敏華冰廳 (形點 II )

Open Now

Now Closed

今朝食咗敏華嘅早餐，點咗兩樣嘢試，包括沙嗲牛肉米粉同雞湯火腿通粉。沙嗲牛肉米粉嘅湯底非常濃郁，入口香辣惹味，牛肉質感亦唔錯，唔會一咬就散晒，保持住彈性，算係今次餐中嘅亮點之一。米粉方面夠滑，唔會過腍，岩岩好。另一邊嘅雞湯火腿通粉就冇咁出色。雞湯嘅味道偏鹹，而火腿亦係普通貨色，冇太多驚喜，感覺有啲失色。通粉煮得唔錯，口感唔會過腍，但整體嚟講，雞湯火腿通粉表現平平，無咩特別亮點。以價錢嚟講，每份大概$38，喺呢類茶餐廳嘅早餐價錢範圍內屬於合理，唔算偏貴。如果要我推薦，我會建議大家試吓沙嗲牛肉米粉，係比較值得一試嘅選擇，特別係對嗰啲鍾意重口味嘅朋友。整體而言，呢餐早餐中規中矩，唔會話太出色，但價錢合理，當一個簡單早餐嚟講都算ok。

排隊等位 見到你冇人理只係望住你 有個呀嬸直入比位佢 我問係咪唔使排隊？佢答我要 我問咁頭先入去果個唔使排隊？佢就即刻搵到個位比你 原來我前面有個叔叔都等緊位 其實裡面一直都有位 冇人安排完全

今日突然好想食沙嗲牛麵，咁啱附近有間敏華，係天意啊咁啱去到又冇人排隊，大把卡位任我哋揀。我哋叫咗兩份早餐，一個係榨菜肉絲米，另一個就係我嘅至愛沙嗲牛麵啦！雖然牛肉唔係好嫩滑，但係整體都食得下 $38有麵有蛋有包仲有嘢飲，我都唔會要求太多🤭而家好似周圍都係QR code落單，冇諗到呢度仲有code自助埋單，真係啱晒我呢啲鍾意貪方便既人。不過呢間餐廳入邊訊號唔係咁好， QR code落單有啲慢。我都係鍾意人手落單多啲

家人今日無胃口，晚餐想食湯飯，用網上平台揾到元朗Yoho的敏華落單外賣自取。敏華於Yoho開咗咁耐，今次係第一次幫襯。- 陳皮米鴨湯窩配白飯，呢個合格，不過真係好普通。- 超級什扒飯就唔掂，塊雞扒的皮燶晒，都仲可以照出餐俾客，品質管理方面唔合格，一間連鎖集團唔應該有呢個問題。要檢討！職員的服務方面反而做得幾好，有禮。話說我去到餐廳攞外賣自取時，開頭職員係話並無我個order, 跟住就即刻幫我check, 同埋亦好快同我講番廚房準備緊。整個過程都主動及有禮！

入座沒有人帶位, 叫你見位就坐.我們一行三人, 只見到一張三人同時面對牆的一張臺.同侍應講冇臺, 佢叫你等下, 沒叫你拿票, 而且語氣超差.之後有張臺埋單,就過去坐.抹臺求其, 4人臺只抹對出兩個位, 拎起個餐牌抹一抹都懶. 叫左三個早餐, 一個雞翼.已經係數二維碼落單, 都可以由23號變24號臺.雞翼到埋單冇出現過. 叫左個炒蛋另加太陽蛋, 來左碟太陽蛋. 同佢講佢就求其比番碟炒蛋你.有個牛麵半個鐘都唔出菜. 前後叫左兩個侍應. 佢都繼續送其他臺. 都真係忍唔住大聲少少發火, 佢又可以九秒九出個牛麵比你. 點解D侍應可以咁犯賤.唔止我一臺. 基本上每一臺都有漏單錯單. 檸茶變檸水, 炒蛋變煎蛋. 電子落單都可以亂成咁, 敏華,你快D離開YOHO啦. 功德無量!

今日食評✍🏻敏華@toho mall2試食指數⭐⭐⭐店舖衛生⭐⭐侍應態度⭐⭐⭐((每項5⭐️為滿分)) ·早幾敏華都算「高級茶餐廳」近年貼地好多意思係環境冇咁fancy衛生情況爭少少🤏🏻服務係冇乜幾乎全自助價錢方面的確貼地又加一所以我哋唔會抽稱上面兩樣嘢·我哋下午茶時段點了1️⃣西多配熱檸茶2️⃣雪菜肉絲米粉配煎雞翼兩隻熱奶茶埋單87·疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋bw.foodie幫到你無論大鋪小店我哋都會盡試盡講

今日去敏華食嘢，以為會好好食，點知差到作嘔。我等咗九個字啲食物先到，叫咗檸檬水但係又俾咗杯檸茶，叫咗少甜少冰，但係是杯多冰多甜。啲蛋又燶咗，啲麫又超鹹。職員又冇禮貌。我以後都唔會再幫襯。

入座: 座位留有上手客人的很多多士碎，即刻冇清潔好，唔夠衞生。座位: 算坐得舒服，唔迫。食物: 價錢與食物質素絕不相符，成碟得三片牛肉，那三片牛肉沒有牛味、太靭、而且又有渣；炒得唔均勻有啲河粉都係白色，用錯豉油炒唔上色唔夠香唔夠味，兩條蔥唔新鮮隔夜。$72，冇下次。唔怪之得唔洗等位。佢短時間開多間分店，請唔到有質素的師傅，又keep 唔到個質素但係個價錢又keep 到。另外，筷子好似油油的。飲品: 佢話冇好立克只有阿華田。員工: 正常

中午12:30，好彩只坐了大約一半客人，無需等位，否則更嬲😡😡😡叫了一個牛肉豬潤麵常餐，選用用電子落單，可以寫得清清楚楚，避免人為出錯。選擇了煎熟蛋，但上咗一碟睇完都唔知似乜嘅「熟蛋」。個公仔麵，啲麵淋到無牙都食到，牛肉、豬膶 勁重鬆肉粉、梳打粉之類，食後口腔很不適。服務態度？更加唔掂，因為叫好耐都無人回應。另外，可能係個人口音、語氣問題，對客人的說話時，感覺像呼呼喝喝的感覺。第一次選擇「敏華」，無諗過係咁差，一定不會再幫襯

元朗新開左間敏华, 昨晚嘗試試下, 7点左右去年坐低, 發現冇小菜,問問得知,人手不足,只有碟頭飯,算照食！叫了三樣野,常餐, 咖哩魚柳,鴛鴦扒飯+三色菜.常餐：正常； 咖哩魚柳： D飯生米,約十分鐘前已有客人反映D飯生米,要更換,但之後一樣照出.最大問題星期鴛鴦扒飯+三色菜；三色菜D西蘭花及耶菜花十分生食唔落, 扒飯D飯也是生米,食到一半發鴛鴦扒飯只有雞扒,冇其它,問一問才知冇豬扒,只有雞扒,但兩件雞扒只有三隻手指大.這間餐廳不理自身食品出現什麼問題,喜歡比你什麼你便食什麼,飯唔熟照比,講完無跟進,客嘈,請句唔好意思,但下個客照比,客唔嘈,過骨,話比佢聽鴛鴦扒飯变了雞扒,又話個餐改唔到價,總結無下次.

yoho mall開了間敏華冰廳，今天第一次來吃了個下午茶。手機自助點餐，下午茶都有不少選擇，食物可口，奶茶香濃香蔥雞扒撈公仔面，麵煮得剛剛好，不會過軟或過硬，鹹淡也合口。雞扒不大，但煎得外焦里嫩，如果可以在淡一點就完美了。

食物質素好一般，職員態度非常差，元朗舖大部分員工應該係新人，好多餐廳嘅野都唔清楚，尤其係電腦落單系統，可以離譜到老屈人點菜，明明未入座都可以話係你點，係你問題，但好彩最後有安心出行顯示時間入餐廳，亦因為有呢個證明，最後cancel個餐。不過員工嘅態度令你一肚火。😡

食晚飯一肚氣，落單麻煩，十問九唔認，加$28碟油菜得4條，蒸魚要半個鐘都未得，白飯俾得半碗你而且無反應俾反一碗白飯你食，而家既米可能好貴平凡大眾食唔起，都係做錯決定，非常谷氣😠