麥當勞

Open Now

Now Closed

8號風球之下，樓下只有零星既餐廳有開，見到麥當勞既「脆辣雞腿包系列」同不倒翁OTTOGI勁辣醬 再度回歸，就等我黎試試佢啦🥳地獄脆辣雞腿包$38簡單黎講，就係脆辣雞腿包加上OTTOG既勁辣醬、原片甜香菠蘿、大量生菜絲，大大減低左辣度。。但我都食到流哂鼻水😂 食到嘴唇都震哂既我 宣佈不敵❗️食得辣既Fans要有心理準備🙃除左包款，麥樂雞都同樣推出埋同款辣醬，食得辣既你就咪走雞啦！Ps: 本人之前食開譚仔三小自私評分：🟡🟡⚪️⚪️⚪️自私評論：對我黎講，真係一般，不論外觀同味道比較之下都吸引唔到我🤔 下次都係食翻其他或signature collection算

見到近排新出一杯mochi嘅紫薯飲品🍠，睇落好吸引，開賣嘅第一日就即刻買黎試，不過紫薯味比想像中淡，甜味亦都唔太夠，有啲似飲緊鮮奶，不過mochi好多，口感煙韌😋

麥當勞嘅蝦堡終於終於返嚟啦，因為今個夏天真係好熱嘅關係，平時唔鍾意食菠蘿嘅我都嗌咗呢個菠蘿蝦堡，好似比較消暑啦，但係可能我本身唔係好鍾意食菠蘿嘅關係，我自己覺得呢個蝦堡上面嘅菠蘿唔係好Juice囉，但係個蝦餅都OK嘅，個櫻花蝦味嘅薯條呢，我就覺得有少少辣估佢唔到😂

難得今日放假瞓到10:30 ，一於去買返個麥當勞早餐返屋企慢慢嘆，買咗個早晨全餐配鮮榨橙汁，但係佢杯橙汁實在太細喇，一啖就飲晒，所以我加左$1.5轉左大杯橙汁，因為我同屋企人都好鍾意食薯餅，之後仲每個人加咗多一塊薯餅，原來而家單買一塊薯餅要$13 ，真係好貴，但係我地又覺得麥當勞嘅薯餅係世界上最好味嘅薯餅，其實每次食早晨全餐我哋都會覺得不如買個豬柳蛋漢堡餐仲可以多塊芝士仲要唔使咁貴添，但係我唔想食豬柳蛋漢堡嘅蛋，就係想食佢嘅炒蛋配豬柳，所以都係叫返早晨全餐

好多年前茶餐廳新推出左一款飲品，記得叫做麥皮胚芽好立克，果時都仲未興飲台式飲品，就唔好話珍珠奶茶喇。果時杯好立克飲落去加埋粒粒胚芽同麥皮，有得咬下，個口感都幾特別架，就好似木糠布甸咁。M記呢個好立克麥旋風雪糕就同果時杯飲品概念差唔多。佢個好立克雪糕好立克味唔會勁重，我自己覺得味道適中岩岩好，可惜既係胚芽攪左入雪糕入邊濕左口感就冇咁脆口，全部脆身都係依賴餅乾碎。所以如果我食就會直接食返普通oreo 麥旋風，如果真係要食好立克我反而建議食朱古力脆皮，脆皮加好立克雪糕呢個配搭，個人感覺無論口感同味道都比好立克麥旋風好。

未入門口已經聞到薯條味，再行近d炸雞味撲鼻而來，未聞過咗新鮮嘅肉味。比一般韓國餐嘅炸雞有過之而無不及。再叫多盒芥末醬，未聞其味先見其色，奶黃色，一定係美國進口野，再入口，酸酸辣辣中帶點香純，口感一流。絕對可以比美五星級酒店餐廳。

Today I went shopping at this area with my friends and we wanted some light snacks for afternoon tea! We walked pass Mcdonald and we found that there was the offer $10 for 9 chicken nuggets, so I decided to order it for takeaway!The chicken nuggets were as good as usual! They were crispy and the chicken was soft. It was very savory especially when it was served with the mcdonald traditional sweet and sour sauce! It is the best sauce for chicken nuggets!

朋友係股票贏咗唔少錢，話請我食麥當勞早餐，咁我當然話好啦😆本身淨係想要魚柳包餐，但係朋友話近排新出左炒雙蛋牛堡同埋炒雙蛋火腿堡，問我試唔試吓，於是我就揀咗個炒雙蛋牛堡試吓啦！睇網上介紹張相好似好足料咁，所以拎到個早餐已經急不及待打開個包嚟睇吓，果然係用咗兩隻蛋，所以個炒蛋份量好足夠，而塊牛都係平時嗰啲，無咩特別，佢嘅醬料有少少似魚柳包嗰一種，但係又冇嗰隻咁酸，整體來講個味道都唔錯。不過食食吓就會發現後面嘅炒蛋冇前面嘅咁厚，但都算係咁啦，希望個同事繼續贏多啲錢，繼續請我食早餐🤣

麥當勞呢排有Hershey’s朱古力雪糕食，今日記起就去試下。個人認為朱古力味非常濃郁，好好食，有機會會再食過！另外呢間鋪甜品站嘅姨姨超nice，見過佢幾次，次次整啲新地都好完美，個尖端真係喺正中間👍🏻；對小朋友又熱情；感覺佢好鐘意呢份工作

HERSHEY’S又返到黎McDonald雪糕🍦站，剛巧經過見到轉左即刻食咗先啦😜😜～～～HERSHEY’S新地🍦～～～$6.5一入口已經feel到同HERSHEY’S朱古力🍫一樣味道，雪糕質地非常柔滑，比起之前食嘅’黑糖珍珠雪糕🍦’更加綿綿的，食到有溫柔嘅味道😍😍～～～HERSHEY’S朱古力麥旋風～～～$14呢個麥旋風加咗Oreo朱古力🍫碎碎反而減低左朱古力嘅柔滑感，亦都冇咗HERSHEY’S嘅味道，只係變咗一杯好普通嘅麥旋風雪糕🍦😞😞建議叫返HERSHEY’S朱古力新地或者新地筒已經夠啦😜😜

今日見到麥當勞做特價，就即刻排隊試佢的新款新地，雙重芒果新地！因為做特價的關係，只需要$5就買到一杯，所以排隊排左15分鐘才買到。第一啖食落去覺得都幾有芒果味。酸甜比例幾平衡，冇想像中咁甜，感覺健康啲。但如果要我用正價$9買一杯，我就未必會買了！至於環境方面，去得麥當勞都預咗，就係好多人，坐得逼同埋唔太乾淨。希望麥當勞會改變一下餐廳的清潔人手及裝修，這樣才可以改善餐廳清潔，裝修燈光夠光，令食客覺得乾淨及舒服。食得安心！

最近見麥當勞又推出了滋味蝦堡套餐，太好了已等了好耐了，終於又重出江湖，真系好開心😃 期待已久，今日放假有時間，早上瞓醒已是12點半，所以決定走去屋企樓下間麥當勞食🤪平日的中午時分，都吾算太多人，系自助機點完食物後等叫號碼拎食物，前後都系大約等了5分鐘。我將套餐薯條轉左粟米🌽粟米帶甜好味又健康，起碼冇薯條咁油膩，蝦堡炸得香脆可口，配合沙律醬同生菜，口感一流，保持一貫的水準。滋味蝦堡套餐$34超值。

這裏的環境一般，服務一般，不過勝在麥當勞的食物比較便宜，在這裏吃一頓下午茶， 也不錯，一個漢堡包，一杯飲品，配上雪糕，就是我平日最愛吃食下午茶快餐了，有時候也會把漢堡包轉為細薯條，下午茶時段的麥當勞，比午餐晚餐的繁忙時間，輕鬆多了！

講到麥當勞可能好多人覺得好普通，但對於我來講係小時候嘅回憶，細個嘅時候最鍾意食佢嘅漢堡包，如果有薯條就更好不過細個嘅時候好多時都係粟米杯，大個咗之後食麥當勞一定係要配薯條🤩位於將軍澳呢間麥當勞地方夠大而且收銀員態度亦好好👍🏻

Home Office嘅日子，其實都唔係想像中咁嘆🦖🦕 #小秘書 比平時仲要早開工，#靠山打牛 好多嘢都唔係咁順手😕 加埋仲要懶有責任心，將 #公司條電話條 飛埋去 #自己手機... 真係煩到呢🤪所以我襯 lunch time走落 #商場 抖抖氣，順便去 McDonald's 買個 #包🍔比自己做 #午餐。雖然個 #豬柳蛋漢堡 只係賣$12，不過熱辣辣、而且材料亦都算豐富🤤 一大片 #芝士 夾喺 #漢堡扒 一齊食，比$10買個雪糕新地、再用coupon換杯 #橙汁、☕️ 簡簡單單嘅一餐... 我又回魂喇❤️