美心皇宮 (Moved) New Location

想要去吃星期二餐廳,但小姐說最少也要等45分鐘,迫著要放棄,之後又要想7時那裡會有位吃飯呢?先上了7/F,看到了美心,對哦,可以吃這家。大概是8成滿吧,幸好還有位子。本想要吃海鮮餐的,但發現..只有星期一至五才供應囉。叫了乳鴒2隻,叫了半份例湯,蝦醬炒通菜,梅菜扣肉。先來的是湯,冬瓜瘦肉,那會難喝的呢!而且還有不少湯料可以吃,點醬油,又是一碟菜囉!乳鴿很小隻,而且也沒有什麼肉,幸好夠味道,不過..我覺得是普通,而且有點太油。沒有蝦醬味的炒菜,勝在量夠多囉。最後的梅菜扣肉讓我整整一碗飯都爬光!好久沒吃過那樣夠味又不死咸的梅菜,扣肉看起來很胖,但吃起來還好,還有點咬感,哈哈。但不敢吃太多囉...。

地盤大PROJECT竣工，工頭請飲茶，一行七八十人到美心皇宮。有餐晏食梗係咩都叫下，講真呢度價錢都幾貴，小點成二三十蚊一籠，食物就油得可憐，麻麻地﹗好吃的有燒腩仔，皮脆夠乾身有肉香﹔蝦餃都幾爽口，不過成四五十蚊籠就做得細粒左少少了﹗最衰係有個工友，食灌湯餃時食到一粒如手指頭一樣大的玻璃，睇個款似係一支爛左既匙羹頭，好在佢食既時侯搞一搞個湯底，唔係食左入口插親食道真係哈路吉蒂。叫個部長埋黎問佢點解會咁，佢係咁話我換過一個俾你就算，工友當然唔會咁樣就俾番碗野佢啦，我地雖係地盤佬不過都講道理，食飯食到0的咁既野，點都要俾個交待我地嘛？佢就叫左個女經理埋來再交涉，女經理先俾張咭片工友，話如果之後有咩問題就搵番佢，老實啦，做食市有呢0的情況都聽過不少，你係識做既就送0的咩果盤NUTS來等大家覺得你想補救咪算囉，有事個工友都入左醫院啦，點搵番你，真係多餘﹗工友都費事同佢講咁多，佢話換過俾佢都唔想要，我地呢0的仲係食緊灌湯餃既都放低唔敢再食，點知仲有冇玻璃碎架？無屈美心架，呢日係22/12/09 2:00PM，八十幾對眼作證。工頭請飲茶，你打折俾我地0的工友都無用，處理手法亦都欠成熟同埋大體，呢間野

今天因為一個親戚的朋友的小孩(好遠哦)來香港做產前檢查,檢查完還離司機來港的時間差3小時,不如吃完晚飯再趕車吧.今次一行8人來到美心皇宮,是一班大人建議的!主人家沒有考慮就叫了個8人餐,但卻沒有留意這個餐居然有"壽包"???沒關係吧,反正我愛吃壽包~是日晚餐已經不太記得了,只可以說到最吸引我的幾味菜. 乳豬拼盤>> 乳豬皮是又香又脆又不會膩,一個人就吃了半份~還有雞,鵝,海哲 壽包>> 雖然說是個8人餐,送一打壽包我就可以吃完再吃!!兩啖一個,做得很精緻.是蓮蓉餡+一點蛋王呢. 蒸石斑>> 聽我媽說,大部份食客都認為一大條是最好吃的.非也非也~這次是兩條上, 所以比起一大條的小一點,但肉質很滑,因為條魚,我吃了碗飯! 紫米露>> 奉送糖水,是我最愛吃的,不太甜味道剛剛好.可惜每人分得一碗其他還有炒菜,雞絲翅,炸子雞......剛好有人擺酒,大約7點左右已經滿座咯!可能是食客太多,waitress有點手忙腳亂,又有些少不好禮貌.

環境舒適 服務亦相當好有位姐姐見我抱住小B 訓覺，主動提出搬出幾張椅出來當床俾小朋友訓覺，可以俾我舒服地與家人進餐，好窩心!其他人都樂意提供service，已經很小酒樓可維持這種服務態度。食物水準不過不失

收到舊同學的請帖，說快要結婚了，咁高興，當然來賀他一賀，而今天他和他太太的大喜日子，設宴於沙田的美心皇宮，話哂是大集團，處理婚宴酒席應該也不是什麼問題，甫來到，酒樓也真的是很大，大到好不容易，才找到對的大廳，與友人寒暄及拍照，但大部分的都在爛賭中，在四方城戰得正酣，真的沒他們辦法。也是一貫的婚宴程序及時間了，七時恭候，八時入席，九時才有得食，幸好午餐吃得飽，所以也還可以，而今晚的菜式分別有一頭鴻運燒乳豬、象拔蚌吊片西蘭花、炸蟹鉗、瑤柱節瓜甫、紅燒雞絲翅、蠔汁鮑片、清蒸海星斑、脆皮炸子雞、荷葉飯、干燒伊麵、美點雙輝及紅豆沙，最後當然有香橙每人一個。先來的當然是鴻運燒乳豬，先選了近豬尾的肉來吃，肉質是比較幼嫩，皮是燒得香脆，皮與肉中間的脂肪層是恰到好處的厚，一口咬下，皮確是脆如薯片，可是肉就是比較嚡，而且某些瘦肉的部份特別鹹，可能是鹽巴洒得不均勻吧，但論以麵粉皮包着乳豬皮來吃，配上甜甜的乳豬醬，咬下去油香滿溢在口中，也是很好吃的。在吃着乳豬的同時，喝口紅酒也是最好不過，本來酒樓婚宴的紅酒也不存在任何期望，可能就是因為沒有期望的關係，喝起來又不會失望，紅酒有點掛杯之外，喝起來雖然不太厚實，可

點心同的茶的確係正....飯...60元...排骨同鳳爪都係新鮮的飯每一下都整到出來食....無貼底雞扎有的油....料有菇雞肉細細扎好正灌湯餃不是傳统....但湯底同有翅....好開心仲有二個甜品無影....但價錢174元好貴...的茶好熱呢下正

今日突然好想飲茶, 於是就同男朋友兩個人黎飲茶, 等位大慨等左20分鐘左右, 之後第一輪叫左六,七碟點心, 味道都可以, 最開心係見到籠蝦餃, 好大粒, 成隻蝦, 不過都成廿幾蚊一籠...叉燒包餡料足, 好大個,亦都好好味!!鳳瓜唔知係咪蒸得太耐, 有D骨肉分離, 但個汁好好味!!!整體係OK....但個價錢就比較貴D.....

來到沙田，吃的選擇多。但為了本人對湯的喜愛，想喝一口湯。與女友來到美心皇宮吃了頓平實的中餐。原本以爲有二人餐，但menu根本無。全部四人餐。或者是300以上一個人的餐。最後叫了三個送- 例湯- 響螺頭煲瘦肉 - 無響螺味，只有"手指甲"大的“響螺"頭肉，兩個人都分不到吃。 問到waiter 為什麽無響螺，只點了一下”手指甲“的響螺肉話呢度咪響螺囖。- 爆牛紐粒，分量少。無乜味道。- 腰果炒素菜（芹菜+腰果+豆腐干），尚可。收費昂貴，以爲服務會好。但不甚了了。

一家十口去美心食飯叫左一圍 $1888 全包味道唔錯, esp 炸子雞, 古法蒸石斑, 雖然肥左少少, 但味道很有水準! 荷葉飯就咸左d環境頗為舒適, 亦未見衛生有任何問題服務雖不至100分, 但至少 waitress 們都比較細心, 同樂意提供service呢幾樣, 已經唔係一般屋村酒樓可以做得到的了!!!所以, 仍然覺得呢餐係抵既!~

今日去美心皇宮飲茶,不過超多人,仲要等位添!好彩只係大半個鐘,都唔算等好耐.依然都係咁旺場,價錢仲有番咁上下添.新潮裝潢,舊式服務.依然仲有D亞姐推住點心車比客人揀.揀幾款點心,因為趕時間走.牛肉腸粉:皮薄餡正......Good流沙奶皇飽:Bad.....又唔夠味,一D都唔流沙鮑魚汁鳳爪:味道係OK.可惜D鳳爪好似炆得唔夠淋.菠菜鮮蝦餃:個賣相幾好,仲唔會有菜青味添.PS:賣相係重要,但味道都好緊要.set得呢個價錢,就要比同樣既質素客人.Right.

Due to my grandparents' birthday banquet, our family are trying out dishes here over lunch.So disappointed with the food. We had dim sun here.The steam tulip cake n BBQ pork steam roll is the only thing eatible for us chicken feet, steam pork rib, all kind of standard dim sum ppl will order. * none of these are without MSG, they are all either so salty or sweet...Badly seasoned. I have no idea why this restaruant is still standing.We also ordered fried rice, but it's so salty, we cant' even

難得放假，完成Tax report的小漏漏閑不住，和Levy去飲早茶，本來target了旺角的潮樓，可是出發才發現忘記記地址，無計，改去了沙田的美心皇宮，裝潢與價錢都是中上水準，不過味道呢，又另當別論了。栗蓉西米焗布甸：栗蓉似乎不如蓮蓉跟得合拍，但我喜歡栗子的清新香氣；布甸又焗得香濃甜滑，是件出色的中式甜品，很快就清掉了。蜜糖雞蛋散：我的心水點心之一，鬼大件的蛋散雖然夠酥脆，可是蛋味較弱；蜜糖勁甜膩，一般愛甜的朋友就不習慣，我自然不客氣的刮掉所有蜜糖汁咯。蜜汁叉燒酥：朋友特別幫我拎的，本來在menu尚未看到，還很傷心，原來是要直接去點心車度自己拎的！酥皮比重較少，不算很酥化，只是一般水準；叉燒餡較靚，肉質鮮美實在，少肥香口。水晶鮮蝦餃：最差都是這個。蝦雖然彈牙卻沒有鮮味可言，十分失望。紫菜蟹柳卷：又是于點心車拿的點心蟹柳很細膩鮮香，包裹著略帶海味、薄薄脆脆的紫菜，還算不錯的一味。埋單的時候我們才發現美心皇宮的價錢可真不抵食呢，感覺沒吃什么就已經要近百蚊，味道又并非太強大，而且服務算不得好，不是我等窮學生吃早茶的好選擇。

是日下午到小瀝源買車未能到手．．．心情不好決定到美心飲茶到步後只見人頭湧湧細檯要等二百多張檯才到．．．知客說要等個多小時唯有先四處逛逛！個多小時回來尚差五十多張檯等了差不多半個鐘才有檯．．．入座後肚子已經餓得發聲先來一個臘腸滑雞飯（頂點）美心臘腸確實香！肥瘦剛好味道佳！雞味滲透了整盅飯．．陣陣的香味實在令人垂涎三尺！椒鹽魷魚蘇（頂點）椒鹽味十足魷魚蘇份量多又夠彈牙！高水準之作！百花釀瓜甫（大點）百花又滑又彈牙！不過瓜不夠林．．．加上了芡汁．．．十分好味！比起其他酒樓的同名點心．．．美心的水準高很多！三色豆糕（小點）此點心水準是整餐最低首先．．．ｓｉｚｅ太細．．．賣相不佳而且豆的份量太少不夠口感．．．啫喱有溶的口感．．．差！綠茶糯米滋（中點）不覺有綠茶味裡面是花生芝麻及椰絲雖然夠香口卻不是我喜歡的口味還是喜歡吃黑芝麻湯丸．．．．馬拉糕（小點）很軟身．．．呈黑色既香且軟高水準之作！埋單二百零一元很貴的一餐午飯．．．．

喜歡來美心飲茶，原因好簡單。第一，規模夠大，點心款式一定夠多，夠多一班人就自然會食得高興。今日係美心同利苑都拎左位，最後都係來美心都係因為依個原因。第二，美心既野食唔係最好食，但係有質素保証，最基本既幾款一定唔會差得去邊，而且價錢相宜。第三，熱熱鬧鬧先飲得開心架嘛。熱鬧得來仲要衛生乾淨。是日要左...XO醬炒腸粉: 炒得幾香不過XO醬係炒完先擺上面，如果撈埋晒一齊會好D叉燒腸: 叉燒足而且夠甜，只嫌乾左少少流沙包: 一D都唔流，味道還可以荔茸帶子盒: 很好既配搭! 帶子唔會「鞋」，荔茸亦都做得好香沙茶鴛鴦肚: 即魚肚同牛肚，魚肚索晒D味，牛肚唔太韌，好食蒜蓉蒸鮮魷: 蒜蓉有D「蓉」得滯好似一pat野，不過味唔錯，魷魚亦夠林釀茄子: 太過淡紫米露: 很多黑糯米，甜度適中，如果多D椰子會更好想食燒賣，不過唔知點解一直都冇...到終於見到有既時候，已經食飽了 =_="

信箱收到美心既單張，很多菜式都很吸引呢！ 冰鎮鵝掌翼 - 頭盤係冰凍涼快既醉鵝掌翼，酒味夠濃，份量都唔細。 紅燒妙齡鴿 - 迷你乳鴿皮脆肉嫩，肉質鬆軟，入味又唔會太鹹。 四海拆魚羹 - 魚湯味道清淡唔杰，有鮮魚肉，滑豆腐，香菇粒，蛋白花，薑絲和芫茜，一煲分到六碗左右。 鍾意佢地既『健康有營』餐牌，提醒各位食家要食得健康