肉餅哥小炒料理 (Closed)

Warning ⚠️ I had pork today... real pork... 😭😭😭Decided to try the omnipork at Meat Pie Gor today. When ordering, the waitress asked if we want soup with our lunch meals but the soup has real pork. We were confused then told her we are vegan and don’t eat meat. We wanted one with rice and one with pumpkin congee. The waitress told us that the pumpkin congee has meat and the other option which was rice noodles have chicken powder... so the only vegetarian / vegan option is rice. (I don’t know why t

第一次試食肉餅哥一入去已送了例湯兩個人點了兩餸，已經好夠飽環境ok, 星期六晚上都唔算太迫肉餅彈牙，唔係一般鹹蛋蒸肉餅鹹蛋香到漏油豬潤爽脆，又唔會太生成個餸好鮮甜一定再去

今日晚餐去左肉餅哥之前上網睇過啲報道，本身都幾高期望，可惜佢令我有啲失望。晚餐時間得肉餅係有套裝，其他小菜就無跟飯，加白飯要$10.我地點左一個蝦膏蟹棒煎肉餅，同埋一個啫啫炒芥蘭。兩個餸比我既感覺都係好油同好鹹。雖然我點呢兩個餸本身都唔屬於清淡，但佢真係滴哂油咁，個人就唔太接受到。而肉餅就無乜蝦膏味，蟹棒都只係見到疑似好碎既，所以味道就唔特出，似一般煎肉餅。最後兩個餸加一碗白飯埋單就要一百三十幾蚊，價錢偏貴，而且味道一般，所以下次未必會再黎食嚕。

見有優惠券，第一次試，但永遠冇下次。d人服務態度差過茶餐廳，個個人，都串串甘。見到店員抹台，係直接jiang餓到癲，餓到暈都未出餐，我唔趕時間，但完全等到唔耐煩。半個鐘，同我講，廚房住唔切。上到黎，超級失望，鹹魚肉斌，d肉好差，鹹魚係比個鹹魚頭比我！乜事啊？連肉都冇。連鎖快餐或許泰興肉餅好過佢多多聲，一小塊肉餅，賣59？冇下次，食垃圾。豬肉肉質好差，淋曬，可能準備發霉。配個例湯，得個鹹字。

今日兩個人叫左個二人餐。揀一個A 一個B 跟飯 再加一個湯個menu 入面真係好多肉餅。A揀左個咸魚雞粒豆腐煲，菜飯加兩蚊個湯太咸足兩碗 同真係有啲花膠肉餅不過不失屋村餐廳都有手工啤酒。

我同店員落單,同佢講要咩之後,佢又問四五次我要d咩,搞到過咗下午茶時間,我問店員我點嘅時間都未過下午茶時間,結果店員話:都過晒鐘la過。我講：我落單之後都未過鐘店員講：你同我講規則? 我心諗： 明明係落單嗰個人多番問我食咩,搞到遲咗落單 仲要咁樣嘅態度

美林冬菇亭翻新左幾年，身為大圍友但一直未去過食野，一於搵日去試下。見openrice評價唔錯，就去左食肉餅哥。平日晚飯時段差唔多坐滿人，望落係冬菇亭最旺既個間。一坐低就feel到好勁既冷氣，上左menu就上左兩碗例湯，味道偏咸。兩個人去食所以叫左個兩人set，一湯兩餸兩飯同兩支可樂，好耐無飲過玻璃瓶裝既可樂啦！首先上左蟲草花花膠雞腳湯，一大碗，裡面料好足，雞腳都有兩隻，味道好濃幾好飲。之後就上左主菜同飯，飯加幾蚊轉左菜飯，幾香。兩款餸揀左京都骨同招牌肉餅。京都骨幾香，肉唔肥唔柴，可惜翻整同放得耐有d un。招牌肉餅係煎肉餅外面裹住咸蛋黃，食落非常香口，而且肉餅用料足，份量亦好多(本來以為只得四塊左右)。總括而言，肉餅哥比我感覺係茶餐廳同大排擋之間，食物似大排擋大份而且好有鑊氣，但環境就有d似茶餐廳但比茶餐廳舒服，食物整體偏咸且濃。btw有朋友話衛生情況麻麻，但當日去到都算乾淨。

柚子肉餅，顧名思義就係肉餅上面加柚子蜜個樽野。聽落係咪好簡單？無錯，好似都係。但係有創意得黎個味幾得意 xd所以，如果你真的想嘗試，可以不妨大膽地試一試！然後你發現，返屋企蒸肉餅其實仲可以加其他野上去，好似呢間野一樣發揮無限創意👍🏻👍🏻

肉餅哥小炒料理@大圍金沙蛋黃肉餅w/白飯 hkd72八珍豆腐煲 hkd88.店內有好多人黎食小菜, 一家大細、朋友聚會都幾適合 環境都算寬敞一坐底店員就會送上熱湯有湯渣, 而且唔會一飲就feel到有味精嘅今次order左黃金肉餅同八珍豆腐煲鹹蛋黃同肉餅都好好送飯呢到一碗嘅份量完全無問題XD肉餅個size有一個排球嘅直徑咁上下佢仲唔係薄薄一片，都幾厚身，啖啖肉蛋黃個部分係沙沙的, 亦係白飯小偷😆令你不知不覺扒多好多飯八珍豆腐煲都幾抵食入面有好多款唔同料: 豆腐 豬潤 腩肉等等味道很好, 唔會太咸 食呢個又可以order多一碗飯XD其他肉餅都好吸引, 下次再去試試先推薦大家去啊！

說起肉餅，當然第一時間想起哄動一時的肉餅哥，奶奶一直自信自己造的肉餅鬆化又多汁，所以從不外出點肉餅，所以今日就帶老爺媽媽來試試肉餅哥新派的肉餅配撘，讓奶奶知道肉餅其實可以千變萬化⋯這晚我們駕車來到美林邨的肉餅哥，環境舒適開揚，種種口味的肉餅Poster隨處可見，但原來現在肉餅哥已經不單只賣肉餅，還有超多選擇的小菜!!!菜單內除了皇牌的各式肉餅外，還有勁多的小菜菜式，令我們忍不住打小菜主意XD入座後每位客人都會免費獲得一碗老火湯，可以邊喝湯邊選菜，胃部暖和起來更添食慾～來到肉餅哥不點肉餅實在是罪過，所以我們點了原隻波士頓龍蝦肉餅飯，肉餅肉夾著龍蝦肉更為爽口彈牙，雖然龍蝦味略為不夠，但仍食到海水味道，賣相造型非常吸引﹗豉椒抄蜆超級惹味，鑊氣十足，蜆肉新鮮爽口完全沒有沙，讚﹗另一推薦小菜：霸王雞(半隻)，雞肉嫩滑多汁，雞有雞味，加上調味出色，非常入味﹗砵酒廣島蠔也令人大讚，熱騰騰的上枱，蠔大隻水份足，濃烈的蠔味與鮮味混和，外層香口惹味，內裡水漾感覺令人再三回味﹗西蘭花抄青衣球，因為我喜歡吃西蘭花，所以往往喜歡選西蘭花菜式當作蔬菜，這個西蘭花抄青衣球份量算大，件件青衣球都大大件，西蘭花也煮到剛

由荃灣食到入黎大圍，就係想回味一下肉餅哥嘅味道。大圍呢間座落喺美林村熟食亭(即以前嘅冬菇亭)，而家裝晒冷氣，地方仲比荃灣店大，又坐得舒服。而且有屋村停車場泊，唔駛泊街邊，可以安心食飯唔駛擔心抄牌要走鬼。之前黎食肉餅哥，口味多到數唔到，除左有招牌金莎蛋黃肉餅、土魷肉餅、花膠肉餅等等...但今次唔見左好立克肉餅呢啲特色肉餅，反而多左小菜類同埋不同款式套餐，明顯地想擴闊客源，不再單純只賣肉餅。既然係咁，我又鍾意試新野，就試下佢啲小菜先。碟頭細細，但份量不少啊。豆豉炒得啲蜆夠香，食落又夠惹味，拍得住大排檔果啲。幾位老友食飯吹水，當然要叫番啲啤酒汽水啦。最鍾意佢有玻璃樽裝可樂，真係特別好飲架，夠氣又夠凍。身為湯怪嘅我點左個蟲草花花膠雞腳湯，蟲草花用黎煲湯味道濃郁，加上花膠同雞腳可以補充骨膠源，健康又美味，男女都啱飲。呢客椒鹽鮮魷炸得金黃鬆脆加上點點咸香味，但一定要襯熱食，凍左就淋晒架啦。雖然砵酒味清香，仍難掩蓋廣島蠔嘅鮮甜美味，加上廣島蠔飽滿肥美，食落滿足感十足。嘩...主角出場啦---足3兩花膠肉餅菜飯，目測應該唔止3兩咁簡單。厚厚嘅花膠鋪滿香濃紅燒汁，中間夾著肉餅，配上菜飯，睇見已經流晒口水

今天到美林村工作，完成工作後都準備入夜，打算在附近找間餐廳食晚飯。走著走著去到冬菇亭，被肉餅哥門外海報吸引而進店了。本打算隨便醫肚沒太大期望，誰知一打開餐廳，我不禁喔嚥了一下口水。很多款肉餅供選擇，傳統口味有，創意口水也有；而且每款都很吸引！最後，我選擇了椒鹽肉餅，因為個人很愛吃椒鹽的味道😋肉餅煎的金黃香脆，咬下去熱辣辣脆卜卜，真的要結讚👍🏽而且每口肉餅都吃得出肥瘦肉很平均，而且比平常吃到的肉餅更有口感，不會鬆散，啖啖肉沒有粉味👍🏽另加$2可以配菜飯，肉餅和飯都很有份量，絕對滿足！本帶著普通吃飽就算的心態，但想不到肉餅哥給我意外的滿足，真的很好吃，決定下次再回來試試其他口味😋

之前一次聚會,朋友都知道我是肉餅哥的忠實粉絲,問我係咪真係咁好食。咁我話不如下次聚會,就成班一齊食,就知道真相。看到大大個招牌,幸好早點去拎位,因為晚上都比較多人。朋友問我有什麼推介...其實我都時看餐單推介XD不過難得幾個朋友約埋一齊,就叫幾個小食...發現沒有來一陣子,覺得它的小炒好像多了。一座下,就已經有餐湯送上。效率很高,也是我喜歡的青紅蘿蔔湯。然後朋友說有點口乾,想起現在也是大熱天時,當然先來一個湯來滋潤一下。也是這裡的招牌湯 ─ 花膠蟲草雞腳湯(二人份量) $48真係每碗都有雞腳二隻,而且也有一些花膠。連朋友都想不到用料十足,值得一讚。飲下去會覺得味道清甜,更可以幫我們一眾女生補補骨膠原。大家都對此湯讚不絕口。豉椒炒蜆 $88這個夠足料,又夠火喉,而且份量都幾多,有少少辣味,但相當惹味,而蜆的沙粒不多,能夠品嚐到蜆的啖啖肉鮮味。椒鹽茄子 $68我自己相當喜歡這道小菜,外脆內軟,略帶香咸,茄子切得又細件,可以和朋友一人一口慢慢食...酒香杞子豬潤浸時菜 $78成班女仔食飯,都想健康一點,所以都一致點了一道菜。開初以為幾片豬潤,但上來之後,發現片片豬潤又夠大塊,而且都夠熟,雖然

上次和朋友來吃晚飯印象好好。貪佢平得來又好食，冷氣強勁又坐得舒服，最重要係食完唔會趕你走。今次又相約朋友來飯聚，一望菜單同上次唔同，多左好多小炒選擇，主打的肉餅選擇都仍然有廿幾三十款。一開始就會送上自家製老火湯，今晚是黃瓜煲紅蘿蔔今次肉餅選了最吸晴和呃like 的原隻波士頓龍蝦煎肉餅，絕對附合商品說明，真的原隻上，跟肉餅一起食比傳統的多了一份鮮味 😋椒鹽豆腐份量很多，炸得外脆內嫰滑，配埋粒粒椒鹽好似食零食咁食唔停口 🤣豉椒炒蜆份量都幾多，絕對有20隻以上，而且唔係蜆仔。加醬炒得好入味豆豉鯪魚炒生菜，傳統得來又好味的一道菜，生菜唔會炒到過火，食落去仲有一定爽脆度沒想到肉餅以外的小炒都幾好食，下次又可以再約朋友來試其他口味的肉餅 ☺️

一段時間冇黎食肉餅哥聽聞多左好多小菜,味道仲唔錯行開呢頭就黎試一試啦==============================一貫慣例,一坐底就會先來一碗老火靚湯係我至愛既紅蘿蔔粟米見到多左新既小菜set menu款式都好吸引又抵食果斷叫左個2人餐,再外加散叫先介紹左2人餐先蟲草花花膠雞腳湯估唔到都幾大碗下可以見到真係有蟲草花,花膠同埋雞腳,絕冇呃秤湯既口感都有少少膠膠地係花膠湯果隻骨膠原口感既膠岩晒各位貪靚既女士只係飲到尾果陣發現會偏咸左少少如再清淡d會更好魚香茄子煲呢個就有d失望啦上菜時雖然香味四溢,令人食指大動但係茄子唔夠入味成個煲亦都唔夠惹味好食既魚香茄子係可以令人撈幾碗飯但佢做唔到招牌黃金肉餅果然不負招牌之名既肉餅黃金系列既食物(例如黃金蝦)其實即係用咸蛋黃黎整但好多餐廳都會整到好膩食多兩啖都已經唔想食但佢既黃金肉餅可以整到香而不膩令我同女友雖然胃口細細,又怕膩都食得晒只係美中不足既係肉餅可能打得唔夠,實左少少然後係另外散叫既極力推薦:椒鹽魷魚酥今次最大驚喜就係呢個椒鹽魷魚酥魷魚酥炸得夠晒香脆唔會軟淋淋,證明油溫要夠高先做到又唔會炸過龍,證明火侯控制做得好要同時做到高油溫又