目利きの銀次 (Closed)

星期六下晝有野要係尖沙咀做,所以係The One搵野食~星期六日好多地方都冇Lunch Set,但印象中呢間野一至日都係有Lunch set,所以就去望望個餐牌。午市套餐價格由$68 -$108,係日本野黎講都算平,所以就入左去試吓~睇完Menu都係覺得壽司比較吸引,所以叫左一個什錦刺身定食同一個什錦壽司定食。我個個係刺身定食,附送日式胡麻醬沙律，前菜,味噌湯同飲品。 沙律菜都算新鮮，主要係生菜加兩車厘茄。胡麻醬分量好多，每塊菜都沾到醬汁,但係個碗沙律舍底好多水,應該預先裝定,所以出晒水。至於味噌湯就一般，比起Doraya既蜆肉味噌湯差很多,但起碼唔係粉沖。前菜係醬油海藻,味道正常。刺身共有五款，有三文魚，帶子以及三款白身魚，但我分唔清個三款係咩魚,應該係鯛類 😅 每款刺身都有兩塊，每片都係厚切,份量都OK。 帶子口感清甜，質地唔會梅,幾好味。三文魚幾有驚喜，質感豐腴，明明唔係魚腩部位但都好有魚油既香味！ 至於三款白身魚， 個人本身唔係太好呢D魚，但除了三文魚上面那片好乳白色的，其餘兩款都不錯。乳白色個款質感實在是係難以形容，咬下去實實正正咁，口感好其怪，男友詰好甜,但我真係唔覺,我真

今次來到呢間日本野主要係唔想再食放題，咁岩朋友介紹呢間食店，就同屋企人黎一齊試新野我地一家人其實除左食連鎖壽司店外都少試其他日本菜式， 今次我地叫左從未試過既明太子蛋捲。一切開裡面既明太子已經湧出黎，我地已經好雀躍啦😬食落無想像中既腥，反而係好重既咸味。媽咪食唔慣，試左一啖就無食了...我地叫左汁燒串燒，一人試一啖品嚐下，味道不錯，但中間有兩串都係用煙肉包，如果可以嘗試用第二樣野包，食落層次可能可以再多少少呢個蟹海鮮鍋飯係期限推介，都頗大碟架裡面有好多海鮮好足料，蟹係事前已經幫你拆左殼，所以食得好輕鬆，海鮮味完全入曬去飯裡面，所以每一口飯都好重海鮮同汁料味。屋企人食開淡味，所以會覺得咸左少少。另外蟹係夠大隻同厚肉，但似乎煮過左龍，略為有少少唔夠嫩。但整體都係ok的

來到無咩野食既THE ONE , 入左泥呢間野銀雪魚煮得吾夠有味, 偏淡,銀雪魚質地偏吾新鮮壽司拼盤中只有兩款係比較好食,不過以呢個價錢泥講,算係合格牛肉本身無味,一定要配上醬料,肉質偏硬,不過不失最好食係北海道帶子燒,帶子加左海鹽,上菜後先點上火,鮮味濃郁多汁

放假去the one shopping 過左lunch hour先食lunch 果然舒服得多哩間夜晚就好少黎價錢唔平又要嗌好多先飽lunch相比下真係幾抵食我點了雜錦刺身定食刺身質素非常好非常新鮮Lunch都咁有質素令我意外每種有兩至三片真的十分推介 但敗在碗飯...我黎食魚生飯你無理由裝碗熱飯俾我架 有點O咀 好彩我唔係太肚餓食刺身都好滿足

午市套餐包前菜(薯蓉)、飯、味噌湯、沙律(幾清新)、飲品。炸豬扒定食:豬扒炸得好硬又乾又過火，脆漿又厚，唔多好食。第一次食生椰菜，出奇地好食，好清新既味道，又帶少少既澀味，好特別。什錦刺身定食:刺身都幾新鮮，除左隻蝦(頭都黑晒)，夠厚。咖啡，好一般:加錢飲既巨峰梳打，好靚，甜度適中。

有朋友生日，打算去一間就腳、檔次望落幾有架勢既日本餐廳食個午餐。見目利之銀次都係大商場裏面，望落又光猛夠闊落，一心以為食物都應該有返咁上下質素...什錦壽司定食個定食有8款壽司(壽司款式都無重複)，3款卷物同1碗昆布烏冬，還包沙律前菜、麵豉湯和飲品。價錢黎講，有咁多野食，如果只求食得飽，其實都算抵。不過一食就出事... 首先，魚生十分唔新鮮，完全沒有色澤，又貌似擺放左好耐既雪藏貨。食落淡而無味，口感淋身得很。壽司飯無醋味，而且又硬又散，不合格。湯烏冬還好，有些雜菇和昆布，清清地都足料。鐵板燒三文魚定食三文魚雖然好大塊，但食落又鞋又有些微腥味，比大大塊我都食唔哂。伴碟好求其同好唔得體，放置一大堆芽菜似乎不太好看，加上無調味的沙律菜，非常怪誕。總結黎講，無可否認餐廳既環境同擺設都好有日本風情同格調，不過食物質素十分唔配合個環境，食材既不新鮮又不匹配，我認為主食的食物有待改善。再説，員工服務亦都不太積極和友善，希望員工可以熱情招呼客人吧。

有時都要響環境舒適既地方食下野，傾下計，舒服下，衣間日本餐廳食過好幾次了，都幾好的。講抵食：都算係咁啦，試過午餐牌最平$48加一，有埋前菜小食同麵豉湯同飲品，凍飲唔洗加2蚊。講環境：都坐得幾舒服。講食物質素：都幾好的，又唔洗等好耐。講服務：一向都覺得唔差，不過今次埋單比錢時比左2個5毫，而我地將近行到門口離開時先截住我地話唔收毫字，樣子仲好似好不屑我地比毫字咁，結果比返個1蚊啦！事前我地完全唔知唔收毫字，同埋又唔係1毫2毫，不過最重要係態度問題。我諗今次係個別情況。午餐係2:30前要入座。

上星期睇完戲唔知食咩好，見到呢間日本野，記得喺銅仔食過唔錯，一於唔好諗咁多，入去～同朋友一人一個定食，再share個明太子蛋卷。鯖花魚鹽燒定食，有沙律、前菜、大大條鯖花魚、白飯同麵豉湯，60幾蚊都真係抵食。魚皮脆，魚肉實，近腩位就好滑～夾開仲有好多肉汁留出。溫馨提示，個汁偏咸，唔好點太多，點多左加啲蘿蔔蓉一齊食，都一樣好味～明太子蛋卷原條上，再食依然咁滑，明太子依然逼爆，一切開就湧出泥～脆口明太子、軟滑嘅玉子，加埋啲葱花同蘿蔔蓉，咸咸地辣辣地滑滑地，多重口感。但印象中好似係無咁咸的，不過咸有咸食，擺喺飯面，當明太子飯團咁食😂總結呢間沖繩日式餐廳，環境舒適，服務ok，食物賣相唔錯，但味道偏咸，可能係個別食材嘅問題，整體都尚算滿意～

We're searching resturant in THE ONE and finally decided to have lunch here. There are many Chinese and Thai restaurants in The ONE. Because I'll visit SIngapore soon, Japanese food seemed to be the best choice for us. Lunch set has very good combination and portion, and also the price is reasonable and relatively cheap.They have many lunch set choices which can favor different tastes, for example, sushi, chicken rice, beef undo noodle, grilled pork rice, and grilled salmon. Lunch set including

星期四晚行經The one, 呢間舖七點三前已full full 地，得返bar 枱，都入黎一試。入到發現人大約一半滿，另外好多都係訂左位。bar枱唔太伸到腳，但係凳下有籃提供放袋。海鮮沙律，$98。睇圖有三文魚，但黎到冇。料係足的，可惜我幾乎淨係食到三文魚，同行朋友一人食曬，認為魚生頗新鮮。軟殼蟹卷，$128係上完道沙律後隔左一陣先上呢道卷物。賣相好，卷物冇甩頭甩尾，見到D牛油果都好靚，青中帶黃而質感柔軟，炸軟殼蟹亦沒很油。燒餅并炒麵，$88同第二道菜幾乎係一齊上咁，張枱有D擺唔落。好大碟，係咸左D，入邊㚒有豬肉片，好味。雞丸子蔬菜煲(個名係咁上下），$88最後上，張枱超逼。下次黎食真係要book 枱！味道唔差，係冇咩特別。D雞丸子有成六粒，就係味道唔太似雞肉。(可能我記錯個名？！或者可能係豬肉丸)

還未到關店時間，客人未食完，就不停在旁邊打擾客人用餐，這是一個服務行業應有的服務嗎？食物尚可接受，壽司欠缺新鮮，食落冇左鮮味，像是放過了一晚般。烏冬味道還可以就算食物多好，欠缺服務就差很多。

一直很喜愛沖繩這個地方，雖沒有東京的繁華，卻擁有碧海藍天和純樸的小島風情。而「銀次」正正是來自沖繩的居酒屋品牌，無論裝修或環境都十分地道及舒適，尤其喜愛那些倒吊著的玻璃球。餐牌選擇繁多，炸物、燒物、刺身等樣樣皆有。<Orion Beer>吃沖繩料理當然少不了地道的沖繩啤酒呢！<鹽燒牛舌>牛舌十分爽口，調味剛好，咬落仍保持豐富肉汁，甚有水準。<三文魚三文魚籽燒飯團>呈三角形的飯團，表面燒得香脆，惟三文魚肉質有點鞋。<燒味噌黑豚豬頸肉>豬頸肉肉質爽脆，帶點炭香的味道。<雞肉濃湯飯>濃湯以壺狀分開呈上，而米飯盡是吸收了雞湯的精華和雞油香，十分惹味。

幾次經過都覺得佢外表好貴，唔敢入去食，呢次朋友book 左，就諗住試下啦！out of expectation, d 日式料理都幾十蚊咋wor...而且仲幾好味！明太子蛋卷非常出色，但我地一分就俾大家一掃而空影唔到入面d 明太子有幾蹦放魚同沙律係正常味，不過不失但驚喜不大卷物好出色，下次多人要叫多幾隻試下

今日為大家介紹這個北海道帶子燒， 也是我最愛的一道菜。 直接點了火燒著的帶子， 貝殼下放有海鹽， 燒出來的口感不但嫩滑，牛油味甚重，而且帶子還一開四件， 可以慢慢享用，視覺和味道都十分一流!

特登過黎試個海膽飯 座位都好大 好濶落 好多都係木造既野 個環境都幾舒服 侍應都一般 都算有禮貌 做野都快手 不過呢到食既選擇係好多 睇到花多眼亂 呢個海膽飯其實都好細碗 又貴 268加一 海膽有兩層 都有半板有多 海膽都好新鮮 好有海水味 飯就偏硬 唔夠林身 同埋都有小小熱個飯 食落去感覺唔值呢個價 唔會再食