MELLOW BROWN COFFEE by UCC

Open Now

Now Closed

好不容易等到崇光新裝修超級市場和超級平價日人潮退卻，到新開地庫樓層走走。我見今日星期一，此餐廳亦滿座，試食了法國式厚多士和雪糕。雪糕質素很一般。想不到厚多士亦很平凡。熱度不足，沒有冰火交融的感受。味道不細緻，在吃很普通的麵包。後來看到網評偏向差勁，明顯比集團內其他店舖口碑差。部份原因是我在日本餐廳吃法國麵包，選錯食品，另一原因是新店運作有問題。日式管理在火鍋，麵包，放題，壽司，燒肉，刺身，居酒屋，鐵板燒，串燒……均勝於中國人，在西餐廳呢？將來要探索。

所謂期間限定「原味窩夫熱香餅伴咖啡味軟雪糕」，$82，雪糕毫無咖啡味可言，淡而無味且質地稀，溶得好快。熱香餅除咗一個「熱」字，毫無賣點可言，全無蛋香，只食到好似燒焦咗嘅麵粉味，賣相差（見圖）! 至於焦糖咖啡，未上枱就已經滿到流到成枱都係，問店員取紙巾包住隻杯先飲到，但店員反嫌你麻煩! 只飲到焦糖味，咖啡味欠奉!個人認為，應該好難會再搵到間再差得過呢間嘅pancake，絕不會再幫襯!!!識睇睇食評，勿信雜誌介紹!

去到要先去門口右邊部排隊機揀人數拎飛等叫號碼。我地一行3人等左就黎10分鐘就有位。好彩坐最入，因為都唔係咁想坐出面比大量SOGO客你眼望我眼。同埋呢間店幾有壓迫感，可能因為地方細。我揀左煙肉忌廉意粉(其實即係卡邦尼意粉)($89)，另外兩位揀左菠菜三文魚意粉(白汁)($93)以及白汁蘑菇雞肉意大利燴飯($91)。由於今日係星期日所以無得用優惠價加錢要湯同飲品。落單後約10分鐘左右，我個煙肉意粉到左，但係同餐牌張圖有出入，碟野一黎到我隻溫泉蛋已經散左，Ｄ蛋汁流晒出黎了。一食落口就覺得意粉本身煮得唔錯，幾煙韌，但係幾鹹下，又太乾身冇乜汁，反而煙肉都冇Ｄ汁咁鹹，呢個質素我差Ｄ以為係街邊西餐廳賣$5X一碟果Ｄ黎。而個三文魚意粉都好快到左，呢個冇我果個咁鹹，又冇咁乾身，味道可接受。最後個飯都等左差唔多20分鐘先黎，就咁食覺得無乜野，雞肉尚算唔錯唔會太「鞋」同都算大件，個飯都多汁過我意粉好多，而且隻溫泉蛋竟然無穿到，好完整地放係飯面上。不過我地都覺得味道幾淡下，唔知係咪因為我個意粉太鹹呢。3碟份量就睇落好少但食落唔只咁少，一個成年男人食一碟都可以飽。講下服務，咁服務都唔差既，見到食完會主動收走隻空

我同我朋友sogo岩岩裝修就去試下🤣🤣第一日星期六每得轉set lunch就有d失望。咁我就叫左個焗雞肉意大利飯好好食wo*入口好香滑，味道剛剛好，d雞肉好滑一d都5老👏👏之後叫左個三文魚波菜意粉一開始食d波菜好咸，但夾住三文魚同意粉食就剛剛好，意粉爽滑有彈性，食得到料係貴。但本身都5平 total 食左 $203.2第二次就想食佢個pancake ,呢個新pancake 只有沙田同呢間先有當然要試下，一開始無咩期望，所以一食有驚喜，我食個過係玉桂蘋果pancake,好好食。好香同雪糕好夾，但可以更好pancake 高身d會更好。之後有食三文魚沙律同墨魚意粉，墨魚意粉就一般，第一口胡椒味太重，但墨魚係新鮮爽口。但無咩特別。但重點係呢間店設計不太好，細間，客人位置不好。廚房又細，坐得不舒服。整體設計差。

食緊魚餅時就見到對面鋪做緊雪糕prompt, 食完就梗係過去買啦UCC咖啡軟雪糕雪做緊新張優惠，$30咋~UCC既咖啡就飲過幾次啦，都幾岩我口味，又澧又滑又好味，唔知軟雪糕又係點呢？先睇份量，杯軟雪糕其實都唧得幾大杯架，大脆筒入面全部裝滿既，而脆筒上面就有起碼四個圈，份量十足然後講口感味道，軟雪糕入口有香濃既咖啡味道，少甜，但口感就沒有平時的雪糕那麼軟滑（也沒有咖啡時的滑），只是有點軟又有一點點吃沙冰既感覺。幸好這個咖啡冰夠好味去彌補這個缺點，當然如果可以改善一下令軟雪糕更滑就好了……

由於位置好，裝修又新淨！ 好多人等位，等左大約8分鐘有位。Order 左$105 tea set包一個蘋果玉桂pancake 同一杯飲品。等左20+分鐘，上枱係賣相唔掂，pancake夾心唔熟，真係好過份。我照埋單走，但都有同個員工講，但佢仲夾硬解釋話佢地嘅pancake style係軟d，唔係唔熟......PS. 坐喺隔離個客齋飲咖啡，聽到我話唔熟，佢話佢上星期食都係咁！ 食品差，服務更差！只能夠話係中伏，$105飲左一杯奶茶

今次認真中伏，話說祟光超市經過個多月裝修，終於回歸了。和友人食完晚飯順道入去逛逛，觀感上沒有濶落，缺乏空間感，迂迴曲折，不夠統一。多了不少新插旗食店，連UCC 姐妹店mellow都進駐了。行得累了，倒不如入內嘆杯咖啡。點了一杯用虹吸壺沖調的Guatemala, 危地馬拉的咖啡豆一向有保證。呈上枱時用了現今潮流興的玻璃器皿盛載，然後按自己喜歡份量再放入杯內享用。杯子比一般連鎖店的細小，當我把咖啡注入杯內，不到兩秒己放完了，再望下杯內其實只有半杯左右，四十多元，兩啖喝完, 價錢與量大有差距。講到味道，不是那麼好飲，欠缺回甘，熱度又不夠，勁失望。見餐牌上有pancake, 於是乎要了一客mixed berries pancake跟友人分享，先講賣相，參差不齊，有點倒胃。切下去完全沒有鬆軟感，入口沒有蛋香只有生粉味。話明mixed berries 點解只得藍苺數粒和少許藍苺酱。oh....OMG!真的中伏，點解可以咁難食嘅！我以把它列入我的黑名單。

Came to try this place for 3 reasons:1. Causeway Bay SOGO re-opened its Supermarket after renovations2. Numerous magazines talked about this place's French Toast, coffee & ice-cream3. My girlfriend is very into French ToastAnyway, arrived at SOGO at around 7PM on a Friday night, maybe because it's a Friday night (or this place is new like all the others in SOGO supermarket), we have to get a ticket and wait. The waiting time is around 30 minutes for a 2-person-table. So it's not that bad. Althou

雪糕多士，上枱時雪糕已溶了一半，多士浸在溶化的雪糕裡，濕漉漉，極度難食。芝士鬆餅三文治，麵包堅硬如石頭。與經理反映，經理只識不斷講唔好意思，和說會向公司反映，並沒有解決方案，我感覺像同嚿木頭（經理）反影事件，完成哂氣，經理根本唔理解人客的心情，體會唔到食物難食程度。埋單$161.7，食到一肚火！以後不會再來。咁嘅食物，就算比$161.7出嚟，都冇人食。心情全被破壞，咁嘅收費但係比啲咁嘅嘢人食，不知所謂

Sogo樓下supermarket裝修完，當然要黎朝吓聖。一落扶手電梯就見到這間coffee shop, 再細心睇睇，原來係UCC的。响當眼處見到有咖啡軟雪榚，仲由$35減至$30。我這個軟雪榚控當然要試吓啦。咖啡味軟雪榚我都係第一次試，而且由一間cafe出，所以我對這杯雪榚有一定期望。但係食完之後的確是失望的.......我覺得「滑」是軟雪榚一個重要的因素，但這個是icy 質地的。雖然咖啡味都夠，但食落好似食刨冰咁，我食咗1/4已經放棄咗。如果鍾意食冰質地的都可以一試。