成日都無乜idea食乜好，今日行左去新墟個頭望下有乜好食，行行下見到呢間專賣海南雞飯既鋪頭，而且餐牌都幾多其他選擇，就入左去試。雖然咁多選擇，最後都係叫左招牌海南雞飯套餐。先講湯同油飯，今日係南瓜湯，幾好飲，飲到好大陣南瓜味，入面有少少蘿蔔同南瓜，不過啲南瓜肉幾乎溶哂係湯入面。如果佢有少少南瓜肉係入面就更好啦！油飯好香！！！唔點任何汁食都覺得好香口。雞肉唔腥，又夠嫩滑，肥瘦好適中，唔會有好大舊肥膏係到，但係又唔會瘦到完全無油，口感唔錯。不過本身應該無落到其他味，要點佢個醬汁食。個餐仲有碟油菜，顏色好靚好新鮮！62蚊套餐，有老火湯，雞，油飯，油菜，其實都幾抵。不過唔包飲品，如果想飲野既話就要另外加錢，熱飲4蚊，凍飲6蚊，合理範圍。

海南雞好好食 無骨 皮同肉都非常滑 雞本身都夠味 唔點汁就咁食都好好食 雞肉份量都算多 午餐黎講食得好滿足醬汁都唔錯 辣汁係bb辣 唔食得辣既人都一定食到 美中不足既係裝醬汁個三格碟好細 有啲唔方便 而且唔係用鐵匙 所以好難「畢」起啲汁 豉油唔會太杰身 好怕食到好杰好似糖漿嗰隻豉油 蔥油份量有啲少呢個餐包埋例湯 南瓜粟米雞腳湯 超正 超鐘意飲南瓜湯 中湯都好好飲 住家湯既味道 好甜無味精 因為飲完無特別口渴 每碗都有隻雞腳 煲得好淋 食埋 大滿足另外值得一讚既係服務態度超級好 當日有輪椅人士入舖 餐廳員工好helpful 一定會再幫襯啊 下次試埋都係招牌既口水雞再黎寫食評

我本身真係非常鍾意食海南雞飯，所以間唔時就食下，今次介紹嘅餐廳絕對係香港數一數二咁好食！🔻招牌海南雞套餐評分：🌕🌕🌕🌕🌕價錢：$62雞肉有油光之餘好嫰滑，雞皮下有啫喱膏，份量唔少亦重雞味；油飯充滿住濃濃嘅雞油香，飯粒分明煙軔有咬口，絕對拍得住東南亞地方嘅海南雞飯😋另外佢個湯絕對真材實料，飲到有少少嘅南瓜蓉，唔係味精湯黎，講起我都好想飲😹佢個套餐仲包左一碟份量十足嘅生菜，係多到一個人係食唔晒，如果兩個人去食，建議一個叫套餐，一個就咁海南雞飯就岩岩好👉🏻最後順帶一提，個油飯個人覺得屯門分店比元朗分店仲好食📍 孖寶去骨海南雞 (屯門)地址：屯門屯門鄉事會路112-140號雅都商場地舖

很喜歡吃海南雞飯，所以來到這間海南雞飯的專門店，它有一個套餐是有湯有菜和海南雞，我便點了這一款，非常滿足到我三個願望，我覺得他的湯非常好渴👍🏻夠熱又鮮甜，而且每一舊海南雞都很滑，他有三款醬汁可以俾你點，我覺得三款都不錯，推介👍🏻

開始食啲呀姐同外賣呀叔不斷勁大聲係度傾笑類似調情既野，鋪頭就算大佢地都算好大聲，更何況咁細。叫出黎咁，好難受，大聲得誇張，係度係咁叫咁，服務正正常常，落完單繼續喺度叫。係叫，唔係叫傾計嗰種聲量。油飯無味只係有顏色，其實可以加少少雞湯同鹽煮都無咁衰，仲要好乾好乾，只係微暖。油飯之前都食過幾次，今次下午茶最無味，最差。雞係正正常常既，同之前食既一樣。唔係話好有雞味好滴，但正常，食左唔會嬲又唔會讚個種。湯淡味左，無好耐之前食過幾次咁濃甜，因為下午茶？唔會因為下午茶加水掛.........呢間野宣傳勁足，猛掛餐牌去屯門周圍，應該有心有腦去做，但出品同店員（或者老闆）係店來咁既行為.......唔......

2人下午12時多到，差點兒要輪候，看到有2人套餐($158，去骨海南雞/口水隻*半隻+小食*9選1+蠔油時菜+湯*2碗+油飯*2碗)但應該吃不了這麼多，就散點2個餐：一個是去骨海南雞(大)，有湯和飯(可選白飯或油飯)，共$52。首先湯是南瓜湯，帶微稠和甜味，尚算有心機的湯；海南雞大約有8件，看上去很黃，雞肉算滑和厚實，雞味不算濃；油飯看上去也是非常黃，飯質偏乾，油香不多。其實價錢上算是便宜，又非常飽肚，建議女生要去骨海南雞(小)就可以了。和另一個狀元燻蹄飯，有湯和飯(油飯要+$2)，加了便是共$50。燻蹄的量也很多，也是大約8件，很軟身，不是小編期待的；醬汁過多，雖則不很咸，整體是不過不失，但因價錢、味道和份量來計算，性價比是頗高。總結就是，小編仍未找到最美味的海南雞飯，這裡都可算是間中過過癮。

嗌左兩個外賣海南雞飯，次次例遲十幾廿分鐘都算，今次一打開個膠袋成竇蟻爬出嚟，佈滿碗湯、餐具、同嗰幾包醬，搞到成枱蟻，嚇到即刻膠袋連啲嘢晒，後尾先醒起唔記得影低幅相先dum。。之後即刻打去同佢地講，提埋佢地check下其他膠袋有冇蟻，但聽電話嗰個對唔住都冇句，態度極差。有乜理由幾廿隻蟻爬嚟爬去裝外賣嗰陣會見唔到，綁埋個袋送咁大份禮俾我地差啲受唔起，食肆做到咁離唔離譜啲？算 鬧完就係咁先，諗起啲蟻周圍爬就噁心，絕對冇下次！

成日經過 間舖好似平平無奇但真係又抵食又好味👍🏼又一間食第二次既小店主店又係元朗 屯門係第三間分店如果食茶記食碟頭飯 小菜食到悶而家茶記越嚟越貴 晚市一餸一飯一湯 都70蚊起🤔喂 屯門友 你要黎食下呢到晚市一人海南雞餐 $62其實一人餐都好抵食！份量絕對吾小！兩次都叫咗二人餐👯‍♀️海南雞(半隻)🐥油菜 一碟🥬自選小菜 一款兩碗雞油飯兩碗唔係味精湯嘅湯✏️海南雞 味道不錯 好滑雞皮唔會過肥✏️ 雞油飯 其實唔係幾鍾意食 但食咗佢之後有少少改觀 因為佢嘅飯做得比較香 比較乾身 一粒粒有咬口 其他地方食嘅雞油飯唔同 其他地方飯質較濕做得有冇咁香 加分✏️自選小菜有幾款選擇今次點左咖喱魚🐟香濃咖喱味唔會太辣魚柳份量都唔少上次食咗香煎鹹香肉餅 比較小但煎到好香口點咖哩既話分量就多d🤭抵食啲至於我今次再食係為咗個湯再黎平時從來唔會飲例湯既我上次見佢吾係味精水嘅樣飲咗一啖愛上左 佢係用南瓜煲雞腳 碗湯有南瓜味絕對唔係平時茶記例湯嘅水準 第一次飲個湯好甜可能因為南瓜本身好甜今次再飲雖然冇咁甜但係真係飲得出係煲嘅湯👍🏼讚！

本小姐出得廳堂又入得廚房, 久唔久都會去新墟街巿買餸整兩味成日經過對面街嘅呢間海南雞飯, 不過次次都係來去怱怱, 見佢門面一般，都冇乜動力入去食。今次咁啱約左朋友有啲野喺果頭交收，加上想食海南雞，就試下雞都幾滑飯嘅黃薑味都出三款醬料俾齊, 都算有誠意，你知啦, 有啲求其俾啲豉油你就算架。整體不錯，好過好多同樣以海南雞飯做賣點嘅餐廳配嘅中式南瓜湯，味道都好濃郁，足料。ok抵食

鐘意食雞肉嘅朋友仔請注意⚠️‼️‼️🙂小妹又有好推介喇 係食海南雞的好地方 🈶️米線同埋飯🍚🍜口水雞撈米線 (熱撈)賣相好靚 同埋非常吸引呀💯啲雞肉好嫰滑 啲皮又唔算好肥喔😄😀雞肉上面仲有㊙️制嘅口水汁 啲辣味真係好正 鐘意食辣嘅一定要去trytry👍🏽🤤撈埋啲青瓜絲一齊食 好正🔪🥒啲米線嘅質感適中 整體都好味🤩😍招牌去骨海南雞 哩個size係大份的 所以份量真係好多的😂😆話明係招牌 緊係要trytry喇🙂🙃啲雞肉真係去哂骨的🦴👍🏽好食呀喂 仲有個飯係黃薑飯 薑味真係夠哂薑 入哂味喔🍚💛湯係南瓜湯🎃🥣味道好濃郁 好正好好飲🤤😋

落緊大雨就真唔想周圍搵野食，見到呢間新開既餐廳🍴就入去試下啦，反正佢既2人套餐唔算好貴個賣相又好似好吸引咁 入到去叫咗個2人套餐，有半隻（去骨海南雞/口水雞）、再係幾個小菜選多一個、有2碗湯、2個海南飯，同菜，熱飲加$4凍飲加$6 食物好快就上哂枱，唔洗十分鐘就上哂，賣相就真係好吸引既，但味道就真係好普通，正正常常唔特別好食又唔特別難食、個飯完全食唔出係海南油雞飯，而個豬手豬皮仲有少量既毛，未完全清除哂，味道都不太好食，肉質夠淋身，今晚食咗$164 （2個人） 一定會食得飽，因為飯既分量好大碗。

🤤肉燥飯都好好味*孖寶去骨海南雞飯*食左幾個月海南雞飯，開始想試下其他，今次點左豬扒肉燥飯，一樣有跟湯或飲品。*照舊都係要湯，因為湯真係招牌中既招牌，超好味，好足料，黎到吾飲湯真係走寶。*心心最中意食湯渣，而依間每碗湯都一定有，有時候係紅蘿蔔，粟米，或者雞腳。*心心估吾到豬扒肉燥飯入面既豬扒會甘香口，甘好味架。豬扒係另外烹調過，而且有切塊，每塊都係外面香脆，入面鬆軟。*肉燥飯香味濃郁，撈飯食一流，令人一啖接一啖，心心好快就清乾淨成碗飯，仲有d想添飯。*一個人或者朋友家人聚餐都非常適合。*喜歡既請關注我：VictoriaChan1008*ig:sumsummiyu#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway #photo #demo

有次到屯門新墟買菜時看到這間”孖寶去骨海南雞”，標榜店內食品不加味精，今日特意來吃個午餐，而這裡的孖寶皇牌飯分別去骨海南雞飯及去骨口水雞飯，可以選大或中的份量，飯方面有油飯或白飯，非常貼心。既然是皇牌當然要試試，兩款飯都各點了一個。去骨海南雞飯 (跟油飯) – 雞的份量足夠，滿足了我這個食肉獸，重點是去了骨，適合懶人享用， 雞肉嫩滑，雞皮與雞肉間更有一層啫喱精華， 油飯呈金黃色，粒粒分明，提供了三款醬汁，每款帶來不同滋味。去骨口水雞飯 (跟油飯) – 一樣的雞件只是醬汁轉了口水辣汁，多了一份辣的感覺份外刺激惹味，配菜的芽菜浸在口水辣汁中很入味。凍奶茶夠香濃，有茶味。

黎屯門探朋友順便黎呢頭食下野搵到呢個海南雞飯份量都幾多幾抵食我地仲試埋口水雞個人較喜歡海南雞，食到雞味個黃油飯就淋得濟，有少少1 pat pat 嘅感覺但個南瓜湯好好味Overall not bad 👍🏽