麻吉灶咖

Open Now

Now Closed

🐱呢間台灣餐廳裝潢好靚，文青feel，lunch time 都有好多人排隊🤣款式唔算好多，而且價錢偏貴～見好耐冇食台灣野所以試吓😂鹽酥雞配麻婆豆腐蓋飯跟檸檬紅茶：$88🌕🌕🌖/5 呢個係午市套餐，所以有配3款前菜加餐飲😉個餐飲我諗住係台式風味，但事實係港式凍檸茶🍋麻婆豆腐比較重口味，味道偏鹹，微辣🌶️有少少肉燥，豆腐都好滑，但不推薦，食完有啲口渴😂鹽酥雞炸得剛好，唔會過老，肉都算鮮嫩😊味道正常，冇咩特別調味，食到佢好有特色🤨整體來講，係不會特別推薦嘅一間餐廳，因為性價比不高，食落冇乜特別🥸備注：有加一💰

台式新格調第一次去K11食呢間餐廳，最特別係食到黑色既鹽酥雞😚雖然外表唔太吸引，但味道絕對吸引😆👍👍兩個女仔叫左兩個茶餐，正好lunch 食用😏蛋卷入面餡料好充足，真唔會得個皮入面無餸加上坐位環境舒適，都岩想坐下靜靜傾計既人士

👩‍👧🐽❤️麻吉灶咖的親子下午茶時光～公司在附近，所以已經來過好幾次了，特別喜歡這裡的滷肉飯，豬肉肥肥，非常可口。今次適逢同禮禮去做training , 之後我又可以同我的小寶寶去食下午茶了。今次去k11 art mall 的台灣美麻吉灶咖。因為想要番薯條，所以我們叫了滷肉酸菜刈包配番薯條，仲有千層蘿蔔絲拉餅和抹茶鮮奶，好開心ar😝！🐽滷肉酸菜刈包配番薯條～禮禮好鍾意番薯條，好脆又好香口，刈包好軟綿綿，都好好味，小朋友都好鍾意，不過果汁原來辣的，所以他只可以旁邊白雪雪的包包。整體味道也不錯，不過略嫌滷肉有點細粒，食一啖就冇la …😛🥕千層蘿蔔絲拉餅- 其實等於台灣的千層酥餅，中間放了白蘿蔔，沒有太大特別。😍下午茶可以加錢飲特別的飲品，我叫了抹茶鮮奶，非常大杯。整體感覺也OK，特別當帶住小朋友的時候總會想找一些位置坐得舒服，又不太多人。都幾適合👩‍👧親子約會，下次再去試其他食物。Btw, 去咗幾次感覺，這裏的員工服務也很好，今天仲有個姨姨送了隻鴨仔給禮禮☺️，非常窩心。#焦禮禮日記

装修好靓嘅台式餐厅，嘢食个个颜值都好高，光系睇住都令人覺得胃口大开。嘢食嘅味道都很不錯，好正好有台湾嘅风味，分量又大，系会令人留恋嘅味道，食唔落都仲想打包一份返屋企，饮品的选择都好多，每一杯都好靓，讓人忍唔住想影相。店員態度好好，又热情周到，叫嘢饮仲会贴心嘅问需唔要少甜少冰照顾到每个顾客嘅需要。很不錯的用餐體驗，會再來幫襯

喺正地鐵站入口，一入黎第一間就係，地點非常好。第一次黎食，叫左台式腸，臭臭鍋，蛋餅。腸好唔錯，不過度度一樣應該都唔會難食😂肉鬆芋泥蛋餅有失望，一夾就散哂解體，芋泥係芋頭黎，真係一舊喺入面麻扣臭臭鍋，叫左原味(本身想叫小辣，但員工話原味都係辣既🤣)略嫌佢個火好快熄，就會’king’左層油喺面，味道唔差，不過越食越咸。然後最差體驗係，我地食食下發覺佢冇放到鴨血，同一個年長d職員講左，佢補返幾塊鴨血俾我，但上檯之際俾說話我地聽，話: “係你地攪黎攪去先會冇左！不過算啦！” (一上檯就係相入面既樣，鍋咁細都冇用過湯殼咁滯，好似講到我全心欺騙咁)本身食物真係唔差，真係最後位職員既語氣真係影響左成個體驗，唔想想再黎食。

依間餐廳嘅鰻魚蛋餅同三文魚蛋餅都好好食，推薦大家去食，蛋皮裏面嘅鰻魚同三文魚都好入味，再加上裏面嘅蔬菜真係好正。同埋佢哋嘅三杯魷魚煲都好好食㗎。而且店入邊嘅珍珠奶茶都好正宗。另外佢哋員工嘅服務態度都好好，食完會第一時間幫手清理。下次會再黎吃！

星期六的K11 Art Mall大部分餐廳都大排長龍 見到呢間台式餐廳不用排隊 加甘上裝修清新可愛 所以決定試一試麻辣紅燒牛肉麵 $98牛展有三大塊 有一定厚度 牛展腍身入味 麵是闊身波浪刀削麵 麻香帶點小辣 味道不俗麵係波浪刀削麵，麵質彈牙，牛展都唔錯煮得好腍又夠哂入味小砂鍋三杯魷魚 $148將最常見的三杯雞轉為三杯魷魚同樣出色  味道惹味 九層塔增添了不少風味 魷魚新鮮彈牙麻吉鹽酥雞$78鹽酥雞是大家熟悉的味道 炸粉不會太厚 外脆內保留到雞肉肉汁 鹽酥雞調味剛剛好 鹹度不會太死鹹食物水準不錯 用餐環境亦舒服 值得一試

今日見到有位，餐廳個環境睇落又幾舒服，入咗去食嘢點知中伏。首先個女侍應真係好唔掂，完全令到成餐飯都食嘢無胃口。雖然個經理醒目好多，但serve 客個女侍應真係唔掂。1. 叫普通紅燒牛肉麵，女侍應堅持話個麵係辣，咁佢話幫我走辣，後來問返經理真係有辣同唔辣，唔係自己睇錯。2. 不斷落錯order，將隔離枱嘅order用咗我哋枱號，當我個枱上菜時，個女侍應本身同隔籬枱溝通緊，突然無啦啦擰過頭過嚟問我一句”係咪你?”，基本嘅禮貌都冇，咁我咪問返佢”乜嘢係咪你？”，咁你問人嘢都起碼有少少禮貌同埋問得清楚啲。3. 成餐飯係咁望實晒。我知道有限時75分鐘，當時連60分鐘都未到，不斷想收走你枱面嘅食物，同埋食嘢係咁俾人望住真係好唔舒服。佢自己又冇嘢做，淨係企喺度望住人。4, 第一次食飯侍應收走啲嘢，啲汁會彈到去客人隻腳度，sorry都冇句。其實間餐廳又唔係平，好唔好食都好，無謂去受氣。

叫了一杯鮮柳橙四季春，參考圖片中看似有橙汁，但實物係一片橙，真係就咁一片係杯茶入面浸住，完全沒有鮮柳橙的味道。向店員查詢時她笑而不語或者你以笑遮醜，九唔搭八。同經理講後，他不作解釋和說明直接收走就算，第一次體會到圖片只供參考的大分別，都多謝佢之後拎返兩杯清水俾我。食物方面，滷肉飯好好食，味道很好，飯的軟硬度也很適中。牛肉麵的牛肉略為有點凍，麵條好食，湯頭很不錯，可能因為沒有飲品喝就把整碗湯喝掉了。蚵仔煎就不建議點了，不好食。

麻吉滷肉飯 ($52)：要知道間餐廳嘅質素第一樣就係要試下佢哋嘅滷肉飯😂 細細碗，豬肉同肥膏嘅份量恰到好處，撈飯一流麻辣紅燒牛肉麵 ($98)：麵係波浪刀削麵，麵質彈牙，另外牛肉都唔錯煮得好腍又夠哂入味小砂鍋三杯魷魚 ($148)：三杯係台灣嘅一種料理形式，包括醬油、米酒、麻油。通常出面最常見嘅就係三杯雞，依度都有，不過今次我哋就試左三杯魷魚好似特別啲🤣 味道各方面都調得唔錯，值得一試三文魚明太子蛋餅 ($88)：比想像中大份🤓，蛋餅餡係三文魚、蛋、生菜、肉鬆，加埋重點嘅明太子醬😂 口感豐富得黎仲多左明太子嘅鹹香味🤤 如果蛋皮再薄啲嘅話仲正另外叫左兩款飲品，麻吉珍珠奶茶 ($42) 同埋大甲芋頭鮮奶 ($52)，質素就正正常常啦

📍尖沙咀K11 麻吉灶咖一行四人嚟咗呢間台式餐廳試一試，因為係週末過嚟，所以嚟到已經大排長龍，好彩我哋有book位，好快就可以入到去。入邊嘅裝飾都係行簡約風，而食物選擇就非常之多，我哋都揀咗好耐先嗌到嘢食😂。٩(˃̶͈̀௰˂̶͈́)و• 招牌麻辣鴨血鍋 $188我本身係一個唔太鍾意食鴨血嘅人，但係呢一個鴨血鍋湯底非常香濃，落咗好多香料，而且入邊嘅食物亦都非常之豐富，非常推薦。• 三文魚，明太子蛋餅 $88呢一個蛋餅餡料好多，識落超香濃明太子味，而且口感好滑又唔會漏。• 特製軟殼蟹刈包 $62個包入邊夾咗成隻軟殼蟹，餡料非常豐富，而且調味都好香。包皮亦都唔會太厚，同軟殼蟹非常之夾。• 麻吉三小碗（麻吉滷肉飯、墨汁鹽酥雞、蚵仔麵線）$148個人來講，我就唔太鍾意呢一個滷肉飯，因為佢啲飯有啲硬同埋啲滷肉調味麻麻哋。但個鹽酥雞就非常香脆，最後我地都係仲唔夠喉，另外叫咗一碟鹽酥雞。而蚵仔麵線就普普通通，個人來講就覺得啲蚵仔有少少腥味。٩(˃̶͈̀௰˂̶͈́)و味道：🐱🐱🐱🐱環境：🐱🐱🐱服務：🐱🐱🐱CP值：🐱🐱🐱٩(˃̶͈̀௰˂̶͈́)و

本身對於芋泥情有獨鍾，用芋頭入饌既菜式，除咗反沙芋同糕燒，我最鍾意嘅就係台灣菜既選項。 🍖首先食個臭臭鍋，開一開個胃，的料既種類都係丸呀牛呀咁。但係不得不提嘅一定係佢果件臭豆腐。真係炸到又臭又齒夾留香。但係個湯底又唔會留有嗰陣臭味。 🍖芋泥肉鬆蛋餅，芋泥冇加入太多糖，唔會太甜，感覺天然，蛋皮煙韌，肉鬆爽身香口。配搭得宜。 🍖流心芋泥波波，新鮮炸起，好彩唔喺一啖食晒，唔係就會燙親個咀。 🍺✨️大甲麻糬芋泥奶茶，用上相同嘅芋泥，配合奶茶香，不甜也不膩。

📍地址: 尖沙咀河內道18號K11購物藝術館B2樓B226＆B227A號舖✿😋味道😋：2/5✿🏙️環境🏙️：4/5✿🤵🏻服務🤵🏻‍♂️：5/5✿👀賣相👀：3/5✿💰價位💰：2/5↠⏰時段：Dinner 18:00 ↞ ✦✧ 呢間「麻吉灶咖」就咁睇餐廳名完全唔知咩意思，原來「麻吉」嘅意思是有默契同埋match，指好朋友嘅關係；而「灶咖」喺台語「廚房」嘅意思，料理三餐嘅地方。餐廳主旨將夢想放喺餐桌，將台灣廚房嘅原味道同埋基礎上注入新嘅元素，令台灣佳餚耳目一新。✧✦ 餐廳嘅裝修帶點文青風，而且有幾張卡位，坐得都幾舒服，不過有限時75分鐘用餐時間，而餐廳服務態度整體都好好，不過食物質素真係麻麻，性價比低，分量小而且價錢貴。—————————————————————🧊🌶️🐮❝涼拌麻辣牛展 ❞ $78☞ 呢個牛展，雖然寫麻辣，不過一啲都唔辣，而且份量好小，只有幾片牛展，而個底放咗好多芽菜，牛展味道普通，唔係好入味，不過都算淋。—————————————————————🟣🥚🌮❝ 肉鬆芋泥蛋餅 ❞ $72☞ 呢個蛋餅，算喺食過嘅台灣餐廳嘅幾唔好食嘅蛋餅，雖然蛋餅皮有小小蛋味，但入面嘅材料都幾孤寒，肉鬆同所謂嘅

喺大熱天時要搵餐廳嘅時候就不期然會揀商場內嘅餐廳，今次朋友仔就揀咗呢間位於K11地下嘅台灣餐廳。好彩提前去咗拎位，唔係可能都要喺出面等一段時間先至有位。睇餐牌午餐Menu都有台灣著名嘅鹽酥雞，鴨血，紅燒牛肉麵揀，我就揀咗鹽酥雞配麻婆豆腐飯，平時食滷肉飯就見得多配麻婆豆腐飯都係第一次見。鹽酥雞嘅鹹味，唔算太重，可能係因為食咗麻婆豆腐飯先再食鹽酥雞就冚過咗鹽酥雞嘅鹹味啦。呢個麻婆豆腐飯，都有點兒辣。但係份量都幾十足。而且午餐仲包一杯嘢飲，有檸檬紅茶同鳳梨綠茶揀。我就選擇咗鳳梨綠茶，飲落去唔算太甜，有淡淡的鳳梨味。連埋+1就人均$100鬆啲，性價比都還可以接受。

食物地道，叫左臭豆腐、鴨血、蛋餅、梅子薯條、紅豆綠茶和草莓奶蓋，好正好味。環境靚，裝修特別，坐得舒服，又播放我至愛國語歌曲，如周杰倫、五月天、光良。下次再帶朋友光臨！