炑八韓烤 (Closed)

服務極差👎👎👎👎👎第一次幫襯，就列入永不會去的黑名單中，如今飲食業競爭激烈，相信這間店好快會消失！飲食業最講究有回頭客，昨天是星期一，相信食肆不會滿場，故沒有預訂留枱。下午5:45抵達，場內已燈光明亮，報上人數4位，竟不讓入內就座，而是讓我們在門外電梯口位焗熱且無冷氣的細小環境等😣6:03我推門入去再問幾時開始，才不情願地安排入內就座，因我們是第一枱客，照理可安排較舒適位置，但却安排我們坐沒有靠背的圓櫈。我們問可否安排其他較舒適位置，却遭到冷面對待，於是全家離席，轉去厚福街H8的食肆。

六月頭，黎左食炑八。第一次食，都幾新奇有趣。先黎兩碟燒肉，豬頸肉同五花腩，一黎就有好多配菜，芽菜，泡菜，生菜，白羅白，同埋幾樣醬汁，侍應會幫我地放泡菜爐邊蛋同芝士粟米。最初都諗，其實呢啲新派既正統韓國燒肉，同以前食開啲任食韓燒有乜分別。食過呢次後，原來係好大分別，真係好食好多，任食韓燒係全部肉都得一隻味道咁，食落口都唔知食緊咩肉咩部位。加上有好多配料，中意又可以加芝士粟米同肉，用菜包住食。食完可以叫侍應加芝士粟米同泡菜蛋。我同朋友加左幾次個粟米，真係好味到一個點。另外叫左個菠蘿冰，普普通通，菠蘿係罐頭菠蘿，杯野飲落似係罐頭菠蘿啲糖水加冰。

六月二日，友人就黎生日，就同佢食豪啲慶生。人蔘雞湯，仲有個飯跟既。成隻雞，睇落都正，入面有紅早。好補咁。雞肉好嫩，雖然成隻雞上，但都好易撕開黎食。仲叫左醬油蟹，我都係第一次響香港食，之前係響韓國食，念念不忘 。呢間都做得不錯，味道略嫌咸左少少，亦都係有個飯跟既，但呢間就無紫菜供應，可惜可惜，如果有紫菜就可以包住啖飯同啲蟹一齊食，成個口感同味道會更好。強烈要求要有紫菜提供！！！！！

以前我都唔係幾食牛舌，覺得好恐怖咁，不過朋友帶過我黎呢度食牛舌之後就開始飯上左喇，之後次次黎都一定要叫，無既，一黎貪佢薄切好靚，好似一片片辣肉腸咁，快燒快食唔洗點等。燒脆之後加D青蔥，黎個蔥燒牛舌，或者灑D海鹽，就令牛舌既香濃肉味更突出，爽口彈牙，隨口就食左幾片落肚，我夠膽話：自己食一碟都無難度！

唔少女仔都同我一樣，因為想皮膚靚而戒食牛肉，不過D friend好鬼衰，次次飯局都喪叫牛肉嚟引誘我，實在太.....過份喇！  今晚黎到呢度，牛肉選擇極多，印滿成版menu，牛肋骨、牛舌、牛肉眼、牛臉肉、牛頸肉、生牛肉......款款都好想試，真係令人心大心細，最後小女子迫於無奈破戒了！ 朋友們叫左牛舌、牛肉眼同霜降牛小排，特登揀三款口感唔太似既，等食落無咁膩。牛舌應該係用燒烤汁淹過，所以好入味，爽口彈牙，牛味極重。肉眼味道好鮮甜，爆晒油脂好香，員工細心提醒唔好燒得太熟，先會食到最正既肉味。至於牛小排呢......雪花紋好靚好均勻，肉質鬆化、肉味濃郁，如果要排名次，我會首選牛小排，為左佢破戒一次都值得既！

今晚咁熱大家竟然話食韓燒，我最鍾意同朋友唱反調，極力反對不果，唯有用行動宣示不滿，就係全程唔食燒物，獨家村叫左碗水冷麵同杯特飲，一個享受人涼浸浸既世界~~~水冷面($88)真係好爽好正，入口極舒暢，開頭都驚驚地會唔會好淡，好在食落都幾清甜，又有蛋、梨，唔怕唔飽肚~~叫左杯特飲叫做魔法梳打($32)，唔知用咩整成，唔係黑加倫子味，又唔係藍莓味，但就好有冰涼快感，味道好純好天然，酸酸甜甜，甜度偏低，清涼感較重~~~~

雖然炑八呢間野好多分店，但質素冇下降到而且性價比一流夏日炎炎就緊係要食番個甜品啦呢個甜品一睇圖已經比佢吸引左雖然黎到個賣相係差左小小但係食落好特別，好有咬口，而且食落又唔係好甜仲十分flash ,夏天食一流呢個五花腩簡直係正到爆!!!!肥肉瘦肉一層一層分開!超有口感 而且著重健康既朋友仔可以好輕易咁避開層肥肉最後埋單都係百幾，簡直係抵到爛

之從4月尾去完韓國返黎, 就愛上食韓國餐, 今晚難得同幾位姊妹食飯, 我就提議4個人不如去食韓燒, 無計啦, 平時得2個人唔會諗食韓燒, 因為又唔叫得多款式, 感覺無咁抵食, 而家多人可以叫多d食多d (慳妹仔性格又上身)朋友仔話見之前見呢間d食評都唔錯, 咁我地今次一於試試佢.前棻: 泡菜, 邊爐蛋可以無限refill, 邊爐蛋有泡菜同粟米芝士味, 我都係覺得粟米芝士蛋好味d 牛舌 (好似$130):  厚薄適中, 燒完都唔會好"un", 好味特級牛肉眼 ($198): 都有手掌咁大塊, oppa侍應仲提我地要燒左牛肉眼先, 如果放得太耐唔燒, 塊肉會變"un"左, 真係唔講唔知, 果然今次又真係幾juicy, 讚! 讚 !薄切五花腩 ($98): 我自己就覺得肥左d, 不過朋友仔就話五花腩係要咁肥先好食可能今日Happy Friday多左人食, d service就差少少, 其他都ok.

懶得諗食乜既幾個人聚係一齊，最好就梗係叫set餐啦，樣樣有D、樣樣試D，可以一次過食盡招牌菜，實在太適合我地呢亭懶人，哈哈哈……今日黎到呢度，又比我地遇到個乜都有既龍蝦尾套餐，望兩眼大家就決定order，呢個餐有咩食呢？有八爪魚、年糕、五花腩、牛肉、龍蝦尾、芝士生蠔同多春魚，齋聽已經覺得好豐富最好味果然係龍蝦尾，雖然只係"尾"，但size都一d唔細架，好彈牙好新鮮好正！芝士生蠔又係正，最緊要係新鮮嘛，全部都唔洗點調味，就咁燒好再食已相當唔錯~~~最後以甜品年糕結尾，用糯米打成黏黏QQ再淋上大豆粉，煙煙韌韌好得意~~~都話叫餐最好啦

同契哥兩個人撐枱腳，佢好豪咁話由佢請，咁我梗係有大食大啦~lol所以叫左個2-3人適用既龍蝦尾套餐，野食非常豐富，而成個餐入面最令我難忘既係呢兩樣野：首先係芝士生蠔，佢地一隻隻好肥美咁放左入個錫紙兜入面，兜底裝左滿滿既芝士，一邊燒，一邊睇住D芝士溶，然後隻生蠔就浸左入去呢個芝士海入面，食既時候生蠔畀芝士重重包圍，入口生蠔仍食到蠔味，同埋新鮮海產味。另外就係想講下個炸醬麵，勁多醬+青瓜絲+彈牙麵條+蛋，簡直係perfect match！

小女子一向都係韓國男團既忠粉，最近飯上既就係Bigbang既師弟Winner同iKON，佢地都係經過好多輪淘汰戰先有機會出道，不過外界成日將佢地兩隊做比較，記得Winner成員講過：Winner係"水冷面"，iKON就係"拌冷面"，前者感性，後者刺激，係完全唔同既！計我話，why not both？？？今日黎到呢間韓國餐廳，我就揀左"Winner"，哈哈……天氣熱嘛，最啱梗係食水冷面啦，好鍾意佢既面條超Q彈爽口，浸住面條既冷湯汁好pure，飲落非常清淡，加上有清清甜甜既梨片、醃白蘿蔔、青瓜同蛋，最特別既口感係黎自個湯汁，入面有冰碎，所以夠晒凍！成碗面解膩又飽肚，唔錯，食完個人都醒一醒！

已經是連續兩日食韓國的食物了，而且還是韓國的鐵板燒。看韓劇時，燒板旁有坑倒蛋漿的那種。因為今天有朋友生日的關係，所以錢包……好像乾了，不過這次錢包乾得很有意思。昨天不斷食肉、肉、肉，都吃得有點兒悶了。不過，這次，有位朋友特意叫了厚L骨($135)來吃，說是十分好吃。既來之，則安之。我試着轉換一種心態來迎接這"肉"與昨天一樣，肉送到來後，在我們燒這骨的時候，亦有店員會來幫忙剪成一塊塊的，方便入口。不過今天這韓國迷教了我如何正確地吃這種韓的烤肉，這，令我對昨天的肉改觀了。朋友帶點嘲笑的跟我說你沒有看韓劇嗎？先拿一片生菜，加點醬，喜歡的話，落點蒜片或是泡菜，再放上已經起出來的肉上去(這次是厚L骨)。哇，這方法真的沒有試過，但吃起上來，肉的味固然溢出，但卻有生菜的爽、醬的咸及微辣、蒜的辛味。感覺當中，肉是主角，菜醬蒜均是配角，而大家一起放入口，配角只有補充肉自己本來的不足，但卻沒有蓋過肉的鮮味。這個感覺有點像我自己喜愛吃的壽司、飯團，雖然澱粉質並沒有在"菜肉包"佔一個很重的地位，但生菜食下去，也會有種包肚的感覺。不錯，感覺日韓的食物有點異曲同工的味道。 

星星熱潮過左，又出套太陽，唔知下一套係咪月亮？週未得我同媽媽食飯，出左糧決定帶佢出街食做下孝子，問佢想食咩，佢竟然話要食韓燒?！真係估佢唔到，呢排成日煲韓劇，而家仲話食韓燒，唔通想做阿豬媽？阿豬媽仲指明要試電視介紹過個爐邊有芝士同蛋果隻tim 我好少睇電視同食韓燒個wor, 你講緊乜呀………?係op search 左一輪，終於比我揾到佢講既野，咁岩阿豬媽話想去尖沙咀永安行下，就揀尖沙咀炑八試下啦~點知永安好似死城咁，行左半個鐘就走左，先五點幾鐘，又落住雨，唯有早d去食飯啦~去到唔駛等位即刻有得入，我同阿豬媽都未試過呢種韓燒（對上一次食已經係五六年前自助任食，食完成身燒肉味果d），侍應話比我地知前菜爐邊蛋芝士粟米都係可以免費refill, 阿豬媽隻眼發晒光，我睇緊餐牌既時候佢已經不停係度食d前菜……阿豬媽幾年前戒左牛，呢度d海鮮又唔係好吸引，於是叫左個厚切五花腩同雞肉，驚唔夠飽諗住叫多樣熟食，阿豬媽即刻發揮慳家本色，話唔夠飽就食多幾轉前菜……真係唔知好嬲定好笑~主角厚切五花腩上場，初時諗住得150g會唔會好少，原來都幾大舊個喎，仲好细心幫你中間切開左幾刀，呢個時候阿豬媽仲同d前菜搏鬥緊

I wanted to eat Korean food today! I brought my fds here to hv a try since the comments of this restaurant were quite well! First, i ordered Korean eel because I love eel so much! The eel is so fresh and it doesnt have strong fishy smell(that's good becoz i hate this smell). The amount of eel is suitable for 3-4 ppl to eat. The staff also provide some vegetable, ginger and some sauce for us. The skin of eel was fried to be crisp and the fish matched with the spicy sauce! This dish was really del

最近迷上了韓國菜，亦很想在香港多嘗一次在韓國嘗過的拌飯，便和友人拜訪了這所位於尖沙咀的韓國特色料理我們一人點了一個韓國雜綿伴飯($98)，另外二人夾份要了個芝士泡菜煎餅 ($90)。因為怕熱氣的關系，我們没有點烤肉。這個拌飯微冷，配上芝麻，蛋，青瓜絲紫菜及醬汁，十分清新爽口，讚芝士是韓國菜的重點，配上泡菜和香草，味道很夾，很韓國! 不太辣，我不太吃辣的也能吃!點的食物都很滿意，價錢比在韓國吃的高，但在香港吃的話也不算高。拌飯有韓國的水準，真的值得一試!