丸十日本食堂 (Closed)

呢間餐廳嘅廚師團隊係來自高級日本食府稻菊、串燒名店南蠻亭等🇯🇵以「精米」打響旗號，以確保壽司同丼飯嘅質素🍣除咗創意嘅壽司漢堡、爆丼飯外，仲增加咗平民價嘅鐵板燒同壽司冬甩 🍙💗汁煮海螺($68)海螺大大粒，食落冇沙同滑潺潺。不過預先煮得過淋，肉質完全唔彈牙。而且腥味好重，就算用甜味十足嘅磯燒汁去浸都蓋唔到🤮💗燒牛舌丼($118)薄切牛舌煎得香口  ，食落爽口嚼勁十足，有七大塊舖面都算足料🐮日本珍珠米真係特別有飯香，飯粒軟綿得嚟Q韌🍚配埋黑椒汁同黃蘿蔔絲一齊食，微微辛辣同酸甜味可以解膩。💗和牛厚燒($198)牛肉粒煎到啱啱好五成熟，中間呈粉嫩🥩肉質既有咬口又軟淋，食落冇渣但未至於入口即融。牛味濃郁且充滿肉汁，帶炙燒香。夾埋香脆嘅炸蒜片仲可以中和油膩感🧄💗澳洲大黑邊鮑魚伴海膽醬($680)將鮑魚肉細切片，肉質爽脆彈牙唔會韌，保留到鮑魚嘅鮮甜🦪杰杰咁掛係外面嘅醬汁用海膽、蛋黃同牛油製成，顏色鮮艷奪目，香味濃郁，甘香十倍提升🧈💗松葉蟹海膽天扶良($128)天婦羅炸得薄身又酥脆，而且不失水份🍤紫菜包住滿滿嘅海膽同松葉蟹肉。熟咗嘅海膽味道有d似蛋黃，食落依然有細滑嘅質感，蟹肉絲都好鮮美🦀可以點少少抹

葵芳新都會裝修後，所有食肆層次都提升嘅幾級，今日就介紹一下丸十日本食堂。其實响近呢三十年嚟，香港人對和食由嘗試變成習慣，再變成執念一般探索沉迷，品味、要求並逐漸提高。大眾唔再滿足於壽司、拉麵、放題，而追求正宗精緻嘅日本料理。丸十正正就係走呢條路線！丸十位於新都會廣場，地方空間大，坐位之間闊落，卡位雅座好多，私隱度高，高談闊論都唔怕嘈到大家。店員服務細心，笑容滿面。今日就試吓佢嘅丼飯、烏冬、小卷、甜品。松葉蟹三文魚子丼蟹味濃郁鮮甜，三魚文子味道偏鹹，建議分量減半，拌飯同食。和牛丼牛肉肥瘦均勻，半熟鮮嫰，肉味香濃，加埋溫泉蛋 ，超正和牛烏冬烏冬豬骨湯底味濃，配手打烏冬滑不留口，淨食都已經滿足。唯一扣分嘅食主角和牛，肉質瘦，超乾身，半熟都改變唔到佢嘅柴口感覺。其他食評形容佢係「牛肉乾」，雖然誇張咗啲，但唔過份！三文魚小卷三文魚新鮮，油脂豐富，好香。鰻魚小卷味道香甜，好似食緊迷你鰻魚飯咁，必食。草莓芭菲雪糕、鮮果、馬卡龍、果醬、綿花糖、蛋卷，完美配搭，全日最大驚喜就係甜品，必食！必食！必食！丸十非常適合三五知己同行。推介葵芳和食之選

平時好少去葵芳，今次終於同朋友試左係新都會嘅丸十可能因為係平日，6點左右入席都唔洗等，而且仲有早鳥優惠，7點前埋單有折扣優惠點左個2人餐十分抵食首先係刺身，都係厚切而且好新鮮，唔會雪到好冰牛油焗雜菌，聞落牛油味好香濃，但食落返而唔會太咸，好味雜錦天婦羅，熱辣辣立即食左隻蝦先，隻蝦本身好鮮味而且好彈牙，唔會好似某啲鋪咁食到冰鮮味串燒海鮮盛，個帶子十分juicy一咬彈到成身都係汁但個蠔就有啲腥味燒七味魚翅，雖然話係魚翅但食落似雞泡魚干有幾條好乾好硬但整體好好味，配酒一流迷你豚肉丼，好足料，雖然係迷你但啲豚肉大大塊，而且比足4塊，啲米飯有少少汁配埋黃蘿蔔絲好好味，唯一美中不足係豚肉可以再多少少汁會好啲，但都好好味甜品抹茶牛奶雪糕，好好味雖然係軟雪糕，但唔會太甜，亦唔會十秒即溶好好味餐廳環境好好，員工都好親切我見到counter有個XO公仔牌好得意，有個員工送左一人2塊比我地

第一次同男朋友嚟食環境都算唔差 可以再好少少服務麻麻 如果啲嘢食係同時上就會比較好我叫左個角切魚生丼 唔洗幾分鐘就已經上左而我男朋友個丼就等左二十分鐘左右仲有叫左個雞之盛宴但其實就是全部都是雞如果個魚生丼可以同埋其餘既菜品一齊上會更加好 暫時個賣相都還好試完雞之後 反而覺得雞太乾魚生太少 飯乾左啲啲服務員都好似好少用托盤 如果可以落食物或者收碗碟都用返托盤會比較好最後如果埋單既時候唔洗自己行過去會更加好未必會再來食

燒和牛肉飯伴溫泉玉子定食$148，Grilled wagyu beef with onsen tamago set，牛肉有少少overcook, 略靭，牛味唔算特別香濃，整體屬於可接受水平，反而個飯吸左牛嘅油脂同汁整得幾好食。

🔻雜錦魚生壽司漢堡 ($88)呢個漢堡 睇落就特別 食落真係超一般 個size比想像中細 啲飯好硬 無咩味 魚生亦切到好碎 失去咗原本的口感.另外仲叫咗個燒和牛丼配溫泉玉子 不過不失 無咩特別的日本菜

今次係我第二次過嚟食上次食完個炸蝦卷真係好回味，今次專登叫返另外叫咗個海鮮串燒十分高質有蝦有鯖魚有魷魚有蠔，每一串都非常好食同新鮮。由於我哋要求坐吧枱，可以直接睇到師傅煮嘢食親身睇住佢整和牛炒飯，熱辣辣送上你面前絕對會再食！每一味都好有心機整，賣相味道都俾100分

第一次寫食評因為真係好不滿呢間餐廳侍應既服務諗住試吓呢間餐廳感覺上應該會唔錯但就完全唔係咁一坐低睇緊menu個黑衫侍應已經企喺附近望住晒最後叫左一個和牛烏冬、一個炸蝦卷、一個鰻魚卷只可以話啲野食質素好一般，但定價偏高個炸蝦卷飯包到散修修啲蝦又軟晒係一啲都唔好食但最不滿既係當我地食完晒啲野啱啱拎張紙巾出黎抹咀，仲抹緊咀既時候個黑衫侍應就即卡衝左埋黎問：啲野係咪唔需要喇？啲野係咪黎齊晒喇？幫你收一收佢先？嗰下我地都係呆左一呆其實有冇必要我地一放低筷子就即卡衝埋黎問人係咪可以收野？同埋嗰陣左右都仲有空位、外面亦冇人等位需要咁快收走人地啲碗筷？就算我地有野食想加都唔會加啦呢樣真係感覺不良好比四百幾蚊喺度食野但啱啱食完都未坐吓就要比你收走晒所有野好似趕人走咁貼錢買難受所以唔會再有下一次！埋單比錢又係好似茶餐廳比單、收錢咁樣輕輕掉返啲錢比你好劣唔會再食！

📍#丸十日本食堂📍Maruju Japanese Shokudo .🇭🇰香港葵芳興芳路223號新都會廣場4樓484-487號舖🇭🇰Shop 484-487, 4/F, Metroplaza, 223 Hing Fong Road, Kwai Fong, HK.#葵芳 #日本菜 #MFJ葵芳 #MFJ日本菜#KwaiFong #JapaneseFood #MFJ_KwaiFong #MFJ_JapaneseFood .人均消費: HKD148.味道: 👅👅👅👅👅賣相: 👀👀👀👀👀價格: 💰💰💰環境: 🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.💯#温泉玉子伴澳洲和牛丼HKD148雖然午餐來說都幾貴，但真係超級好味😭牛肉是澳洲和牛，五成熟🔥見到都流口水入口想哭出來，食下去比較偏向三成熟，但對我來講剛剛好牛肉嫩到不得了，一口飯一口牛肉真係好正，温泉蛋是給你下飯食，我食到一半才撈，覺得不撈的話比較惹味真心推介💯.#mfoodjournal #instagfood #foodstagram #foodie #hkfoodie #foodblog #hkfoodblog #ta

間中放工放得晏, 同事們都會一齊食埋晚飯先走! 新都會內餐廳係一個最好的選擇, KCC 店舖收好早, 葵涌廣場無得坐低好好哋食, 特別係葵涌廣場的茶餐廳與新都會內餐廳的價格相差無異的時候……自家製明太子玉子燒 ~ 蛋皮滑, 無燒焦! 明太子咸咸的份量頗多! 天婦羅烏冬 ~ 讚! 原隻蝦爽身彈牙, 肉唔霉! 茄子, 冬菇, 蕃薯等都大大件幾厚身! 無多餘油脂, 不錯! 烏冬彈牙, 湯頭濃郁! 和牛粒炒飯 ~ 飯粒分明, 牛粒都算多, 飯唔會好油, 幾香口!彩虹卷 (好似係呢個名) ~ 靚, 魚生新鮮, 飯唔會過爛及酸, 不錯! 

難得同呀母親大人撑台腳，行完商場就去左食日本野，丸十日本食堂。店鋪幾闊落，有吧枱同大卡位，坐得好舒服。第一樣就黎左燒和牛肉丼，係一碗燒和牛飯再配個溫泉蛋。遠望到有個師傅即場係客面前燒嘅，都幾快就上咗碗牛肉丼飯。 就甘望有血水，似係7-8成熟。都幾新鮮有牛肉味，但燒得比較乾身，但撈反個溫泉蛋濕反就好好食。第二樣就係海洋之盒，有多款海鮮，大大粒帶子、鯖魚、四舊魷魚串著，帶子同鯖魚比較突出，有小小酒味汁(唔太肯定)，幾新鮮，然後比較可惜得一條長蝦唔夠分。最後就叫左碟最普通最平既刺生盤，就試試啦，食完唔係好分到，但至少唔會食到好凍成口冰甘。日本野係新都會大商場黎講算唔錯，係葵芳坐低食飯敘餐地方真係唔多選擇。

晚飯 @ 丸十日本食堂 ~Menu ~Sea Sakura Roll 海之櫻花卷 : 粉紅色的外觀 , 很是浪漫 , 壽司飯內的食材實在是帆立貝、櫻花蝦，在面層再灑上櫻花蝦和櫻花蝦粉 , 帶來粉紅色的效果， 味道鮮美又香甜 , 且散發陣陣清新的香味, 入口時 , 就有如櫻花盛放一刻 ~Snow Crab & Sea Urchin Tempura 松葉蟹海膽天婦羅 : 賣相靚靚 , 天婦羅炸得薄身又酥脆 , 甘甜的海膽 + 鮮美的松葉蟹肉 + 脆口紫菜 , 三種食材的味道非常匹配 , 編織成味覺的三重奏 , 有夠好吃 ~Grilled Wagyu Beef Donburi (with onsen tamago) 燒和牛丼 (伴溫泉玉子) : 溫泉玉子蛋味香濃，撈飯來食真是妙極，和牛肉烤得火喉剛好 , 調味得宜 , 肉質鮮嫩 , 豐腴甘香 ; 飯粒Q韌彈牙，好吃 ~Minced Fatty Tuna with Spring Onion & Sea Urchin Donburi 香蔥鮪魚蓉海膽丼 : 鮪魚 = 吞拿魚 , 吞拿魚蓉加上海膽已經是邪惡之極 , 吞拿魚蓉琢得細滑軟綿 , 味道

今日朋友帶了我到了這間在葵芳新都會的丸十去吃好東西。我們入到去坐在舒適的四人卡位之中，打開Menu，樣樣都好似不錯，一於叫佢地推介既美食先。手羽先可以叫我其中一次覺得最好味嘅雞翼，佢熱辣辣剛剛做好咁上枱，燒得剛剛好，裏便非常之有肉味同埋非常之多汁，十分推介之選。煎餃子非常不錯，味道香口有肉味，煎得十分香脆，內裏鬆軟。天婦羅烏冬天婦羅用上了原隻鮮蝦，一樣咁好，味道香口不油，也是很不錯的選擇。而烏冬方面湯底濃厚入味。壽喜燒鍋到了另一個重點壽喜燒了，日本人為左慶祝才會吃的。牛肉份量適中入口有即溶的感覺，很不錯的。他們還為了增加滿足感而包了原隻玉子添，讚好。鐵板燒地雞最後店員送上了一樣咁味道Juisy既鐵板燒地雞為完美的一餐畫上完美的句號！。

喺疫情下日日都喺屋企叫外賣，人都癲，今日偷偷出街行街睇戲。睇戲前揾嘢食，見到衣間想食好耐。叫左三樣嘢食：明太子卷蛋，衣個麻麻地，兩樣嘢明明好夾㗎麻，但是佢整到好分開燒蠔：衣個好好食，燒到剛剛好，好juicy,又夠味，食完一隻想再叫海膽吞拿魚蓉丼，海膽新鮮，不過不失可以再去嘅一個選擇👍🏻

逛商場逛到攰，見有些許餓又未到晚飯時間，決定搵間日本野點幾味輕食解吓饞。旁邊就係元氣，以價位比較起來丸十都算貴價，心中自然有期待，相信食物質素唔會遜色。$198六片和牛薄燒，包裹著切段韮菜，表面灑上蔥花及炸蒜。韮菜不多、並無爽脆感，和牛片肉味頗淡，勝在入口帶油香，加上香脆又帶略微韌勁嘅蒜片提香，算係拉上補下過關最平價嘅玉子燒反而唔錯。蛋卷軟嫩、蛋汁充分，鰻魚油脂多、滑嫩不腥，整體口感好嫩好滑好飽滿。愛食刺身嘅朋友恐怕會大失所望唔新鮮又帶腥氣，唯獨吞拿魚夠厚身又唔腥；鮮蝦頭大身細，但蝦頭幾多膏。壽司手勢唔錯，握得結實不散，飯粒大小適中不濕不乾，預先加入豉油同醋拌勻，味道足而淡香，不需額外調味灸燒蝦同中拖無咩特別，中間嘅金目鯛軟嫩又有魚香，吞下後口腔仍保留餘韻，算係失望中嘅小驚喜。