肥姐麻辣餐廳

Open Now

Now Closed

平時都好少食辣嘢，今日同個朋友去到荃灣，路過呢間麻辣餐廳，門口聞到好香嘅辣味，又見天氣涼涼地，一於入嚟瘋癲一下又差唔多到lunch time ,就入去試試，一踏入餐廳門口已經感覺到冷氣非常充足，燈光有夠光猛，環境舒服地方非常寬敞而且店員仲會親自介紹招牌菜式俾我非常細心午餐嘅選擇都有好多，叫咗兩個午餐，再加一份清炒土豆絲$78土豆絲切到厚度非常適中做到好爽口入面加咗少量嘅蒜片同䓤花，土豆絲做到好有層次感，無論口感同味道我都比滿分，清清地完全係健康之選水準不錯嚟到呢度點可以唔試食個主菜酸菜魚酸菜同埋香料份量都非常多，料頭有酸菜芽菜海帶都好多味道唔會太酸今次叫左微辣，啱啱好，如果鍾意辣嘅朋友可以選擇大辣，挑戰一下🤣魚肉嫩滑，新鮮又冇骨食到停唔到口魚嘅鮮味亦都非常出眾極力推介，午餐時段仲可以跟埋飯加飲品$88，性價比相當高另一個午餐就叫咗秘製醬骨架，呢個菜式係完全唔辣，秘製嘅豬骨味道非常特別，好惹味餸白飯一流肉質嫩滑帶有少少豬肉嘅脂肪，口感一流，店員話這個秘製將用咗好多配料來調配我食一啖入口已經非常滿意食到停唔到口

平時出街最中意食川菜，今次黎到朋友成日介紹既肥姐麻辣餐廳試下佢地既撚手川菜。一坐低,店員奉上自家製辣油花生同菜脯，果然幾辣下，老闆娘就話佢地既辣度比出面更辣，好細心問我地平時食開幾辣。我地最後叫左泡椒雞腳同手撕包菜做前菜同sode dish. 雞腳好入味而又唔會太咸，麻辣程度一般，愈食愈滋味。而手撕包菜有驚喜，炒菜既鑊氣夠，炒出黎既菜先會香口好食。主菜就試左酸菜魚，料頭香料同酸菜份量都好多，唔會太過酸而遮左條魚既鮮味。魚肉滑嫩新鮮又無骨，食過唔停口，推介！

天氣凍一定要食返啲辣野肥姐麻辣餐廳最啱晒冬天食。佢嘅辣到可以俾我哋選擇，唔同菜式可以揀唔同嘅程度嘅辣。去到先會比小食我哋絕對非常開胃，但我見我個枱嘅小食同隔離枱唔同，所以應該都係隨機嘅。我食咗個豬腳，雖然係小辣但係都足以令到我非常期待佢其他嘅辣度！主菜方便我就叫咗個水煮魚，同埋清炒菜。水煮魚個份量非常大，而且係用鯇魚。魚質非常滑，唔會話好老。配料都非常多，其實就咁食盆菜都已經有3成飽之後就清炒菜，都比較清新，可以去咗啲水煮魚嘅肥膩。食完今餐真係⼀食完成身暖粒粒

話說都係晚市禁堂食前一晚幫襯，距離而家一段時間，早兩日睇返啲相勉懷下舊時，今日順便打篇食評支持下，始終飲食業都過得幾艱難。設於荃灣廣場附近，門面幾光鮮，亦播住電視推介嘅片，睇落都唔錯，食落仲唔錯添，要幾辣就有幾辣，夠曬惹味。小食都幾麻辣惹味，應該有平時約小辣至中辣嘅level。點菜時，光係食幾辣，店員都同我地confirm左幾次，話小辣都好辣，辣過譚仔中辣/大辣喎，咁我就點BB辣算。招牌水煮魚：我硬係覺得唔似BB辣，唔知有無比錯小辣，因為我食開譚仔大辣都覺得呢碟野更辣......儘管如此，其實佢嘅招牌麻辣真係幾得，唔會太麻，但好有辣勁，非常惹味，係幾好食。魚肉新鮮之餘，又夠辣味，都幾香口好食。平時食譚仔大辣唔洗飲水，食呢碟野飲曬成支水...夫妻肺片：簡單而言就係香蒜辣油拌牛肚、牛舌、牛心等等，仲有少許涼拌青瓜墊底。呢個又真係唔辣，反而蒜香幾突出，小麻小辣，鮮香而不太油膩，內臟亦無腥味。炒土豆絲：雖然簡單，但又真係幾好食，土豆絲鮮嫩爽脆，口感不錯，酸辣又帶啲甜味。

招牌口水雞$78去開荃灣搵食，突然間想食四川野，決定就食肥姐麻辣餐廳😌得自己一個，又想食酸菜魚又想食口水雞。最後雞癮起，都係決定食口水雞😆.$78嘅口水雞套餐包一個飯一個嘢飲，當然仲有主角口水雞啦。個口水雞一嚟到個份量都幾多喎，通常出邊50幾蚊剩係得五，六舊，但呢度最少有十舊甚至乎更加多😯😯食落嫩滑，叫咗少少辣，無論係麻味定係辣味，我覺得都調教得啱啱好👍🏽另外佢用咗啲青瓜墊底，食落好爽脆😬.好多四川菜環境唔好，唔係太衛生乾淨但係呢度就非常之光鮮衛生，而且一啲都唔逼，坐得好舒服.Cp 值及夠飽: 無論係嘢食嘅質素定係份量都絕對對得住價錢，自己一個人叫一個餐絕對夠飽.翻啅:今次食咗個口水雞，下次要過嚟試吓個酸菜魚或者水煮魚，諗起都流口水🤤

今日即興搵個朋友食個lunch 禁岩凍凍地大家都好想食辣 咁佢就介紹食呢間啦 肥姐麻辣餐廳🔥 我地一入到去 老闆娘當然係肥姐啦😬 肥姐超好人 介紹我地食咩啦 又同我地講佢地既辣真係有啲料到架 問我地食唔食到辣🤣 睇完餐牌同埋聽完介紹我地就叫野食啦😌 皇牌酸菜魚配白飯本身肥姐推介我地試下bb辣先 但因為我地都鍾意食辣 所以叫左小辣🌶 嘩 一上枱已經聞到超香同埋川菜獨有既香味 快快手影完相就急不及待要食啦🤤好足料呀🤩 魚肉有好多 又大大舊 又好夠滑 骨唔算多但都要小心喔😌 酸菜好味 同埋個底仲有唔少既配菜 芽菜海帶等等 全部都好入味好好食 又辣得好過癮 大推👍🏻 土匪炆鴨呢個我哋都係叫咗小辣 真係辣得好過癮 佢唔係死辣 又唔會辣到好似條脷要爛咁 反而係越辣越想食鴨肉有好多 除咗啖啖肉之外 連啲骨都炆到好林好似甩肉 同埋真係好入味 大推👍🏻 手撕包菜除咗兩款主食我哋都叫咗一個菜 不過就連菜我哋都叫咗小辣😂 呢個手撕包菜炒得好香 每一片菜都有辣味 好香好好食😋 再叫咗兩杯凍檸茶 始終食辣都要飲一飲野🙈 除咗堂食之外 肥姐同我哋講如果鍾意食嘅話可以叫外送 跨區都得 真係幾方便 整體來講 肥姐

今日約左朋友在荃灣食晚飯，朋友知我中意食麻辣野，帶左我黎一間食川菜既菜館，發現水準幾唔錯。首先點左呢度出名既酸菜魚，魚好新鮮，一啲都唔腥，魚質好滑溜，而且料頭同酸菜、芽菜，海帶都好多，百零蚊真係好抵食。跟住就試左佢既辣子雞，大大碟，雞肉唔細，食落啖啖肉，而且可以自己選麻辣度，果然比其他川菜店仲更加麻辣，岩晒一眾愛食麻辣既朋友。另外推介黃金皮蛋，個汁真係無得輸，叫左碗白飯撈飯食一流！如果中意食麻辣既朋友可以黎幫襯，餐牌有好多選擇，而且地點都好方便。

今日去到荃灣，見到佢門口寫住「一直被模仿，從未被超越」就俾佢吸引左～入到去門口有店員剝緊辣椒，已經feel到個氣勢一坐低肥姐就過嚟打招呼，貼心咁問客人食唔食得辣，我哋平時唔食辣，所以佢就建議我哋食BB辣💩前菜菜脯（辣度：⭐️⭐️⭐️⭐️⭐️）雞腳 （辣度：⭐️⭐️⭐️⭐️）自家親手醃製，非常有誠意，鐘意嘅可以買現成返去屋企食～麻辣豬脷（辣度： ⭐️⭐️⭐️）蒜味反而仲出過辣味，麻味好香，鐘意食麻辣嘅可以點佢啲小食，辣得好爽招牌水煮魚bb辣（辣度：⭐️⭐️⭐️⭐️⭐️）鐘意食辣嘅點可以錯過水煮魚，辣度十足，完全唔會同你慳魚片雖然只係鯇魚，但厚度夠，食落去啖啖肉，都唔錯酸辣土豆絲 （辣度：？？？）因為食完水煮魚個味覺已經不能作準，所以食唔出個辣度，土豆絲超爽，帶少少酸更加開胃～

我同朋友向對麻辣野都冇咩抵抗力，食辣就覺得好爽，今日又搵左間新野辣一辣，味道都幾正宗，本身想食中辣，但係老闆娘話佢地啲辣度辣過出面兩三倍，所以叫左小辣，果然小辣同出面中大辣差唔多😲一黎到已經俾左小菜，一個係麻辣花生，一個係辣辣地嘅醬💥辣子蒜香排骨🌶（細）$138色香味俱全🤣排骨炸到脆卜卜，而且入面加左好多唔同嘅香辛料、唔同嘅椒黎炒，個味超豐富，辣得過癮💥招牌口水雞🐓（例） $78口水雞係推薦必點嘅一樣野，個汁整得好食係最重要，辣椒紅油真係好香，帶少少麻，雞肉厚肉嫩滑，朋友都讚不絕口💥酸辣土豆絲🥔 $78土豆絲都有幾種炒法可以揀，食得辣所以都係揀埋辣味，炒得好有鑊氣，土豆絲爽口唔黏，送飯一流💥可樂 $14食辣野必飲唔洗講啦🤣爽雖然叫麻辣餐廳，但呢到都有唔辣嘅野食。老闆娘仲話可以叫外賣，全港好多地方都送，下次想食就直接用apps叫🤩超方便

地道重慶麻辣嘢如果你食得到辣嘢，去肥姐呢到一定岩你口味，因為呢度嘅麻辣嘢，真係非常之正宗，而且有好多選擇，價錢仲要非常之實惠經濟一去到嘅時候，就有小食送上而小食嘅內容絕對係隨機，睇吓你想食啲咩啦。我呢一個豬腳呢係砂礓豬腳，但都有少少辣員工會先問你可以吃辣嘅程度因為佢哋星星佢哋嘅啦真係好勁。食完之後我都非常之認同另外我仲叫咗個尖椒皮蛋。皮蛋份量非常之多，絕對唔會覺得好粉水煮魚全部都係用鯇魚，而且好大兜。魚係非常之入味嘅，仲有芽菜！好好食

冬天咁凍就揀咗一間熱辣辣嘅麻辣餐廳嚟食，開頭以為會係好似茶餐廳、大排檔咁嘅環境質素，點知成個環境好舒服好乾淨，地下唔會油粒粒，旁邊仲有好多店主自己掛嘅小植物添！坐左卡位覺得闊落之餘又舒服，成個環境好自家人溫馨嘅氣氛，一坐低，已經聽見隔離枱係咁叫「肥姐肥姐！想要乜乜乜」，個個都同店主打成一遍，嗰種大排檔嘅感覺真係好少見呀！一坐低仲拎咗兩碟前菜俾我哋，花生香脆，另外蠶豆魚乾比花生辣，但係又香口好多，我哋之後仲有用來點我哋嘅雞翼添！因為我同朋友想食辣但係又唔食得太辣，所以就叫咗一個水煮魚BB辣，呢一個辣度大概就係唔需要飲嘢都可以接受到，會有少少出汗嘅感覺，冬天好正！個人覺得舒服！呢一個價錢來講唔貴，魚嘅份量非常之多，亦都唔腥，我同朋友一人一半都好飽，仲可以自己加啲配菜，我自己就比較鍾意加錢加配料粉條同埋娃娃菜，因為可以吸晒水煮魚入邊麻辣嘅香味，呢一間嘅花椒同辣椒都用得比較多，所以食嘅時候千祈唔好一大啖夾埋入口啊！魚肉好滑身唔會散晒，雖然美中不足嘅係有骨，但係唔算多，加埋水煮魚香辣麻辣咁非常過癮，以前經常都會返大陸食水煮魚同酸菜魚，而家喺香港搵到一間味道唔錯嘅水煮魚真係幾開心！入邊會有少少芽菜

俾人捉左去食辣野呀😖個fd話開始凍，要食辣野保暖喎🙄好鍾意佢句slogan“一直被模仿 從未被超越”🤭一黎俾左兩個小食～花生辣得黎係好香，惹味🥰🥰另外果個辣到我食唔到😶開頭因為太肚餓，覺得辣都照係咁食，除左辣之外，食唔到其他味😛食到冇咁肚餓，可以慢慢食既時候，先真正食到菜味同d菜好甜啊🥰呢個簡直驚喜菜式😍😍平時食皮蛋梗係食到有陣唔知乜野味🤔呢個冇喎！總之好好味，辣度適中，冇搶味～好香好滑呀🤤後尾同員工傾開佢話佢地係用雞蛋腌製既，所以特別好味👍香港唔係有好多餐廳做ka🤫最後一味餸～酸菜魚員工話係用魚腩熬製，而魚肉都有別於其他餐廳先煮熟6、7成，之後再煮，所以口感係滑好多😍雖然等得比較耐，但值得等🥰🥰每張枱都有不同盆景，睇得出餐廳既心思❤

放學後同朋友去到荃灣既肥姐麻辣館，我不嬲都鐘意食辣，但係又唔食得辣，尼到專門食辣既肥姐麻辣館簡直係打大佬添。餐廳嘅所有菜式都以辣為主，都可以揀BB辣中辣大辣。鋪頭幾靚，充滿田園色彩既裝飾。亦有不少卡位，比較有私穩😉 但係啲菜份量較細，比較貴。 Menu都係麻辣為主，又有現成小食可買番屋企配餸。🌟蒜香炒椰菜🌟你以為菜會清淡啲，裡面都係加咗辣椒，辣得來又有蒜香味，菜炒得好爽口。🌟麻辣花生（$38/罐）/牛展（ $88/罐）惹味可口嘅餸飯小食,可以帶返屋企。特別推薦牛展，有嚼勁又好香牛肉味送飯一流。🌟招牌口水雞（$78/例）🌟稍嫌口水雞嘅麻辣醬唔夠「麻」，但係勝在雞肉嫩滑，裏面有清新嘅青瓜，爽口又解膩。🌟辣子蒜香排骨（$138）🌟雖然已經叫咗小辣，但係由幅圖可見依然好多來辣椒。 鼓起勇氣夾咗一舊，果然係辣味充天。 現在排骨炒得乾新又脆。驚辣嘅人要慎入。（戴定頭盔，我唔係好食得辣）

星期四晚收工近近地同friend去荃灣食個dinner.前菜辣子肥腸(細) $118落order果陣老闆娘已經提左我地啲辣度會較出邊既辣1，2度，我個friend唔食得辣，所以嗌左bb辣隱陣啲。但佢都係食到標曬汗，流曬眼水😂我無佢咁誇張，但都食到個肚仔好”慶”😂啲腸洗得好乾淨，無怪味，炸到好脆泡椒土豆絲 $78酸酸辣辣，我個friend覺得幾岩佢口味，我無乜點食，因為重澱粉費事食咁多。土匪雞翼 $68同出邊食開既味道有分別，我食開比較濃味既，呢個啲香料無落得咁重手。檸檬茶 $18咸檸七 $26

去開果頭整身份証順便係果邊街吓街順道更係邊埋果邊搵食啦唔洗煮吖嗎😬入冬就開始想食吓熱野同埋辣野係周邊行吓有咩食見到呢間看似小店"肥姐麻辣餐廳"我最鍾意幫襯小店門口有光猛最大原因係👉🏻個廚房係門口仲係開放式👉🏻好處係睇到基本衛生先吖菜式可以選辣嘅程度(小辣比出面係辣些)仲可以有份量選擇👍🏻未叫野食坐低先有個前菜小食係自家制麻辣花生 及 牛肉醬👍🏻👉🏻花生仲有得一樽樽買𠻹👉🏻好脆好香👉🏻牛肉醬撈麵應該一流唔多唔少都要叫d 招牌菜啦#招牌口水雞😋👉🏻雞肉好滑👍🏻👉🏻醬汁唔係好似出面咁上面一片油👉🏻真係用醬汁形式 👍🏻另一招牌菜"辣子蒜香排骨"平時多數係配雞我地已經叫咗口水雞所以叫咗呢樣👉🏻排骨好鬆軟脆口👉🏻配料勁多又香口👉🏻上菜隻碟好攪笑食咁多肉就要叫個菜平衡反簡單"辣子炒椰菜"最攪笑有紅酒叫🤣