敏華冰廳 (形點 II)

Open Now

Now Closed

一入門就感受到濃濃嘅港式茶餐廳氛圍，環境簡單乾淨，人聲鼎沸，好有煙火氣。🌟招牌黯然銷魂飯呢個真係招牌必點！大大舊嘅叉燒鋪喺飯上面，叉燒燒得恰到好處，外皮金黃微焦，咬落去又嫩又多汁，蜜汁滲入每粒飯入面，食落好滿足。太陽蛋嘅火候亦都控制得一絕，半生熟嘅蛋黃，戳破嘅瞬間，蛋液緩緩流出，將整碗飯嘅味道又提升咗一個層次。🌟牛油西多士西多士煎得金黃酥脆，醇香而不膩，黃油嘅味道完全突出咗。有兩種食法，第一種係等黃油融化咗再食，但個人覺得會比較破壞咗本味，更推薦係啱上就連著未融化嘅黃油一大啖食，絕對正!!!💎阿華田、凍檸茶阿華田好濃郁，一飲就知用料十足，入口綿滑，巧克力味同麥芽味完美融合。凍檸茶茶味濃郁，檸檬嘅清香又可以中和茶嘅澀味，飲落好清爽解膩。