牛大人台灣火鍋吃到飽 (偉華中心)

Open Now

Now Closed

無論係中午,下午茶抑或係晚上時間, 呢間牛大人都人群擁擁!難得今晚BOOK到位! 終於可以一嘗呢間台灣火鍋任食喇!!!!餐廳有三個套餐120分鐘吃到飽選擇:1.精選嫩牛2.美國特級安格斯牛3.澳洲極上M5和牛我同朋友好貪心想一次過食哂甘多款牛! 所以叫左NO.3 澳洲極上M5和牛吃到飽呢個套餐! 湯底多達9款選擇, 餐廳標榜是採用全天然食材熬製成的! 我地叫左推薦既 “牛大人紅燒牛骨鍋”! 湯底果然濃郁而不油膩 ! 有少少似沙嗲味, 好正, 好夾用來配牛肉!!食物種類好多, 主要肉類餃子手打漿都係用手機點的, 出門就自助拎飲品/蔬菜丸類/麵/醬油等等!飲品種類多到呢!!!!!!!!!!!!!!!醬油區都有至少十樣你慢慢調配!!!! 好認真!!!!蔬菜丸類用一個個保鮮盒盒住, 非常整潔衛生! 員工仲會不停REFILL 添!牛肉方面, 個人最愛都真係呢個和牛M5牛肩卷!!!! 牛好鮮嫩又多汁.脂肪比例岩岩好! ENCORE 左好多碟食吾定口!!手打漿都好好食, 好彈牙!仲有甜品!總結: 食物種類真係多到試吾哂! 套餐價錢性價比好高! M5和牛叫幾多來幾多唔會漏單! 最重要一樣野係食完真係冇

牛大人台灣火鍋吃到飽精選嫩牛吃到飽 $208鴛鴦鍋 +$50- 牛大人秘方麻辣鍋- 牛大人紅燒牛骨鍋呢兩個湯底都係店鋪推介嘅湯底～ 但對兩個湯底都有少少失望🥺 佢麻辣鍋方面又唔算好麻個種，只係食咗個辣味！ 二紅燒牛骨過方面有少少藥材味，正常發揮。但值得稱讚嘅係佢哋一碟嘅份量唔會好多，啱晒係任食嘅情況下你想咩都試吓但係又唔想食太多😍！ 必叫嘅係鴨血，出面嘅港/日式火鍋店一半都比較會少見！同埋佢哋有好多台灣嘅小食可以任叫，台灣腸識落都非常正宗，好食😊

而家出街打邊爐都會揀放題…主要唔會驚埋單時有太大驚喜😛😛而自己最常去既火鍋放題就一定係牛大人。湯底好味…3百幾蚊已經有和牛食任食。除左和牛…佢地既美國牛同日本豚肉都好好味…肉類以外仲有好多其他正既火鍋配料…好似海蝦…墨魚滑…除此之外…仲有配料自助區自己去夾野食…有不同既丸類…蔬菜…款式多到包你試唔哂…仲有個滷牛肉飯都好好味。仲有位記得試下台灣米粉同埋王子麵今次試在鳳梨雞湯…個湯底好清甜…未打邊爐都飲左兩碗。呢個湯底好啱想食到食物原味既你呢度既肉類都切得好薄…基本上淥一淥就食得…好快手呢度既和牛油香唔錯…肉質好嫩滑。如果喜歡牛肉味濃就揀美國牛…牛味濃。豚肉都好好味海蝦肉質鮮甜肉質扎實…新鮮貨。墨魚滑都好香墨魚味…除左食物外…飲品選擇都好多。飲飽食醉後…就由一杯雪糕畫上句號

好耐無出過去打火鍋喇！疫情下多數自己屋企做火鍋，好耐冇出街食。今日放工個心好想好想去吓出面食任食！已經聽過牛大人呢個名好多次，好多朋友試過都話好，正話唔同平時啲任食火鍋。就早幾日已經book定兩位。特登book早啲感覺休閒啲，食飽飽都唔使一返屋企就要瞓覺😂一於以早食早享受既心態，二人前啦唔該！一坐低不久，見人群已陸陸續續入座，冇諗過五點幾都有咁多人坐低食😯餐牌內有好幾款選擇都非常吸引，難得出嚟食梗係試吓澳洲極上和牛套餐。而家點餐好方便，掃一掃個QR code就得。先揀咗一個牛大人紅燒牛骨鍋，味道非常香濃👍出邊好少見有呢一款湯底喎跟住立即柯打和牛，牛板腱，牛小排...全部牛都要啦！台式丸及餃子款式都好多，感覺好抵食好豐富。台灣小食都有鹽酥雞，台式香腸，甜不辣，皮旦豆腐等等。蔬菜有台灣特產水蓮，都係一啲比較少見嘅菜。麵食方面，山竹米粉最鐘意👍飲品有冬瓜茶，烏梅汁。甜品仲有Movenpick雪糕！真係想試哂都幾難😅實在太多款式。認真覺得呢個價錢係絕對抵食，唔似平時一啲連鎖店得好少食物款可以揀嘅火鍋店。

♡‎ ♡‎‎ ♡‎ ♡ 牛大人‎ ♡‎‎ ♡‎ ♡‎ ♡‎ 上次食完牛大人 一直念念不忘☺️不過見到咁多人排隊拎籌又懶喇🤣係屋企做角落生物好過👉🏼👈🏼最近得知原來有出火鍋湯包可以揀牛大人牛骨湯 / 麻辣湯上次已品嚐過牛骨湯 所以今次揀咗秘制麻辣湯🔹牛夫人秘方麻辣湯包 $68價錢唔算貴 因為佢係for 4-10人都可以叫曬屋企人朋友一齊食都仲得啊！湯底好濃郁 仲有好多花椒、豆豉 雖然辣 但係湯面頭唔覺得好油膩又有麻香又有辣味愈煮愈香 醬汁都唔洗點使用方法簡單 只需要煲滾3000ML嘅開水/ 雞湯 再倒入去就可以😌我自己今次用開水都覺得好夠味完全食到牛大人嘅味🥰🛒購買點：牛大人門市ieat online ◆*．◆*．◆*．餐廳資訊◆*．◆*．◆*．牛大人台灣火鍋吃到飽►▪▫►▪▫►▪▫ 用餐提示 ►▪▫►▪▫►▪▫►- 火鍋湯包都有啲啲保質期 唔一定要即日食用- 可以自己買火鍋材料 例如肉、丸、菜喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee香港🔎發掘同類美食：#ee火鍋#hkfoodie #hk

今日去沙田新城市買完野已經四點幾，晏都未食， 行過偉華中心見到勁多人，原來呢度都有牛大人，五點開始有晚市第一輪，隊友就話直接喺度食埋野先返去，開頭我仲諗住咁多人，排隊入去都有排等啦，點知佢地有晒經驗，一到五點就超快安排入座，呢度地方超大，有兩座位至到圓枱八座位都有。隊友可以話係牛大人粉絲，所以食親都係叫極上和牛吃到飽，貪佢只係俾多少少，已經有靚好多既M5和牛食。我地揀左牛大人紅燒牛骨鍋做湯底，原來都幾濃味，可以連調味都唔使點。牛大人就梗係食牛架啦，澳洲和牛M5 牛肩卷，安格斯特選牛板腱，美國PRIME極級肩里肌同手切封門柳都係必食既，另外北海道十勝豚都好好食，唔算薄但都快熟。個餐包左個澳洲和牛丸一定要食，彈牙重牛味又Juicy。自助區乾淨企理，一目了然，丸類多選擇，仲有魚腐，峰巢豆腐，皇帝菜都係我首選。飲品有台式茶飲，又有教主代言既0糖0卡汽水，不過我都係鍾情自家制冷泡茶。醬料區有好多選擇，我鍾意佢有白蘿蔔蓉，中和左個熱氣感。海鮮我叫左新鮮沙白同脆肉鯇魚腩，沙白又肥又大夠爽甜。熟食方面，我地每次都會叫梅甘酥脆薯，真豬小香腸，鬼馬老油條同即炸午餐肉，脆薯即到即食超好味。其他仲有私房鴨血，

牛大人台灣火鍋吃到飽📍沙田沙田正街11-17號偉華中心2樓9A-9B號今日過咗嚟沙田新城市廣場玩行咗過去偉華中心食晚飯好想食呢間人山人海嘅牛大人 所以一早就拎定籌先🐄極上和牛吃到飽套餐呢款套餐包左120分鐘任食極上和牛每位仲送兩粒澳洲和牛牛丸點左蕃茄湯底🍅 用蕃茄嘅鮮味 帶出食物嘅味道特別推薦澳洲和牛M五牛肩卷🐮油花分明 同牛味比較平衡食得多都唔會覺得油膩今次仲有一款期間限定嘅北海道十勝豚🐖豬肉味好濃郁 厚度適中同牛肉嘅質素一樣咁高今日嘅海蝦特別新鮮 點左四五次隻隻都爽口彈牙 有蝦嘅鮮甜味🦐鴨血同樣好好味🦆每一件都好似果凍啫喱咁一咬落去啲汁即刻爆出嚟😍如果想食其他蔬菜配料 可以去自助區度拎選擇好多 而且都好新鮮🥬另外飲品嘅選擇都好多有冷泡茶 罐裝飲品🥤最後仲可以有甜品🍮我揀咗仙草凍 竟然上面有迷你芋圓 好驚喜

牛大人分店愈開愈多，現時已經遍佈港九新界，但每間分店的人流依然絡繹不絕，沙田店亦不例外總是大排長龍，當日四時半左右到達門口已經擠滿人等候派籌。一如既往除了可以用手機掃描QR code點餐外，外面亦有各式各樣自助醬料、火鍋配料等供應。自助區飲品有洛神花茶、菊花普洱、白桃烏龍等數款自家製冷泡茶以及其他包裝或罐裝飲品。除了牛大人秘方麻辣鍋、帝王食補薑母鴨鍋、台中蒜頭雞鍋等湯底之外，最近更全新推出期間限定的醍醐蕃茄酸辣鍋，我們點了小辣再另加$50升級鴛鴦鍋，配以加入原隻雞髀的台灣鳳梨雞鍋。澳洲極上和牛套餐星期五至日或公眾假期每位$308，每位送上兩粒M9和牛牛丸，向來彈牙多汁之餘肉味香濃，一般牛丸絕不能相提並論。各款牛肉當中個人最喜歡安格斯牛小排及上腹牛五花，油脂豐腴；澳洲和牛M5 牛肩卷、美國SRF極黑牛肩胛肉眼、安格斯特選牛板腱等肉味較重；手切封門柳則最有口感而肉味亦最為突出。除了牛肉以外其他肉類如紐西蘭羊卷肉、西班牙豬五花片，以及台灣鱸魚片、海蝦、沙白、脆肉鯇魚腩等海鮮都保持新鮮，尤其是沙白味道鮮甜、脆肉鯇魚腩肥美爽脆油香四溢。私房麻辣鴨血煙煙韌韌深得我心，不像坊間部分鴨血一樣質感近似豬

又係食牛大人喇🤣，今次係我第五次encore了，因為勝在坐得舒服同埋嘢食都高質，所以每次打邊爐都係我哋嘅首選我哋叫咗極尚和牛有吃到飽套餐，因為我哋早場，價錢只係$278一位，抵食頭一round當然係叫到一枱都係先，見到都流口水🤤今次叫咗個亞嫲養生濃湯鍋，貪佢好清，可以飲得出佢嘅鮮味，打邊爐襯完全可以中和返啲油膩自助bar嘅丸同蔬菜選擇都幾多，好味😋另外有滷肉飯選擇，香濃嘅醬汁襯飯真係一流台灣香腸一向我哋嘅最愛，打邊爐都要食返幾片 😂肉嘅種類都多，我哋主打都係食m5和牛，牛味濃郁，唔韌亦都冇渣，我哋起碼encore左四五碟安格斯牛柳粒都好味，唔會鞋口，不錯另外重叫左啲蜆、台式燕玉餃、蛋餃等等呢幾樣嘢一向都係我嘅最愛，每次嚟一定要食返兩轉先夠本另外佢每人會送兩粒澳洲和牛牛丸，本來以為普通牛丸一粒，但一行落去已經覺得好Juicy，牛味香濃，真心好食喎食飽飽去到最後梗係要食個雪糕做總結今餐又係一個大滿足嘅晚上

特級安格斯吃到飽$168今日午餐揀咗90分鐘任食套餐 😌湯底就要左牛夫人秘方麻辣鍋 湯底有花椒八角 好香 不太麻👍🏻牛板鍵肉味濃郁 有口感 肥膏唔多 不過每次叫一客都係得三塊🥩醉雞🐔就有毛🧐質素一般般 而鴨血就非常嫩滑 必食之選‼️出面嘅自助吧 基本上丸類 菜類🥬🥦🥒麵類🍝🍜咩都有👅飲品方面有多款台式冷泡茶 汽水飲品🥂甜品🍧就每人一杯玄米茶味雪糕 唔會太甜 雪糕質地都好幼滑🍦食完好滿足 高質火鍋店❤️

一到星期日晚…又到我放假既時候✌🏻特登預訂左牛大人食好啲🤓第一次食就食左最貴個餐<極上和牛吃到飽套餐>𝟕:𝟑𝟎前離座都係$𝟐𝟕𝟖，都幾抵食呢💕我地湯底簡左，一開始有試下個湯底，湯底好多料同都幾清甜🥳呢到係分左 𝐐𝐑 𝐂𝐨𝐝𝐞落單夠哂方便😝另外出面都有自助區可以自己拎蔬菜、丸類同飲品🤍欣賞佢地有自家製既茶飲品，解膩一流！除咗出面嘅飲品，仲可以喺𝐐𝐑 𝐜𝐨𝐝𝐞到落單，冬瓜茶好飲💕推薦之選🤍➣澳洲和牛𝐌𝟓牛肩捲➣安格斯特選牛板腱➣香芋貢丸➣台式餃子一開始會送每人𝟐粒澳洲𝐌𝟗和牛牛丸😝入口爆汁，爽口彈牙🤓超好食！𝐌𝟓牛肩捲同牛板腱都係極上和牛𝐒𝐞𝐭先有架😚油脂分佈平均，肉味香濃🥩香芋貢丸係我另一樣狂嗌既野😆平時出邊買勁貴🥺有得狂食好幸福🤪台式餃子都好特別呀😎➣台式小食除咗瘋狂食牛，仲有得食台式小食😈我就點左士林鹽酥雞、真豬小香腸同梅甘酥脆薯☺️ 鹽酥雞皮唔會好厚，夠哂香脆🥳超推薦梅甘酥脆薯😍點左二碟黎食🥰➣甜品每人可以揀仙草凍或者𝐌𝐨𝐯𝐞𝐧𝐩𝐢𝐧𝐤雪糕🍦仙草凍有紅豆、花生、珍珠等配料，加埋淡奶黎食好正🥰🔸𝙍𝙖𝙩𝙞𝙣𝙜: 𝟴/𝟭𝟬💰𝙥𝙚𝙧 𝙝𝙚𝙖𝙙: ~$𝟯𝟬𝟬

呢日行開沙田，原本都想外賣回家～原來 牛大人出左 牛大人秘方麻辣鍋 & 牛大人秘方紅燒牛骨鍋 兩款火鍋湯包！ 只售$68，另有店獨家賣湯底包～係牛大人仲有抵食嘅外賣火鍋套餐！一盒已有齊晒靚牛肉、蔬菜盤同丸類火鍋配料配搭～湯底只要撕開包裝袋，加入3000ml 雞湯或清水，就可還原牛大人秘方湯底嘅味道！試左 牛大人秘方紅燒牛骨鍋口味牛骨湯底牛味濃郁又唔會覺得好咸，加入金菇、腐竹、百頁豆腐等吸味配料真係勁正！一包仲足夠4-10人用喇～～～加左幾次水，湯底依然牛味濃郁，超正～

行街經過牛大人見到佢出咗兩款火鍋湯包，有紅燒牛骨同麻辣味，跟著買咗幾包返屋企打邊爐😆 🍲牛大人秘方紅燒牛骨火鍋醬料包 $68/包一打開醬料包就聞到好濃郁嘅紅燒牛骨湯味🥰 入面有好多醬料，可以就咁加清水或者雞湯，包裝寫要加3000ml，想濃味啲2000ml都夠，睇下個煲有幾大。入面有花椒八角等香料，原汁原味，真係同堂食嘅一樣味😆 每款湯包足夠4-10人享用，加咗兩次水都仲好濃味，下次再試下佢嘅麻辣鍋醬料包先😝

開返晚市之後食左幾次牛大人🤣真係好好食又抵食，提提大家，食17:00個轉真心抵食☺️ 17:00入座，19:00前離座： $278 +10% 澳洲極上和牛餐任食任飲😋.個人比較鍾意澳洲極上和牛，覺得佢性價比最高又多選擇，安格斯牛小排一碟有2片，用QR code落單，基本上唔會漏單。牛味香濃又夠滑，放落湯底幾秒就食得👍🏼.除左食牛之外，晚市最正係仲有海鮮食，魚片/蜆… 仲有台灣特製魚漿同滷水牛肚/豬大腸….除左叫既種類多，連出面自助吧拎既種類都唔少，飲品就更加必飲手工冷泡菜，解渴又開胃，飲完個茶感覺可以食更多🙈🙈.臨走仲有一人一杯雪糕🍦，食到捧著個肚腩走🤣🤣

又嚟食牛大人啦🍲 澳洲和牛仼食放題真的很棒😍 多款牛肉可供選擇: 牛五花◦牛板腱◦牛小排◦牛肩肉… 牛肉風味濃厚 油花滿滿 配上蕃茄/麻辣味的湯底🌶 更能帶出肉類的鮮味💓 附送的和牛牛丸很高質素 香滑彈牙🍢 還有羊卷肉◦醉雞◦五花肉等 肉質細嫩👍🏻 除了肉類 還有魯肉飯🥄蔬菜🥬肉丸🍡可於自助區域拿👐🏻 台灣特色小食🥠: 鹽酥雞|酥炸薯|一口腸| 老油條.ᐟ‪‪‬.ᐟ‪‪‬ 令人尋回台灣的味道😘 最推介的是手打滑☺️ 海鮮漿♡花枝漿和豬肉漿🐷 口感鮮滑‬ᐢ..ᐢ 飲品方面有台灣的紙包和樽裝飲品🧋桂花烏龍✧麥香綠茶✧柑桔檸檬🍋也是我的最愛哦 ᐖ 甜品是台式仙草凍和Haagen dazs雪糕🍓 吃得很滿足呢๑⃙⃘´༥`๑⃙⃘ 大家也快點來吃吃看🥰