Read full review
2013-12-17
139 views
---「醬油豬骨拉麵」---首先,容許小弟係寫食評之前想寫少少關於「松壱家」嘅資訊~~~ 「松壱家」---於1998年4月23日,神奈川縣‧湘南藤沢誕生。 「松壱家」---屬「家系」拉麵 (橫濱市) 「松壱家」---日本擁有5間分店,香港分店應該係「松壱家」嘅第6間分店。 「松壱家」藤沢本店係日本網站「食べログ」嘅食評得分係3.03...分店得分大槪係3.08-3.40。 P.S : 「食べログ」若評分達到4.00以上...該食店可視為人氣食店。 事源,小弟係網上得知日本「松壱家」係銅鑼灣開分店...於是就係開店首日(12月13日)去試食。 令到小弟去幫襯「松壱家」其中一個原因係香港好少有地方可以食到「家系」拉麵...故此引起小弟嘅興趣。 依家就等小弟發表一下「松壱家」香港銅鑼灣店嘅食後評價。 賣相方面(圖左中) : 基本上都將啲配菜排得整齊。將塊叉燒放係正中間,吸引到我去留意整個賣相。幾好~~~ 配菜方面(圖上一、三、左中、下一、二) :「家系」拉麵基本上係會有叉燒、大型紫菜、菠菜等主要配菜。另外「家系」拉麵係會用蛋作為裝飾之用。所以用鵪鶉蛋係可以理解。香港分店係依一方面都有
首先,容許小弟係寫食評之前想寫少少關於「松壱家」嘅資訊~~~
「松壱家」---於1998年4月23日,神奈川縣‧湘南藤沢誕生。
「松壱家」---屬「家系」拉麵 (橫濱市)
「松壱家」---日本擁有5間分店,香港分店應該係「松壱家」嘅第6間分店。
「松壱家」藤沢本店係日本網站「食べログ」嘅食評得分係3.03...分店得分大槪係3.08-3.40。
P.S : 「食べログ」若評分達到4.00以上...該食店可視為人氣食店。
事源,小弟係網上得知日本「松壱家」係銅鑼灣開分店...於是就係開店首日(12月13日)去試食。
令到小弟去幫襯「松壱家」其中一個原因係香港好少有地方可以食到「家系」拉麵...故此引起小弟嘅興趣。
依家就等小弟發表一下「松壱家」香港銅鑼灣店嘅食後評價。
賣相方面(圖左中) : 基本上都將啲配菜排得整齊。將塊叉燒放係正中間,吸引到我去留意整個賣相。幾好~~~
配菜方面(圖上一、三、左中、下一、二) :「家系」拉麵基本上係會有叉燒、大型紫菜、菠菜等主要配菜。另外「家系」拉麵係會用蛋作為裝飾之用。所以用鵪鶉蛋係可以理解。香港分店係依一方面都有做足...最重要係冇放錯配菜。證明香港分店係有做到功課。
麵條方面(圖上二) : 「中太直麵」係「家系」拉麵嘅其一特徵。香港分店都用左「中太直麵」。因為小弟覺得濃味湯底配「中」或「中太麵」係最好嘅組合!!! 不過又一次證明依間香港分店的確係做功課。
而掛湯能力唔差, 起碼小弟食毎一啖嘅時候麵都會有湯掛住,同埋會食到有少少麵嘅麥香味...依一點係值得一讚!!!
叉燒方面(圖左中) : 叉燒係成碗拉麵令小弟最滿意嘅部分!!!
經詢問店員後...原來叉燒係用左腩肉部位!!! 因為「腩肉」係小弟覺得最好食嘅部位!!! 肥瘦比例大約6:4。而且依塊叉燒煮得夠腍又入味~~~小弟食個陣係唔洗點咬就已經係口入面融化左咁滯!!!
但亦可能因為腩肉嘅價錢比較貴...叉燒大小方面會比較細塊...
湯底方面(圖右下) : 「家系」拉麵嘅湯底會用上豬骨、去肉雞骨、蔬菜、昆布等配合醬油醬料而成。湯底呈茶色居多。以濃厚嘅「豚骨醬油味」而聞名見稱~~~
香港分店熬嘅湯底夠濃厚。開頭會飲到強烈嘅豬骨味...但後尾只係飲到些微嘅醬油味...小弟估計熬湯嘅時候,兩者用嘅比例大概係7:3,所以醬油味相對地變薄咗。亦可能係因為咁...湯底顏色偏黃,並冇呈現到茶色。
所以小弟覺得成個湯底最大嘅敗筆嘅係豬骨同醬油嘅平衡做得唔夠好...因為「家系」拉麵比較著重「湯底」方面。湯底唔夠好嘅話就會連其他方面都相對扣分...
而香港分店現階段嘅湯底嘅豬骨味較強,但係醬油味只係隱約飲到...
湯底小弟認為尚算合格,但未達到小弟所期望嘅位置...
整體 : 整體表現我會俾「中等」依個評價。因為依碗「醬油豬骨拉麵」的確係有進步嘅空間~~~!!!
至於叉燒小弟十分滿意!!! 另外麵條有小麥香味屬意外收穫~~~
唯一湯底小弟認為將醬油嘅比例落番重少少...提昇番醬油味,改良到去5:5或6:4,做到兩者嘅味道更為分明突出!!!
如果香港分店係之後嘅日子真係有改良嘅話...相信「松壱家」銅鑼灣店可以係香港嘅拉麵戰場入面可以佔一個較高嘅席位~~~
此外,其實小弟利用左新開張期間半價優惠試左兩碗「醬油豬骨拉麵」...第一碗還可以...但係第二碗個湯底嘅醬油味完全係消失得無影無蹤...可見新開張嘅「松壱家」銅鑼灣店嘅品質控制有待改善...
不過小弟依然期待湯底改良版本嘅「醬油豬骨拉麵」~~~!!!
Other Info. :
新開張期間半價優惠為12月13日-15日,時間為早上11:00 - 晚上7:00。
活動已完結。
(The above review is the personal opinion of a user which does not represent OpenRice's point of view.)
Post