岩盤牛扒 ミディアムレア ステーキ (T Town South)

Open Now

Now Closed

套餐$88牛扒真心唔得、件牛扒三份一係牛筋咬唔開、嘥咗三份一、個樣就大但係真係食到嘅剩係得三份二、話時話個收銀妹妹真係唔係咁有耐性😤俾面色你睇慢慢睇都唔得、好有白鴿眼嘅感覺、諗耐啲後邊有冇人排隊都要俾面色你睇😤而家啲服務服務差、連啲食物品質又差、再講佢個牛扒其實快餐店嘅牛扒嘅味道同佢冇分別、快餐店有時仲有酥皮湯或啫喱啲薯條送、好食過好多、人哋杯可樂都大杯過佢、價錢仲平過佢添、點解佢啲牛扒嘅質素差咗咁多？ 張價就貨？

香港港式鐵板餐體驗在香港這個繁華的都市中，港式鐵板餐是一種不可多得的美食享受。這家餐廳提供了一系列令人垂涎的鐵板佳肴，每一道菜都是由專業廚師精心烹製，確保每位顧客都能享受到最佳的味道。食材： 餐廳堅持使用高品質的食材。這些食材在鐵板上經過高溫快速烹煮後，味道更加鮮美。烹飪技藝： 廚師的手藝是這裡的亮點之一。他們不僅能夠將食材烹飪得恰到好處，還能在不破壞食材原有風味的同時，加入獨特的調味，創造出令人驚喜的味道。味道： 每一道鐵板燒都是味蕾的盛宴。無論是醬汁的濃郁還是食材的鮮美，都讓人難以忘懷。服務： 餐廳採用自助方式，要自己拎餐及收拾。亦有漏單情況總結： 這家港式鐵板餐廳提供了一個舒適的用餐環境和高水準的烹飪技藝。如果你想要體驗正宗的港式鐵板燒，這裡絕對是你的不二之選。

話說某日阿媽喺出邊見到話塊扒好平，要幾十蚊就食到，於是就話請我食飯，去到最後我唔知點解揀咗食牛肉火鍋，我記得啦，係因為嗰個係學生優惠定時間優惠？而我記得我吃嘅牛肉火鍋非常簡易，容易做到喺屋企都，就係俾咗幾片牛我，加一碟日本火鍋醬便完成了，可能佢會有一些配菜同烏冬，但其實也不是太難，我在超市買靚肥牛在家裏買日本火鍋醬也能做到的事情，見到嗰碟火鍋材料，我覺得不用出去吃，因為我呢個火鍋也要80多元，即是他的成本非常低。想飲杯嘢都好貴。

【元朗區】【岩盤牛扒 ミディアムレア ステーキ】呢間嘢我之前已經講過兩次，一次喺荃灣，一次喺屯門，其實我喺大埔都食過一次，不過年代太久遠我就無謂提喇。之前食過都好清楚呢間嘢嘅玩法，就係「斷斤秤」，食幾多畀幾多。感覺好均真咁，但係其實佢多數都會切多咗，就係吼你唔好意思叫佢切返走。話雖如此，我去到都係冇興趣食佢哋其他嘢，都係會食佢哋嘅「岩盤牛扒」，即切即磅。要咗「肉眼」，本身想佢切 200g 但又會切咗 230g，好刀功，知我中意食肉，咁就 $186。同之前一樣都係跟「蒜蓉」，佢哋個扒配埋啲生蒜又真係好惹味，念念不忘。加 $30 就可以要「牛扒跟套餐」，可以揀三樣嘢，我再加 $15 配個「木魚絲三文魚子海苔溫泉蛋丼」，始終有啲飯落吓肚，飽足感好似強啲，澱粉質嘅事遲啲先講啦，而佢呢個飯整體嘅味道都幾豐富，唔錯。另外仲揀咗「溫泉蛋」，撈埋落個飯度，雙蛋咁。我揀埋嘅係「飲品」，要咗「錫蘭檸茶」，都係放題啲罐裝貨色，無乜特別。而另外我就喺套餐以外再加 $40 要多件「極上鵝肝」，都幾香濃，唔錯嘅。咁樣食法就食咗 $271，好似佢哋有其他餐係抵食啲，感覺好少人食到好似我咁，要食多幾間練習吓。。。（地

Passed by here during the last day of the CNY public holidays and tried their Mount Fuji set meal (direct translation only).If you are a meat lover, you can order their discounted steak but since I had to save my appetite for a next meal, I decided to just go for the set.The set came and for the amount of hanger steak I got, the price is quite reasonable. The steak was not tough and the rice at the bottom of the "mountain" actually resembled scorched rice(guoba) which was quite tasty.For the ext

在網上睇到鐵板牛扒的照片 真的令人流口水立即要去試試吃牛扒套餐選購有三個步驟Step 1：選牛扒（可參考最後一幅照片）Step 2：選配料（青蔥/西洋蔥/蒜蓉）Step 3：套餐+$30可選其中三款配菜/飲料·牛板腱套餐 牛扒套裝Step 1：牛板腱（312g）Step 2：青蔥Step 3：+$30 味噌湯+溫泉蛋＋迷你可樂·肉眼套餐 牛扒套裝Step 1：肉眼（238g）Step 2：蒜蓉Step 3：+$30 味噌湯+溫泉蛋+迷你可樂·個人覺得肉眼比較好吃 雖然比較起牛板腱薄D 但肉質較嫩口但我想說的是：！！如果你是超級重口味的朋友 一定一定要食依個蒜蓉！超級重口味！吃完整個口都是重重的蒜蓉味！牛板腱好厚的一塊 切開時已經有點難 有韌度 咬到攰先食到落去相比之下青蔥比較淡口

以前係其他區食過石燒牛，估唔到天水圍都有，同屋企人黎食下。餐廳座位算多，用餐既人唔多，所以唔使等位就可以入去食。櫻花丼（肉眼）牛肉算幾厚，食落去有少許牛味，無咩筋位，所以咀嚼都容易，而且本身已經係肉眼上放左燒肉汁，係有令到肉眼好食左，因為牛本身應該無咩調味，沾上流心蛋汁一齊食更好食。但由於下面白飯都唔少，而燒汁分量較少，所以需要一啖牛一啖飯配住黎食，如果唔係就會食剩好多白飯。精選二人套餐有封門柳300g、一碗牛丼同一碗鰻魚丼牛肉都幾大塊幾，黎到入面係生的，就係要自己切開，靠下面既石板一塊塊燒成自己想要熟度。都幾有牛味，嫩既，某D位置有少少咬口，石都夠燒曬成塊牛鰻魚飯就正常偏一般牛肉飯都係正常偏一般整體而言，牛肉質素ok，食得過，但係其他日式飯類偏普通，所以如果係天水圍又想試石燒牛都可以試吓

呢間餐廳周不時都見到好多人係門口排隊，原來專係食牛扒既。今次就同媽媽黎試一試佢。雖然呢間餐廳專係食牛扒，不過餐牌都有其他選擇，例如丼飯、烏冬，咁我今次就冇叫到牛扒食，而係試下佢地個烏冬先🤩餐廳內有部自助機可以自己落單，當然都可以直接係櫃台同員工落單。今次我就叫左個岩盤牛肉溏心蛋烏冬賣相就普普通通唔係太吸引，不過就咁睇啲肉都幾多下，湯就清清甜甜咁幾好味，溏心蛋我就覺得熟左少少，整體黎講都不過不失既唔難食。不過人地專賣牛扒可能牛扒會出色啲？下次會再黎試下🤣

呢間係半自助日式牛扒店，菜單會介紹每種部位和脂肪比例，大家可以選擇克數、熟成度同配菜。環境係舒適。但食物質量不一，牛肉質素可以但牛味不濃，而我叫咗封門柳但偏靭，且白飯硬且不熱。同時叫咗鰻魚飯但質素都係正正常常普通。而整體來說，環境可以，但食物質量有待提升🫡---## 評分標準食物:3/5環境:4/5服務:3.5/5性比價: 👍🏽pp$100-150回購率:🫡地址：天水圍天華路33號T Town南翼地下SG14& SG15號舖

好耐無鋸扒啦，今次就去左間日式牛扒專門店試下😋😋😋餐廳採用半自助式服務，食客可以係自助點餐機或者櫃台落單，食完野要自己執好拎去餐盤收集站。裝修風格係簡約日式風，環境都算舒服，但就細左啲🤣🤣🤣食物方面，佢會有唔同既部位俾你揀，包括牛柳、肉眼、後腰三角肉、牛板腱，和牛等，佢會寫埋每款既脂肪比例，食客可以根據自己既喜好選擇，再選擇克數、熟成度、配菜同飲品就完成點餐。除左牛扒，佢都有唔同既牛肉丼、饅魚飯選擇。今次我地都揀左後腰三角肉試下，特點係瘦肉多脂肪比例少，口感大啲（中醫師所謂既健康選擇🤫🤫🌝)我就要左五成熟，加上鐵板好夠熱，其實好快都變全熟🤣🤣🤣。後腰三角肉牛味好出，但筋就比較多😅😅😅畫龍點睛既係佢個枝柚子燒汁，極極極極好味👍🏻👍🏻👍🏻，清爽既柚子味配合油膩既牛扒，簡直係絕配！！！鐘意鋸扒既各位不防去試下啦！！！❤️❤️❤️

呢間日式鐵板牛扒餐廳都開咗一陣子，同朋友近近地食個生日飯，就簡咗呢到啦！呢到主打自助模式，一去到自己搵位，再出去點餐，店員將食物準備好就可以自己拎去張枱到啦！食完果陣又係自己拎對兜去回收！成個感覺都好日式～牛柳餐💰HK$216牛柳300g +木魚絲三文魚海苔溫泉蛋丼+一罐橙汁+一包烏龍茶因為係自己燒，所以可以自己控制牛肉嘅生熟程度！牛柳肉質唔錯，不過唔重牛味！佢旁邊有兜柚子牛肉汁，用嚟點牛肉係幾特別嘅！牛板腱 200g 💰HK$134牛板腱都係冇乜牛味，而且有少少韌！下次想要重牛味，都係簡返西冷🙌🏻

🍽精選二人前套餐🥩封門柳🥩（300g）肉質唔韌，軟熟得嚟有咬口，而且牛味極幾濃郁。配洋蔥🧅唔錯，感覺較清新，分量再多d就更好。牛丼（M）x1：整體味道冇某間連鎖店咁濃/鹹味。鰻魚丼（M）x1：鰻魚唔算唔少，整體味道唔錯😊和風湯x2🍽牛扒套餐🥩牛柳🥩（200g）肉質軟淋，牛味唔係幾濃郁，配蒜蓉🧄十分惹味。白飯x1雲尼拿雪糕x2

✡️牛扒套餐🥩🔹封門柳🥩（300g）肉質唔韌，軟熟但又唔會得個淋字，之前食過係有幾濃郁嘅牛味，但今次比蒜蓉味🧄蓋過左😜🔹白飯🍚x1：係用日本米，俾人揀份量就更好。🔹雲呢拿雪糕x2：雲呢拿 unexpected 幾濃✡️櫻花丼（肉眼）🔹肉眼：肉質軟腍，唔會全熟，唔會係好薄切，厚度正常，份量都👌🔹溫泉蛋🥚：蛋汁同醬油撈飯唔錯🙂🔹櫻花🌸：增加口感 同賣相，其實冇乜味道☺️🔹整體賣相唔錯✡️和風咖喱吉列牛柳丼🔹吉列牛柳：牛柳已經全熟，味道冇乜特別。🔹和風咖喱：唔辣，送飯一流。

我們在收銀時叫外賣~佢地比了堂食~之後出來叫飛才知比堂食~一個收銀位但企五個同事在午市下冇咩客冇咩飛打又冇咩餐出。就把我碗拎入廚房之後又拎出來~個出餐話廚房叫我自己轉外賣。一)五個收銀同事一個收銀位~冇人轉?二)我叫了外賣，你們冇上心做才聽唔到三)你們冇咩單做又要客人自動手，老闆你請什麼人？？人工出得太平？？四)回家原來冇放黑松露~衹有叫冰鮮雞膇飯~要收六十大元？D雞膇太幹，飯汁又冇。。同事在吹水。。。要我自己在出餐枱自己做，未出糧比我！！！請看回CCTV

食物水準係唔錯，但三個卡位樓上嘅冷氣通風口就恐怖啦！三個通風口已經因為塵埃積聚變成深灰色。嗰啲灰塵重起上嚟咪會跌正落去塊牛扒度囉😤希望商場同食店可以定期清潔通風口。