美心小品

Open Now

Now Closed

幫襯咗好多年，都係第一次寫食評。美心小品由裝修前，即係2013年開始已經係我成日去嘅cafe，記得嗰陣仲有A-level，日日放學就走去溫書加食飯。裝修後其實都嚟過一兩次，但係覺得同以前其實分別都幾大，特別係冇咗嗰種好溫暖嘅感覺，變咗一間普通俾人去食飯嘅Cafe。不過個款式上係比以前多，我哋呢日就叫咗青口魚粒芫荽青醬糙米飯同埋日式炸雞咖喱意粉，特別鍾意個飯因為芫荽味濃，真係幾好食。至於咖啡就同以前差唔多，只係有個別侍應態度都幾冷淡，唔係話唔可以心情唔好，不過以客人觀感來講就唔係幾好⋯⋯如果俾我揀都係鍾意以前嘅美心小品多啲😌

行街經過見到呢間西式快餐店好吸引咁，好靚，又有焗薯、burger、意粉之前都食過2次，今日又去食🍟薯條🍟 跟餐+ 💰$12每次都必叫嘅！炸得好脆好好味，好過m記多多聲！相比起簡直天同地，雖然價錢貴少少，但一分錢一分貨嘛！🐠脆炸魚柳漢堡🍔 💰$40勁好食！我超鐘意炸魚柳，咩地方有我都會揀嘅，今次呢個又脆又入味，魚肉超滑！burger包夠熱又脆身，食落成個感覺十分好，係新鮮即做嘅熱辣辣！有誠意！連埋我最愛嘅沙律醬，冇得輸！🐥黑醋脆雞漢堡🍔 💰$39一樣嗰包都係熱辣辣，黑醋味酸酸甜甜好開胃，雞好滑又大件，不過個人都係喜歡炸魚漢堡多啲🎃南瓜湯🥣 跟餐 +💰 $12好濃好足料嘅南瓜，略嫌唔夠滑唔夠香，有改進空間🧄蒜蓉法包🥖 跟餐 +💰 $12好香脆，但今次唔夠第一次咁好味咁濃味🧊凍奶茶🥤轉凍飲 +💰 $4正常味，不過不失，點都係茶餐廳茶走最啱我～總括，雖然貴m記一個double，但味道、賣相、美味程度遠超前者，如果經開，我都會食！Total💰$119另外，佢仲有好幾款蛋糕，外表都幾靚，但太飽無食～

放假簡簡單單都會留喺屋企附近的商場行逛～～比較喜歡食下意粉，Chill一下！今次嚟到坑口呢個Cafe 坐低，格局完全唔似快餐店。 煙肉沙樂美腸意粉配蒜蓉多士是必點的，很喜歡這個意粉的醬汁，香滑又唔太濃味，還有一陣陣蒜香。另外加點了肉醬意粉，因為俾小朋友食，肉醬同意粉分開上，肉醬味道是沒有香草味的，有一種簡簡單單媽媽煮嘅感覺，我好鍾意。當然要加配香辣薯條，炸得香口唔錯。餐廳環境有懷舊簡單嘅感覺，坐得來都好舒服。

星期日，一早起身要做返工野。🥲🥲好彩姐姐放假，可以全程將阿仔交左比姐姐照顧。為左下晝可以出街，成朝係咁對住部電腦🤓🤓🤓眼都唔眨，開行turbo希望盡快攪掂。做到一點幾，做得一半都未有。😩😩唉，大件事，開始肚餓添。肚餓既人係最脆弱既，唔駛講，工作既efficiency 同effectiveness 都跌到最低點。走😤😤😤決定帶埋阿仔出去抖抖。「我要咖啡，我要舒服hea，我要自成一角。」又係坑口。。。。。。😆經過見到好大個counter同咖啡機，裝修光猛舒服，雖然大排長龍，都決定等。等左十五分鐘，前邊已經入左差唔多6至7張檯，入座都算快。係等既過程阿仔已經訓著左。yeah! 我要既舒服hea，得左✌🏻✌🏻✌🏻✌🏻可以睇定餐牌先：揀左牛油果雞排漢堡，一個包要$42😅😅😅另外要加$13先可以有cafe latte。如果再加薯條，成一個餐要差不多$70。另外再叫一個青口糙米飯$63，加$15要焦糖咖啡。唸好晒食咩，咁岩侍應哥哥就示意我地可以入去。「向前邊行轉左喇」見到入邊既雙人座位都要排排坐，帶住阿仔真係有d唔方便。正當擔心緊咁迫點坐既時候，一望向左邊，嘩，係咪咁好呀，真係比左個小角落我～超開心

新興市填TKO真係冇嘜小店能夠生存得到，呢間美心集團嘅餐廳，走中檔路線，價錢當然不及快餐店平。仲要係半自助形式添，先要自己搵位，然之後點餐要出去付款，收銀員會比牌你放在枱上有店員為你送餐，而飲品就要自己取😅英式早餐$58包括有豬肉腸，煙肉，炒蛋，茄汁豆，蕃茄，多士，味道一般。炸魚柳$47一大塊炸魚柳，炒蛋，蕃茄，多士。炸魚柳還可以，不過不失。唯一可取就是跟餐嘅咖啡尚可，大大杯。

今日係消費券嘅第一日，商場食肆全部都人頭湧湧，平日都係堂食嘅美心小品，門外已經有一條長長人龍，所以決定外賣回家舒舒服服食⋯⋯點知⋯⋯味道尚可，但意粉⋯⋯好硬⋯⋯好乾⋯⋯真係乾同硬。同平日堂食絕對係兩回事，我唔排除因為今日人多所以有疏忽，但絕對唔會再外賣 ❌如果堂食唔好，我可以即時反映，但滿心歡喜外賣回家食，遇上咁嘅質素，已經冇咩可以補救。其實外賣質素唔好，好影響食客對餐廳嘅熱情，質素差可能連堂食都唔會再去。 呢個方面真心希望有做外賣嘅食肆注意⚠️

一开始因为美心小品的鲜奶咖啡（拿铁）喜欢上这家的早餐，鸡扒🐔和鱼柳🐟都很不错，肉质鲜嫩入味😋某天再来吃早餐没想到拿铁☕️直接缩水到原来的一半了，看着半杯高的拿铁有种深深的被欺骗感！😠😡再也不会来吃了

餐廳環境好靚，好舒適嘅咖啡店設計，好光猛，打卡一流。咖喱炸雞意大利粉，放喺上面嘅香蕉，微微煎香咗，幾甜，口味幾特別，個咖喱汁係bb辣，但味道唔係咁啱我口味，啲炸雞份量ok，咬落去都juice，個面嘅軟硬度適中，吸左啲咖喱味都唔錯。加咗錢要咖啡，味道香濃，有淡淡的咖啡香味。

12點幾到達，等咗5分鐘就入得，依家係有人帶位，但枱與枱之間都比較近，座椅坐得好舒適，成間餐廳設計都好靚，侍應都係年輕有活力，要行返出去收銀處叫餐，之後拎飲品，然後拎住號碼牌坐返埋位，侍應會直接上菜。叫咗豬肉牛肉腸意大利粉，個醬汁幾好食，但係略嫌鹹咗少少，意大利粉嘅份量足夠，個蒜蓉包好香口，仍然是脆的，有手掌加手指咁大塊，個餐加$9可以叫杯嘢飲，飲料份量都比較大，但係選擇唔多。另外加$12叫咗個辣味薯條，薯條唔算好脆，有啲啲冧，但係加埋個辣粉，都算幾野味。

今早來到這間美心小品吃一個豐富的英式早餐，雞扒，炒蛋，牛油多士，焗茄汁豆，加埋我最喜愛的凍檸茶。多士鬆脆，雞扒多汁，炒蛋一般，但環境舒適值得加分，早餐$45凍飲加4蚊，買單一共$49，算不錯😊

有一日見到呢一間嘢食 同埋環境都唔錯 裝修得仲好好睇 成個環境俾人覺得好舒服 主菜方面都幾好食 意粉呀同埋漢堡包嗰啲都做得好好食 隨後跟餐就嗌左一杯凍港式奶茶 但係就係呢一杯嘢飲 搞到冇mood 我唔係啲乜嘢食評家 但係呢一杯嘅奶茶真係整得有啲離譜 唔係講笑可以飲到你頭痛😂用枝吸筒搞一搞 諗唔明嘅係點解入邊會仲有未溶嘅砂糖糖粉 都算 諗住搞一搞冇乜嘢 點知仲有😂同埋沖凍嘢飲點解唔係用糖漿 你講沖熱嘢飲我都可以明白落砂糖 但係一杯凍嘅嘢飲 點會用砂糖 就算真係要用砂糖 係咪都整少少熱水令佢溶咗先.. 仲要落咁多 攪極都唔溶。。。

<英式早餐 $58>🌱開工前，預留30分鐘食早餐！飲晒杯野飲！看出窗外，鳥語花香。早餐能提供一整日的能量，個胃都精神啲。比趕頭趕命的日常，今日賺左一個早上，令心情靚足半日🥰🍽豬肉腸、煙肉、炒蛋、茄汁豆、番茄、多士☕️這裡的咖啡比較燶，fully roasted，即使落左全脂奶伴都救不回來。因此平時愛飲咖啡的我，在這裡比較喜歡奶茶。🪑這裡是自助快餐式Simply Life，食物製作都幾認真。請留意返，食物係即叫即整，所以要等一陣。要在門口等帶位，之後出去廚房落單，返位等食物送到。

每次有機會入到黎將軍澳，必定會去美心小品食返個英式早餐，入面有豬肉腸，煙肉，炒滑蛋，茄汁豆，焗番茄同2片多士，加錢要多杯熱朱古力，味道雖然普通，但成個早餐好豐富又飽肚又滿足。

將軍澳比人嘅感覺係無咩好嘢食😹又或者可能只係我覺得啦～但最近比我發現到一間唔貴又可以打卡嘅cafe！！😻呢間真心推介😹👍🏻想即刻食完再encore嘅cafe～星期六嘅下午茶時間黎到都算多人，但都好好彩唔洗等位👍🏻餐廳啲座位基本上都舒服，打卡都唔錯嘅，有啲係二人平排坐對窗口嘅、亦有沙發位、靠牆(假窗)等等😻😻😻👆🏻下午茶餐牌👇🏻選擇都幾多，漢堡、焗薯、三文治，飽肚啲仲有意大利飯、意粉～價錢由三十幾到六十不等～👇🏻青口芫荽青醬糙米飯🍛($60)，份量比出面一般嘅意大利飯多，賣相又靚，打卡都呃得下人～而且每個飯/意粉都有一片蒜蓉包🥖好香濃嘅蒜蓉味🧄同埋青口都算多，食落好似仲有啲魚柳添😹而芫荽味就無乜，所以都ok嘅～👇🏻小品芝士牛肉漢堡🍔塊牛肉大大舊，而且唔乾幾多肉汁～而芝士、番茄、生菜係漢堡完美嘅配搭😹😆重點唔貴👍🏻加左9蚊又有嘢飲🍹同埋加左10蚊要個👆🏻辣薯條🍟全部大大條，加埋辣粉簡直正～女仔食嘢點少得甜品😹見到啲蛋糕唔錯，叫左件試下～開心果忌廉紅茶蛋糕🍰開心果幾濃味，蛋糕幾鬆軟👍🏻而且唔會好甜！！試得過！

又約朋友食飯，再唔約可能又要推遲了…周圍都好多人，最後揀咗呢間其實佢個餐牌D相幾吸引，最初係俾焗薯吸引咗，後尾見到佢有相當有趣GE 香蕉咖喱炸雞意粉，決定叫佢。朋友揀咗果仁菠菜豆乳飯。我再加埋個湯。先上是日餐湯，即蘑菇湯。一飲就覺得真係唔值$10。湯唔夠熱，蘑菇味有D假…佢係好有蘑菇感，但係調得唔夠好飲。唔夠熱可能真係扣咗好多分。飯到，賣相麻麻，同相差好多。好在夠熱，同埋佢係糙米飯，但食落又唔會好鞋口，所以比想像中好。果仁都夾GE，但略嫌太少。菠菜係珍貴GE…其實多D料會開心D。法包同呢個飯唔算好夾，純綷綽頭吧？意粉到，望到有香蕉係上面真係幾特別。咖喱少少辣，連埋炸雞相當好。嘗試連埋香蕉一齊食，口感怪怪。但係食完一啖咖喱飯再食一啖蕉又幾夾，可能呢個係唔撈得埋GE，所以整體其實相當好。可以更好GE地方會係炸雞少D粉，多D肉會好D，因為有一啖成啖都係炸粉又真係講唔過去，但呢個係值得一試GE!其實呢間餐牌賣相相當吸引，而且平，可能因為平，拉低咗質素...