Match Cafe & Restaurant

Open Now

Now Closed

去食lunch，set lunch 埋單大概每人$130，但食物質素分分鐘50幾蚊慨茶餐廳好食過佢。想用洗手間，發現道門鎖住，就問侍應係唔係需要鎖匙。跟住佢就攞鎖匙幫我開。開門之前侍應阿姐敲門問裏面有冇人，冇人應，佢就繼續開。點知佢一開鎖裏邊就話有人。咁阿姐就同裏便講話唔好意思，點知之後就鬧翻我話，”小姐裏面有人所以鎖咗門呀！” 怪我令到佢好尷尬！我第一次去你間餐廳，鬼知你洗手間裏面有幾多格？你日日喺度返工，唔識用個腦諗下門鎖咗左即係有人，唔識同個客講話裏面有人麻煩你等一陣？上食物嘅時候明明自己捧碟餐過嚟，跟住就死都唔放低然後話唔係我哋嘅。我朋友話佢係叫咗呢個餐，跟住都唔肯放低，掉頭拎走話唔係我哋。唔係我哋你又拎過嚟？送餐之前冇睇清楚嗰張枱係咪叫咗呢個餐嘅咩？睇完之後就話係我哋嘅先至肯放低。仲要係餐廳唔係多人！唔明點解咁都搞唔清楚。

住在油麻地要找一間好質數的西餐廳实在困難，友人告訴我廟街裹有間酒店的餐廳環境很舒服，食物算不錯。因從未想过那區也可有好的西餐，立即飛撲去試。環境的確清雅，原來是可作婚嫁場地。食物及價錢是中檔路線，心裹不禁暗喜，可能以後不用搭車去食晏。餐廳不大，當日亦只有4、5枱2人客，那裹只有一位女士負責，見她的態度，已知她是躁底，我們这等退休人士，自然不用心急，亦理解她的忙碌。终於等到她有空来讓我們點菜，我先生要意粉，他一般都要求少油，她立即說做不到，我打了個突，因從未被如此一拒絕過！到我叫䐁肉配飯，我說少飯，她又說已配好的，不能少！我解釋我胃口細，不想浪費，她没聽完已边走说: 唔使食哂格。 不知是否我们的要求已被她視作为"麻煩友", 她的面色愈見板黑。食物來到了，先生的意粉做得不錯，當然若能少點油便更好。我的豚肉也合格的，不乾不硬，我亦當然浪費了半碗飯。以這个價錢及環境，本來是颇理想的，奈何我們請她拿黑胡椒或叫飲品時，亦要捱女士的面色，我們又怎会再來受氣呢？一間食店的成敗，除了食物質素，亦有賴樓面的配合！可惜、可惜！

平時如果大家一般有留意到，我通常都係會用食物做cover photo，餐廳環境擺最後，不過今次調翻轉，餐廳環境做cover photo，因為餐廳環境實在比食物優勝得多🤭餐廳兩邊採用落地玻璃設計，採用天然光☀️，出面仲有個花園仔🌳，感覺休閒，而餐廳入面採用雲石，金屬同玻璃嘅擺設，感覺classy，好靚好舒服呀🤗不過食物方面呢，就非常一般喇，我揀左個魚🐟，食落有少少泥味😞不過一個lunch set，有湯🥣，有主菜🍝，有飲品☕️，都係around＄80，都唔要求得咁多喇😌

9pm去電影中心看戲, 打算7:30pm到埗在餐廳吃些東西。7:45pm落單到8:30pm都未上到菜。中間已提了waitress很多次, 他們的反應不專業，眼目不敢正望你，只是說廚房出不切菜。後來提議我們先點飲品。我們點了檸檬茶及檸檬水但等了20分鐘也是沒有。時間1秒1秒過去，我們怕看不切電影，唯有同他們講不食了。之後8:35pm離開，去了電影中心旁的麥當勞食快餐才趕得切看九點場。第一次試這間餐廳有這樣結果實在令人失望。

之前睇相見到地方唔錯, 諗住同朋友可以舒舒服服坐下傾下計, 但食物同服務態度真係不敢恭維唯一賣點係環境都算舒適, 當初就係睇相先去食我地叫左一個肉腸pizza, 一個牛肝菌risotto, 一個羽衣甘藍沙律, 一個黑毛豬配三色薯, 同一個" 養肝美白茶"Pizza真係食過最差既pizza!! 份量好細都算, 又唔夠熱, 餅底又淋又鞋, 味道又唔好食, 感覺似求其係超市買既急凍pizza番黎叮熱, 仲要係叮得唔夠耐個隻!!呢個pizza真係難食得好過份!牛肝菌risotto叫做正常D, 味道ok 但又唔係好好食羽衣甘藍沙律都ok 既, 係好健康個種, 冇dressings咁濟, 好似只有少少黑醋黑毛豬有D鞋, 三色薯味道都ok (薯仔蕃薯就咁煎熟我諗好難唔ok), 但最離譜係連埋一粒冇處理過既蒜頭上碟 (衣都冇拆個隻), 我地懷疑係唔小心跌左落去然後佢地睇都冇睇就上菜" 養肝美白茶"就係一個gimmick, 睇落係幾靚, 當佢普通茶飲都ok, 但唔平至於服務態度, 最大問題主要出係一個人身上, 個位女士冇乜禮貌, 西口西面, 講野態度毫不客氣, 例如問佢洗手間係邊正眼都唔望你一下, 上菜

晚飯想食得浪漫d，知道間餐廳係周慧敏開。睇相裝修一流，亦可以舉辦wedding party, 當然要試下啦。原以為好多人，但去到得兩枱人。位置響廟街附近ge酒店入面，可能去得廟街都未必揀呢到入到去得一個staff serve人同一個人‘埋數’除左叫野個次最易搵到staff,之後就考運氣.. 佢可以唔見左/ 響水吧背住人客/篤緊電話叫左一個set dinner + 小食唔知咩湯， 得個咸味蒜蓉包不得了，硬到要扯..先食到三文魚配素菜餅：份量超級少ge主菜三文魚上有層甜到令我懷疑人生ge醬個醬完全掩蓋晒三文魚ge味，食到一半已經覺得入唔到口下面塊薄到唔薄ge素菜餅味道一般脆燒粟米：唔知脆響邊...我覺得佢係焗到乾，88蚊得幾舊，半條粟米都用唔到，上面灑左堆類似七味粉ge野，完全唔物超所值焗肉醬墨西哥片：與其話焗，不如話響墨西哥片上面淋d醬多d..:上面個酸忌廉唔知有咩用，肉醬係快餐店質素，但肉醬太少，慶幸墨西哥片係脆ge水牛城雞翼：88得5隻，又係好唔抵完全食唔到平日個種水牛城味，得d好淡ge甜味，雞翼覺得係急涷ge，有陣雪+梅ge感覺加15蚊先有ge甜品 ，new york cheese

潜水openrice好多年，第一篇食评送给爱豆的餐厅，不仅因为是爱豆开的，更因为这一餐温暖又惊喜。提前翘班冲来hk看演出，还要来店里带走我心爱的DVD，好在新高铁给力缩短交通时间。西九龙直奔庙街，店面位置超好找。以前夜半在庙街观光听戏，印象都是奇奇怪怪的旧时光模样，也没留意到这附近有间酒店，酒店门脸不大，坐小电梯上楼吃饭，典型的香港楼上餐厅风格。进去以后，哇～眼前一亮，环境很棒，干净明亮，和楼下街边风格比简直是世外桃源了。时间比晚饭早，看到室外有沙发就开心，一个人窝在里面舒心+1。店员小姐姐超级nice知道我赶时间，加紧帮我下单，等待时间没有其它评论里那么久可能因为就我一个客人。点了一个和牛汉堡，怕不够吃晚上看完演出散场会饿，就多加了一个蒜片牛柳粒做后备。结果是，汉堡份量扎实，薯条给的够多，吃完汉堡我就8成饱了。但是！！！敲黑板，牛柳味道实在太惊喜了，味道好吃的我想舔碟子，后悔把汉堡先吃光了，不然还可以用面包把碟子里的酱汁擦一擦【手动捂脸】蒜片在第一时间被我全吃光了，然后一口二口默默的在8成饱到12成饱的过程里把牛柳都干掉了～～～吃完的时候我想起来上菜的帅哥看到我吃着汉堡又点一个硬菜的

入座時因有大概30人包場（4樓），於是被轉到1樓入座，侍應表示因有包場所以是日出餐會比平常慢一點，結果，包場的團隊已離場一個小時左右，我們的餐還未上（只點預焗好的牛柳待切、上碟便可），最後足足等了2個多小時，當中那位女待應更不繼以極之無禮貌回應，態度極度之差，相比一般街頭小檔也比佢還要懂得尊重客人，作為食客除享受食物質素外，服務員質素亦極其重視，簡直不敢相信今時今日仲有咁差劣嘅服務水平😤😤😤😤😤😤😤😤😤😤

約咗好姊妹食飯，所以好想搵一間環境優美又清靜嘅地方。朋友介紹呢間餐廳佈置精美，而且用Apps訂餐廳仲有折！晚上七點，人流唔多，一入到去即刻比好靚嘅環境吸引，好姊妹見到都覺得好開心。餐廳仲有分室內同室內，而且仲可以打開玻璃門，送來陣陣涼風。我哋叫咗一份羽衣甘藍沙律伊比利亞辣肉芝士pizza朋友讚呢個好食，夠多芝士！卡邦尼意粉味道偏淡龍蝦意粉龍蝦味突出！仲叫咗兩支本地手工啤酒最後叫左個American cheese cake味道很一般

今日早小小放，黎呢度食返個午餐放鬆下先，油麻地環境中算唔錯，仲有outside，岩哂成日坐office嘅人，呢度應該仲有攪證婚party。午餐有A-G餐，由$39起，加一服務費，每個餐跟餐湯同餐飲一杯，我就選擇了個香煎鴨胸薯仔伴紅酒汁，先黎個餐湯，係忌廉湯，仲有一小塊多士，忌廉湯比較杰身，味道可以，多士太多油，淋左。等左10分鐘主菜上枱，賣相幾好，鴨胸肉煎得耐左，有小小老，鴨酥味唔算重，薯仔就好入味，無睇過餐牌都估佢唔到係薯仔，好食，紅酒汁就味道好淡，不過配左鴨胸之後個鴨胸係好食左，最後奶茶喇，唔係港色茶餐廳味，不過有小小似，幾好飲，加$15仲有是日甜品，不過我無加，食完都飽。仲有wifi用，係一個唔錯嘅地方。

喺朋友口中得知呢間Cafe係周慧敏開既就去試吓。閒日夜晚七點鐘左右上到去，得一台客喺度，餐廳成個環境都好舒服，最岩坐低同朋友傾計。成間餐廳得一個樓面，所以要比d耐性。趕時間就唔洗黎。Menu唔算好多選擇，我地叫咗一個美國牛柳粒意粉，Parma Ham Pizza同一個牛肝菌意大利飯。個Pizza味道就一般，可能因整得唔夠熱，食落冇比較淡同硬。牛肝菌意大利飯就幾好食，個菌汁好香濃，份量亦唔太大，一個人食都唔會太飽，意粉都唔錯，牛肉好嫩。餐廳整體黎講食物質素唔算話十分好，不過以依個價錢再配依個環境其實幾抵食，如果鍾意同兩三個朋友上嚟坐吓飲嘢不失為一個好選擇！

家姐又不知在哪看到，說這裏環境靚，食物OK。死到要去試。因為在屋企附近，所以帶埋老爸一起去試新嘢。環境的確很好，打開趟門後，你不會覺得自己在廟街裏。假日食物就不太合口味，選擇少，尤其沒有適合小朋友和老人家吃的。有一枱客就因為沒有白飯而離開了。要是我一早留意到，也會跟他們一様離開。我們要了A,B,C餐。雜菜湯比較淡但蒜蓉包很香囗。香煎調魚柳配中東米，$88。老爸只吃到調魚。中東米因為不熱又甜甜怪怪的所以吃了很少。燒羊架配薯蓉，燒車厘茄及燒汁，$98。羊架煮得腍但本身質素不好，很多筋。老爸吃不到，連我們都不太吃到。南瓜五穀米餅配辣蝦芒果沙律，$78。南瓜五穀米餅好硬難消化。沙律其實就只有那幾條沙律菜。辣蝦一些辣一些不辣，因為老爸從來吃不得辣都不知道原來是辣的。唯一奶茶得到稱讚。苦而有回甘味，很濃烈。埋單要$290。真的不值。食物有待改進，不過服務就好到家，因為又是未開始營業就來了。侍應很好的讓我們坐著等。這裏原來是明星開的。裝潢得好因為做婚禮場地。平時會讓你慢慢坐，當日有婚禮，所以只可坐到兩點。

呢到都幾靚既環境細細甘，不過有D焗促吧！叫左Set Dinner,卡邦尼意粉$118 ，呢個都可以，都夠Juicy醬燒豬仔肋骨 $118 ,個豬仔骨無乜肉，仲好乾肉又硬，一D都唔似出面食既，好鬼難食！晚餐跟餐湯和蒜蓉多士仔，個多士好硬小食叫左水牛城雞翼，都幾貴，成$88蚊的，不過個汁整得幾好味，雞翼都大隻！魷魚籃 $68呢個真係難食至極呀！D炸粉厚到爆一切開條魷魚，已經分離！仲有魷魚又係Un既，勁難咬難食！甜品拼盤 $218 ，心太軟唔流心的！芝士餅唔重芝士味的，焦糖燉蛋OK!仲有叫左兩杯熱檸茶，今晚食左成$748,真係唔值！一定唔會再黎，唔會推介比人另外，朋友話打黎book位時問埋切餅費多少，答案係$200蚊切餅費。同埋無乜侍應架，全場都係得1-2個人做野，環境甘細，但係叫極都係無人應激死

朋友推介用apps 訂座有折，就搜查了坐落於油麻地廟街王子酒店4樓呢間Match Cafe & Restaurant。我們一行三人，安排坐在餐廳中間的圓枱，餐廳半開放式，一半露天，一半室內，比較適合秋天季節去，環境很美，寧靜，還有很結婚預設多佈置，一班姊妹淘黎聚下都唔錯。由於餐廳表示apps 優惠只可叫主餐牌及甜品，我們只叫了主餐牌食物，分吃是美國牛柳粒意粉、卡邦尼煙肉意粉及牛肝菌意大利飯。美國牛柳粒意粉，牛柳唔「un」，味道比較淡，意粉唔錯。卡邦尼煙肉意粉，味道濃郁，好味。牛肝菌意大利飯，飯比較「林」，菇很香，好食。由於經apps 訂座有7折關係，埋單約二百多元。

First time went here, the decoration of the restaurant and the environment are very nice. It is very suitable to celebrate birthday, anniversity or even having your wedding ceremony. There is outdoor space for dining, but the indoor environment is more comfortable and beautiful.The food is surprising and i think they are reasonable and some of the dishes are really nice such as salad, steak and spaghetti. Surely will come again with friends later.