Mee...lemongrass (Closed)

本人向來都係喇沙控去過唔同既餐廳食喇沙最掛念係新加坡既喇沙！好開心，好開心，好開心將軍澳開左間喇沙專門店，咁就一定要去試下啦！6:45pm去到已經開始有人排隊喇，走既時候仲多人，真心係超人氣wor個位置係有少少難搵既，不過記得係譚仔對面，搵到譚仔就搵到架喇，門面當然靚過譚仔啦！餐牌好吸引！門口仲有d地道野買wor!順便見到營業時間到22:00，遲收工都有野好食！坐既地方都好正常，枱面唔算好大，但足夠矣！放左工，真係超級肚餓，梗係要快d睇下有咩野好食啦！甜品飲品超級吸引！好難揀呀！小食既選擇多！同樣地，樣樣野都好想食呀選擇困難惟獨係喇沙，一定會揀，唔駛考慮！最後我地叫左2個主食，1個小食，1個甜品，加杯飲品，埋單大約$330，已經食到好飽飽，好滿足！第一樣上既係米紙卷！泰國菜必食既！材料好豐富，有菜有生果，加埋甜酸醬，真係好開胃呀！喇沙！喇沙！係喇沙呀材料好多好豐富，有蝦有蜆，有雞蛋，魷魚，蟹柳等等等個湯好清，唔會好油，同埋好好飲，唔會太甜又唔會辣，有少少椰香！好有新加坡既味道，果然係喇沙專門店啊！我仲見到隔離枱既人食龍蝦喇沙，隻龍蝦好大隻架！下次一定要試下！另一泰國菜最愛，炒金邊粉，隻

今日放假無約朋友出去，係屋企做嘢做到肚餓又唔想煮，於是決定去樓下商場醫肚。見到好大個廣告牌寫著呢間泰國越南餐廳，望落好似幾好食，於是決定食下。見到有個餐係喇沙麵配無骨海南雞，感覺呢個配搭好少見所以就點左試下。個喇沙都幾香，帶少少香辣的味道，豆卜完全吸收左個湯汁，幾好食。唔知點解個麵有2款粗幼，幼d果款幾好食，不過粗少少果款整得有d太淋無咩口感。海南雞就真係麻麻，雞肉一d都唔嫩滑，食落好’鞋’，而且無雞味，應該唔會再黎。

這天身邊那位要到將軍澳工作, 於是我便提議到這區"搵食", 即使居住那兒其實有很多選擇, 但吃得多也會悶嘛。逛着商場看到有不少人等這間東南亞餐廳, 本着有人龍即是有好東西吃的信念, 我們也決定這晚來個南洋風情。入了餐廳看餐牌才發現這兒食物的款式十分多, 新加坡、馬來西亞、越南、泰國及印度也有, 雖然我入來前已決定吃喇沙及芒果糯米飯....此外, 還有不少分店呢, 下次可以去公司分店附近那間開飯。很快食物送到, 第一份是這兒的招牌菜, 喇沙。看着濃濃的湯底已覺吸引, 呷一口果然是滿帶着香茅草、椰漿, 南薑及多種香料熬成, 味道豐富。 除了有中蝦, 魚旦等配料外, 最好吃當然是吸滿湯汁的豆卜,咬下去滿口精華。而且也很正宗的以「摻摻」兩溝作麵底﹙即是油麵混和米粉﹚, 口感就更有層次。馬拉盏炒通菜雖然大部份泰國菜館都做得好吃, 而這兒也不例外。 馬拉盏更是自家製作, 味道多了一份蒜香, 不會過咸或辣; 菜亦炒得剛好, 不會過火和太老。因為要留肚吃甜品, 所以點了串燒而不點澱粉質了。牛肉和雞肉各兩串外, 想不到還有三片法包和菠蘿等伴碟。想不到漂亮的紅黃綠三色伴碟也是睇得又吃得, 新鮮菠蘿十分清甜

昨晚本來比賽，下雨取消，趁機到東港城此店試試。此店應開了大約兩個多月，在openrice 一看，短短兩個月竟然已有46個食評，數量出奇地多，莫非剛巧食客吃完都想有話說？的確，此店算是非一般東南亞菜，主打菜有足爆版...喇沙 Mega Laksa ，海鮮雜薈，盛惠＄258，很有話題性。我們叫了 MEE...喇沙 $78，無骨海南雞喇沙$76，香芒椰汁糯米飯$48，飲品"藍洋"梳打$28。MEE...喇沙備上時，奇怪為何和照片差很遠？ 我們對照圖片和面前的喇沙，一一比較，發覺份量算是一樣，只是厨房做得太匆忙，胡亂放才又此誤會。喇沙湯底做得很濃味，麵質很彈口但份量少了一點，食材算豐富雖味道一般，魚蛋沒有魚味，太假。海南雞肉質很嫩，但麵的份量都是少了一點，有點不夠的感覺。藍洋梳打有點小手法，奉上飲品是另附上小杯檸檬汁，讓客人自行調較。其實這類飲品都是有色糖水，今次都是因為頭一次光臨才試，沒有什麼特別。至於甜品，芒果有點生，糯米咬口一般，特別為此甜品而製的器皿乍看很有特式，但實用性很低。整體來說，不過不失。此店還有很多類型菜式，可以再試再評一評

20.8.2018 Mee...lemongrass有日同家人外出食飯，諗唔掂食咩就上Openrice睇吓，發現東港城開咗哩間新嘢，而且仲見到佢嘅銅鑼灣店有好多個笑哈哈，決定一戰！(結果哩兩個月戰咗兩次 以下係綜合咗兩次所食嘅嘢而寫嘅食評)🦀軟殼蟹米紙卷$66食東南亞菜想食fresh啲，米紙卷就係個好選擇。脆卜卜嘅軟殼蟹點埋個帶酸嘅醬汁，加埋啲沙律菜，就係好好嘅開胃小食。哩個米紙卷入面仲包咗牛油果同芒果，食落個味道就更豐富！🐓地道串燒(雞肉) $62串燒雞肉唔會太乾，但沙嗲醬花生味唔夠，所以一般。好嘅係一齊上嘅仲有車里茄同青瓜等可以解膩嘅伴碟，仲有幾片多士比你用盡啲沙嗲醬，咁樣配搭嚟食別有一番滋味。🦐大蝦炒金邊粉(偏食人士走配料版)  $72本身覺得個價錢有啲貴，但一上枱見到佢個份量咁充足，馬上覺得個定價算係咁。金邊粉個味算OK，略嫌唔夠惹味。特別嘅係佢除咗有花生碎同辣椒粒，仲提供咗砂糖比你撈，可能係想比唔小心撈得太辣嘅人解解辣?!! 可惜食到尾見到有堆油，但入口時其實唔會覺得太油。🍜原隻波士頓大龍蝦喇沙 $84(半價中)哩隻一人份嘅波士頓龍蝦size適中，由於事先有專人幫你喺中

位於東港城嘅Mee...Lemongrass，夜晚好多人去食，有可能要等位呢。呢度菜式都幾多元化，新加坡、馬來西亞、越南、泰國及印度風味都有...我見最多人嗌，亦代表最受歡迎嘅係喇沙同海南雞，於是我order左呢個：無骨海南雞喇沙（$76）喇沙口味算係正宗，椰香味濃，最重要係比「摻摻」麵底﹙即係油麵加米粉﹚，有雙重口感。海南雞已去骨，啖啖肉亦夠嫩滑。秘製特色牛骨湯河-牛肉、牛丸、牛腩、牛柏葉（$62）標榜熬煮左超過10個鐘嘅湯底，味道尚算清甜，我認為：愛濃味者可以食喇沙、愛清湯者可以食呢個。地道串燒（牛或雞）4支（$62）每樣兩串，燒得香香。馬來蜜汁炭燒厚切豬扒（$72）呢味豬扒燒得十分香，而且加左蜜汁，有少少焦香味，感覺好似食緊燒烤豬扒咁，正！龍蝦喇沙做緊promote!可惜食飽至發覺呢。

銅鑼灣嘅Mee...lemongrass一直無機會試，估唔到今次會同屋企人嚟將軍澳(朋友話開業一個月晚晚排長龍)食呢度最出名嘅馬來喇沙！$188足爆版喇沙足足夠三個人份量，湯碗有兩隻手掌咁長，上面佈滿各種海鮮和其他配菜，海鮮包括青口、虎蝦、扇貝、顯洗、原隻魷魚筒，仲有好多豆腐卜！個麵底係傳統馬來摻摻，米粉和油麵都爽口又滑嘟嘟，喇沙湯底另上，可以加入自己隻碗到，唔會令到大碗裏面嘅麵條浸腍。喇沙湯底簡直是極品，非常濃郁椰奶香，加上超級鮮甜蝦頭餚製的上湯，鹹甜平衡恰到好處，入口帶點微辣，香濃惹味，食完個麵想飲啲湯，但已經好飽，唯有下次再嚟食😂👍🏽另外叫咗個泰式蠔仔蛋，$78食個蛋好似有啲貴，不過係睇得出個成本喺邊。每一隻蠔仔都好肥美，入口清甜，咬落去冇沙，個蛋口感亦都好滑，滿意！

前幾日同朋友係將軍澳行街，就見到呢間愈開愈多分店嘅新馬泰餐廳～見門口咁多人，應該野食都唔差，就去試下～果然好食到喊我地三個人叫左好多野食，但都食得哂酸辣鳳爪鳳爪醃得好好食，個酸辣汁酸酸甜甜好開胃，又唔太辣，岩哂啲唔食得辣嘅人試下！海南雞飯呢間餐廳主打海南雞，又點可以唔試下果然肉質嫩滑，唔會太生或者太老，啲肉夠淋～仲有不得不提個雞油飯，有雞油嘅香味得黎，唔會話食到成口都係油咁，而且每粒飯都均勻地沾有啲雞油，真心推介！泰式豪仔蛋啲豪夠哂足料兼大隻，隻蛋都煎得好香～真係好有地道風味～配埋啲芽菜，每啖食落都好有豐富層次嘅口感～緬甸咖哩雞咖哩好香，食得出落左好多香料，唔係淨係用咖哩粉開個種～而啲薯仔索哂啲咖哩汁，拎黎撈飯，真係一流！而且，呢款咖哩唔太辣，適合唔食得辣嘅人芒果沙冰杯芒果沙冰好大杯，而且唔太甜，係新鮮芒果嘅味道，而且有啲好鮮甜嘅芒果粒添，正！！呢間好食！

坑口東港城終於開返間似樣嘅馬來喇沙專門店呢間呢問過啦開到你將軍澳，開業一個月，晚晚都排晒長龍，七點幾嚟到要等成四五個字先有位坐，見場面咁熱鬧，有聞到陣陣喇沙香和串燒香，心裏越嚟越期待～餐廳光猛乾淨整齊，晚市人流多都能保持地方清潔，碗筷設計亦有心思。首先叫咗香葉蝦仁🍤米紙卷六件作為前菜，酸酸甜甜的泰式酸辣醬汁非常惹味，醋的比例適中，不會太酸，裏面亦有蒜頭和辣椒碎，入口微辣👍🏽米子軟硬適中，裏面有一些新鮮蝦仁，肉質鮮嫩，比預期中有蝦味，米紙卷裏面亦有粉絲，非常索汁，感覺清新。每次食馬來西亞或泰菜都會叫一杯奶茶， 十分欣賞這裏的泰式奶茶甜度適中，用玻璃樽裝住奶茶，令飲品不會容易被冰塊稀釋，保留奶和茶之間的平衡，不過可惜的是，珍珠缺乏口感，也沒有黑糖味道...這個足爆版喇沙不得了！成個碗足足有兩個手掌咁長，上面佈滿不同種類的海鮮和其他配菜，有一隻蛋，青口，巨型扇貝，大型虎蝦一隻，很多蜆仔，和一隻原筒魷魚🦑，熱辣辣激濃喇叭湯底用另外一個茶壺盛載着。麵底係傳統馬來摻摻，即係米粉和油面，口感爽口又滑嘟嘟，個湯底有超級濃烈椰奶香味，鹹甜適中，亦都十分鮮甜，充滿蝦味，食完啲麵都好想飲晒啲湯，三個人一齊分

Mee...lemongrass在東港城算是新開不久的餐廳，位置也不算特別顯眼，但由於開業以後推出半價 龍蝦喇沙 及 爆足版喇沙 優惠，吸引了附近的居民過來一試，策略成功為餐廳帶來穩定的人流。星期一晚七時許來到，是需要等枱的，三個人，取了號等大約四張枱，也花了我近半個小時，最後快八時才成功入座。我們點了普通版的 MEE...喇沙，因為覺得這樣的份量已經足夠了，有挺多的海鮮配料，湯頭偏辣。大蝦炒金邊粉 $72份量頗多，味道足，碟邊正宗地配以沙糖、花生碎及辣椒粉，個人愛拌辣椒粉同吃。大蝦已去腸開邊，方便食用。泰式蠔仔蛋 $76 蠔仔很大一顆，配上酸辣醬，蛋炒得香，惹味。清炒雜菜 $58油份偏多，下次或許會嘗試提出少油。埋單總共 $310，合理價錢但CP價不算特別高，但以做居民生意來說，算是區內少有的東南亞菜。

之前去過依間食肆食過，好好食，無意俾我發現係屋企附近開新店，梗係要返兜😁見到佢新店做緊優惠：波士頓龍蝦喇沙 $84，見到人地食緊隻龍蝦顏色鮮豔，仲要大個我手掌，應該有手臂咁長，超抵食！梗係叫啦！先黎一啖湯底，好香喇沙味、少少辣。麵底係沁沁，正呀！唔係度度有得食，沁沁口感豐富好多。其他材料仲有雞蛋同豆卜，吸晒湯底既味道！龍蝦肉多、膏又多，肉好甜，而且吸收晒湯既精髓，好香👍🏻秘製肉骨茶$76上次食過，好好食，緊係要翻兜啦！香濃既蒜頭加上當歸味,配肥厚東菇、豆卜、杞子同排骨等等。豆卜同排骨吸收左肉骨茶既精華，好入味；排骨帶少少脂肪，夾著當歸食，好香😘緬甸咖哩雞配雞油飯$90緬甸咖哩同平時食既印度咖哩唔同，應該係用左唔同既香材，而且甜d,岩晒我食唔到好辣😁有2隻雞脾，正呀！而且肉好軟，好入味😋

朋友告訴我將軍澳有間東南亞菜館幾ok， 問我有冇興趣試，講到食我緊係二話不說立即應承！立即刻嚟個藥膳肉骨茶，養下生先。有黨參，當歸，杞子，再加排骨材料豐富， 超正！泰式蠔仔蛋同一般潮式不同，做法像是炒蠔仔蛋。將緬甸咖哩牛腩，香濃咖哩味撈飯一流！冇⻣海南雞飯，雞肉滑嘟嘟！餐後當然少不了甜品！椰汁香芒糯米飯，夠哂香甜我鐘意！意猶未盡再加個椰汁西米糕！女仔放甜品嘅胃猶如黑洞，再黎個椰汁千層糕，賣相幾漂亮呢，曾經有十秒覺得唔捨得食，呢個就清小小。每人再加杯飲品，將肚仔填得飽飽的@@

東港城新開的這家馬拉餐館，門面佈置簡潔，晚餐時段門外排了十多人，還好只須等一會便能入坐。招牌無骨海南雞半隻海南雞黃油又夠嫩滑，可隨個人喜好而放辣醬及醬油。喇沙材料豐富，有大蝦，蜆肉，蟹柳，魚蛋，豆卜，雞蛋，魷魚。喇沙香中帶少少甜，適合大眾囗味。馬拉盞炒通菜馬拉盞的香辣，與通菜是最佳配搭，夠鑊氣、熱辣辣，穩陣之選。馬來蔗蝦蝦蓉包裹蔗枝，外燒至金黃，蔗糖味亦浸透蝦肉內，加上醬汁，味道不俗。爆鮮芒果冰冰超大杯，芒果肉亦很多，好抵飲。手作班蘭椰絲卷以星洲特產"斑蘭"製作的甜品，皮不太硬，內含不少椰絲，適合喜歡偏甜朋友。檳城炒貴刁夠滑，但比較鹹。

呢間泰國餐廳開張了已一段時間，但次次經過都見人要等位，閒日夜晚，早早來到一試，等了15分鐘就可以入座。餐廳裝橫清新，有熱帶風情，熱鬧得黎又唔覺太嘈。104泰式蠔仔蛋$78蠔仔大大粒,雞蛋非常香滑,鹹香味十足!配上甜辣醬,是開胃之選!用來拌飯食簡直一流!601馬來海鮮炒粉絲$68海鮮有青口、大蝦等等，青口入口香甜、沒有沙粒，鮮蝦彈牙！如果份量可以多少少就好。粉絲非常有鑊氣，用老抽、芽菜、雞蛋炒，非常之惹味。煮開嘢食都知道粉絲真係好難炒，因為好容易燶或者癡底！但呢間嘅粉絲唔會黐埋一舊，仲要鑊氣十足！令人有驚喜！609 緬甸咖哩牛腩$76咖哩椰香味較重，不算辣，牛腩份量十足，有嚼勁，炆得夠淋，非常入味。另一主角薯仔就好粉，好正呀！504馬拉盞炒秋葵 $52叫左少辣，仍然非常惹味，鹹甜恰好。秋葵爽甜，可以轉轉口味，不一定要食通菜～難得有一間幾高CP既星馬菜，會再encore!

午餐叫了2個套餐。1)海南雞無味，乾及鞋口，油飯跟白飯差不多，比連鎖快餐店差，不會再試。2)肉骨茶飯，藥味道濃，無香味，肉骨不够冧及多，只用豆卜搭够。總結一句，不會再吃