麵屋丸京

Open Now

Now Closed

位於荃灣路德圍既呢間丸京開左麵一段時間，鄰近都有好多野食，而丸京既位置都好易搵，係地鐵站行過去都係15分鐘左右，而佢午餐同晚餐係有落場時間既，晚餐要晚上6點先開，要食既朋友就要留意啦～而佢餐牌上既選擇主要以豚骨湯底同醬油湯底為主，款式品算太多，而今次就叫左碗豚骨醬油拉麵，加配埋溏心蛋同5隻餃子😋豚骨醬油拉麵（$63）佢既湯底係有得揀濃湯或者清湯既～而今次就揀左濃湯，佢既湯底的確夠濃，感覺上就好重豚骨味，似係用好多豬骨同時間煲出黎既，而麵既質地偏幼身，吸湯力唔錯，而佢既叉燒係以慢煮形式煮出黎既，質地偏粉紅，肉質相當淋，算係唔錯既👍🏻至於煎餃子亦唔錯，餃子皮夠薄，亦唔會穿左，而豬肉餡同蔬菜既比例適中，唯一略嫌油比較多左少少🤏至於溏心蛋亦夠入味，加落碗麵度就perfect啦👍🏻👍🏻總結以呢個價錢既拉麵都算平，而質素都唔錯，係可以再黎食既拉麵鋪👍🏻👍🏻

鋪面細細，幾有地道日本拉麵店feel。店內座位唔多，坐得亦都比較擠迫。不過食拉麵係要咁樣先有feel🤣🤣🤣✨✨鍾意食溫泉蛋的我，就決定叫極上拉麵$88😋✨✨見到碗拉麵已經好有食慾，鋪滿一片片叉燒。溫泉蛋好食，拉麵都好食，不過薄切叉燒就唔係太啱我口味。切得又薄，又乾，又冇味，只可以靠湯底帶出味道。✨✨可以一試，不過夏天要喺門口排隊就唔會再有下次。。。。。至於飲品就同普通拉麵店一樣，都係見慣見熟的款式🤣🤣

想食拉麵就會諗起呢間嘅魚介湯😁濃湯而唔鹹，麵條size適中。平日2點到都要等半個鐘🙈今次試真。叉燒拉麵轉豚骨魚介湯Free紫菜🤩每日只限20碗☺️☺️叉燒用梅頭位低溫處理好FULL鋪滿個碗，好足料粉粉色好靚，食落好軟。另一碗叫左豚骨魚介拉麵FREE粟米，好甜好多對女仔嚟講粟米加埋拉麵真係食唔晒。左邊係真空低溫處理法右邊係正常拉麵做法左邊出色好多😄😄😄平日午市右自家製餃子$22日式餃子做法皮薄多料好食😋暫時我覺得最好食嘅拉麵分店魚介湯好出色👍🏻👍🏻

女店員嘅服務同態度 店內嘅衛生好有問題入店後 我一時忘記測體溫 女店員就用好唔耐煩兼好重嘅語氣叫我（量咗體溫未呀 安心定填資料呀 去量咗先啦） 後嚟有幾個人入店都係比佢用咁嘅語氣話 乜唔可以細聲啲啲 輕少少語氣嘅咩一座底張檯濕笠笠嘅檯面有湯積嘅 水壺沒水嘅 好啦我自己消毒同抹張檯 食完碗麵水都仲未加嘅 口渴打算叫嗰位女店員加啲水啦 見到佢喺電腦前好忙 算啦我唔打擾佢啦 我上前比錢竟然係玩緊電話 無言我嚟食過幾次 對上幾次感覺係不錯嘅 不過今次啲位女店員佢嘅服務態度令我有好大嘅改觀 店方應該要好好檢討一下店內嘅衛生同店員對客人嘅禮貌同服務態度

友人之前推薦荃灣一間唔錯嘅拉麵舖，今日終於有機會食到。5點幾己經來到，可能太早未開門！準時6點入坐唯一一組客人左： 濃湯半熟蛋拉麵 右：濃湯豚骨拉麵另外有加麵整體上都唔錯，但係個麵有d重鹼水味，個人唔係好鐘意。

近期晚餐已經小食澱粉質，但係今日放假，時間尚早，所以6點正當拉麵店開就沖左入去。一行兩人，一人一碗熱辣辣嘅拉麵。凍水就可以自己倒，很方便。枱面都有晒紙巾牙簽等。我就加左粟米（$10）都算多，令到碗麵望落去多一點色彩濃郁嘅湯底，叉燒方面都有4-5塊，份量都夠，同埋一點都唔肥，有咬口。流心蛋亦係拉麵必須品，剛剛好，唔生唔熟一碗就$73，性價比都很高，同埋唔洗加一收費。店舖細細，感覺都乾淨。相信都會再次光顧。

麵屋丸京✨✨✨✨✨✨今次去佐荃灣分店，牛頭角同葵芳分店我都試過，味道同水準都keep到唔會差太遠🤣帶翻頭盔丸京拉麵係我心目中都算排數一數二由其是佢既湯底，係我鐘意既豬骨濃湯😆因為口味關係揀佐拉麵硬度係硬啲試過另一碗正常嘅麵質，果然硬d好食哈哈我始終係非專業，不喜勿插😹🙏🏻今次叫佐濃湯丸京拉麵濃湯真叉燒拉麵餃子有六隻(忘記影相)每碗都有一隻糖心蛋，蔥就可以選擇加唔加，兩碗都係揀佐濃湯。最大分別就係真叉燒係經過慢煮而成，工序繁複d之後，亦都會比一般叉燒嫩滑 而且因為低溫慢煮關係，望落會再粉紅少少，不過都係熟既，可以放心食用。———————————————————總括而言: 對於我非專業嚟講，丸京已經算係好食既拉麵，可以一試，但係咪勁好食呢，當然天外有天等我將來有機會再試吓其他新拉麵啦~~~

今天與我男人到荃灣區逛街，正值午飯時段便打算先填飽肚子，恰巧想起上次光顧過一次的麵屋丸京，其味道高質且大份，因而我們便選擇再次到此。餐廳門外裝潢簡約低調，內部則小巧玲瓏，只提供有兩面圍著吧台的座位，裝飾方面除了掛滿各款圖畫，牆壁上亦繪製有一幅大型壁畫，再配搭上柔和燈光，感覺溫馨舒適。真叉燒拉麵真叉燒拉麵一天限定只售賣二十碗，而此碗是朋友點選的，拉麵湯底加 $15 轉了豚骨魚介湯，並加 $10 追加了半熟蛋，奉上時叉燒量眾多，頂部灑上大量青蔥，賣相吸引。湯底是將魚乾磨成粉製作而成的，我小嚐了數口，味道濃厚鮮味，以豬骨香氣尤為突出，同時又伴隨淡淡魚味鮮香，甚是滋味，其餘則不作評論說明瞭。真叉燒拉麵我同樣點選了此款拉麵，但湯底選擇了激辛的地獄湯，是把濃郁的豚骨湯底加入極辛的秘製辣醬而成的，飲用時辛辣極致，醇香刺激，屬日本的辣式風味，嗜辣者必須到此品嚐一番。麵條是呈方狀的蛋黃麵，口感爽身彈牙，掛湯力高。拉麵的原配料是真叉燒，量多且大塊的肉片覆蓋滿整碗拉麵，外觀很是吸睛，十分適合用作打卡，經過長時間慢煮的叉燒色澤淺粉，口感嫩滑軟腍，肉味香濃，並且製得絲毫沒有豬騷味。額外我還追加了一隻半熟蛋配料，

店舖係路德圍痕身銀行附近天橋底入面大約可以坐十二人人多可能要等得比較耐半熟卵拉麵（清湯） - 麵口感彈牙，湯頭帶淡淡鮮味叉燒唔會好乾或好肥地獄拉麵 （濃湯） - 第一啖入口係地獄筍，嘩，真係夠辣湯底好濃稠，係咁刺激味蕾情況下我仲食到有豚骨湯嘅味道，然後愈吃愈辣，鍾意刺激嘅朋友可以一試蜜瓜梳打 - 里隻牌子嘅梳打真係有果汁係入邊， 平時我鍾意桃味，今日飲蜜瓜。 有真果汁係好飲啲 店員唔小心將湯滴左幾嘢落我隻腳，送多碟半熟卵俾我哋～多謝晒😊逢星期一至五午餐時間，每碗拉麵仲可以送其中一樣配菜，有紫菜/粟米/味筍/半熟卵每日限定二十碗日式慢煮叉燒拉麵下次再餓啲果陣去會下佢有咩咁巴閉先😎

呢間拉都想試好耐啦🥰紅日度度食嘢都咁多人，經過見門口得幾個人排隊就等左10分鐘左右就有位。拉麵選擇唔多，但有我愛嘅魚介湯就得啦🥰叫左個魚介濃湯，咩都冇加。叉燒好大塊，薄薄哋好好食😋暫時係香港我食過最好食嘅叉燒。魚介濃湯加埋塊紫菜冇得輸。麵就一般嘅拉麵質素。今日天氣大約得13度，美中不足係湯唔夠熱。如果平時氣溫冇咁低就啱啱好。朋友加左個蛋，佢係咁話好食😋兩個人仲加左個餃子，但唔記得影相。餃子好薄皮，有汁，煎到啱啱好，推介👍🏻

好耐冇得去旅行，食返碗拉麵感受一下旅行的滋味。丸京拉麵係一個唔錯嘅選擇，店鋪空間不大，窄窄長長的吧枱設計，好有日本風情。濃湯極上拉麵 $88，整個碗麵被叉燒遮蓋着，叉燒是真空低溫烹煮而成所以肉質非常柔嫩又好味，湯是濃濃的很掛面，還有一隻半熟糖心蛋，蛋黃深深的黃色有蛋香，非常吸引。丸京用的拉麵會比較硬身，所以在點單時店員會細心地告訴你，我選擇煮得稔少少，因為濃湯才可掛在麵上。濃湯豚骨拉麵 $73，叉燒份量也不少，豬骨濃湯有著粒粒油脂在湯面好像用來滋潤麵條一樣，湯的鹹度剛剛好，好好吃。吃拉麵怎可以少得一瓶日本飲料，完熟桃梳打有著濃厚的桃子味道，讚。

麵屋丸京.荃灣路德圍抵食高質拉麵呢間係其中一間我好鍾意的拉麵間中需要排隊今次叫左最普通的豬骨濃湯醬油拉麵 $63 🌟9/10午餐時段有追加 味筍/粟米/紫菜 送我就揀左紫菜，所以相片入面有一堆紫菜叉燒用慢煮烹調，腍得黎有咬口，亦唔會只有肥膏，食完一啲都唔膩我喜歡佢地京蔥同青蔥都有，而且非常新鮮為豬骨濃湯增加左唔少風味。雖然係濃湯，但亦都唔會係好咸而且有少少漿口，食得出都用左幾多豬骨去煲麵是中粗身的麵條，軟硬適中少少漿口既湯汁，非常掛湯店內有生蒜茸提供，可以加落湯增加香味不過蒜本身好濃味，加得太多會令湯變咸個人認為加少少增加香味就好.總結：座位唔多，有時要排隊，但不用等好耐味道係一流，份量算多，尤其係叉燒，若然叫真.叉燒拉麵/極上叉燒拉麵，會鋪滿全個碗，每次食完都拍住個肚出門口。已經食過非常多次，十分推介.麵屋丸京(荃灣)Maru KyouTsuen Wan, Cheong Tai St, 9號號地舖9819 7529

依間叉燒同平時食平既叉燒唔同味道淡啲滑啲叫左個多肉既share比女友🤣🤣🤣我自己就鐘意濃味啲好似台x果啲咁但女友就話依隻幾好味好過台x餃子道好普通 正常size 正常味 正常價錢

荃灣有幾間拉麵都好出名 ⁣而我就最鍾意呢間⁣!!!!!⁣真叉燒拉麵 ($93) ⁣每日限量20碗⁣叉燒鋪滿哂隻碗 一擺上枱已經好吸睛⁣用低溫處理過既叉燒 塊塊粉紅色⁣粉嫩軟滑 肉味十足 同平時食既好大分別⁣湯底揀左濃湯 杰杰地 飲完唔會口渴架~⁣⁣半熟蛋拉麵 ($73)⁣拉麵有流心半熟蛋 同幾片正常叉燒 ⁣叉燒彈牙 肥瘦適中 屬中上水平⁣不過食完真叉燒既關係 即刻比下去⁣ lol⁣麵屋丸京 Maru Kyou⁣荃灣昌泰街9號地舖⁣