岩盤牛扒 ミディアムレア ステーキ (T Town South)

Open Now

Now Closed

每次想吃到簡單做捷的牛扒就會想到這間，今天因為比較早下班，去到餐廳還不是很多人，輕易就拿到位置！牛扒套餐（西冷）(348g) (254元）（升級套餐＋30元）本來想吃肉眼的，但看到肉眼好像有點肥，就改吃了西冷了。牛扒想吃多少說叫店員切多少，但也會有誤差的，我這個就多了一點，但也吃完，所以還好！西冷煎得約三成熟，再放上鐵板再次加熱，吃到最後約五成熟左右，看自己喜歡。西冷吃起來比較有肉感，咬起來有肉汁，但不會太油膩，牛味較濃，筋位就切小一點就比較容易咬了！本身配的是柚子燒汁，還有額外的燒汁，黑胡椒，岩鹽可配！套餐我就選了白飯，溫泉蛋和飲品，特別推介溫泉蛋，拌飯或拌牛肉都好吃！

商場經過見到一個大牛頭外形門口，傳來一陣陣燒肉味道。岩盤牛扒主打石燒牛扒，呢度似快餐店形式，先自己搵位坐低，再去櫃面或者使用點餐機點餐，按照自己喜好選擇份量，然後自己取餐，食完自行清理餐盤。不過今次我就選擇咗食碗丼，因為唔想食太飽，諗住打少少底去拜年，但結果都食到好飽。#櫻花丼(牛肉篇)燒肉眼丼 $75呢款丼有三種U.S.牛肉俾客人選擇，燒肉眼丼、燒牛柳丼、燒西冷丼。一攞返嚟賣相已經好吸引，個碗唔大，但牛肉鋪成一個高山形，淋滿秘製燒汁，山頂上放住隻溫泉蛋，仲有紅色綠色蔬菜點綴，一定俾相機食先。燒肉眼扒都好多塊，好有份量，燒得外圍熟中間保持生生地，唔係薄切，肉眼扒比想像中無咁腍，係有咬口嗰隻，甚至有啲位置都韌到咬唔開，但牛味濃郁。餐廳標明100%使用日本蛋同日本米，一啖牛肉，再篤穿隻溫泉蛋，流出嘅蛋汁加埋燒汁再撈埋啲飯食，口感滑溜，每一啖飯仲保持暖暖的溫度，天氣凍凍地食，簡直無得頂，啱晒牛魔王。唔好睇佢細細碗，其實啲飯擠到好實，個飯堆成山形，但有汁撈飯實在太好味，結果食晒成碗，好飽。套餐加$18可以選擇沙律、味噌湯或汽水其中兩樣。沙律以粗椰菜絲甘筍為主，配芝麻醬，口感比較硬身，味噌湯正常

平時都係屋企煮多，突然心思思想落街食飯，乜都無睇就揀左佢，行到入去個地、張枱同個memu都係油立立。。。但長輩急不及待已經嗌埋野食，都走唔到。最後嗌左兩份肉眼(300g)、一份鰻魚飯，落單收銀個態度已經好差，嗌number去拎野食又係西口西面咁。都算啦，野食好都仲話可以補救下。嘩個鰻魚飯咸到呀媽都唔認得。。。啲牛嗌3成，上到黎已經5次有多，仲未計佢塊鐵板一路都熱緊。真係可一不可再，奉勸大家唔好再幫襯佢。。。

未食過經過見到以為可以佢哋用好多海報寫住好大塊牛扒八十八五度人哋入去點餐嘅時候話嗰啲三點後先有嘅。噉都算喇照點然之後啲餐冇嘢飲，加30文先一罐迷你小汽水，啲牛扒又超級多肥膏，仲話要自助。入邊喺度叫號碼感覺自己喺大快活。冇嘢飲態度又差，叫咗個拉麵，話想轉辣嘅，就話整咗冇得轉啱啱先叫。整啲牌仲話自助要自助餐食完仲要同佢收埋嘢執埋枱，仲衰過茶餐廳，大快活。完全係茶餐廳感覺但係係高級餐廳價錢。未食過就唔好受騙。

次次經過都聞到好香睇落又好正咁今日終於去咗食入到去搵位坐先，之後先去點餐，要佐個後腰三角肉200g🥩再要個封門柳300g,,加$30轉套餐，坐低等叫號，個後腰三角肉，容易切，咬落好腍好juicy相反封門柳非常難切，又韌又難食，早知唔好要300g,又貴又難食，另外個白飯好硬，又唔够熱，應該唔會再嚟

平時多人，今日諗住入黎試下。失望而回，鐵板燒冇下次。二人行，特登叫高一個tier食Premium 西冷、封柳，各200g，但筋分佈達1/3 ，用刀都切唔到，牙都咬唔到爛。品嚐到既部份何其少…肉質偏硬身、冇肉汁值得一讚係調味汁蓋過左，味道還好。另叫左鵝肝一份，完全冇味道。套諗湯正常。飯正常。罐裝飲品都可以。其他類別食品可以下次再試。建議觀察食客食咩扒部份，有冇食剩啲筋，份量多唔多再決定落單吧。希望商家積極解決食品質素問題。

每次經過看到厚厚的牛扒，香氣撲鼻，十分吸引，今日要停下來試－下。這兒像快餐店的運作模式，先到counter 下單付款，再去取食物，及吃完後自行清理。這兒主打石燒牛扒，各款牛扒也陳列在凍櫃內，可按個人喜好order 牛扒的重量。除牛扒外，另有和式丼飯供應。和－般曰式食肆－樣，單點食物可另加錢轉套餐，－般有沙律、面鼓湯和飲品。鰻魚溫泉旦丼$70（m)這鰻魚的質量可算不錯，鰻魚十分軟滑肥美，沒有細骨，加上鰻汁沒有過鹹或過甜的問題，而且鳗魚的份量是對位的，再加上溫泉旦的旦汁，令口感更滑溜，再吃－口鰻汁白飯，不錯。封門柳200g $158加$30套餐這牛扒沒預期的厚，或許是200gram 的關係吧。這封門柳頭尾部分帶筋，口感比較韌，但大部分都ok的，有肉的質感，肉味幾濃，加上燒汁，算不上軟滑可口，去除帶筋部分，都幾ok. 木魚絲三文魚海苔溫泉旦丼+$15這迷你丼材料豐富，溫泉旦加上木魚絲拼三文魚籽和海苔，和風味十足，味道鮮美，$15 是值得加的。沙律是正常日式沙律，沙律菜是爽口的，加上胡麻汁，幾fresh。吃－口牛扒，呷－口汽水，爽呀。

今日星期六，訓醒同老公去試下新野，呢間岩盤牛扒，玩下自烤牛扒，叫了一客3xx克的下三角肉（$0.79／克），一客櫻花丼（肉眼）$80，都改跟餐，有白飯／沙律／汽水，共$3xx，牛肉非常優質，可自加粉紅岩鹽／燒汁／黑椒／辣椒粉，但汽水只有200毫升罐裝，根本唔夠飲，那個例湯（羅宋湯）竟然有煙熏味。。。。 老公話擺明喺煲燶左。。。。竟然仲奉客品嘗！？另外，我要吐槽一下，那個職員嘅服務問題，因為第一次來，門口冇安心出行QR code，又冇掃針卡，揾左一輪才看見那個自助售票機，全程冇職員理會，嘗試一輪之後，又發現售票機不能下單購買部份食物（自燒牛扒），詢問職員才獲告知需到櫃檯購買，職員全程面無表情，令我想起年初四的心情。。。我再詢問職員哪裡掃描針卡，他才叫我到櫃檯旁掃描，若我沒有主動問起，那。。。後來有個婆婆進店想購買食物，職員看見她東張西望，但仍然沒有提供協助，是我告訴婆婆可到轉角的櫃檯購票！總結一下，食物尚可，服務。。。有待改善！

每次經過都覺得好香，今次終於黎試下～哩到好似快餐店甘要自己搵位，食完之後仲要自己還返啲餐盤🍴☑️肉眼 200g $141佢有好多款唔同部位既牛肉可以簡，真係花多眼亂，簡左肉眼再加左錢轉成set，set要左白飯+和風湯+可樂，湯我expect係味噌湯🥹但原來係蘿蔔牛肉，好大陣騷味🥲牛肉方面，第一啖都可以，點埋佢地既source，食多件已經開始過熟，拿拿臨夾起哂先食到落去🥲☑️溫泉蛋燒牛丼 $55另外叫左個牛丼試下，糾結左好耐要M定L，最後簡左M，真係好彩簡左M，啲牛係超級鞋，又冇咩味😞整體黎講我覺得係不可一不可再❌勉強都食唔哂☹️

🔹️岩盤牛扒🔹️天水圍新開了牛扒店，是以自助形式經營的，優先找到位置，再親自去收銀台付款買餐。而餐餐而可以自選牛肉的部位，有牛柳、牛板腱、肉眼、西冷、後腰三角肉、封門柳及日本和牛，分別有200g、300g、400g的量Cut可選擇，再選擇配料及加購轉套餐，款式也算多。還有另外的櫻花丼、牛丼、鰻魚丼及海鮮丼系列可供選擇。🌸櫻花丼系列💁‍♀️燒肉眼丼( $75 )轉套餐 沙律 + 茉莉花茶 ( +$18 )追加 極上鵝肝 ( +$35 )👎但丼系列不推薦肉質又乾又難咬，像在食香口膠🌺牛扒套餐💁‍♀️牛柳 450g ( $257 )轉套餐 白飯 + 茉莉花茶 ( +$18 )朋友選擇了450g的牛柳份量，我看起來都有點害怕吃不完，還有太厚煎煮時會難以控制熟度。以自助形式去取牛柳時，牛柳表面已是全熟狀態，沒想到切開後是粉嫩沒有太多血水，而又軟滑而入口，真的很驚喜🤤🤤🤤推薦大家去吃

我叫個「岩盤牛肉糖心蛋烏冬」餐，加錢$35.1加多咗個「L級北海道帆立貝」。成日經過好香煎牛扒味成日都好想食，但今日嘅經驗，真心唔會再叫哩間外賣，外賣湯烏冬冇分湯變咗乾撈烏冬，加$35.1食嗰一粒㠶立貝。

呢日5點幾行到去間鋪，示意給店員1位，佢指一指你入座，之齋坐十分鐘都冇人理，難怪冇咩人幫襯，店員排晒係個counter 度掛住傾計完全唔理客人，幾張枱食完客人走咗都唔執，結果把幾火起身走人😒

難得唔洗排隊等位就試下佢，佢係自己霸位，然後再出去叫即刻比錢嘅，似快餐店咁。咁都幾多牛嘅部位款式揀嘅我地就揀咗 封門柳 同 牛板鍵嚟試下佢🤤咁有寫幾多g嘅，唔足嘅佢會計返個價比你，唔會蝕比佢，夠均真有個叫咗set，好似加30蚊幾樣野揀3樣，我覺得好似唔抵咁，上圖我係加咁生洋蔥哩個就加咗生蒜，啲蒜唔夠好蒜ok嘅講返牛肉方面，都足夠5成熟嘅，但建議可以4成，因為鐵板都好熱下，食耐咗都變十成😵‍💫有牛味唔算好濃香，有唔知點解有果香味整體表現 覺得自己買抵食啲🤭

叫左一個芝士燒牛肉飯，一個木魚花溫泉蛋飯，飯只系微微感到暖，好似剩飯咁又硬又乾又吾熱。燒牛肉勁咸又梅，食完很失望，第一次食吾會想再試。仲要自己搵位，捧餐，收盤…仲要有烏蠅，一陣油煙味…

第一次食，唔會有下次～🤣好難食既牛肉，唔信你叫黎食下就知（牛肉食落仲好雪藏味）～燒得太過熟（太硬），根本咬都咬唔爛，好差好差既食物質數，要人打80字（難食）唔好食呢個～燒都無曬興趣😑