肥姐麻辣餐廳

Open Now

Now Closed

喺朋友介紹之下去咗呢間肥姐麻辣餐廳食飯，因為朋友話鐘意食辣，去呢度就最啱！呢間餐廳嘅食物睇得出好用心制作，特別係佢地嘅招牌酸菜魚，係用新鮮鯇魚烹調，魚肉嫩滑鮮美，酸辣味道濃厚，勁足料，食完真係超滿足。另外佢地嘅清炒土豆絲清爽可口，唔會太油膩，辣度適中，而且炒得好夠火喉，好爽脆。至於佢地嘅雲南蒜泥白肉，肉質鮮嫩，加上大量生蒜泥，醬汁豐富，每一啖都充滿咗蒜香同埋肉香，食完之後仲想再嚟多碟，真係每一啖嘅口感都好豐富。呢度嘅環境都幾舒服，裝修簡單，乾淨企理，老闆娘肥姐亦都好友善熱情，令人感覺好親切。總括嚟講，呢度嘅菜式真係值得一試，特別適合鍾意食辣嘅朋友。

今次試咗間係荃灣開左好耐嘅麻辣店。最出名就係佢自家製各種辣椒醬。今日凍凍地來食個烤魚，老闆推介新鮮蒜香烤江團魚，真係令人驚喜！江團魚鮮嫩，經過蒜香烤制後，外脆內滑，香氣四溢，魚肉的鮮味完全保留，配搭上特製的蒜蓉醬，味道更加豐富。每一口都令人忍唔住想多食幾口，真係一個好嘅選擇！而豆腐則係一大亮點，豆腐滑嫩，吸收咗魚嘅鮮味，口感極佳，搭配上少許烤魚醬汁，味道更添層次感。紅薯粉也很有特色，Q彈的口感與魚和豆腐相輔相成，令整道菜更加豐富。不過，紅薯粉的份量適中，剛好平衡咗其他食材的鮮味。自家醃嘅蘿蔔乾味道清新，酸辣適中，係前菜開胃之選。泡菜醃木耳則帶有一絲辣味，脆口又開胃。真係好少食到用新鮮魚來做烤魚嘅店鋪，食過返尋味，感受到廚師的用心。環境舒適，服務友善，適合家庭聚餐或者朋友聚會。

星期五夜晚一人係荃灣區想慢慢食輕鬆下唔想去趕客餐廳即刻諗到肥姐又抵食態度又好未試過夜晚時段諗住會有一人餐原來晚市係做小菜好彩仲有麵食叫咗碗醬骨麵轉薯粉豬軟骨好淋入口即溶薯粉煮到剛剛好唔會太硬又唔會太淋雖然坐到差唔多滿場到特登安排卡位畀我全場大部份老顧客肥姐都講得出佢哋之前食過乜嘢好有心到埋單碗麵42蚊咋性價比高

荃灣肥姐麻辣餐廳位於沙咀道，主打火鍋和川菜的麻辣小館，係嗜辣的荃灣街坊首選食店🤤呢度有重慶師傅坐陣煮川菜，所有調味料、辣椒等香料來自四川入貨，風味十足🤩小館裝潢簡約舒適，招牌川菜包括干煸四季豆、招牌口水雞等😍推介招牌口水雞$88 (例牌）絕對是一道不能錯過，鮮嫩的雞肉配上自家制香辣調味汁，入口即化，辣味十足!辣子蒜香排骨$138 以其獨特的豆豉香氣和濃郁的味道，讓人一口接一口🥘必食酸辣土豆絲$88份，平常家常川菜，炒得酸辣爽口，口感脆爽，令人胃口大開，送白飯必備🤤咸檸七$26冰凍解渴，是搭配重口味川菜的最佳選擇🍹

荃灣區勁抵食米線午餐卡位座位為主 座位比較窄不用搭枱就好牆身用農村耕田作畫好比喻樸素的美食小食泡椒雞腳份量不多非常入味辣得好過癮蔥油餅 非常香口可以解辣的小食涼拌木耳都有泡椒烹調過辣到個嘴都麻曬酸菜牛肉米線個牛肉好滑 好好食辣度要自選即叫即抄湯底最新鮮狀態七味牛𦟌面用唔同嘅香料炒出個湯底 辣度偏辣不過辣得好入味辣得好過癮酸菜魚米線魚片好新鮮好滑材料充足選擇了bb辣湯底 可以飲幾口酸菜湯相信真係冇加味精全部新鮮材料炒食完完全唔口渴 48蚊米線加小食性價比非常高 超級抵食肥姐 好熱情會同啲客人傾計非常搞笑

荃灣廣場附一間家常小店，真係荃灣友介紹先會搵到，記得幾年前黎食過，舖頭唔大，裝修唔華麗，但一陣陣麻辣香飄出嚟，已經足夠吸引人停低腳步最平民嘅係嗰碟手撕包菜，用火候炒到菜葉微焦，仲帶住濃濃嘅鍋氣，啖啖脆甜又唔會覺得油膩，食完仲忍唔住再叫一碟。酸菜魚選用鮮嫩嘅鯇魚，藤椒湯底酸得嚟夠開胃，仲有少少麻得刺激，友人話：呢碗酸菜魚聞落已經覺得正，入口就更加出色口水雞又係一大推介，冇乜多餘嘅花巧，實實在在用心整。雞肉鮮嫩，辣汁香濃，每啖都充滿辣味與麻香，但唔會過頭。荃灣友提醒，呢度嘅辣度比平時重手，平時食小辣嘅，記得試下佢哋特別推介嘅「BB辣」，穩陣啲主打麻辣小炒，菜式簡單但夠有力，配料用得實在，啲味道都入晒心。舖位喺荃灣廣場附近，但唔係人流最旺嘅地段，正因如此，先有一份難得嘅靜謐同親切感，好似街坊介紹嘅秘密基地咁，食過一次，肯定會再嚟

夜晚無啦啦吊辣癮，好想好想食辣🌶️一直經開呢間肥姐都無入過去門面嘅裝修老實說係令我卻步嘅不過今次食完 就後悔自己點解咁以貌取店🫣兩個人食 嗌唔到好多嘢叫咗三樣餸🤤辣子肥腸 （完全唔肥，不過無乜味，夾啲蒜頭食就好好食）麻婆豆腐 （唔係用豆瓣醬整嘅味道，送飯一流！）手撕包菜（無影相）全部都好惹味 睇得出係好俾心機去整😍雖然全部都係辣 但味道係食得出有分別絕對唔係碟碟一樣味👍🏻 而且就算係辣 都唔係好油 唔係一味得個辣字 係有層次有味道嘅辣絕對值得一試～今次叫咗BB辣 佢比一般嘅鋪頭辣啲辣度同出面其他嘅小辣一樣食得辣嘅 可以叫小辣 會再過癮啲！

講起荃灣區嘅正宗川菜，肥姐麻辣餐廳絕對係一間唔可以錯過嘅老字號。呢間開咗成10年嘅餐廳，啲麻辣功夫一啲都冇退步，反而仲愈做愈出色。今次嚟試嘅係佢哋嘅招牌菜 - 明爐香辣魚$268一條大魚，份量十足到爆。啲魚肉新鮮到爆，完全冇半點腥味，肉質嫩滑又彈牙，一啖咬落去仲會爆汁，魚肉嘅鮮甜同藤椒汁完美融合。最正係佢嗰個藤椒味，唔會好似食麻辣咁樣咁重口味得來，反而係一種令人上癮嘅麻香！個汁真係有心思，除咗藤椒麻椒香之外，仲加入咗蒜頭、洋蔥同泡椒，層次感豐富。啲辣椒油金黃透亮。個湯底熬得又香又濃郁，撈啲飯落去食一流最抵讚係佢啲魚肉完全冇煮到散，每一塊都完整又大件，連埋條魚骨都煮得入味。總括嚟講，肥姐嘅明爐香辣魚絕對值268蚊，無論係份量定質素都值回票價。

我都係睇Open Rice食評，見到有間食四川辣野既小店，位置雖然在大馬路，但呢段路比較偏遠的，大部分人會去荃灣廣場果邊用餐，尤其揸車要泊車，商場會方便好多，所以呢間小店可以經歷咁多事件，都仲可以屹立不倒，都幾硬淨。Open Rice內既食評大部分都係讚多，食物質料高，我今晚專登去一試。今日雖然是公衆假期，現場有4枱客，環境都算，寬敞唔會太逼夾。店內枱椅等就有點舊，不過都算乾淨整潔。食物方面，今晚菜單：招牌口水雞 （$88/例）果然香辣非常，不過隻雞就瘦左小小，肉不多。椒焗花甲加粉絲底（$98+$12）姨姨話呢度啲食物有啲辣，本來我叫小辣，都改為BB辣，好彩聽話改BB速，真係堅辣，但非常野味，一定要encore。明爐香辣魚（$268）本著試下心態，依！唔太辣，但味濃，如果鐘意食蒜頭嘅人，就會非常開心，裏面超多蒜頭伴料，魚皮超脆口，肉質鮮嫩，做得好好。手撕包菜（88/份）無乜驚喜，我會覺得雞油萵筍會更正，不過姨姨話如果有豆苗，下次食雞油豆苗仲正。椰菜餃（$42/份）完全不辣，仲要有湯墊底，食完感覺好似重生了。蔥油餅（$30/2件）姨姨話蔥油餅係自家制，所以好小油，乾身，蔥油餅好薄身，煎得

肥姐一向都係我心水餐廳選擇，鍾意佢夠香夠辣，而且啲用料幾好，不過通常晚上去食，有時都覺得少少貴。星期日難得要出去，諗住响荃灣食個午餐，先知原來肥姐有中午套餐，價錢仲平好多。幾個朋友打算試下唔同嘢，所以叫咗一個小火鍋，兩個客飯。麻辣小火鍋：麻辣適中，有菜有肉有寬粉，其實幾夠飽，不過如果再多少少肉會更好～辣子蒜香排骨：排骨多肉，入味，非常香口，配白飯一流，非常喜愛之選。泡椒牛筋腩：筋腩夠淋，泡椒令味道更加出色，如果再辣一點更好。雖然小菜份量比晚上細碟，但午餐完全夠食，又可以滿足下食辣嘅渴望，值得推介～

雖然天氣好熱，但係都不忘間中要去食吓啲麻辣食品😆今日嚟到荃灣是呢間川菜館小店➡️招牌口水雞 （例牌） $88見到招牌嘅前菜，當然要試一試，我要咗bb辣，辣到啱啱好，配上蒜頭微薑，令到菜式近惹味😊最重要口水雞真係啖啖肉，唔似出邊有啲只係得骨👍🏻👍🏻➡️酸菜魚（細） $168酸菜魚用咗鯇魚，但每一舊魚都非常新鮮，魚質好滑，但不忘鮮味，雖然間中魚有骨，咁樣睇得出唔係用雪魚，而係真係用新鮮嘅魚嚟熬製，而且酸菜魚嘅湯都調得非常之好😆➡️酸辣土豆絲 $88微微嘅酸配上微微嘅辣，食得出每一條土豆絲都非常爽脆，而且唔會只係得汁嘅味道，而係真係食得出薯仔嘅味道😆真係超級正➡️最後食辣嘢，當然要配上兩杯冰凍嘅飲品🫙鹹檸七，菠蘿冰$26飲杯嘢都真材實料，菠蘿雪到冰凍，而鹹檸七就非常有份量，整餐都好滿足😊整體嚟講都係一間好正嘅小店川菜館，坐入去不但即叫即整，而且整嘅時候都聞到濃濃嘅香味，非常吸引，值得一試。

印象中，雲（南）貴（州）（四）川，二湖（湖南，湖北）啲人係好食得辣嘅。我非以上族類，但係周不時都會趁吓熱鬧，去食吓川菜，湘菜，至於辣度，當然係最低級數iBB辣，有啲冇得揀嘅當然就唔會幫襯啦，因為食唔食到自己知嘛。今日來到呢間川菜館-- “肥姐麻辣餐廳” 就係有得揀大辣，中辣，小辣，BB辣的餐廳。今日嘅拍搭係食肉獸，所以平時食開酸菜魚的我就陪住佢嗌咗“酸菜厚切牛肉”，酸菜湯菜式材料齊哂，酸菜少不了，芽菜，芽白亦都有，味道正宗，雖然嗌咗細碟，但份量一啲都唔少，牛肉又夠鮮嫩，抵食👍🏽“招牌口水雞”一份88蚊，份量亦比想像中多，仲有啲青瓜墊底，平時啲雞皮我係唔食嘅，但今次好食到連皮食落都唔知😁😁“土豆絲”係我一個好朋友曾經做畀我的一道美食，而呢間餐廳的土豆絲竟然有4種味道，有淸炒土豆絲，有酸辣土豆絲，有青椒土豆絲 ，有泡椒土豆絲，實在太驚喜啦，點咗個“酸辣土豆絲”，清晒碟😋😋

大家好今晚到了荃灣既肥姐麻辣餐廳食晚飯這間小店主要係食正宗川菜 麻辣既食物有四個辣度大中小BB 辣今晚主要係食最小既BB辣首先上既涼拌木耳木耳都係都幾清爽唔會話太辣係酸酸辣辣既仲有麻辣既雞腳另一款小食招牌口水雞這個雞係BB辣都幾夠味也唔會太辣雞有些都起左骨而且都幾滑墊底仲有青瓜吸收左辣汁都幾好味跟住就上今晚主菜酸菜魚酸菜魚都幾大碟魚係用鯇魚果一類都幾滑不過有少少骨食既時侯都要少心同埋這碟酸菜魚都幾多酸菜泡椒 麻椒所以都有少少麻辣既感覺仲有D大豆芽同娃娃菜不過其實個湯都幾清可以飲埋都得最後來個麻婆豆腐豆腐都幾滑都係麻麻辣辣送飯就最正總括這間店係老闆肥姐自己經營所以食物質數都係有保証

📍 肥姐麻辣餐廳 (荃灣)荃灣沙咀道169號滿樂大廈地舖鍾意食辣嘅，我之前已經聽到朋友講話呢間係好唔錯，今日終於都嚟到試見佢價錢唔貴而且食物大大份😍😍👉明爐香辣魚💰$268😋😋😋😋.8/5明爐香辣魚魚肉勁新鮮飽滿，個魚皮微焦但入面啲魚肉好嫩，叫左小辣椒香氣十足，唔會因為太辣而食唔到，而且入面仲有最鍾意嘅豆腐，仲有勁多香氣十足嘅配料，蒜頭洋蔥蔥芹菜紅辣椒花椒，真係色香味俱全回頭：yesyesyes!食物好大份，我哋兩個人食飽到捧住個肚走，而且小店好有人情味要多多支持

今日放假同朋友去荃灣行街，朋友推薦一間川菜，就係球場隔離，好容易搵到！朋友話呢間店嘅師傅來自重慶，所有調味料都來自四川，十分正宗！👍🏻餐廳環境乾淨整齊，比較多卡位，坐得幾舒服餐牌有好多選擇，有明爐香辣魚，水煮魚、特色小炒、招牌雞煲、家常菜、涼拌菜等等，菜式亦可以選擇唔同嘅辣度！🤤仲有配菜送，酸辣開胃酸辣土豆絲🥳大大碟，份量都好多，薯仔絲切得好幼細，食落好爽口開胃，酸辣度啱啱好，看似平平無奇，但係好好味！酸菜魚🥳份量超大，有好多塊，魚肉新鮮，肉質厚實同嫩滑，魚肉同酸菜比例啱啱好，香濃酸辣味，又食到魚嘅鮮味，真係好出色，有驚喜！口水雞😋口水雞外皮爽滑彈牙，肉質鮮嫩可口，都幾Juicy，特製醬汁又辣又麻，少甜，超級惹味！醬汁入面加咗芝麻醬，好香濃，食完一啖又一啖，好快就清晒！覺得呢間係隱世嘅川菜，每個菜式都係充滿着心機，真係令我好驚喜！😊