炑八韓烤 (Closed)

一班舊同學懷念起韓國菜，，當然不會少了韓燒的炑八韓烤。最近試了銅鑼灣的炑八韓烤，通常食韓燒都係以肉為主，今次有驚喜，因為呢間主打海鮮！最大特點，是燒爐旁的芝士爐端燒。爐外兩邊的坑位分別放了泡菜和芝士。烤爐燒熱後，十多分鐘後便吃到香濃可口的泡菜蛋漿，而半熔的芝士則可以用來沾燒好的肉來吃，吃起來更《芝味》。最開心是食完還可以免費再添，相當值得讚抵吃內裝修走年輕路線，在木系的主色配搭上鐵感覺很潮流。食左個芝士生蠔，入口蠔味重，索晒芝士味，好肥美。只因本人比較懶惰, 所以愛好像醬油生蝦比醬油蟹多，因為啖啖肉呀嘛!!  哈哈.......醬油生蝦和醬油蟹。「醬油生蝦」新鮮而肉甜，口感嫩滑彈牙。加上醬油本身的貼香，已經可以食一碗飯。當然少不了燒肉拼盤，肉類比較遜色一點，因為肥肉比較多再配上旁邊的芝士感覺有點滯，食不了幾片已經停手了。但好在加上海鮮中和一下，原隻八爪魚燒值得一讚！鮮味！最差的竟然是水冷麵，難道最低但卻做得最差，"林林的"沒口感，一整個麵粘在一起能分開 PS: 店舖唯一的弊處是抽氣通風不夠，導致呼吸有點辛苦煙霧彌漫真的好難得才成事的一餐終於約齊人， 完全聊到不想走

有一日喺尖沙咀做完facial唔知食乜好，有個傳單姐姐塞左傳單比我，咦！原來炑八都有下午茶！不嬲對炑八都幾有好感而下午茶足足有成10款仲40幾蚊有交易，梗係即刻上去啦！叫左個芝士年糕麵下午茶等梗下午茶既同時店員比左個湯，魚串，芽菜同泡菜比我食住先，以香港嘅平民韓國餐廳泥講呢個算唔話得喇！下午茶到左！哇真係抵食夾大件！好大盆麵呀！個芝士年糕好得意，細細條入面有芝心，個麵係偏甜，不過好好食，因為偏甜既關係所以將辣味減低，啱哂我！食哂成個餐真係晚飯都唔洗食呀！

之前係呢度，老闆請過我食午市韓燒，果時已經想食佢啲Lunch set。其實試左3次，上次食牛肉蓋飯，再上次食泡菜炒辣五花肉，今次食牛肉石頭拌飯。我覺得牛肉比豬肉好食。泡菜同五花肉比例唔係咁好，豬肉有啲少，泡菜好似老得濟，有啲酸，可能係唔同風格？牛肉蓋飯好惹味，但食晒成碟會覺得有啲咸左少少。食左咁多次，再寫食評係因為想讚下個石頭拌飯，我本人幾鐘意石頭拌飯，所以食過好幾間，我覺得呢整得幾好。首先啲飯唔會太濕，因為太濕會拌唔到啲飯，但佢啲飯濕度剛剛好。第二啲菜唔會太薄，切得剛剛好，其實拌飯最貴就係切菜啲刀工，有啲餐廳係刨出泥，所以啲蘿蔔會好薄，但呢間唔似刨出泥，如果佢真係刨出泥，咁我會覺得佢幾抵食，因為夠大份。第三係佢個石頭鍋，唔知係咪有啲"喬"妙，我食左超過半粒鐘，個飯keep住出煙，最神奇係熱得泥，佢啲飯焦係唔會變炭，呢個係石頭拌飯嘅另一個精粹。第四係個拌飯醬，食落開頭覺得佢好似甜左啲，點知有後勁，有啲辣，不過我本人都唔係好食得辣。第五夠大份，應該連晚餐都唔洗食。遺憾係啲牛肉少左少少。其實以上都係係拌飯嘅基本嘢，可能外面啲餐廳整得求其左，又可能我少食高級韓式餐廳啦～然後，講下啲前菜同飲品

泡菜五花肉鐵板飯$48.今次就試哩個鐵板飯😌之前食過牛肉飯覺得好好味所以今次食哩個❗️好可惜有少少失望.賣相幾好 令人充滿食慾 泡菜味濃但係冇乜汁咁 不過撈匀都成個飯係紅色 而且越食越辣 不過就有d乾既感覺😕五花肉都係沾滿泡菜味 但入口都係麻麻地 冇乜特別.其實我最期待係個飯 上次食有粟米汁味 不過今次冇左😭😭😭其實相對於岩岩識去炑八食lunch 價錢已經貴左 但係質素同選擇都差左😕不過冇收加一我都覺得叫係抵食

之前來過幾趟都係以食燒物為主，幾乎次次都係叫嗰幾款熱門嘅肉，今次再仔細睇下Menu，先發現原來熟食選擇都唔少，同埋嘢飲都幾吸引，所以今次除左食燒物外，反而更想試試其他嘢。本人向來係無湯不歡嘅，餐餐都要有湯佐飯，所以揀咗個大醬湯。其實喺韓國大醬湯嘅地位就好似日本嘅味增湯，味道相近但稍辣而濃厚。好多人鍾意飯後先飲湯，我係鍾意跟住飯菜一邊飲一邊食。佢嘅味道係溫醇嘅豆醬味後隱隱透出少少辣味，入面有好多豆腐、雜菜等等，佐飯一流。另外見到十枱有九枱都叫左呢個宮廷冷麵，我哋又點可以唔湊下熱鬧呢？我諗大部份人都係畀佢嘅特別煙霧效果所吸引，咁又係嘅，真係好特別好震撼嘅視覺效果，食物味道偏清淡，食得燒肉多之後食返啖清清口腔同腸胃都係相當之唔錯。記得之前睇過Do姐做嘅一個旅遊節目，出面尖嘅佢喺入面都狂讚韓國嘅醬油蟹，我都知呢樣美食係韓國勁出名，講真我就大鄉里真係未食過，見到呢度有，即管試下係乜東東先。平時出街好少會叫蟹食，唔方便食丫嘛，呢個醬油蟹又幾易食喎！朋友話有唔少人嫌棄活生生嘅蟹感覺唔衞生，又怕有蟲，驚食左會肚痛，但只要攞出勇氣試第一啖，保證會返唔到轉頭。聽佢講到咁勁，我就膽粗粗試下啦！韓國醬肉質黏糯

之前在IG不斷被朋友洗板所以一直想來食，今晚終於帶女朋友黎食，實在太太太高興！坐低無耐侍應就過黎幫我地準備爐火同配料，先上無限任添既伴菜同爐邊菜，有芝士粟米同爐邊蛋，我地都極餓，所以唯有食住呢d前菜頂住下個肚先，見到d蛋慢慢成形已食指大動。我地兩個都屬於心大心細既人，呢樣又話想試，果樣又話想試，所以叫set就係最好，最終商量一大餐後揀左個”韓式牛肉大八爪魚套餐” (2人用 $490)，有大蝦、芝士生蠔、多春魚、大八爪魚、牛小排、牛肋肉、春川雞、泡菜冰麵，豐富到無朋友……大八爪魚名副其實，果然好大隻呀，煮到咁上下侍應走過黎幫我地剪開佢，等我地易食d，nice~好彈牙, 好入味~芝士生蠔一人兩隻very good唔洗爭，隻蠔望落都算肥美，本身都驚佢燒完之後會唔會嚴重縮水呢？好彩都無, 仲好肥美, 連埋芝士食更覺creamy~大蝦真係好適合攞黎燒，令d肉更香口，我鍾意沾d爐邊既芝士粟米一齊入口，令口感更過癮豐富~哈哈, 之後掛住食都無乜再影相喇，係想講講佢d醬料幾好, 令肉類既名更出色, 海鮮我就建議原汁原味食得喇, 唔點醬都可以~

近排既天氣，可以話係熱死人唔洗本果隻，搞到個人胃口都差埋，今晚約左個舊同事飯聚，佢竟然夠膽死建議食韓燒，簡直係火上加油，喺老佛爺頭上動土呀！朋友見我咁慶就喺度狂笑話：「邊個話韓燒舖就一定淨係得韓燒食架傻婆？！」我話「我唔理呀，你發辦啦」，總之人家唔想食熱野，人家要消暑降火呀！！！朋友無我咁好氣，然後就柯打左呢幾樣喇：水冷麵 $88係將蕎麥麵混入凍湯，食吃黎口感清爽，入面既配料有醃白蘿蔔、青瓜、梨、蛋同牛肉，鮮甜之餘仲有清清地既果香，好fresh。宮廷冷麵 $128賣相超給力，當然要相機食先啦！煙霧彌漫feel好似人間仙景咁，真係成個人cool down晒，齋睇都覺透心涼呀，d冷麵好colourful，麵質尚算煙韌彈牙。香桃冰沬 $68呢個係暑假限定，用比較清甜既桃味沙冰做個冰底，面層有桃味脆糖，再可以按個人口味加入桃味糖漿，鍾意食桃既朋友真係滿足到暈！紫薯冰沫 $68 我就主力食呢個紫薯冰沫，軟綿綿細密既雪花冰上面鋪左清甜既紫薯泥，入面仲有麻糬呀，層次豐富，good！估唔到「食韓燒」都可以一解夏日既悶熱，算你啦！

阿媽太耐無出城，我建議帶佢食韓燒，佢耍手擰頭勁話唔好，煙霧瀰漫、烏煙瘴氣……勁反感，我同佢講，阿媽，而家D新派韓燒再唔係你N年前係果隻架喇，等阿囡帶你去見識下啦~!!!!!!!帶左佢黎呢間有好多分店既餐廳，明亮光猛既環境已經令阿媽改觀，坐低之後見到個爐有條邊覺得好新奇，我話佢知呢個係一邊係放爐邊烤蛋燒，另一爐邊放芝士粟米，係免費既，佢聽到免費兩個字對眼即刻發光~之後開始入正題，首先點左個芝士生蠔($88)，用錫紙兜將芝士同生蠔放埋一齊燒烤，望住D芝士慢慢溶化，我地都開始吞口水勁期待 ...喺呢個芝士大行其道既年代，咁樣先算係韓燒既正道嘛！由於有芝士，可以防止生蠔既水份被抽乾，所以熟咗之後入口仍然保持到濕潤嫩滑口感，正。知道阿媽鍾情海鮮，所以再點左大蝦，都係$88，肥大厚肉既花竹蝦，燒完之後SIZE都無嚴重縮水，咬落肉質爽彈，阿媽連個蝦頭都唔放過。肉類選擇都幾多，牛、豬、雞我地都點左各一款，阿媽最LIKE豬排骨( $115)，話肉嫩同味道偏甜，見佢勁吮指好回味咁喎~不過由於佢好容易燒乾，所以燒果時要好好mon實，燒到少少了骨肉分離就PERFECT!@@食完之後，阿媽好似迷上左韓燒咁，女人

上星期晚上， 到了公司附近的鬧市中尋找吃飯的地方。 經有人推介到了這間韓式樓上店吃韓烤去。雖然我們沒有預約， 但是店內仍有座位，所以店員也給我們進去。這是店內的裝飾: 一個個黃黃的燈很有情調。 餐廳內的桌椅很多。應該是店家相提高翻桌率 幸好座位充足我們才能進去吃飯這個是宮庭冷麵。冒煙的其實是乾冰做出來的效果。 外觀很像仙境， 而味道也很好，很清新。 麵配上不同的配菜: 包括黃瓜絲，蘿蔔絲，青瓜絲，白蘿蔔絲等等， 配上冷麵和半隻雞蛋來吃， 感覺新鮮， 味道也不錯另外我們點了醬油蟹配飯。 醬油蟹在看過吃了一次之後感覺難忘。 蟹是生的， 配上滿滿的蟹膏，感覺很滿足。在這裏可以吃回韓國的風味， 很開心以後的方面肉質肥美，也很新鮮。 我們點了一碟豬排骨和一個海鮮拼盤。 包括有蝦，有多春魚等等的食物。 經烤過後的蝦和多春魚十分有鮮味。 再淋上是柔和韓式辣醬，十分惹味。最後這個是韓式石頭拌飯。 這個是石頭窩盛載的。 配上上面的蘿蔔絲，芽菜，青瓜，肉 和生雞蛋， 稍微攪一攪拌， 可是做出來的飯焦更均勻。 韓式辣醬可自由淋上，不太吃得辣的，可選擇自只家加一點點。整體來說食物水準高，有機會的話可以再en

I had wonderful lunch with my family here although this is not the first time to come. The staffs are very kind and serve well, believe they recognize us...This was so much fun to DIY, grill the food and wrap inside with the fresh lettuce with my daughter. The chuncheon chicken meat was very juicy, not fatty and flavourful. Also, we ordered the fried rice with cheese. The staff was caring mind to help taking out the seaweed as I couldn't eat too much seaweed, the cheese was definitely very rich

This place is awesome. Food is so good and there's so much of it! There were five of us and we ordered a large seafood combo, crab marinated in soy sauce, fried rice wif cheese, premium cold noodles and different kinds of soda and some snow ice. I recommend for both main course.Seafood combo (L) $490 - a giant octopus, small fish, giant shrimps, abalone pieces - Very generous portion with fresh and ''real seafood'' taste after grilling, the scissor didn't very sharp enough to cut the octopus but

黑毛豬湯麵 $48.又到新一個月又適逢係開學日 炑八又轉左menu當然要試下😂 因為尖沙咀食lunch又低過$50又好食真係唔多選擇 .哩個湯麵mark住係濟洲特產 當然要試下😬 就咁睇真係超普通 貴在個四舊黑毛豬😕 不過我就唔太識欣賞啦 湯底係淡淡既豬肉湯味 唔可以話濃味 但少少淡口我都ok既❗️仲有少量紫菜咁 不過麵條就俾我想像中多😛有d似烏冬同上海麵既混合體 有咬口既係.不過蛋包飯 鐵板飯好似高質好多

去韓國食過一次醬油蟹，返到香港一直念念不忘~再去應該要等到下年，唯有係香港搵隻黎頂下引先搵到公司附近lee間唔駛預訂都有醬油蟹食既餐廳，即刻约埋老公仔去~一坐底即刻叫個醬油蟹先，$198有飯有湯，價錢合理，韓國食都唔平~蟹膏都幾多，蟹肉好像啫喱咁軟軟既但又有d煙韌，蟹膏充滿了醬油香味，送飯一流！另外仲點左護心豬肉同牛肋骨肉，估唔到護心豬肉竟然比牛肋骨肉更嫩滑，值得一讚係lee度d泡菜，酸辣咸道洽到好處，同燒肉生菜同食又健康又飽肚

今晚我們去咗尖沙咀太興廣場嘅「炑八韓烤」食晚飯！我們叫咗韓國醬油蟹今次係第一次叫嚟食，味道比想像中更加好味，蟹膏極之香甜軟滑，肉質非常鮮甜嫩滑，將啲紫菜飯加落蟹蓋同啲蟹膏撈埋一齊食，真係超正呀！炑八宮廷冷麵嘅賣相超級精緻吸引，嗰陣煙霧彌漫令人好似進入咗仙景咁，冷麵嘅麵質好煙韌彈牙！大蝦嘅肉質非常爽甜彈牙，啖啖肉，而且相當大隻！炑八厚切五花腩嘅脂肪比肉仲要多，一咬落去成個口都係油，感覺超油膩！炑八薄切五花腩切得好薄身，肉質相當爽脆軟滑！特製護心豬肉嘅肉質係呢幾款肉之中最好味嘅，肉質非常爽脆嫩滑，肉味亦比較濃郁！特級牛肋骨嘅肉質都幾嫩滑，但肉味都唔係好濃郁，而且好啲「騷」嘅感覺！海鮮煎蔥餅煎得好香脆乾身，唔會有好油嘅感覺，材料相當豐富！甜品：香桃冰沫同Oreo朱古力棉花冰沫嘅賣相相當精緻吸引，冰沫係用奶做成，奶味非常香濃，質感相當幼滑，香桃嘅味道好清甜！

呢個韓烤飯局好不容易先約齊5個人，大家放工都盡快趕到，當然例牌有人遲到店員安排我地坐卡位，枱與枱之間夠闊落，環境舒適 店員上前菜教我地燒烤技巧，唔可以不斷翻烤爐上肉醬料調味一眼睇曬，都算整齊乾淨牛肉選擇多我地牛、豬、雞肉都有order肉味道好OK，感覺唔係平貨 !連生菜一齊食，食起上來冇咁oily 友人推介用塊生菜包住燒肉+泡菜，味道仲正 !黑豚肉燒起黎好香 ，肉質嫩滑 護心豬肉餣得好入味，肉質比牛肉嫩滑，但好快燒燶烤爐旁邊芝士味道好香，點肉食一流 !芝士熔岩飯賣相吸引好似火山爆發流D芝士同蛋漿出嚟 !芝士做到半溶拉絲狀態效果5個人每人分到一小碗仔 ( 幾啖食完 ) ，一致讚好味!離開時經另一個lift口見到呢個oppa女仔們竟然停留左幾分鐘影相 哈~ 宋太太 !