麥當勞

Open Now

Now Closed

呢個三重芝士安格斯漢堡真係唔好食！首先，漢堡包的肉質唔夠Juicy，咬下去好乾，完全冇咩肉汁流出來。再加上三重芝士，雖然聽落好吸引，但其實味道太重，反而蓋過咗肉的味道，食落去有啲膩。包仔又唔夠鬆軟，咬下去有啲硬，整體食感唔好，真係唔建議試！

外賣區有立食位置, 方便速食。McGriddles 套餐 $36.51) 楓糖班戟豬柳蛋漢堡2) 脆薯餅3) 雪碧自問很少吃麥當勞的早餐, 但McGriddles系列一出, 竟讓我吃了數次, 喜歡其鹹鹹甜甜的滋味, 今次試了網絡介紹的新食法, 把薯餅也放入McGriddles中, 口感更為豐富。 麥當勞於9月12日發了貼文, 公佈McGriddles於9月底會陸續售罄, 不過只是暫時告別, 會再返嚟。不管最後會否回歸, 佛系, 有緣再會。

脆爆雞腿包：雞腿肉炸得又香又脆，咬落去啲肉汁多到會爆出黎，搭配上韓式特製醬料，味道好豐富。呢個包真係好正，值得一試！加上個包出到黎係熱辣辣勁正蜂蜜牛油味Shake Shake粉：呢隻調味粉真係令人驚喜。薯條炸到出黎熱辣辣又脆，咸中帶甜嘅蜂蜜牛油味粉令人食唔停口

買咗番嚟先知豬柳蛋原來係冇蛋，咁神奇！個餐都唔平，仲要連蛋都唔俾，真係垃圾！次次都有啲野執漏，大圍間間m記都好垃圾，唔會再俾機會係大圍食m記。食到真係好勞氣😤

當你唔知道食咩好既時候 就會好想食啲炸野 感覺好似會精神100%今日下午有啲肚餓 唸緊 食咩好呢呢~ 熱熱既炸雞畫面又出現呢呢~ 😌😌啱啱見到McDonald's App 有優惠 脆香雞翼+中汽水($20)甘優惠 緊係要去食啦 可以一次食哂4隻脆香雞翼甘幸福😌脆香雞翼+中汽水($20)脆香雞翼 一直係我麥當勞喜愛食物頭3名 排係薯餅之後🤭🤭落單之後 唔係好耐就攞得 熱熱炸雞翼😍😍就甘聞落去 就己經好香 顏色都好靚~出面炸層好脆 連埋雞皮 味道好香♥️♥️雞肉好滑 有彈性 有肉汁 真係好出色😋😋

當你唔知道食咩好既時候 就會好想食啲炸野 感覺好似會精神100%今晚唔知道食咩好 天氣又有啲凍 係巴士度就唸緊 食咩好呢呢~熱熱既麵 定熱熱既炸雞好呢~啱啱見到McDonald's App 有優惠 爆蒜麥炸雞套餐($48.5)有優惠卷(-$10)~我未試過呢款口味既麥炸雞 之前剩係試過原味同蜜糖BBQ口味~我對呢兩個口味 感覺就還好😛落單之後 唔係好耐就攞得 熱熱炸雞😍😍就甘聞落去 蒜味唔係特別大 但係就幾香 顏色都好靚~出面炸層幾脆 連埋雞皮 味道好香 仲有淡淡既蒜味 正正呀😋😋雞肉唔會好鞋 有肉汁 😋😋但係薯條就好普遍 有啲淋同硬 唔太吸引😶😶唔知道邊間既麥當勞薯條最好食呢~~暫時黎講 最中意呢個口味既 爆蒜麥炸雞🐣🐣

是次是補漏早前的食評回憶。說到漢堡，又不得不提麥當勞。近年來，麥當勞積極推陳出新，早兩年推出signature 系列，試過幾款都頗有新意，後來安格斯系列亦走上常見款式之列，贏得大眾的胃口。可惜最近一兩年，似乎又在翻炒舊作，黑椒漢堡每年都有，蝦堡去年亦有，再來還是將軍漢堡吧。先說黑椒漢堡，其實少說應有十多年歷史，我記得還是學生時已經有了。近年注重包裝，漢堡紙外還有盒子。十年如一的味道，近年稍作調整，除了雙層牛肉，也加了粟米片作豐富口感。味道是近似茶餐廳港式黑椒汁，惹味，可惜太濕，成個包變得濕透。粟米片有作用，多了一個口感，扳回一分。洋蔥碎點睛，典型套路，假如能考慮黑椒汁的問題，相信更好。到現在的蝦堡。同樣的設計風格。簡單，但不便宜，單點34元一個包子對我來說是要慶祝的心情才會付的價錢。包子鬆軟，特制包種的好處。相對黑椒漢堡就乾身得多。調味就以沙律醬為主調，稍偏酸甜，頗膩，毫不能起到平衡中和的作用。魚柳沒太問題，就是平常的口味。蝦餅大件事，出奇地差，除了蝦也有魚肉質感，粉下得多，毫不爽彈。蝦肉帶著廉價冷藏蝦的味道口感，膠的口感和鹼水味充斥，以失敗係句號。晚上九點多來到，可能員工不足，用餐區

一間比較隱世嘅麥當奴，要行一條長長嘅樓梯先入得到餐廳裡面。雖然面門已經有大大個麥記標誌，不過今朝早餐時段入到去都唔見太多人，起碼唔見有老人家，睇嚟嗰條長樓梯的確唔係好senior friendly.一向生活於貧窮線邊緣位置嘅猴子，經常都會諗吓縮數，坊間不嬲都話麥記嘅餐散買會平啲，所以今日就用精選早餐套餐嚟計吓條數。以呢間麥記為例，一個精選早餐套餐賣HK$31，裡面嘅嘢其實大約等同於一個豬柳蛋漢堡加一杯飲品再加多塊薯餅。如果拆散嚟買，即係買一個豬柳蛋漢堡餐醒晨超值選，再散買一塊薯餅，價錢分別係HK$18同埋HK$12.5，加埋就係HK$30.5。即係話，食大致上相同嘅嘢，但散買就可以平五亳子。講係咁講，不過唔知點解，猴子都係鍾意精選早餐套餐多啲，可能係賣相好啲呱。講返味道，猴子其實幾鍾意食麥記嘅薯餅，因為好香好脆，而炒蛋亦炒得好香好滑，不過塊豬柳硬係覺得鹹咗啲，一定要用麵包夾住嚟食先可以戥返勻啲味道。

大圍麥當勞自從裝修過後就搬左上上一層，雖然要行一條比較長的樓梯，但環境比以前寬敞舒適同大左好多！一如既往，最鐘意食麥當勞的早晨全餐同熱香餅！食完個早餐後，真係have a good morning呀

將軍漢堡其實係十幾年前嘅產物但係佢呢幾年斷斷續續咁樣出期間限定，見到佢有得賣真係忍唔住買返個嚟食下。記得好多年前佢第一次出嘅時候只係得將軍漢堡！現在，佢多咗玉子將軍漢堡，顧名思義玉子將軍漢堡裏便就係多咗一隻蛋，同埋醬汁方便都有少少唔同，等我講比大家聽啦。玉子將軍漢堡除咗本身嘅鳥汁之內，佢仲多咗沙律醬。其實我唔知道係因為唔同地區麥當勞的關係，而令到食物質素有偏差，還是整體質素下降了？我總覺得剛剛吃了的，不及以前的好。首先講個賣相，打開個包裝紙之後你會見到好多汁都在包裝紙上，我要見到包裝時，漢堡包過受壓以至醬汁濺出來，以至包裏面嘅汁少咗。另外我見到啲生菜散散亂亂，分報在包裝紙上，本來也有點層次的漢堡包變得扁扁而欠立體感。不過醬汁嘅味道仍然出色，加了玉子，感覺更加實在。美中不足的就是沙律醬多了一點點，搶了鳥汁嘅味道。將軍還是要把盔甲穿好。