丸十日本食堂 (Closed)

最近比較少吃魚生因爲要有好的拍檔才可一齊品嚐，一齊讚嘆一起評價。今日就同好耐冇見的好夥伴一齊去「丸十」吃魚生，去到新都會廣場的店舖，有小小的人龍，所以都需要等一陣才可以入座。一進入「丸十日本食堂」你會感到好整潔，好光猛，衛生條件極之足夠。第一時間我哋就叫了「極上豐洲刺身盛」刺身拼盤，有7点，即係有七種款式、品種，魚生都係嚴格選購然後直接送港，確保時令又新鮮。「極上」出場了，牡丹蝦顏色豔紅，蝦肉肥美極富彈性，鮮味無比，蝦肉含豐富的蛋白質，好甜美。 大拖羅顏色淡淡的粉紅偏白，這個部位油脂非常豐富，分布有如雪花般，吃的時候你會食到天然魚油的甘香，入口溶化味道濃郁。 赤貝味道鮮美，肉質爽脆，鮮味。 海膽，橙黃色的海膽味道甘甜，質感綿密細膩，幾乎入口即溶，當你的海膽現在口中豐富你味蕾時，我哋就回想上年度一齊去北海道品嚐最新鮮的馬糞海膽，其實「丸十」的海膽真的不錯，足以補償未能遠遊的渴望。

我和朋友都是第一次到此店，到達時間下午4:45，已經過了下午茶時段，唯有散叫一些小食，邊吃邊吹水。。。可能因為過了下午茶繁忙時段而又未到晚市，整間餐廳只有一位服務員在樓面，他放低小吃時，連茶杯及餐具都忘記給我們。我們一共叫了三碟小食：1. 自家製鰻魚玉子燒 $68蛋卷燒得不錯，熟度剛剛好，很嫩滑，不會太老而且仍有些蛋汁，有蛋香嘅味道配合鰻魚汁，效果不錯。2. 燒七味魚翅 $ 48服務員未放低一刻已感覺到好香嘅燒魚味，配上七味粉，非常惹味。3.雞皮餃子 $68第一次食雞皮餃子，起初怕成口油，諗住吃一件試吓，其他就交給朋友吃，誰不知我竟然吃了大半碟，估計因為雞皮能鎖住雞肉汁，完全冇漏出來，肉汁喺裏面，配合雞皮嘅香口，雞肉鮮甜嫩滑，兩種口感配合得宜，所以不覺得油膩。

原本諗住去板長食，點知裝修緊，於是random地入左呢間食，點知好有驚喜，菜色睇得出非常用心，每一碟都係藝術品餐廳用米做主題，主打精品米，座位一個個包廂，好有privacy和牛薄燒無令我失望，好有和牛味，薄薄地加埋啲配料一齊食，正三文魚籽爆丼賣相好靚😍😍😍超多三文魚籽，包你食個夠😋忌廉芝士鰻魚卷芝士又滑又濃，配埋鰻魚非常夾，唔會膩日本廣島蠔燒到岩岩好，唔會太熟，加埋蝦米同煙肉，一軟一脆，好夾！三文魚腩帆立貝刺身擺得好靚！刺身都好鮮甜，值！總括黎講，好有驚喜，服務態度都好好，一定會再食😆😆😆

位於 葵芳-新都會廣場 的 丸十日本食堂 ,的確就好似我家食堂一樣 , 我們一家都經常去幫襯 , 除了就腳 , 更因為其性價比高 ~Menu ~Super Salmon-Roe Don 三文魚籽爆丼 $168 (期間限定) : 賣相震撼 , 有種氣勢磅礡的感覺 , 米飯和三文魚籽是分開盛載 , 以確保米飯的Q彈口感 , 亦確保了三文魚籽的鮮口 , 客人吃的時候才把三文魚籽放進米飯吃 , 要多少三文魚籽 , 配多少米飯 , 是什麼比例 , 全都因應個人喜好 ; 這個 "三文魚籽爆丼" 實在是落重本 , 筆者從未見過這樣足料又超比例的爆丼 ; 吃的每一口米飯都伴隨著數之不盡的三文魚籽 , 咬下的感覺就好似 Big Bang 那樣震撼澎湃 , 那種爆爆的口感、鮮美、配合精米的飯香味 , 實在是爆丼之奧義 ~銀鱈魚西京燒定食 (味噌湯、前菜、沙律、主菜、飯) $188 : 銀鱈魚有兩件，冇骨又夠厚肉，燒得好香口，味道鹹鹹香香很惹味 , 魚皮烤得夠脆 , 魚肉又有肉汁又嫩滑，而且又好有甜麵豉醬味，配上Q彈的米飯來吃 , 真樂透 ~最後 , 當然要來一杯 Iced Americano 才算美滿 ~

荃灣朋友加人工，咁就話請我食餐好賀賀佢～～～ 佢揀左新都會廣場呢間丸十食堂，七點左右已好多人排緊！餐廳有好多野選擇，壽司刺身串燒等等 我地每樣都叫咗啲 丸十彩虹卷：呢個應該要叫啦？ 佢有三文魚、吞拿魚同三文魚拼牛油果既壽司上咪仲鋪左鋪咗金箔同魚子！感覺即刻升左級之後就黎咗兩個小食燒雞泡魚乾同鰻魚玉子燒燒雞泡魚乾好鮮甜😍😍 口感煙韌而且微熱 成個口感我最愛；鹽燒雞翼我都好鐘意 咸香脆雞皮入面肉質仲好滑之後鰻魚玉子燒，朋友話玉子燒好厚身而且好嫩滑，再包住肥美鰻魚，個配搭好正跟住到我地既主食喇！和牛丼伴溫泉蛋嘩和牛份量好多，牛肉有炭燒味再配埋日本精米，如果加多啲汁就更好！炸軟殼蟹壽司漢堡，個漢堡係飯焦再加埋原隻炸軟殼蟹，兩樣野夾埋就好鬼爽！

小女友專誠接我收工，所以我都帶返佢嚟到呢間丸十日本食堂食晚餐，呢間係全港首間精米嘅餐廳。燒雞泡魚乾：而上菜時魚干仍然保持溫熱，令魚乾少少軟身，食落帶點甜甜的，令人不能自拔地一條一條不斷地放入口中。燒雞翼串：呢度係用鹽燒，簡單調味突出雞翼原本嘅肉味，外皮燒至金黃色帶點點焦痕，而肉質細嫩，肉汁豐富，可見係火候控制得宜。鰻魚玉子燒：一層一層蛋捲成的玉子燒，最入面包住肥美嘅鰻魚，玉子燒口感嫩滑非常，再配上油香豐溢的鰻魚，令味道隨即昇華到更高層次。炸軟殼蟹壽司漢堡：呢個係飯漢堡，都經已非常特別，作為漢堡嘅飯經過調味再煎香，所以食落會有少少嘅飯焦，令到每啖嘅口感都會有分別，而作為餡料嘅炸軟殼蟹，做到外脆內嫩，實屬難得。丸十彩虹卷：喺外表平凡嘅壽司卷上各自鋪上淡淡橙色嘅三文魚，鮮紅般嘅吞拿魚，清新綠色嘅牛油果，經過餐廳師傅嘅巧手就將其配搭成色彩鮮艷奪目，味道口感層次配搭得宜嘅卷物。和牛丼伴溫泉蛋：和牛份量頗多，牛味濃郁，外皮有陣陣炭燒嘅香味，令到食落會帶點焦香味，牛肉肉質仍保持嫩滑，至於飯方面因為餐廳用上日本精米，飯嘅香味突出，口感軟糯，非常好食。

好耐都冇去葵芳呀, 行完葵涌廣場之後, 就去丸十度食過晚飯,首先食咗一個雜錦天婦羅烏冬, 非常之抵, 108蚊有一碗大碗嘅烏冬, 再加埋五個天婦羅炸到金黃色, 嗰個炸漿做得非常之好, 夠脆身, 餡料非常之鬆軟, 尤其是個蝦, 真係非常之新鮮, 牛奶白色湯底, 夠濃郁, 非常之掛湯嘅烏冬, 煙韌無比, 飲埋啲湯真係好正西京燒就食得多, 第一次食銀雪魚有馬煮, 最懷念嘅就係佢個醬汁, 酸酸味味, 再加甜甜地, 非常之開胃, 佢賣相非常之靚, 嫩滑嘅肉質, 再配埋非常juicy嘅醬汁, 真係無與倫比, 再加埋椰菜一齊食, 豐富埋個口感火灸三文魚親子卷, 橙紅色嘅三文魚, 真係油香大爆發, 一咬落去, 再加埋三文魚子鹹香, 味道更加突出, 非常爽脆係因為有炸物, 令到口感更加複雜

諗住去葵芳行下街，於是就去新都會揾下有咩餐廳可以食，見openrice啲相呢間餐廳睇落幾大幾好坐，又正正常常，有幾百個讚，就諗住黎試下。一睇餐牌，刺身丼at least都百幾蚊，都算係正常價，於是叫左個成$173蚊既北海道海鮮丼。一黎到個樣都好正常，幾靚仔，點知食起先知伏🤦‍♀️碗飯有三文魚，吞拿魚，一隻唔知咩魚，甜蝦，海膽，蟹肉碎，帶子，魚子等，睇落好似好豐富 但一夾起，所有刺身都係我食刺身丼以來見過既前所未有咁薄🤣🤣🤣🤣🤣就算平時食$120價位既刺身丼都唔會孤寒到咁，$173蚊既刺身丼我唔會expect佢比平時啲刺身一半薄既野我囉😓 薄得黎又唔係特別好食真心笑死人兼無下次

丸十在葵芳新都會4樓，坐得幾舒服更有日本風情！menu超多選擇！綠茶粉非常濃郁有綠茶香！鐵板燒蠔伴櫻花蝦， 有煙肉粒，洋蔥粒，蔥粒，櫻花蝦，蒜粒！ 口感變化好多層次， 煙肉粒濃郁入味再配上飽滿既燒蠔，蠔肉都 keep到 juicy既感覺，幾好味！即叫即炒既和牛鐵板炒飯，非常impress! 炒飯粒粒晶瑩剔透！毫無油潤感覺，好乾身！好有水準既炒飯， 食到最尾，碗底完全冇油！勁呀！ 齒頰留香。火焰三文魚親子卷，三文青topping輕輕燒過，油香更豐而且都幾肥美，更有魚籽加持！鮮味十足，內層有天婦羅炸漿，脆卜卜更有口感！

鍾意食日本菜的話，葵芳新都會都有一個唔錯嘅選擇，丸十位於商場4樓，搭電梯好容易就去到。入面餐廳其實選擇都好多，所以都會比較花多眼亂，但係見到有一張可以自選嘅壽司定食套餐， $380包好多樣嘢，而且嗰10件壽司仲可以揀到一啲比較高質素嘅例如海膽，拖羅等等。自選壽司定食$380.10件壽司，一個前菜，茶碗蒸及味增湯咁多款壽司真係好吸引！我都幾鍾意佢個茶碗蒸，裏面啲蛋非常之滑，味道唔會太鹹，亦都有雞肉。味增湯方面口味適中，正合我意。多款壽司我就選擇有長崎大拖羅、中拖羅 、北海道海膽軍艦、加拿大牡丹蝦、炙燒大拖羅、金木鯛、深海池魚～北海道海膽非常鮮甜，很好吃！而且拖羅肥美，近乎入口即溶，各式各樣的魚類壽司你會看得出師傅刀工非常好，切起來每一塊也非常平滑， 金木鯛、深海池魚，這些魚的原汁原味非常鮮味，這裏的牡丹蝦也非常鮮甜、乾淨。如果想食好像廚師發板的感覺，又可以自己選擇內容，這間店是非常不錯的選擇。當然裏面更有其他不同各式各樣的食品可以發掘，下次也會嘗試他們特別的「漢堡包」！

丸十日本食堂坐位寬闊舒適，裝修精美帶和風，令人有置身事於日本🇯🇵嘅感覺！😍💕香葱鮪魚蓉海膽丼 $198賣相吸引！🤩 粉嫩誘人嘅吞拿魚蓉鋪滿丼飯表面！💖 相當鮮味，肥美幼滑，撈飯食一流！🤗💕雞之盛宴 🐓$108🐓雞串燒拼盤款款美味，包括有雞翼、雞腿肉、雞肉丸、雞胸軟骨及雞皮！💓雞翼燒至金黃色，雞皮脆卜卜，雞肉仲好juicy! 🤩 正！💕三文魚牛油果壽司漢堡 🥑🍔$88米飯漢堡系列性價比甚高，必點！👍🏻米飯漢堡表面少少香脆，而且可以拎住黎食，唔會散開曬！❤️ 中間有三文魚刺身、牛油果🥑及蔬菜🥬，豐富又美味 ！🥰💕草莓丸十芭菲 $78好靚嘅少女粉紅色!💗 好大杯, 而且好豐富! 有草莓味雪榚, 草莓果肉, 草莓醬, 綿花糖及cream等! 真係大滿足!😍

今日又到左同朋友一週一會既時間, 今日我地去左葵芳新都會試下呢間日式餐廳幸好在臨下大雨既時間趕到,否則一定非常狼狽入坐後就研究一下MENU. 都很多選擇 然後望下門口已經排了很多人,幸好早一步到餐廳入坐,否則唔知要等上幾耐先可以進餐.今日我就揀一個人氣豚肉定食試下.有湯 有前菜 有主角 $108 來說實在不錯.上餐時間不算等太久. 豚肉飯值得一試,因為豚肉都幾JUICY而且有溫泉蛋有配菜,絕對係飽肚之選最後我和友人點了個甜品作結, 抹茶味雪糕 正常.

今日有日本直送池魚，我鍾意池魚嘅清新鮮甜，所以選擇原條做刺身，配柚子醬油，點少少已經帶出鮮味，所以好快就俾我地食晒🤤🥰松葉蟹魚子丼都幾大碗，什錦天婦羅保持一向穩定水準，今晚食物幾好，可惜係暖水壺d水吾夠熱，沖茶時，茶粉吾溶，向侍應反映時，都好快換過另外一壺。

丸十日本食堂喺葵芳新都會嘅四樓，疫情之下，都仲有一定嘅捧場客！場內的卡位都加高了檔板，亦奉上紙袋作暫存口罩之用，令顧客食得更放心。Sapporo生啤 500ml $68冰涼爽快！順帶一提，細杯340ml 要$58，所以梗係唔好執輸，嗌杯大嘅啤一啤佢！三文魚牛油果壽司漢堡 $88創意十足的料理！米飯入模再煎至定型，咬落去有少少脆口之餘，飯香仲格外突出！中間的三文魚、牛油果和蔬菜堆得高高的，而且相當新鮮，好吃又好看！雞之盛宴 $108雞串燒拼盤，有雞翼、雞腿肉、雞肉丸、雞胸軟骨同埋雞皮！雞胸軟骨是用鹽燒的，中間仲帶住少少雞胸肉，惹味得黎仲卜卜脆！雞肉丸的醬汁香濃惹味，肉丸鬆軟多汁，很不錯的！香葱鮪魚蓉海膽丼 $198嘩～～～～～～！吞拿魚蓉鋪滿成碗飯！仲要呈誘人嘅粉紅色，證明魚脂比較夠晒高，超級肥美！海膽肉大大塊又夠挺身，入口濃郁鮮味！丼飯仲加入了適量的黑白芝麻、大小蔥絲等增香提味，就算啲吞拿魚蓉咁肥美都唔會食到膩，正！

新都會其實都有好多好嘢食，想食日本嘢不妨試試4樓呢間日本餐廳，本身你見到佢裝修嗰啲已經好靚 ，真係好似去咗日本咁樣！見到餐牌選擇都好多，今日唔算太肚餓，而且我哋好鍾意食壽喜燒，一於叫返個和牛壽喜燒試一試～和牛壽喜燒單點$198真心見到啲牛都已經好吸引，啲色同埋花紋分布好靚，食落去都係超香，入口即溶，隔離有隻蛋可以自己整落去，我哋就整咗少少蛋花，都幾開心，因為match埋真係好夾！而且佢其實真係有好多其他蔬菜，包括金菇，冬菇，娃娃菜，等等，湯底少少清甜唔會太過甜。火灸燒三文魚腩$22好想食高質素三文魚，叫多個三文魚腩，火炙燒完之後基本上好香同埋入口即溶，不錯不錯！見到佢仲有好多推廣，例如爆曬三文魚子嘅丼飯，或者係一啲自選嘅壽司套餐，下次想食生野一定會再嚟試吓其他壽司刺身呢！