丸亀製麵 (大本型)

Open Now

Now Closed

2年前食不到有牛肉的牛肉烏冬,今天依然食不到,還遭店員白眼對待,所有食材不夠新鮮不夠熱,有冇隔夜返煮就不得而知,自助食物沒有補給,没有員工清潔,價錢與食物完全不合比例,價錢是日本食店,食品同車仔店同樣。咖哩汁设有咖哩味,得個咸字,湯汁不夠得少少,全碗烏冬完全沒有香味。

朋友突然急call出黎食晚飯，見自己得閒，所以就出咗黎大本型睇下有咩食。係預咗朋友會建議食快餐店又或者米線既情況下，早佢一步提議食呢間烏冬！因為近排唔覺意洗多咗，又見時間尚早，唔係咁肚餓，所以平平地叫咗個熱醬油烏冬，只係$29！好快就可以捧到烏冬埋位坐，眼見呢碗烏冬普通到不能再普通，勝在份量唔會少得可憐，烏冬咬落都有口感，彈牙唔會淋哂，醬油都唔係太咸，糧尾要食飽有澱粉質落肚，但又唔想咁熱氣食快餐店或者食厭咗米線，都係一個唔錯既選擇！朋友碗蕃茄牛肉烏冬只係睇賣相就已經吸引好多！睇得見蕃茄好足料，上面d牛肉份量差唔多啦！朋友話幾好食，我諗下次可以試下~

大本型大部份餐廳都試過，其中一間小女鍾情的就是丸龜製麵。今日又來吃個午餐，這是自助式的餐廳，我們先點選取烏冬及湯底(清湯、蕃茄、咖喱等)，再自選喜愛的天婦羅、飯團及飲品。星期一至四炸物可享優惠價，$22就有兩件，抵啊！今天我們選了兩個中烏冬及兩款小食。腐皮烏冬$39三片腐皮及兩片年輪魚蛋，有大量的昆布。腐皮甜甜的，烏冬彈牙爽口，配上大量昆布，感覺健康！清湯烏冬$31小女生必點，雖然是清湯，但味道也濃，她說來這裡最好味的就是烏冬呢！炸魷魚鬚$13熱辣辣，又香又脆又惹味必試！ 炸蝦餅$16炸得金黃香脆，不過有點油！自助調味料區，按自己喜好加入醬油、蔥花、薑蓉及天婦羅脆粒。加入天婦羅碎粒及蔥花後整個烏冬別有一番風味！不用$100兩人已吃很飽飽，在大本型中是不錯的選擇了呢！

工作需要，成日要周圍走，今日黎到油塘。做完野，晏晝就一個人係附近揾食。唔想行太遠，想食完再快D開工，所以揀左間簡單嘅食店。其實呢個烏冬店係唔錯架！之前係I square & 康怡都食過，覺得都幾好味，所以間中都會食下。之前食過唔同款嘅烏冬，又食過幾次炸物。今日都猶豫左陣想食炸物，星期一至四$22 有2件，價錢ok架。但呢排太熱氣，想食清淡少少。所以只叫左個大腐皮烏冬～烏冬份非常夠，差點食唔哂～略嫌腐皮只有3小塊。湯底加埋配料，夠哂清淡。有時最簡單嘅食物反而最難整得好好食，如果呢個烏冬做得出色，咁呢間野都唔會輸。如果快閃食碗烏冬黎講，呢度算唔錯。可一試！

今日又係工作都飯都無時間食,不過人始終係要食飯既所以又係急急腳去油塘大本型搵野食啦行下行下去到1樓見到間丸亀製麵,又未食過,咁就入去食下啦入到去望下有咩食仲見到追加優惠咁既情況有優惠無理由唔用既今日我就叫左大冷烏冬,炸蝦餅,炸雞塊天婦羅大冷烏冬--面都唔會太淋,都夠爽口,而個份量都唔算細,岩晒一個大人份量炸蝦餅,炸雞塊天婦羅---都OK唔會太過火炸得,個外層都算脆身,炸雞塊天婦羅雞都仲有雞肉味,炸蝦餅蝦都唔會有雪味

食店佈局簡簡單單的日系和式為主，感覺舒服，食店主打烏冬，有凍食和熱食，各有不同的口感。我食過幾次感覺不錯，所以今次再來。腐皮湯烏冬(中) $39看見師傅熟練的將烏冬放在滾水拖兩拖，然後就放在碗上，加上熱湯及腐皮就完成了。腐皮淡淡豆香，清湯不濃，角色只是伴著烏冬，而烏冬的確是彈牙煙韌，十分美味，個人喜愛添加天婦蘿炸碎及葱花，再添少少特製醬油，另配一碟魷魚鬚，略為凍了不鬆脆，需要控制出爐時間，但整體來說是不錯。

曾經在這餐廳剛開業時到了尖沙咀的分店，印象挺好的。今日剛好看到這區也開了分店，因此便進去試試。先在自助區點烏冬及炸物再付款，購物速度的確挺快的，但收拾及清潔台面稍慢，可再加強宣傳自助收拾餐盤。當天叫了 腐皮烏冬及溫泉蛋醬油不太好吃(o_o)，原因是烏冬的質地十分硬，並未能完全煮透似的，而且兩種湯底及腐皮亦太咸，只有溫泉蛋是保持水準，挺滑。炸物的種類也挺多(°▽°)，當天最推介的是炸餃子及炸魚，味道及肉量都很多。而炸雞串，蝦餅及魷魚鬚也香脆，但份量少，價錢稍貴。評分：3 （總分：5）(;_;)

🌸這間食店主力專賣烏冬，就是專注做烏冬，好味彈牙，一食難忘。🌸食店位於油塘大本營，地方闊落舒適， 裝修以木質素材為主，呈現簡約日本風。🌸食店是以自助形式經營，烏冬是即叫即煮，煮好後食客自行取走去另一端，可按喜好選擇炸物，然後便可以去付款。🌸自助調味料區有葱花、薑茸、天婦羅脆粒及特製鰹魚醬油等，還說明了配搭及食法。🌸調味料無限供應🌞麻辣烏冬(大份) $42烏冬口感彈牙煙靭，麻辣不是太麻也不太辣，但惹味十足，麻辣肉醬慢慢滲入了湯底，令整碗烏冬更好味。🌞日式炸餃子 $16餃子皮略嫌厚及不太脆，餡料卻不錯，肉鮮不咸，點醬油帶微酸開胃好味。🌸整體來說，烏冬味道是十分不錯，反而食店要留意炸物擺放的時間，若果太耐的話就要更換，以免食客好像要靠運氣才能吃到香脆的炸物。🔚

不想吃飯或炸物 喉嚨有少少痛 想吃一點湯麵類的食物所以就去吃丸龜烏冬丸龜烏冬是自助式的設計 先選烏冬底 再揀小食 最後選飲品和付款我選了中SIZE的「豚骨湯烏冬」湯底挺濃的 配菜有西蘭花、滷蛋主角當然是豚肉 份量不少的味道來說 其實我不是第一次去吃 我覺得豚肉質素有點兒飄忽不過大部分時候都是入味而不會太老只有一、兩次是好像煮過龍 肉質老掉另外叫了一個明太子飯團家人上次試過鰻魚 已向我説飯多料少 純飯那部分淡而無味但本人極度喜歡飯團 還是忍不住試試果然也是飯多料少 料那一塊故意露出來 其實裏面沒甚麼可是由於明太子濃味的關係 所以咬一口料 足以中和純飯那邊不過我想其他料的飯團就真的不會試了

放假去了油塘食個Quick Lunch，怕熱氣不想食快餐就選了大本型1F的丸龜製麵。剛開門沒什麼人，也不用排隊主要都是烏冬，最平$29有得食，不過係淨烏冬😂😂 驚見呢到有咖哩牛肉飯食呢到係自助點餐形式，我就order左7號的腐皮湯烏冬，$39，拎完烏冬再搵位坐。賣相很不錯～雖然是中size，不過份量都夠飽，仲可以自助加蔥同天婦羅脆脆，好味。個腐皮甜甜地都幾好食，整體就係ok不過不失～不是難食又未到好好味 服務都ok，我見有婆婆去食店員都會主動幫婆婆手加分～

嚟到大本營， 行下行下， 見到呢間鋪頭係食 日本烏冬， 裝修幾新淨， 就入去試下。 見到有人食嘅湯烏冬係用大木桶裝住， 咁特別 ，就試下啦，釜揚烏冬(大)$35 。其實真係齋湯烏冬， 冇餸， 冇咩味道 ，得 一碗豉油，另外可以喺自助bar 攞薑同葱。 我就再叫多兩件腐皮飯糰$9 ，普普通通啦。 呢度係自助形式， 叫咗烏冬， 放咗喺個tray度， 然後再可叫炸物或者飯團 ，先至去畀錢，自己捧住個tray埋位。

行元山要醫肚 在油塘附近搵食 走進商場裏 見到丸亀製麵 看看鋪面海報介紹食烏冬 決定一試真的有D郷理 原來喺自助式 先拎個托盤 然後話比店員聽你嘅 order 然後去揀 extra 餸 再付錢呢度大多數喺炸嘢 所以揀左日式燒豚烏冬麵只得幾片紙咁薄嘅豚肉 同半隻蛋 烏冬分量ok 因為係大碗味道一般這樣算就不便宜刺

無飯夫婦又出動，今晚想食烏冬。丸龜製麵係日本讚岐烏冬連鎖店，公司堅持即製、即煮。烏冬選擇好多，有咖喱烏冬，醬油烏冬，冷烏冬，湯烏冬，拌烏冬。店舖全自助形式，入到去自己搵位座。先係點餐處睇餐牌再點餐，拎左食物後，順勢向前有多款炸物可供選擇，之後付款。日式燒豚烏冬（中）$42 - 試左個秋之特選，湯底十分濃郁，烏冬彈牙有口感，煙韌。但燒豚肉份量則較少，但味道尚可。番茄牛肉牛蒡烏冬（中）$45 - 侍應將牛肉牛蒡畢落碗仔，拎去磅重後，先倒落烏冬度，保証無多無少😱😱，好均真呀😬😬😬 紅紅番茄湯底超級濃郁，番茄十分多，烏冬可掛起濃濃湯汁，酸酸甜甜，好開胃。炸物 - 多款炸物雖然已炸好，但有射燈照住保持溫度。星期一至四特價，做緊$20/2件，好抵。胡麻雞柳天婦羅 - 雞排好大塊，炸粉唔厚。胡椒加埋黑芝麻，好香口。鱈魚排天婦羅 - 炸得好脆口，外脆內軟，鱈魚肉質很嫩滑，無腥味。

同好友去行山，之後梳洗完畢就去食午餐！自己一向喜歡食烏冬，見呢度都有烏冬店！去到店面幾大，日式櫃檯流水式作業，先去攞食物然後最後比錢，自助式！八達通比錢方便！冷烏冬(大)（$35）兩個女仔分享剛好！烏冬彈牙，沾汁唔夠凍，加了青蔥及脆片香口！好味！胡麻雞柳天婦羅（$14）好大塊，炸得外脆內軟，炸漿有加黑椒，微辣！雞肉有肉汁！醃得入味！炸蝦餅（$15）外脆內軟！蝦膠少許彈牙，點酸醋醬酸酸地好味！食物唔錯！店員爽手！喜歡自助調味吧，醬料齊！地方整潔！坐得舒適！食烏冬嘅好地方！

今日叫左碗咖哩牛肉，發現一粒牛肉都冇，感覺有被騙感覺，全程只食咖哩汁烏冬，衣碗野比20蚊都多，更何況要42!咖哩计一般，沒什麼特別驚喜，亦沒有高湯供客選擇，更奇怪的是將炸天fu 籮的脆漿碎當附味給客，與烏冬完全不夾，最夾的木魚絲卻欠奉，看來這是我第一次及最後一次的幫襯