Video
9-min walk from Exit B2, Kwun Tong MTR Station
continue reading
Additional Information
星期日下午有busking
Opening Hours
Mon - Fri
08:00 - 19:00
Sat
10:00 - 19:00
Sun
Closed
Public Holiday
10:00 - 19:00
Above information is for reference only. Please check details with the restaurant.
Recommended Dishes
之前陪朋友去觀塘偉業街宏利金融中心，東九龍智能身份證換領中心换身分證，見有點肚餓，就找了下面這間餐廳食午餐，想不到這間餐廳食物質素都唔錯，咖啡也很好飲，環境也很清靜，很適合在此放空！本來想再光顧，可是有些東西真的會此情不再
continue reading
突然間有公事下晝要去觀塘，咁啱朋友又響附近，吹雞嗌食飯。其實佢都未肚餓🤤－致決定去番呢間chill cafe 位於－國際級保險公司大樓地下。本身諗住唔使食咁多叫－份burger share 就ok 點知佢get 錯晒，叫左每人一份share , 分別係burger 同青咖喱豬肉飯。Burger唔使講都知好味又juicy。不過啲煙肉🥓可以燶啲或者脆啲。薯條都係可以脆啲。係個咖喱飯原來都幾辣，但係其實撈飯一流，只係因為太飽。飲品就真係叫左上次話要叫嘅T Black (coke+expresso+coffee jelly) expresso 可以加多一個shot🤣
continue reading
整完身份證都到左lunch時間 落到樓下就見到呢間cafe 睇set lunch menu 一眼就睇岩左慢煮雞胸🤭 雞胸低脂蛋白質又高 減肥最岩食 但要煮到唔鞋既雞胸就好難😞啲人成日話慢煮可以鎖住肉汁 會好食啲 所以今日就試試佢🤩坐左陣都未見人可以落單 但原來寫左要出去counter 落單😅 落完單 個餐湯好快就到左 係南瓜🎃湯 唔算濃郁 但可以接受 但如果可以熱多些少就好啦🤣飲完個湯 雞胸都到嚕 時間岩岩好☺️ 塊雞胸大塊過手掌✋🏻 切落去⋯有啲困難 即刻好驚會好鞋 但估唔到入口唔鞋 都仲有肉汁 唔錯 點埋個蜜糖咖啡汁 好味😋😋 個汁好特別 有陣焦香味 咸甜適中🫶🏻🫶🏻🫶🏻個餐仲要配搭左紫薯蓉🍠 即刻成個人覺得健康哂😚😚😚💃💃💃
continue reading
呢間Cafe係喺觀塘嘅一個商業中心地下~ 佢嘅鋪面都幾大~ 環境都幾靚🫶🏻 有個落地大玻璃🥰 而且人流唔多~ 所以坐得好舒服☺️ 平時都見啲人會拎電腦喺嗰度做嘢🧚♀️ 佢哋都主打飲品外賣嘅! 朱古力都非常出名~ 之前試飲過都覺得好正🥰 今次試埋佢嘅lunch都覺得幾高質😋 Lunch set 會包埋餐湯同飲品~ 嗰日係南瓜湯~ 質素都唔錯! 幾有南瓜香都夠稠身😆🤍西班牙蛋餅 $108呢款蛋餅都幾厚身! 蛋液做到一層層嘅效果😋 加上入面有蔬菜粒, 薯仔, 煙肉等等☺️ 鹹鹹香香咁都幾好食🥰 鍾意食蛋類製品嘅朋友一定好鍾意! 🤍牛油果大蝦意粉 $118因為有牛油果嘅關係, 醬汁做到好稠身🥰 食得岀好足料好香牛油果味🥹 所以意粉好掛汁~ 加上面頭有好多芝士☺️ 口感同味道都幾豐富~🤍All day breakfast $108All day breakfast都幾豐富~ 不過包同沙律就比較遜色少少~ 但係黑松露炒蛋都唔錯😆而且有炒雜茹對我來講就有加分🤣
continue reading
喜歡Master Room 的人流不算多，大堂有極高的樓底，空間寬敞，配上落地大玻璃設計，日光充足，令環境舒適且景觀開揚。整體室內設計簡約，輕水泥風格配襯柔和黃調的吊燈，加上木檯和有藝術的擺設，感覺很好，很舒服，一點擠擁的感覺也沒有，在工業區實屬罕見。刻意的選了一個在室外靠窗的位置，一來人流少，二來有陽光從落地玻璃照入，感覺暖暖的，更適合放空~點了蕃茄湯，傳統西班牙蛋餅和寬麵條，簡單的伯爵茶，和朋友閒聊地等待食物…..蛋餅上檯時熱騰騰的，有鹹香煙肉粒，美味的芝士，可以做到拉絲的效果，加上邊邊微焦，脆口惹味，配住薯仔和蛋，每一口都好滿足。寬麵條略油膩，味道偏啖，仍可接受，反正環境已令人心曠神怡。再來一杯簡約的伯爵茶，在暖暖的陽光照耀下，心情也份外舒暢，若然可放空多一會，那就更美好了!
continue reading