Video
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
Offers
今朝食咗敏華嘅早餐，點咗兩樣嘢試，包括沙嗲牛肉米粉同雞湯火腿通粉。沙嗲牛肉米粉嘅湯底非常濃郁，入口香辣惹味，牛肉質感亦唔錯，唔會一咬就散晒，保持住彈性，算係今次餐中嘅亮點之一。米粉方面夠滑，唔會過腍，岩岩好。另一邊嘅雞湯火腿通粉就冇咁出色。雞湯嘅味道偏鹹，而火腿亦係普通貨色，冇太多驚喜，感覺有啲失色。通粉煮得唔錯，口感唔會過腍，但整體嚟講，雞湯火腿通粉表現平平，無咩特別亮點。以價錢嚟講，每份大概$38，喺呢類茶餐廳嘅早餐價錢範圍內屬於合理，唔算偏貴。如果要我推薦，我會建議大家試吓沙嗲牛肉米粉，係比較值得一試嘅選擇，特別係對嗰啲鍾意重口味嘅朋友。整體而言，呢餐早餐中規中矩，唔會話太出色，但價錢合理，當一個簡單早餐嚟講都算ok。
continue reading
排隊等位 見到你冇人理只係望住你 有個呀嬸直入比位佢 我問係咪唔使排隊？佢答我要 我問咁頭先入去果個唔使排隊？佢就即刻搵到個位比你 原來我前面有個叔叔都等緊位 其實裡面一直都有位 冇人安排完全
continue reading
今日突然好想食沙嗲牛麵，咁啱附近有間敏華，係天意啊咁啱去到又冇人排隊，大把卡位任我哋揀。我哋叫咗兩份早餐，一個係榨菜肉絲米，另一個就係我嘅至愛沙嗲牛麵啦！雖然牛肉唔係好嫩滑，但係整體都食得下 $38有麵有蛋有包仲有嘢飲，我都唔會要求太多🤭而家好似周圍都係QR code落單，冇諗到呢度仲有code自助埋單，真係啱晒我呢啲鍾意貪方便既人。不過呢間餐廳入邊訊號唔係咁好， QR code落單有啲慢。我都係鍾意人手落單多啲
continue reading
家人今日無胃口，晚餐想食湯飯，用網上平台揾到元朗Yoho的敏華落單外賣自取。敏華於Yoho開咗咁耐，今次係第一次幫襯。- 陳皮米鴨湯窩配白飯，呢個合格，不過真係好普通。- 超級什扒飯就唔掂，塊雞扒的皮燶晒，都仲可以照出餐俾客，品質管理方面唔合格，一間連鎖集團唔應該有呢個問題。要檢討！職員的服務方面反而做得幾好，有禮。話說我去到餐廳攞外賣自取時，開頭職員係話並無我個order, 跟住就即刻幫我check, 同埋亦好快同我講番廚房準備緊。整個過程都主動及有禮！
continue reading
入座沒有人帶位, 叫你見位就坐.我們一行三人, 只見到一張三人同時面對牆的一張臺.同侍應講冇臺, 佢叫你等下, 沒叫你拿票, 而且語氣超差.之後有張臺埋單,就過去坐.抹臺求其, 4人臺只抹對出兩個位, 拎起個餐牌抹一抹都懶. 叫左三個早餐, 一個雞翼.已經係數二維碼落單, 都可以由23號變24號臺.雞翼到埋單冇出現過. 叫左個炒蛋另加太陽蛋, 來左碟太陽蛋. 同佢講佢就求其比番碟炒蛋你.有個牛麵半個鐘都唔出菜. 前後叫左兩個侍應. 佢都繼續送其他臺. 都真係忍唔住大聲少少發火, 佢又可以九秒九出個牛麵比你. 點解D侍應可以咁犯賤.唔止我一臺. 基本上每一臺都有漏單錯單. 檸茶變檸水, 炒蛋變煎蛋. 電子落單都可以亂成咁, 敏華,你快D離開YOHO啦. 功德無量!
continue reading