麵屋丸京

Open Now

Now Closed

味道係唔錯，加咗蒜蓉就更好味。佢隻蒜蓉味似某連鎖米線店嘅蒜泥白肉，如果喜歡食蒜泥白肉必定會愛上。至於清湯湯底不錯，不會過鹹，食完都不會覺得口渴。食物雖然不錯，但此行卻不歡而散。更要撰寫人生嘅首篇食評。一來希望抒發不快、二來盼望店家見到會有所改進。當日幫襯，客人甚多，獲安排到門外排隊。但排隊途中，無啦啦有兩位疑似熟客，不知從那走來敞開大門，探頭店內，更走進店內同店員閒聊幾句。就在此時，剛好有兩人食完離座，他們隨即坐下。本以為店員會叫他們排隊，點知店員走出來講咗句「唔好意思等多陣，好快有位」就把門關上。雖然最後的確沒有等太久，可是相信大家都明白，這不是等候時間的問題。當日負責服務的店員只有一人，點單執枱收錢帶座一腳踢。明白店員可能不是存心比人打尖，可能只是太忙唔清楚門外的排隊情況。而我自己也有責任，應該主動提醒他們要排隊。而我竟天真以為他們傾完計會離開，當佢地坐下後，又不好意思走入店內大吵大鬧。可是，既然人手不足，點解唔改以派飛方法呢？既清晰，又不會引起不必要的誤會，更不會阻塞行人路。希望下次光顧會有更好的安排。

湯底味道口感豐富，濃湯味重而不過火，叉燒感覺亦算中上， 起碼食得出經過處理， 並非白烚。 上菜時間亦算適中， 不會過份呆等。 雖然並非食環境，但至少亦能品嘗到味道。荃灣分店係值得一再幫襯嘅舖頭👍🏻

記得這天高掛了酷熱天氣警告，由地鐵站經天橋行到餐廳，只不過是大約是10分鐘，但已經汗流浹背，好彩拉麵店有空位，同大大的冷氣。二人進餐，一個點了豚骨拉麵，另一個點了極上拉麵，六塊叉燒上碟時的感覺很澎湃。湯底夠入味又夠濃，跟拉麵混在一起放入口，感覺很滿足；叉燒彈牙，肥豬肉的肥度適中，挺合適女孩子。溫泉蛋的蛋黃是流心的，可以把蛋汁直吞。另外，這店比較貼心的是，若你想走蛋，還可以減$10，其他店通常是要蛋加錢或只有半隻蛋，很少見這麼慷慨的食店。

吃過幾次 一直覺得很滿意看到附近也開了其他拉麵店 糾結了很久 還是選了這家下午兩點多 沒有其他客人 可以隨意選擇位置 店舖不大 只有幾個位 裝潢挺像日本傳統的拉麵店🤩餓了很久的我們趕快下單！我點了豚骨拉麵$73 清湯 上次吃濃湯覺得太咸了！清湯剛剛好 豚骨拉麵包括一隻蛋 三塊叉燒 蔥那些 叉燒又算大塊 三塊剛剛好！很快就可以吃了 麵身有一點點硬 但我個人來說覺得剛剛好！整體蠻像在日本吃過的拉麵 價錢又不貴 很合理 麵屋丸京是我在香港吃過最好吃的拉麵～

好好味，湯底濃郁，濃得泥唔太鹹，叉燒好好味，超豐富，半熟蛋有水準，麵質有咬口。不過依家夏天真係好熱，冷氣嚴重唔夠，就算店舖加埋風扇，坐入去嗰下都係覺得好焗，未食已經覺得好熱。加上店舖嘅門係sliding door，又有好多客人超級冇手尾唔會生埋道門，店員都冇，其實如果大家諗下坐近門口嘅人同埋煮麵煮到好熱嘅師傅，大家應該會識得好好閂門，超簡單。我來來回回閂左勁多次門😂不過仲係熱到接受唔到，可能要等冬天先至再嚟食。

長假期，最好約埋朋友三五知己，一齊打機食個拉麵， 所以再次嚟到荃灣食依個人氣拉麵。濃湯真叉燒拉麵拉麵湯底黏度十足，濃口美味。拉麵麵底是用上蛋黃麵，口感煙韌，富有蛋黃味，非常掛湯。真叉燒雖然是粉紅色的，但是是經過長時間低溫慢煮，是可以進食的。味道濃厚， 口感煙韌。雖然分店眾多，每次嚟到荃灣，都必定食一碗。

今日去荃灣嘅麵屋丸京食拉麵🍜每碗拉麵都有一隻糖心蛋🥚隻蛋就較為普通，唔算好流心😿（如果走蛋嘅話可以減$10 ）清湯～豚骨拉麵（$73）清湯唔係白色嫁，係醬油色嫁🙉丸京嘅清湯係由豚骨配醬油醬汁製成嘅，所以清新得黎又有豚骨湯嘅味😎叉燒肥瘦適中，食落唔會韌，好食濃湯～豚骨拉麵（$73）叉燒同上。濃湯超級濃郁，結結地，超好飲超正。食到飽一飽都要飲晒啲湯🥰 濃湯～真•叉燒拉麵（$103）碗麵有六大塊粉紅色嘅真•叉燒🐷真•叉燒係以真空低溫處理，肉質嫩滑，配埋超正嘅濃湯，簡直係無得輸💁🏻‍♀️本身都覺得普通叉燒做得唔錯，係好食嘅，但食過真•叉燒，就翻唔到轉頭啦🤡總結：重口味嘅我偏愛濃湯🤫 真•叉燒拉麵無得輸下次試埋佢個地獄湯🔥

行去路德圍覓食！經過呢間麵屋丸京！突然好想食拉麵！見有位就入去一試！店內格局都係傳統拉麵店坐吧枱！大約十個位！都舒適唔迫！店員拎上餐牌同點餐紙！我比餐牌上面限量ge 真. 叉燒拉麵($103), 圖中咁多塊叉燒吸引！即點呢個拉麵！拉麵好快就到！嘩！同圖片一樣！至少六大塊叉燒鋪滿個碗面！見唔到下面D拉麵！叉燒粉嫩軟稔肉味十足！拉麵我揀左偏硬身！湯底味道夠濃！如要加辣加蒜可自己加！至於個糖心蛋就普通D，蛋黃硬D未有流心效果！由於碗麵份量太多，最後我都食唔晒D面！整體感覺碗麵係好食嘅！價錢都合理!

朋友推薦荃灣呢間拉麵幾好食就黎試下點了濃湯，好味，濃而不膩，豬油的甘香很出午市送多份$10的配菜選了粟米很清新叉燒爽口入味溏心蛋正不多講檸水夠冰夠凍餃子正正常常唔算好油ok整體都ok

地獄湯拉麵- 橙紅色湯底濃稠如汁醬，夾雜著指天椒、蒜及乾蔥碎，味道是濃郁豬骨鹹香，帶指天椒鮮辣- 呷了幾口湯，滿口盡是黏膩，幸有冰凍檸檬水解膩- 湯的濃度拍得上沾麵，宜蘸麵同吃，若堅持把湯喝完，相信難以吃下所有麵及配料- 麵約3毫米粗，配濃重湯底，可說是清爽之選。麵越浸越腍，反映鹼水下得輕手，討好- 粉紅色薄切叉燒嫰滑，一成脂肪，九成瘦肉，肉味清香- 溏心蛋帶醬油鹹香，及煙燻香氣。蛋黃偏流心，討好- 京蔥絲及辣椒絲鮮爽清香- 筍乾外脆內腍，帶嚼勁，富少量筍香，沒臊味，討好

😋好吃見到呢個招牌拉麵就知一定係丸京慢煮叉燒真係好滑好正 係香港好難搵到拉麵質素唔錯喎 濃湯好好飲 飲到碗底仲有日文字添另外如果覺濃湯好咸嘅 其實有清湯選擇價錢唔算太貴 成日排長龍架不過夜左去😕限定真叉燒拉麵賣哂.地獄拉麵🍜🌶真係好辣架唔好亂甘挑戰😹😹😹會噴火

有時同男朋友食黎食去都係個啲好悶，決定去荃灣開發下新嘅餐廳。本身都冇諗住要食啲咩，行過見到間拉麵排住隊，心諗「有人排隊即係正啦！🤩」，即刻唔執輸去睇下。自己畫單，menu清晰易睇，價錢配料都一目了然！我地叫左一人一個拉麵。🍜豚骨拉麵（濃湯）$73🥢麵屬粗麵，硬度偏硬🥢香濃豬骨湯底，啲麵掛晒湯好正啊🥢叉燒好香，溫泉蛋溏心軟林林🍜真。叉燒拉麵（濃湯）$103🥢肉質比普通叉燒軟滑🥢好似帶點點炭烤過嘅味道💰招財貓梳打🍯主打蜂蜜味，但味道唔算突出，似波子汽水多啲！-我地兩個都好鍾意食拉麵，每次搵到新嘅拉麵好地方都超開心！呢間絕對可以返兜！🥳

荃灣友經過路德圍巴士站就會見到丸京點解嗰度咁多街邊小食 我都肯坐定定食？原因當然係丸京有吸引到我既正嘢食每日限定既 【真·叉燒拉麵】用上 日本最先端技術 真空低溫調理 ▪6塊叉燒鋪滿碗面 拉麵都可以咁有有霸氣▪齋睇都感覺到同平時食開嗰啲唔同▪從來無諗過叉燒可以嫩滑到咁 激讚▪湯底我揀左濃湯 質地少少杰 淡少少會更好▪拉麵彈牙唔易斷 不錯吃●總括而言▪淨係為左嚟左真叉燒都抵 真係超級好食▪店舖座位較少 & 有中場休息時間 留意返~

最近荃灣開咗唔少拉麵店，每一間都有自己唔同嘅特色，今次要介紹嘅麵屋丸京亦都唔例外，我就係衝着佢嘅低溫叉燒而黎😂😂🍜真。叉燒拉麵$103一上枱嘅時候，的確有少少俾佢嚇親，六大塊低溫慢煮叉燒好似成朵花咁鋪面夠晒霸氣，而叉燒食落的確都幾唔錯，肉味豐富之餘又嫩又軟，好耐冇食過啲咁高水準嘅慢煮叉燒，味付玉子都唔錯，做到溏心效果，蛋味亦濃，不過湯方面就有少少死鹹，而麵嘅質素都爭小小唔太彈牙，有點小可惜。

最近想同女朋友發掘啲新嘅美食，就黎左荃灣，行過見到呢間幾多人排隊，一於食呢間！雖然要排，但等左十五分鐘左右就入得，期間仲同個店員佢兩句，比佢講左兩句就好想試下個真叉燒，作為「拉麵小神童」，一於睇下有幾真😂🍜真。叉燒拉麵 - $103👉🏾真叉燒係慢煮，所以入口軟身少少，仲有少少碳燒味，而且有六嚿，一定夠食，對比普通貨色係高質啲👍🏾👉🏾一咬開流心蛋就流哂啲蛋黃出黎🤤👉🏾仲有最重要係湯底，真係好濃郁美味！🍜豚骨拉麵 - $73👉🏾雖然叉燒無真叉燒咁出色，但一點也不失色，味道依然濃郁，只係肉質稍為較硬身👉🏾作為普通版，整體質素依然相當高🍹招財貓梳打 - $15👉🏾樽身非常得意，最適合比女仔打卡影相🤷🏻‍♂️👉🏾店員話係蜜糖味，細心品嚐都的確係有蜜糖味，味道不錯