麥當勞

Open Now

Now Closed

每次都忘記給甜酸醬，去櫃檯要，找單找很久，明明我手機訂單明細有寫，好像客人要貪小便宜，回位後又把我未用完的餐收掉，基本上香港麥當勞漏給食物基本上是常態，但漏給東西態度差當客人是賊的態度這家排前面……能否準備餐點癑再嚴謹一點後，再這麼有自信去對待客戶

Ah！吓！今日我食到咗麥當勞個芝蛋脆雞堡🍔，唔講唔知，呢個堡堡仲真係得啲料。第一口咬落去，面包超香軟，芝士🧀同煎蛋黃流哂出嚟，整個咸香濃郁撲鼻！雞扒香脆得嚟又唔油膩，啖啖肉，真係食到我心滿意足！再配杯汽水⚡，順滑涼快，一齊落肚，舒服到不得了！跟住，嗌咗個香草辣雞翼來試吓，哇！識食嘅人就知辣雞翼先係王道👑！啲雞翼炸得啱啱好，外皮辣味十足，咬落去肉汁四射，真係辣得嚟又惹味，正港滿足！食飽？食飽就要食甜品喇～朱古力新地筒🍦嘅脆皮，我嗌咗個double choco，呢個脆皮係真係脆到不得了，叮叮聲食落咁解壓！雪糕冰冰涼，朱古力味濃郁，每口都係享受，食得我心花怒放，整體嚟講，今次食得真係開心滿滿！下次再嚟，一定要早啲，免嗌埋唔到啲好嘢！👍🏼🍴🎉

今日呢間分店裝修完開番嚕，一入到去好似迎賓咁,勁多職員喺度,仲有好多係經理級既,撞啱今日佢開始做promotion,買兩個早餐滿$59,仲送自動出泡洗手套裝(價值$239.9),用payme俾錢仲要有九折,真係抵到暈呀,我仲即刻傳開呢個消息,同事們都勁心郁我買左一個豬柳蛋漢堡餐跟凍奶茶多奶,另一個就叫左魚柳包餐跟大即磨咖啡,都係多奶,埋單先$60左右P.S.佢個優惠只係做到02/05/2021但聽同事講之後仲有沐浴露同洗衣液送，真係大鑊

今朝返工瞓晏咗，趕時間唔得閒準備早餐，因為佢而家嗰個Apps可以唔使scanQR code都可以揀到分店自取，一出地鐵站就落單，去到已經即刻拎得，真係勁方便，慳番唔少時間今日叫咗炒雙蛋火腿堡配凍奶茶多奶，個包叫左多醬都有多到因為好怕個包乾爭爭，所以次次都會叫多醬同埋凍奶茶我都會次次叫多奶，咁先夠好味，試過有一次叫咗多奶都冇多度，成杯奶茶變得不知所謂，真係送俾我都飲唔落另外個薯餅拎到返公司都夠熱外脆內軟，好味道一個滿足既早餐，開始一日既工作☺️👍🏻👍🏻

放完工又約咗我嘅女朋友去撐枱腳，今日都非常之正。喺太古坊呢頭食完野，本身唔係好飽，又想食啲甜嘢囉，佢朋友就建議不如去麥當勞嘅甜品吧度食最近推廣嘅Hershey雪糕， 我哋叫咗朱古力脆皮，係值得叫嘅。好正，有好多種口感，脆皮真係脆，新地筒嘅外皮亦都係脆嘅，兩個人一齊食一支就完美喇。推薦比唔想食完餐飯就翻屋企嘅男朋友們。女朋友食完一定好開心

其他分店汽水。可以走冰。為何這分店的Trainee一口拒絕？只有這間分店汽水不可以走冰嗎？實在不明日。we can order coke within ice in other branch, why this request is being rejected in this branch?

為咗瘦身，#小秘書 嘅 #早餐 一般以 #蕃薯 + #蛋白奶 為主食，不過每一星點都會比自己放日假，食啲「唔健康」嘅食物🤪 其實做人又好難吓吓計得咁仔細嘅，食多咗咪游多兩個堂補數囉😉#小秘書 呢日07:30就返到office，準備開會啲文件，安頓好班「腦細」，#小秘書 #功成身退 可以落樓嘆個 #早餐 再 #有衝刺😋 呢日嚟到街口間 #麥當勞，當時八點鬆啲已經開始人多，鋪仔細細迫滿人潮，而且呢間家「麥當勞」光線特別黑，望入去好劑湧。呢日就試吓佢新出嘅「芝蛋脆雞堡」配 #熱朱古力☕️ 包身鬆軟，咬落去芝士溶埋喺蛋入面，而件 #脆雞堡 唔會炸得太乾身，不過早餐食 #脆雞堡 就似乎heavy咗啲👉🏻👈🏻😆 唯有自我安慰「一次咁多啦」😂

放飯唔知食咩好.......諗起近排M記推咗兩隻新包未去食過喎，就去試一試先。個名勁鬼長……：大大啖金澤風味黑咖哩吉列豬扒漢堡，我仲叫埋加大配埋同步推出嘅麻油味shake shake粉同蘋果特飲。好彩特飲有比飲管，咪我真係唔知點飲好。唔講咁多，薯條+粉=shake shake shake~~~ 一打開薯條袋成浸麻油香撲鼻而來，但係不得不說又鹽又粉真係好咸，雖然好香好好食。跟住到包，呢間個包整唔係咁好，塊豬扒唔夠厚，我之後又食過一間，塊豬扒好大塊好厚，比咗好多咖喱醬勁香勁好食。所以其實個包本身係掂嘅，不過係特別某間整得麻麻。大家可以去試下。

M記又出新包啦！正呀一定要去食下。趁住放飯即刻去食。今次新包個名都幾長下：大大啖名古屋風味味噌吉列豬扒漢堡。我叫咗要加大、順便試埋佢新出嘅shake shake粉：黑蒜油豬骨湯味，同埋加大版凍奶茶。shake~shake~shake~完之後，一打開個袋，成浸味精味攻晒出嚟，但係食落又幾香口吓喎，薯條應該係剛炸好的，夠熱唔軟。跟住就係主角包啦！塊豬扒有啲軟，外皮我expect係硬嘅脆嘅，但事實係冧嘅。除此之外，總體隻包唔差，佢仲落咗好多燒汁，啖啖都爆汁咁。

早排返工得我一支公去放飯,一於廢廢哋去食M記。其實M記一直都keep住出咗好多好好食好受歡迎嘅包。將軍漢堡、招財福堡啊～～～今次我去食嘅係呢個黃金脆薯雞堡餐，凍奶茶，同埋新出嘅紅豆吉士批。呢個包我印象中係出過嘅，入面有薯餅又有菜又有雞排，再配埋黑椒汁！！！正呀喂，邊個話食M記一定頽㗎！佢個紅豆吉士批都係抵食嘅，一半紅豆一半芝士，食落好甜好有味，又夠飽肚，攞嚟當下午茶食都係一流。

每一年麥當勞總有幾次做超級大優惠，今日係優惠嘅第二日，今日嘅優惠就係$10兩個豬柳漢堡。今日係要返工嘅日子，對於女仔來講中午又唔想食咁多野，同同事一人一個豬柳漢堡就啱啱好！中午大概一點半左右嚟到呢一間麥當勞分店係位於我公司附近嘅，就係特登為咗黎買依個超級大優惠入到去唔係好多人，等左20秒到就可以排隊買嘢啦，最犀利嘅地方就係我比完錢之後2秒就可以拎走個包喇！依樣野真係要讚一讚，未試過買快餐1分鐘都唔需要因為依間分店出名位置比較少，中午時間唔使旨意有位坐，所以都係拎返公司食拎返公司大概5分鐘左右，個包仲係微暖！味道同冇做優惠係完全一樣，個包亦都唔會細咗，依個價錢真係好抵食，冇得輸

大家好👋🏻👋🏻 #新年快樂2019年第一個工作日，#小秘書 今朝唔夠八點⏰就要開工😴 加上天氣咁凍，要咁人哋早起身，簡直係個大挑戰🤺為咗彌補 #小秘書 #生理時間 嘅不協調🥴 #小秘書 今日要食個豐富早餐嚟補一補🤩 話你知吖... 其真我一向都唔鍾意食 McDonald's 嘅 #早餐，不過我呢個 #外貌協會組員 今次又因為 #麥記 早餐個 #新包裝、同新加嘅 #奶醬🥜🍼（花生醬x煉奶）嚟幫襯😆 #熱香餅 本來配 #奶醬 都夾嘅，不過對我嚟講實在太甜😅 而我就將 #炒蛋 + #豬柳 夾埋落個包一齊食🍔 本來就係 #豬柳蛋漢堡 嘅翻版啦... 但係點解我整得咁難食嘅🤪 成份早餐對我嚟講就只有去薯餅、熱朱古力比較正常👉🏻👈🏻 ... 睇嚟我都係啱食白烚番薯多啲🤣#2019HaveAGoodMorning #balabalaba

一出既時候太多人食🍦成日一係太多人排隊..一係就賣哂🧐去左兩三次都係食唔到…今次終於食到🤤💰$6 朱古力新地筒脆皮朱古力新地筒🍫裏面可以揀朱古力扭紋或者呍呢拿口味🍦我揀左朱古力扭紋..變左Double choco既味道🍫厚厚既脆皮好有咬感。真係外”脆”內軟😆$6蚊雞底食啦…唔怪得要排哂隊😏*. #McDonalds #麥當勞#朱古力雪糕 #脆皮雪糕#朱古力新地筒 . ..……………………👧🏻肥妹小編.............................👇🏻地址👇🏻McDonalds麥當勞鰂魚涌英皇道1060號柏惠苑購物商場地下C舖 .……………………

小秘書呢排見「麥當勞」勁做宣傳，每日都攞啲特價食物出嚟吸引客人🍔 我見今日唔係咁忙，老闆又出咗去，加上lunch果碗車仔麵又食我唔飽👉🏻👈🏻 所以頭見一收工就準時走落去買個$10嘅「芝蛋脆雞堡」填吓個肚😋雖然係特價食物，不過今次麥當勞都落足料呀！面包好新鮮，隻旦🐣似係剛剛煎熟，咬落去仲出緊煙㗎， 主角「雞漢堡扒」都幾好味，而且又唔會煎到油淋淋👍🏻👍🏻 實在難得！加埋杯細可樂都只係$15... 正！

傳聞係美國有隻賣斷晒市ge麥樂雞醬黎左香港所以就算我減緊肥都一定要去試下麥樂雞餐一如既往係$24 完全係打工一族ge恩物試問今時今日ge香港，仲有邊度可以$24食飽一個lunch...............呢個就係傳說中ge川式甜酸燒汁醬坦白講除左燒汁味，我真係食唔出川式同甜酸係邊😅個汁比較稀 ，同麥樂雞亦都唔太夾我其實唔係好明點解美國人咁鍾意食呢隻汁都係傳統甜酸醬好味d心思思想試ge朋友可以試一次不過亦只會試一次lor😂😂😂