Marka House (Moved) New Location

行完山約了家人在屋企附近晩飯屯門虹橋現已成為美食區今次選了這間Marka House店舖小小的 格局和氣氛較像酒吧原來是食法國餐四個人點了一份意法烤釀無骨法國黃春雞配拉古萊特芝士$298☝️這個很特別 切開春雞裡面有意粉然後侍應拿著一大個芝士出來用刀片了些芝士在春雞和意粉上喜歡吃芝士的真是流晒口水🤤另外一份澳洲安格斯肉眼扒配野菌香草牛油焗新薯$260細食的我們已剛剛好但也想試試甜品 於是點了一件chocolate brownie和一件梨批Chocolate brownie 還可以梨批則太冰了 有點失望😑

最近工作都好忙碌於是決定對自己好啲 獎勵一下自己食餐好呢間餐廳都算係呢區少數高級餐廳茶餐廳/酒樓呢類食市都比較多最初行過覺得呢間餐廳都幾高級但係本身唔係特別鍾意食蠔所以都無考慮不過行左幾轉之後發覺都無乜西餐廳所以最後都係決定食呢間餐廳裝修主要都係黑灰色所以係外面都唔係太睇到餐廳內既情況都幾岩朋友或者情侶黎食架另外 仲有唔少酒選擇價錢唔算便宣扒類價錢都偏貴由於我地係第一次黎所以都係選擇返意粉闊條麵太肚餓既關係！我地決定要double 最後我地點左黑松露忌廉虎蝦一啲都無令我地失望黎到已經聞到松露同忌廉既香味食意粉最怕唔夠汁但係呢個意粉啲汁非常夠份量每一啖都充滿忌廉汁同松露一啲都唔慳料架每人都食到三碟左右咁既份量既意粉絕對夠飽呢而且啲蝦都唔細隻 彈牙有口感好滿足下次再黎試其他意粉/扒先

返工lunch另一選擇，做左咁耐先知洪橋附近有間西餐廳，同埋食物唔錯架，同友人分別叫左個全日早餐同班尼迪蛋，飲品唔記得左影相，食物方面，我覺得個雞扒食落唔錯，幾嫰滑，不過稍為偏咸，但環境同基於得一個樓面，而食物速度算快，所以尚算唔錯！下次可一試晚餐

十分滿意的晚餐，價錢合理，服務一流。晚餐menu選擇很多而且很吸引，餐前appetiser有Caesar salad 及蟹餅，salad 仲係送的。今晚試了牛扒和西班牙辣腸意粉兩個餐，非常美味。之後點左chocolate cake 同coffee, 雖然已經好飽但係都食晒，因為太好味。在這個地區有這樣質素的美食，真的難得。再加上環境清幽，服務又好，下次一定再光顧！

脆髀放假去咗表妹家玩，我收工去到屯門接佢，一齊食埋晚餐！姐夫介紹呢間西餐廳！去到門口深色主色，入內地方唔大，都係深灰色主色，加黑色桌椅！簡單唔花巧，唔使等位，餐牌食物西餐！我哋3大3小叫了幾款食物分享！食物陸續上前菜：香蒸牛油意大利大啡菇（$98）賣相靚，蘑菇🍄索晒香草牛油，熱辣辣彈牙又香口！好味餐湯+沙律：蘑菇湯同沙律拼埋一個餐具上，賣相靚，蘑菇湯好濃，基本上係液態蘑菇，有微粒粒口感，加上加了黑松露油，香味更加香！沙律太多紅色沙律菜，味道微帶澀味，雖然加了黑醋汁，小朋友唔喜歡，我覺得好味！火腿我無食！主菜：黑松露野菌意大利飯（$108）煮得入晒味嘅意大利飯，米心剛好有咬口，索晒菇味，啖啖香濃菇味，鮮菇嫩滑！好味特選高級澳洲法式羊架，野菌香草焗新薯（$238）賣相靚，羊架無重醃料調味，肥美唔膻，煎得香3個小朋友都搶食，拌碟嘅炒鮮菇嫩滑鹹香！好鮮味！連皮新薯切角，稔口新鮮，成碟都好味！澳洲高級穀飼黑安格斯肉眼扒，野菌香草焗新薯（$268）牛扒要求medium well， 牛扒肥美嫩滑，牛味重唔膻，拌碟嘅炒鮮菇嫩滑鹹香！好鮮味！連皮新薯切角，稔口新鮮，成碟都好味！意法烤釀無骨法國黃春雞配瑞

中午本來想是但快速吃碗麵，點知附近都爆多人，加上一行五人好難找位，同行朋友提議食西餐，話之前食過呢間唔錯。其實小妹成日行經，但被佢高級嘅外觀嚇窒咗，今日大棚人入去就冇咁驚！朋友話係法國菜，午餐來說不算係抵，但如果係法國菜一試又無防，一共有七款午餐揀，價錢由$68-$138，加杯熱飲就要$5，不設加一都算係咁囉！當食物上枱好驚喜，因為每款食物擺碟好靚。樓面就得一個侍應，所以都要等一等先埋到單，服務和環境都唔錯，情人節將近值得帶埋女朋友來食午餐！

屯門虹橋食拉麵同小丸子就出哂名, 附近都開始愈開愈多西式野今次依間就對住公路位, K51向小欖方向個站附近其實都食過依間餐廳幾次, 第1次就食飯, 第2次就意粉 今次就一試佢個英式早餐 睇下佢有幾豪華坐落就唔會話特別闊落,但唔坐滿既情況下, 雖然望住公路,但隔音都做得唔錯 ,其實都幾寫意落ORDER果陣 侍應問飲咩, 我話後上 , 佢都好有禮貌咁問我要唔要杯水先上菜果陣個碟就好大啦, 上面D料一D都唔馬虎, 填到滿滿咁比較驚喜既係有一塊芝士鋪面既煎雞扒 平時都係D咩火腿扒,漢堡咁..佢就有依塊大大既雞扒,食落多汁唔乾唔粗身蒜蓉炒蘑菇,黑松露炒蛋,煎蕃茄 好多時候上菜都會見到隻碟水汪汪,但佢就冇依個問題沙津菜上有少少黑醋,唔會落得過多搞到好酸英式鬆餅鬆化軟身整體味道唔會太濃 亦唔會話超淡+5蚊就有杯熱咖啡, 不過就飲得出唔係特別高質量既咖啡 如果想平平地試下既話,午餐都可以黎依間野試試  跟MENU收錢免加一服務費佢個LUNCH MENU會經常咁轉換, 去過3次,3次個餐牌都有所變動廚師試新菜單時, 見客人食完都會問下個菜單點樣 有冇咩特別

首先最需要一提，服務員好有禮貌，態度好好。到食物，今次已經第2次幫襯，所有食物都好滿意，重點推介黑松露意大利飯同埋燒春雞👈🏻特別係鍾意食芝士者其次係焗菇同埋黑毛豬

經過幾次都未有時間去試。朋友介紹下一家三口去食。氣氛唔錯。叫左時令法國生蠔買5送1蠔味適中。唔會太咸。整體都有8分個南瓜湯應該係自家製夠濃夠Creamy 8.5分波士頓龍蝦 賣相好好。拆左啲肉同膏落個扁意粉度撈埋一齊可以淡淡都有龍蝦味如果再熱啲會更加好9.5分M5肉眼扒不過不失。5成熟準成度都高。反而係個焗新薯有驚喜 8分整體服務同食物都好好性價比一定比其他連鎖餐廳好食物質素黎講唔算貴會返黎再食下其他野

在店門口有餐枱，當然有客人食煙，當開關門出入時(時常有出入)自然把大量二手煙抽入餐廳內，情況等如室內有人食煙，怕二手煙者請三思。另外室内空調有奇怪霉味，地下有水積及濕左既紙巾

兩個女仔飲左碗creamy餐湯，食左新鮮沙律、肉汁鮮味嘅牛扒同份量味道恰好嘅帶子risotto 。店員細心有禮貌。外面雖有工程但不影響內裡環境，感覺清靜浪漫。因為太肚餓，只記得影rissoto 😋一定再去😝

本來知道太多人排隊想放棄黎呢度食慶幸一場大雨2女子堅持來這𥚃試試朋友一直說這𥚃的薯條及burger好好味為食妹當然要一試為食妹點了Burger 及菠菜雞肉扁意粉Burger 份量都幾大個，2個女仔最好share 薯仔好好味，好似食梗熱浪薯薯片咁Burger 中用嘅蛋黃醬配搭好好味Burger 中嘅肉亦夠juicy,唔會太乾至於菠菜雞肉扁意粉黎到覺得賣相爭少少不過味道出乎意料之外扁意粉入味，雞肉略嫌有少少overcook但可以接受～總括黎講，lunch 嘅價錢好抵食食物質素性價比高因落大雨，又過了lunch hour 環境氣氛很適合傾計不過咖啡略嫌不是為食妹口味飲落偏酸～如果有埋杯合口味嘅咖啡咁就完美

店面好有格調，水巴好乾淨整齊！樓底高，俾人感覺空曠無壓迫感，lunch時間去，主要靠自然光，感覺懶洋洋，星期六瞓到自然醒黎食brunch就最爽！😍服務好好～店員好有禮貌！又可以慢慢食，食完坐多陣，唔會趕你走咁。隻碟就好大🤣意粉份量略為細左d～但麵質軟硬適中，好多汁，甜甜的菠菜汁，再切d ham一齊食，口感好好，又甜又咸，ham同汁都好滑嫩～😌Burger 嘅麵包無特別，軟軟熟熟的包，但內涵豐富，蕃茄碎加洋蔥碎中和返芝士嘅膩，牛肉味道洽中juicy值得吃，無浪費胃嘅quota😂

是日3周年晚宴，已經係第3次幫中襯環境靜，尚算闊落，唔會太逼菜式：鵝肝多士：3次都有點， 多士脆，鵝肝多油，有D煎燶正！芝士煙肉黑松露薯條：必食推介，唔多唔多少都係因為佢我倆先會再3光顧，香，夠濃味， 粗薯條，厚肉，足料，5指數沙律，今次由凱撒沙律變左唔個3咩沙律不過更為好食，有沙律菜，火腿扒粒，切片芝士，parma ham 加唔知咩醋，fantastic牛扒， 肉眼扒， 今次都係5成，個人覺得中中上最後係今次開左支有汽Moscato 開心到震

不得不寫我第一個openrice食評。虹橋附近冇乜中高定位嘅西餐選擇， 經過覺得門面幾吸引， 就決定試下佢嘅晚餐。先講前菜， 點了蟹餅， 味道不錯香口， 但有少少overcooked， 係全晚最好食嘅。餐湯點了南瓜湯， 好啖口。 主菜叫左個日本豚肉眼扒，入口真係鞋到嚇親我 ， $208依個價錢咁嘅質素真係好震驚。 另一個主菜係海膽大蝦龍蝦汁意粉。 海膽唔鮮味， 龍蝦汁好苦下， 都係好失望。唯一值得一讚係侍應服務態度好好， 有alertness， 見到野食等左好耐都未上，有follow up 同comp drinks。 但廚房都要檢討下係cover 唔算full嘅情況下， 點解都會出餐咁慢。 總結，食物質素以依個價錢 ，需要大大改善， 唔會再試。