麻吉灶咖

Open Now

Now Closed

經過K11見到最近新開咗呢間台灣野，有次中午想食呢間，但返工lunch time有限，要等十幾張飛，所以試唔到。於是的起心肝早少少喺Openrice book位，同朋友叫返夠本試盡佢🤣咁啱坐到卡位，仲有個窗簾布喺旁邊，私隱度都幾高👍🏻麻吉三小碗 (麻吉滷肉飯+ 墨汁鹽酥雞+ 蚵仔麵線)💰HK$148一次過試晒三樣嘢，最推薦鹽酥雞，鹽酥雞好香口，蚵仔麵線比較普通，而滷肉飯啲飯都比較硬身。肉鬆芋泥蛋餅 💰HK$72本身覺得加咗芋泥嘅蛋餅味道應該會好奇怪，點知唔係！原來芋泥同埋肉鬆都幾夾，再夾雜住啲沙律醬同脆口嘅生菜，咁多樣嘢食之中最推薦呢個👍🏻麻婆豆腐軟殼蟹拌麵 💰HK$108見到個名好吸引所以叫咗，但係麻婆豆腐冇咩汁，而且拌麵比較硬，食落口冇乜味，可以唔使特別試🫣酥炸鮮奶 💰HK$52好少喺香港嘅台式餐廳見到呢味餸，之前都係喺台灣夜市見得多，所以叫咗嚟過下口癮。鮮奶唔會太甜，而且表面好酥脆，略嫌鮮奶唔夠口感QQ，都係去返台灣食比較正宗～草莓沙冰芝士奶蓋 💰HK$46啲沙冰酸酸甜甜好開胃，再夾埋有少少鹹香嘅芝士奶蓋，好邪惡但係好好飲😋

聽講尖沙咀開左間新既台菜餐廳主打臭臭鍋，作為一個臭臭鍋同台式臭豆腐lover，就梗係要搵日試下佢！呢間餐廳位置好方便易搵，喺正K11地鐵站出口第一間鋪就係，裝修新淨走小清新路線，坐得舒服。星期二晚市等左一陣就入得～麻吉臭臭鍋 $188：約二人份量，上枱有一個小火爐熱住，邊滾住邊食。入面有牛肉片、臭豆腐、枝竹、鴨血、豬大腸、鵪鶉蛋、花枝丸貢丸、娃娃菜等既食材。雖然$188既價錢唔平，但小護覺得佢既食材尤其牛肉同雙丸都係有質素既。湯底略嫌唔夠臭，主要係麻辣，比較濃味，入面仲有一粒粒花椒，餸飯一流。👍👍👍👍🏿👍🏿鹵肉酸菜刈包 $46：刈包香軟，夾住控肉(五花肉)、酸菜、花生粉同芫荽，食落咸咸甜甜，好味！略嫌控肉唔夠大塊，同埋可以再肥啲淋啲，其他都很好。👍👍👍👍👍🏿蚵仔煎配海山醬 $78：$78一份蚵仔煎感覺有點小貴，而且份量都算唔多。上菜比較特別係用鐵板上。不過味道都唔錯，地瓜粉比例較多，加上粒粒蚵仔，食落滑溜溜，海山醬既味道都配搭得唔錯，就係CP值有點低，可試可不試。👍👍👍🏿👍🏿👍🏿性價比：我地叫左上面三個餸，加左兩個白飯，人均$200內。總體味道同質素都唔錯，就係價錢以台灣菜黎講偏貴左少

看到K11 Art Mall有一間新開的台灣菜，就想著試新餐廳的念頭試一下，當時正值4:45，店員告知我五時後才有東西吃，但依然邀請我進店內先坐下等，可能因為店鋪比較新，客流量不多，所以我一個人都有幸被安排坐到卡位，餐牌上的食物選擇挺多，不過我一個人吃，就只點了一碗紅燒牛肉面（$92）加溏沁蛋（$12）紅燒牛肉面（$92）牛肉及紅蘿蔔挺軟淋，面質寬度是我喜歡的，可惜湯汁沒法滲透到麵條里。溏沁蛋（$12）每次見到都會想家的溏沁蛋，這只是鹵水味的，味道正常發揮，不錯。下次有機會都想試它的三吃。

尖沙咀K11 Art Mall 最近新開左間台灣餐廳，環境裝修幾靚，適合三五知己朋友聚餐🥰今次試左幾款野食，味道都唔錯😀🦞麻婆豆腐軟殼蟹拌麵 $108上枱熱辣辣，豆腐軟滑，如果可以再辣啲會更好，軟殼蟹外皮香脆，拌麵煙韌有咬口🐮麻辣牛肉豐盛鍋 $178熱鍋滿載多款食材，包括台灣香腸、墨魚丸、豬肉丸、肥牛、枝竹、鵪鶉蛋、金菇和娃娃菜，麻辣牛肉湯湯底濃郁，可以同朋友開心Share▪️前菜🐷涼拌豬耳朵 $62 涼拌豬耳口感爽脆，醬汁微辣開胃🍆黃金茄子 $62 茄子切成條狀，鹹蛋包住茄子炸後好惹味🥫香菇肉醬秋葵 $68 秋葵切半，吃起來黏滑清脆非常有層次感🍳鰻魚芝士蛋餅 $98 每嚿蛋餅上都有輕輕炙燒過嘅鰻魚😍面層嘅芝士醬未食已經覺得好邪惡😆入面有肉鬆、芝士同椰菜，配上美乃滋幾惹味🥰🥠蚵仔煎配海山醬 $78 用鐵板上幾特別，粉漿略厚，如果蠔仔多啲會更理想🍊鮮柳橙四季春 $42 🧋麻吉珍珠奶茶 $42餐廳有提供多款台式飲品，推介柳橙四季春清新有助解膩🤓另外仲有其他芝士奶蓋系列和芋頭拿鐵🍍手作鳳梨脆脆配抹茶冰淇淋 $78鳳梨脆脆加入鳳梨同雪花酥的元素，配上抹茶雪糕甜甜鹹鹹值得一試

The newly opened Match2 offers a delectable selection of Taiwanese-style dishes that are sure to tantalize even the most discerning palate.One of the standout dishes is the Gua Bao that features a soft and moist bun filled with tender braised pork belly. The pork belly literally melts in your mouth. The crispy fried chicken on the other hand provides a satisfying crunch.Another highlight is the Salmon and Mentaiko Taiwanese crepe, which boasts a thin crepe with a strong egg flavor. The combinat

中午特登由中環過去食，諗住食餐美味台灣菜，去到門口，知客話要我企係門口揀咗食咩先可以入座，我唔明咩玩法，但我都聽佢指示照order, 已經感覺唔良好，點解要企喺門口度order, 價錢並非快餐或茶記價錢以為食物會攞返分，點知個滷肉乾面加蛋，完全冇味，個所謂餐飲當然亦冇味，唔明點解有人會讚，個乾面係好多水，滷肉係好似食剩咁得幾粒兼冇味，連隻蛋都可以唔好食唔會再去，服務同食物都唔得

🥘麻吉臭臭鍋 $188臭臭鍋有驚喜‼️足料多餸有臭豆腐、豬大腸、貢丸、花枝丸、鴨血、娃娃菜、鵪鶉蛋、金針菇，炸枝竹、肥牛，全部餸都好入味，吸汁，好有台式火鍋嘅風味，湯底濃郁，臭豆腐味道好出，揀咗微辣😝，啱晒重口味人士👍🏻🥞肉鬆芋泥蛋餅 $72台式蛋餅真系好好食，蛋香味十足，厚蛋餅包住滿滿的肉鬆，加埋甜甜的芋泥，超邪惡😈🍗墨汁鹽酥雞 $88加左墨汁炸，外面系黑色，鹽酥雞香口外脆，冇骨，微辣惹味🌶️，仲加左飛魚籽，不過感覺上炸粉較厚，肉少啲🫢🍳麻吉坷仔煎 $48坷仔煎細細份，台式夜市小食，亂畫炒蛋加粒粒坷仔，配上甜辣海山醬😆🍧草莓沙冰芝士奶蓋 $46大大杯夏天消暑之選，厚身香滑奶蓋🥛，士多啤梨沙冰🍓香甜有果肉，.✨新開台式料理環境靚坐得舒服，野食款式多，好滿足

5月頭約了朋友在這間餐廳午膳,原本book左一點,大安旨意以為好快入得。但一點去到,發現入面已坐滿人,這間其實都好大間,但都人頭湧湧。外面又不斷有入等位...仲要大部分同我一樣有訂枱的😂最後等左四五個字先入得,餓到暈🥺雖然係甘,不過都要讚讚下侍應們,佢地做野好快手,超快落單,d食物又好快送過來👍仲有佢地好有禮貌,不斷同我地say sorry朋友個牛肉湯麵,正常味道,都0k~我個滷肉麵味道ok,但d滷肉全部都好肥😂😂配菜味道也可以~兩杯菠蘿綠茶還可以坐就坐得舒服,環境不錯,又寬落不過如果次次lunch都等甘耐,真係會令人卻步🥲

今次同👦🏻去左k11呢間新開既台灣菜試吓🇹🇼餐廳主打台灣夜市小吃、麵食、茶飲同甜品等 價錢唔貴 但份量都好足😍當日平日夜晚去 已經座無虛席 好食既野當然大把人搶啦👍🏻▫️蚵仔煎配海山醬用熱煎pan呈上熱嘅柯仔餅 再淋上滿滿既濃郁海山醬 蚵仔飽滿 口感好順滑 份量好多 蛋香味十足🙌🏻▫️特製軟殼蟹刈包去台灣必食既刈包 再配合埋我自己鍾意嘅酥脆軟殼蟹🦀滿滿既軟殼蟹肉 口感好滿足🥰▫️鰻魚芝士蛋餅平時好少食到呢個配搭 亦都係佢哋嘅招牌菜🔥滿滿既芝士充滿䶢香味 鰻魚厚身無骨 鋪起面層 配埋裏面系肉鬆同生菜🥬蛋餅口感勁滿足👍🏻▫️小砂鍋三杯雞滿滿嘅九層塔鮮香味十足 配埋嫩滑既雞肉 小砂鍋下面有個火爐 會一直熱住🔥味道一流🙌🏻▫️麻吉滷肉飯一碗兩個人share岩岩好 滷肉飯既精髓就係入味既豬肉碎混肥膏 唔會好鹹 滷肉味香濃！▫️紅豆抹茶鮮奶飲品方面佢哋嘅選擇都好多 👦🏻想飲呢款 紅豆味香甜軟糯 抹茶味香濃

尖沙咀K11新開咗呢間新開台灣菜，門面好吸引，好容易搵到，餐牌主打台灣地道菜，款式多樣，都好吸引！🔸紅燒牛肉麵湯底香濃帶點麻辣香，牛肉厚身之餘夠軟腍，口感非常好，而且好入味，刀削麵條彈牙有咬口，索盡湯汁好濃郁🔸肉鬆芋泥蛋餅經典台灣小吃，以芋泥同肉鬆為主要食材，蛋餅皮非常透薄夠柔軟，蛋餅內包滿芋泥同芝士，口感豐富🔸墨汁鹽酥雞炸到非常酥脆嘅鹽酥雞，賣相好特別，用上墨汁炸成黑色嘅外皮，外脆內嫩，炸粉好薄，配上三文魚籽及辣味蛋黃醬，香口又惹味！🔸特製滷肉酸菜刈包麵包好軟熟，夾住經過滷肉同酸菜，味道鹹香好惹味🔸手作鳳梨脆脆酥配抹茶冰淇淋賣相好精緻嘅甜品，入面有鳳梨粒、脆酥、糯米皮加一球抹茶雪糕，整體味道酸酸甜甜 ，口感豐富得嚟又幾清新🔸檸檬愛玉冬瓜茶爽口解渴，加入愛玉增添口感🔸草莓沙冰芝士奶蓋飲落好fresh，芝士奶蓋好香滑，芝味香濃，入面食到有果肉

是夜2️⃣人大約晚上6️⃣時唻到晚餐，當時只得幾枱客人。畢竟餐廳新開不久，裝修新淨光鮮，卡位坐位舒適。試咗：麻吉紅燒牛肉麵🍜💲9️⃣2️⃣：本身落單係叫辣嘅，可惜店員雲遊太空般落錯單，唻咗普通嘅，為免浪費，唯有照食。湯底雖香，但唔夠熱，麵質尚算軟滑，肉質亦算軟腍。份量偏少，整體普普通通，冇咩特別。麻吉三小碗🍜🍚🍗💲1️⃣4️⃣8️⃣：※滷肉飯：餸汁偏少，味道一般，唔香亦唔濃。※蚵仔麵線：蚵仔較腥及韌，麵線碎碎，味道一般。※炸雞：算係較好食，皮脆肉唔嫩。麻吉珍珠奶茶🧋💲4️⃣2️⃣：無論質地及味道均一般。烏龍奶茶🧋💲3️⃣7️⃣：無論質地及味道均淡如茶水，以台式飲品唻講，確實中下水準。整體而言，食物及飲品質素均實屬好一般，以如此價格，恕難回頭。※食飽離開時，餐廳已座無虛席。希望餐廳有機會提高食物及飲品質素，繼續客似雲來。※

呢間新開嘅台灣餐廳麻吉灶咖位於尖沙咀ᴋ11 ᴀʀᴛ ᴍᴀʟʟ以台語「麻吉」好朋友同「灶咖」廚房為名👯‍♀️主打多款創意台式料理 講得出嘅呢度都有食物質素都唔錯 同麻吉一齊食飯又多個選擇！ᨒᨒᨒᨒᨒᨒ❀ 麻吉臭臭鍋♡重口味人士必點！呢個鍋細細地但超足料有齊臭豆腐、豬大腸、貢丸、鵪鶉蛋、肥牛等等重點係小辣湯底十分惹味 辣度可以自由選擇 如果唔食臭豆腐仲有其他鍋 十分推薦！👍🏻❀ 紅燒牛肉麻婆豆腐拌麵♡麻婆豆腐醬好濃郁好惹味 配上彈牙嘅刀削麵真係一流！不過紅燒牛肉就相對普通 偏乾身同唔太入味❀ 麻吉蚵仔煎配海山醬依家先知原來蚵仔煎上面呢啲叫海山醬🤣粉漿比例做到幾好唔會全部都係粉❀ 三文魚明太子蛋餅第一次食到呢個配搭嘅蛋餅幾特別 略嫌蛋皮有啲厚 ❀ 青花椒鹽酥雞 配辣味蛋黃醬第一次食青花椒感到新奇 配埋鹽酥雞食都幾有風味辣味蛋黃醬味道偏淡辣味唔太突出 ❀ 四季春芝士奶蓋 / 蜜桃沙冰芝士奶蓋芝士奶蓋好厚身 幾重芝士味兩款味道都偏甜 建議嗌少甜會好啲～

尖沙咀台式餐廳今日去尖沙咀行街，好耐無食台灣野，見到呢間餐廳好靚，有好多台式料理。菜單設計好靚，圖文並茂，感覺非常吸引環境舒適氣氛悠閒，座位不多～明亮的環境設計適合約會或朋友聚會，晚上非常熱鬧，可能要等位，另收加一服務費麻吉臭臭鍋 $188可以選原味/小辣/ 中辣/大辣，原味是微辣，而且好夠臭，足料有：水煮臭豆腐、豬大腸、貢丸、花枝丸、薄切鴨血、娃娃菜、金針菇、炸枝竹、辣肥牛等等，熱騰騰的，愈食愈臭😝红燒牛肉麵 $92彈牙的台灣手工製麵條配上軟身的牛展和蘿蔔，不錯👍🏻黃金茄子 🍆$62鹹蛋黃炸粉包着軟腍的茄子、、邪惡之選草莓沙冰芝士奶蓋 $46濃郁的奶蓋甜甜的草莓沙冰，天唔會太凍，推介鮮鳳梨四季春 $42清新幾好飲服務質素：7/10環境舒適度：7/10ᶘ ᵒᴥᵒᶅ個人口味評分：7/10

🔥不設限時但入座後45分鐘(上菜後30分鐘都冇)就叫你埋單明催你走🔥難得今日準時收工，夜少少喺附近做treatment，雖然一個人食，但都想食餐靚靚地又好味嘅晚餐relax吓，之前同朋友食完飯行過見到呢間餐廳裝修咁靚而又係我最鍾意嘅台式菜，都好期待下次黎試，咁啱今日順路又見佢大把位，於是就入去試吓啦！可惜發生極不愉快簡直係忿怒嘅經歷‼️6:13pm - 入座6:16pm - 完成落單6:22pm - 飲品黎到6:32pm -1. 主菜拌麵黎到，打緊咭拍緊片嘅時候，突然放樽牙籤埋黎，攪到條片要NG，問題係野食剛到就比牙籤？一般餐廳都係見客就食完先拎黎2. 因為覺得食物好靚想post IG story，正當我撳緊電話嘅時候，突然有職員走埋黎好快咁一手收晒我枱上用過嘅紙巾同飲管袋，仲想收埋我用緊果張自己帶黎嘅濕紙，當時我好狼狽即刻話「唔係呀，我要㗎」，佢仲話「唔係呀，我比一陣比過張你呀」，問題係咁你收人野之前係咪應該講一聲？同埋我張濕紙巾係摺到好整齊放喺度，你地餐廳邊有濕紙巾供應？6:58pm -拎張單黎放喺枱叫你埋單，當時我真係好㷫🔥唔想埋單住，但算！飲多兩啖埋左先，之後再慢慢飲埋佢，點知埋

約左朋友去K 11拎嘢，一出地鐵見倒有間新開台灣菜 - 麻吉灶咖，餐牌主打台灣地道小吃、麵食、仲有茶飲同甜品等；裝潢文青可愛風，卡位有薄薄輕紗簾私隱度高又坐得舒服！梗係立即排隊入去食！🍗🍚麻吉三小碗 $148  (包括有麻吉滷肉飯，墨汁鹽酥雞同蚵仔麵線)一次過滿足哂三個掛住台灣嘅願望！太完美了！🍚麻吉滷肉配上切成條至粒狀嘅半肥瘦嘅滷肉，啖啖香濃多肉汁，香而不膩！滷水味咸淡適中。每一啖飯都食倒啖啖滷肉！🍗炸至酥脆嘅鹽酥雞，以墨汁作底形成黑色嘅外皮，外酥內嫩，香口又惹味！蚵仔麵線有蚵仔、油條同冬菇等配料，麻油味香濃，十分正宗！🦀🍜麻婆豆腐軟殼蟹拌麵 $108火紅色嘅麻婆豆腐，醬汁香濃，豆腐口感軟滑，帶點微辣易入口！炸至金黃嘅軟殼蟹外皮酥香脆口，手工拌麵煙煙韌韌帶點咬勁，十分掛湯汁！🍮麻吉芋圓愛玉 $68 甜品當然要點芋圓！中間大大個雲呢拿雪糕球，下面有一個芋頭蓉，配料有雙色芋圓、愛玉、紅豆蓉、珍珠同鳳梨肉；樣樣都咁好味！大滿足！🧋飲品點了抹茶鮮奶🍵$46同鮮鳳梨綠茶🍍$42，朋友嘅抹茶香濃回甘，我嘅綠茶清甜可口，兩款都好味！麻吉灶咖Match2地址 📍尖沙咀 K11 Art Mall B2