麵屋丸京

Open Now

Now Closed

週末喺荃灣，下午茶時間覺得有啲肚餓，又突然想食日式拉麵，Google一下，見到呢間唔係太多人講但係口碑幾好嘅拉麵店，咁就行去試吓。落單紙上面寫住「日本最先端技術、真空低溫調理、真•叉燒拉麵」，似乎係鎮店之寶😆，咁就揀呢個試吓。好快就嚟到，全碗麵鋪滿叉燒，叉燒呈粉紅色，賣相幾好🥰，日本菜包括拉麵，賣相係好重要。飲啖湯先，幾濃郁幾好味。試塊叉燒先，非常滑非常軟熟，粉紅色嘅叉燒似乎係剛剛熟或99%熟，火候控制得好，亦都要本身豬肉靚先至可以咁煮；其實所謂「日本最先端技術、真空低溫調理」，簡單來講係唔係等於「慢煮」🤔😆。點都好，呢幾片叉燒係幾好味😋有要求店員煮最硬身嘅拉麵，雖然我覺得依然唔夠硬，但係都可以接受。如果店內可以乾淨啲就更加好。

平日避開午飯時間，可以免排隊直接入座。店內只有十多個吧檯位，可以看到師傅煮麵過程，有日本風味。大片牆身是人手畫的油畫，可惜地方淺窄不適合打卡拍照。丸京賣的是豚骨湯底，另外亦有魚介湯底和辣味的地獄湯底。湯底又可選擇濃或清湯，另外可以追加配料：叉燒、半熟蛋、荀、紫菜、粟米。我點的是每日限量20碗的「真•叉燒拉麵」($93），湯底選了濃的豚骨湯，另外加配半熟蛋和粟米。粉紅色的叉燒舖滿碗麵，大大滿足視覺效果。叉燒用低温慢煮，雖不至於入口即溶，但總算肉質鮮嫩又軟熟，而且切得夠薄。濃湯有濃肥豬骨味，不會有太油膩漿口感覺，不過食到尾聲會稍為偏咸。拉麵煮得偏爽口，半熟蛋有流心效果，好食！檯上有蒜、辣醬、醋。餃子($30/5隻）餡料是普通椰菜豬肉，但勝在皮夠薄又煎得香脆，新鮮煎成熱辣辣。飲品方面有幾款日本梳打汽水或茶。價錢不算太便，但百物騰貴下$80-90一碗拉麵已經是標準價。

之前喺灣仔嗰邊返工，成日喺港島周圍試拉麵，呢間以性價比黎講，絕對唔輸蝕比港島拉麵名店。約左朋友1：30食，等左唔算好耐，10分鐘左右就入得。全間鋪都係坐到十零個客，唔算多，但都坐得舒服。山長水遠一場黎到，就梗係要試下佢最出名嘅真·叉燒拉麵啦！將薄薄嘅叉燒鋪喺面，粉粉紅紅咁，賣相好似一朵花，非常吸睛，絕對係ig呃like 嘅必選。除左賣相討好，味道亦非常唔錯。平時食日本拉麵嘅叉燒，有啲都幾「鞋口」，有啲油脂分布得平均啲都叫做好食啲，但通常食多幾啖就覺得肥膩。呢隻叉燒確實係好有驚喜，佢唔係平時嗰啲叉燒咁厚（平時有啲拉麵店真係厚切叉燒咁），佢有啲似打邊爐啲薄切豬肉片咁（當然無咁薄啦，我用左誇飾姐，大概有兩塊薄切豬肉片咁厚啦），入口口感好ok，中意厚身叉燒嘅人可以將塊叉燒摺一半咁擺入口嘅～ 重點係，佢真係好！嫩！口！叉燒黎講，我真係唔預計佢有呢種嫩滑嘅程度，畢竟叉燒都係一舊燒過嘅豬肉，但呢款叉燒真係好出色，超越左我對叉燒口感嘅想像。為左試出呢款叉燒同其他叉燒有咩唔同，我地好公道地叫左一碗清湯叉燒拉麵同地獄濃湯叉燒拉麵黎做比較。講左清湯叉燒拉麵先啦，湯底清甜，食哂成碗都唔覺得好肥膩或者好鹹，幾適

we ordered the tonkotsu shoyu ($63) and the tonkotsu gyoukai ($78), and they can pretty quickly. The noodles were perfectly cooked and both broths had rich broth. I personally prefer stronger tasting broth, but it was still good. Chashu isn't the best but it's also not bad. There is room for improvement!

本身諗住同朋友去食老闆娘米線點知冇開,諗起麵屋丸京水準一直都唔錯,朋友又未食過,就揀咗丸京我同朋友都叫咗極上拉麵,成碗死拉麵上面佈滿叉燒,加加埋埋應該有成七八塊,啱曬啲食肉獸。叉燒佢唔係有燒到表面黑黑地厚身嗰隻，而係薄身食落去有嫩滑，充滿肉味嗰隻， 呢間拉麵就做到嫩口個質地，但又唔會感覺一pat嘢，做得幾好食。而溏心蛋就不過不失，冇話特別好食，同一般拉麵店差唔多，正常味。 總結嚟講呢個唔係我食過最好食嘅拉麵， 但係以一百唔洗價錢，俾到呢個質數我就絕對收貨， 好過好多出面賣得好貴但係平平無奇嘅拉麵店

看到丸京的「濃湯」和「清湯」，我就想起在和歌山的「井出系」和「車庫前」系拉麵，濃厚清爽，各擅勝場。丸京是京都豚骨拉麵，會相類嗎？因為太愛拉麵，近日公司搬到荃灣，夜走，就俾自己一個理由去丸京。先講結論，這星期幫襯丸京兩次，一次濃湯一次清湯，結果係清湯大勝，香港味蕾的濃厚狂熱被徹底擊破，而且仲要平：相對一眾要價過百拉麵，六十幾蚊一碗仲有咩好講。話說第一次食丸京係幾年前係牛頭角，當時聽到風評不錯，照舊濃味蕾發作，食左碗「濃湯」，覺得普通，自此無再試。今次借啲意俾多次機會，先試濃湯，感覺比幾年前進步，係值得一吃再吃。但驚異的是叉燒，喜歡佢唔追求肥膏、滿嘴油香，叫個叉燒拉麵，滿碗都係肉但不會膩，不為濃厚湯頭加重負擔，反而加分。至於麵、筍乾等配菜，就普普通通，但湯底、叉燒已值回票價。後來有曾在日本打工同事加讚葵芳店做到日本味道，於是過兩日再同朋友去食清湯。今次連湯底都大為驚喜，本來不抱寄望，結果清湯並非只有死鹹，更食出鮮甜。睇黎「濃湯」只為市場需要，清湯先係真功夫。同樣既多叉燒，為清湯增添一點放肆，今次加埋蛋，流心不過鹹，值得讚！做有心既拉麵唔容易，香港地租又貴，丸京穩打穩札，已經三間分店，希望黎

思鄉病發作🇯🇵，唯有行DONKI🙈行完之後都係晚上6點幾，友人話想食拉麵🍜平時這間餐廳都經常多人😳可能喱段期間同鐘數關係我地唔洗排隊就入得👀✨🍴食物🍴1️⃣真叉燒拉麵$93: 限量20碗，職員話仲有當然order👏🏻叉燒鋪滿碗面已經好吸睛啦😍用低溫處理過既叉燒好嫩👍🏻同平時食既真係有分別！湯底有清湯/濃湯，我選擇了濃湯，放心飲完係唔會口渴，推薦✨2️⃣極上拉麵$88: 這碗拉麵包了半熟蛋🥚蛋同出邊食開差不多，拉麵都係正常，沒有太大特別。個人覺得這款叉燒都不錯👍🏻不過因為食咗真叉燒拉麵關係，係會有對比嘅😝💥環境💥裝修好似係日本拉麵鋪，有少少裝飾，不過坐位不多，疫情關係大約可以坐六至八個人。💥服務💥職員很好禮貌，而且上菜時間好快，合格👍🏻⚠️總結⚠️款式雖然唔係好多選擇，但係味道很好👍🏻質素夠已經係會想再幫襯既原因✅（5❤️為滿）食物：❤️❤️❤️❤️環境：❤️❤️❤️服務：❤️❤️❤️❤️

28-3-2020 (Sat）晏晝,同老公去扮清糕買蛋糕前食個晏.由於我唔肚餓,所以由佢諗食咩嘢.佢搵到呢間,我哋坐低後,各自剔自己食乜.我就要$78.00嘅豚骨魚介拉麵,濃湯走筍,加$10.00要京風味半熟蛋一隻.老公要$88.00既極上拉麵,要清湯.幾分鐘後,兩碗都整好.明顯,睇到我嗰碗濃湯嘅質地係杰身,未食前,用筷子撩起啲麵,都已嗅到魚介湯嘅味道,再食一食沾喺筷子上嘅湯,魚介味道真係好濃.所有食材口感同味道都正常.老公嘅清湯都正常嘅清,但唔會冇味.

一定一定一定（重要的話要講三次）要叫真。叉燒拉麵試完就知我吾係打手而係真心推介每次去荃灣拍拖，都會食呢間，佢已成為我同寶寶嘅飯堂。質素保證，建議大家可以加個溏心蛋

😍位於荃灣路德圍嘅麵屋丸京今日去開個頭一定唔可以放過啦趕過去落場前去食🥳。一定要叫限量發售嘅款式：👍🏻真空低溫技術製作的真。叉燒拉麵今次我揀咗配濃湯因為我怕拉麵少許嘅鹼水味會影響個清湯之前來有食過普通叉燒拉麵，已經好唔錯好中意呢度嘅拉麵湯底，大讚！絕對唔係味精湯👍🏻。😋真。叉燒數量多又大塊雖然切得薄但每塊都粉紅色因為用真空低溫技術整肉質好香好滑💕。‼️每日限量20碗‼️Lunch仲送紫菜/粟米/味筍🥰。。。諗起都好想再食🤣

// < 麵屋丸京 >呢間拉麵店小編已經去過幾次！但係發現無分享過，所以就再食多次同大家分享下————————————————- 極上拉麵 $88 -由於小編唔係特別鍾意食拉麵，相對上係烏冬控🙊🤣所以唔係話食過好多間拉麵！因為成日覺得拉麵好膩同埋有鹼水味🤨但係呢間真係無鹼水味😍有清湯同濃湯揀，小編一定揀清湯。因為濃湯的話，我諗我食兩三啖就已經食唔到lu🤣湯底加左豚背脂粒，更香醇。 呢個肉質都幾嫩，外皮燒過所以都幾香～ 蛋🥚亦有鹽味，唔會淡😁 麵質偏硬身，無得揀軟硬度的。整體幾好，性價比高😊————————————————- 半熟卵拉麵 $73 -其實同上面👆🏻提及既無分別，只係少d肉🤣如果唔想食咁多肉既揀呢個就啱晒喇😇另外，店亦都有蒜蓉可供食客隨便落。小編都幾愛🤣順帶一提，如果想食更嫩叉燒，可以一試佢個真·叉燒拉麵！係用低溫處理手法，每日限量架～————————————————評分：6.7/10地址：荃灣昌泰街榮安大廈9號地舖 (多間分店）營業時間：12:00-15:00；18:00-22:00#麵屋丸京 #marukyo #拉麵 #荃灣 #荃灣美食 #荃灣必食 #路德

夜晚8點半係荃灣放工，即刻上openrice睇下附近有咩好野食，碌碌下見到丸京麵屋，即刻搵下係邊，睇完地圖都幾近就行過去，一去到排左6，7個人，門面都有d日本風，跟手望左個餐牌，有4款麵外可加錢加配菜同飲品，睇落都ok。等左15至20分鐘左右，入到裏面，座位太約有12個左右，好啦點餐，我點了濃湯極上拉麵，加一碟5隻餃子，同招財貓疏打。評分 （10分滿分）濃湯極上拉麵，湯底濃，唔係咸，係比較傑，飲唔出係咩湯底，如果唔鐘意咁傑嘅就叫清湯好d。8分筍乾，因為唔記得走筍所以硬食，咁大個仔第一次食筍乾，本身已經唔鐘意個陣味，不過都照食，食落又唔覺咁大味，仲有d爽脆，不過都係唔鐘意食。5分，因為唔鐘意食到麵條，麵質唔可以話好好味，可接受范圍，有待改善，唔知係咪煮得耐左，定係因為冇甩麵脫水，所以唔夠彈。7分叉燒，滿滿嘅6塊舖滿成個碗，視覺效果一流，有咬口，唔係入口即溶，薄左d,，不過可接受。8分，有1分係視覺分半熟蛋就差左少少。7分招財貓疏打，飲唔出咩味，有少少甜味，唔係氣水個種甜，清淡一d嘅，可以一試。8分，一分樽外型自家製餃子5隻，煎得好靚，外脆內軟，味道唔算凸出，不過可以一試。8分平均分7.2

呢排呢間拉麵店都幾Hit，次次經過都見到好多人排隊，有人比較夜食飯，唔算太多人排，咁我就同朋友試吓啦！呢間餐廳最貼心係，佢有一個冇叉燒嘅option，對於我唔鍾意食叉燒嘅人來講（唔好歧視我），簡直就係Perfect。呢個option會有返粟米、蛋、紫菜呢啲素食配菜。我揀咗濃湯底,係我鍾意嘅口味,因為濃得來唔算太鹹，個面嘅韌度亦調校得唔錯。店員亦都幾殷勤，一個人負責帶位加送餐，但都幾快手，同埋態度唔錯。🙂🙂🙂

今日提早收工，所以就去荃灣行街，去到路德圍見到有間拉麵，其實都開了一段時間，只是成日都有人排所以今日見冇人排就等不用十分鐘就可入去，麵屋丸京終於食到啦，今次叫了半熟蛋拉麵和义燒拉麵，等當中飲了杯水十分夠凍又好有檸檬味。拉麵湯底有分清和濃湯，味道二款有少許分別但都不太滯的感覺，肉比較薄不油身，肉味都有可以，份量都不少，蛋有點咸，麵質喜歡硬的我就覺不錯，但朋友就覺得有點怪，份量食完女仔可以但男可能就不太夠食。

突然想食拉麵,所以去試#麵屋丸京,平時好多人係門口排隊,今日6:30PM左右好好彩無人排隊, 入面雖然細,但食物唔錯,最後點左個【豚骨拉麵】&【餃子】未食麵前可以飲啖湯先，湯底好香好濃,豚骨拉麵🍜半熟蛋唔會熟過頭,叉燒薄而嫩口,麵底有軟適中🥟餃子煎到好脆